Post: #1
Title: اثيوبيا تحظر سلعة البصل السوداني
Author: زهير عثمان حمد
Date: 04-26-2017, 08:37 PM
Parent: #0
07:37 PM April, 26 2017 سودانيز اون لاين
زهير عثمان حمد-السودان الخرطوم
مكتبتى
رابط مختصر نهر النيل: خرطوم بوست
كشف حاتم السماني الوسيلة والي ولاية نهر النيل الوسيلة عن حظر دولة أثيوبيا لسلعة البصل السوداني دون إبداء أية أسباب.
وقال الوسيلة في تصريحات للصحفيين اليوم عقب افتتاح مدينة الشيخة بنت حمد عبد الله العطية لرعاية الايتام في مدينة الدامر بولاية نهر النيل، أن وفدا من ولايته سيغادر إلى إثيوبيا في الأيام القادمة لحل الأشكال.
وأضاف أن إنتاج الولاية من البصل هذا الموسم بلغ مئات الأطنان شاكيا من عدم وجود مخازن تبريد بالولاية.
|
Post: #2
Title: Re: اثيوبيا تحظر سلعة البصل السوداني
Author: عليش الريدة
Date: 04-26-2017, 08:54 PM
Parent: #1
إن شاء الله يا زهير يحلوها،الزومة مضايقي.
|
Post: #3
Title: Re: اثيوبيا تحظر سلعة البصل السوداني
Author: Frankly
Date: 04-26-2017, 09:10 PM
Parent: #1
كم تكلف مخازن البصل المبردة؟
لو كانت هناك إرادة سياسية فحتماً يمكن بكل سهولة توفيرها وتشييدها سواء كان بدعم القطاع الخاص وتحفيزه أو بشراكة حكومية والبنك الزراعي
مشكلة سلعة البصل والبطاطس في السودان هي في التخزين وعدم التخزين يعني ذلك الفارق الكبير جداً بين سعر البصل أيام الإنتاج شهر أبريل/مايو (80-200 جنيه) وبين سعره أيام الندرة شهر نوفمبر/ديسمبر (800 - 900 جنيه) من كل سنة
التصدير في وقت الوفرة قد يجزي بعض المزارعين ولكنه يفاقم من الوضع في أيام الندرة ويرتفع سعره لما فوق ال900 جنيه للجوال
التخزين يمكن أن يحافظ على سعر مجزي ومعتدل طوال السنة ويمكننا تصدير الفائض من الموسم الماضي.
|
Post: #4
Title: Re: اثيوبيا تحظر سلعة البصل السوداني
Author: عليش الريدة
Date: 04-26-2017, 09:15 PM
Parent: #3
ويمكننا تصدير الفائض من الموسم الماضي.
ــــــــــــــــــــــــــــــــــــــــــــــــ
فرانكلي عليك الله روّق شوية،إنت من قلت الروس جايين يشيلوا بصل،أنا طوالي كلمت المزارعيين الجنبي،
ولي هسّ ترانا منتظرين..
فاااشنو ماتجيب لينا سيرة التصدير دي تاني...
*قريت في بوست إنو الإمارات بتستورد جرجير،معقولة بس؟
|
Post: #5
Title: Re: اثيوبيا تحظر سلعة البصل السوداني
Author: sadig mirghani
Date: 04-26-2017, 10:51 PM
Parent: #1
ابو الزهور
حسب الخبر مئات الاطنان
نحن اولى
|
Post: #6
Title: Re: اثيوبيا تحظر سلعة البصل السوداني
Author: عليش الريدة
Date: 04-27-2017, 04:34 AM
Parent: #5
ياصادق لازم الشغلانة تكون مجزية للمزارع،عشان يستمر،زراعة البصل مرهقة بدنيا وماديا،وفي فترة إنتاجو بكون أكتر من الطلب
المزارعين عارفين خبر إنو أثيوبيا وقفت استيراد البصل،إنت عارف عندنا ناس من نهر النيل بمشوا يزرعوا بصل في أثيوبيا،
قالوا الشغلانة مربحة جدا جدا..
أنا خايف بعد شوية الأثيوبيين ذاتن يشبكونا جلابة جلابة ههه
*بالمناسبة يافرانكلي ،ناس جياد عملوا مخزن تبريد ضخم في شندي
|
Post: #7
Title: Re: اثيوبيا تحظر سلعة البصل السوداني
Author: محمد إبراهيم علي
Date: 04-27-2017, 06:12 AM
Parent: #6
الهنود هم ابرع ناس في الحلول البسيطة الغير مكلفة
الفي الصورة دي مخازن لتخزين البصل لفترات طويلة نسبيا وتقلل الفاقد بنسبة كبيرة جدا
اهم حاجة في تخزين البصل هي التهوية الجيدة والحفظ من الامطار و الفيران
المزب ده ما بكلف كتير وممكن يتعمل بدل طريقتنا بتاعت يكفو الشوال على خشمو
|
Post: #8
Title: Re: اثيوبيا تحظر سلعة البصل السوداني
Author: بابكر قدور
Date: 04-27-2017, 07:22 AM
Parent: #7
الأخ محمد إبراهيم علي
لك الود والتحايا الطيبات
الفكرة التي نقلتها ومدحتها عن الهنود ربما يكونوا قد أخذوا التجربة من السودان
من المعروف جداً أن البصل في السودان يخزن فيما يعرف بـ (السيداب) وهو
نفس الفكرة التي نقلت صورها وكلمة السيداب هي كلمة بيجاوية تطلق على
السرير في منازل البجة وهو يختلف عن العنقريب في أنه يقوم على أوتاد (شعب)
صغيرة ترفعه عن سطح الأرض لأكثر من متر قليلاً وهو يشيد في غرفة معروفة
في السودان بـ (ضهر تور) أي ظهر الثور وبنفس الوضع يبنى ظهر الثور دون
أن تكون له جدران (سوج) ويخزن عليه البصل ويكون مفتحاً من جميع الجهات
عدا السقف ...... مع التحيات
|
Post: #9
Title: Re: اثيوبيا تحظر سلعة البصل السوداني
Author: بابكر قدور
Date: 04-27-2017, 07:34 AM
Parent: #8
وأضاف أن إنتاج الولاية من البصل هذا الموسم بلغ مئات الأطنان شاكيا من عدم وجود مخازن تبريد بالولاية
___________________________________
الأخ أبو الزوز
وجميع الإخوة المتداخلين
السيد حاتم السماني استخدم عبارات دقيقة هي أنه شكى من عدم وجود مخازن تبريد بالولاية
وعلى الرغنم من أنه حاكم لم يعد ببناء مخازن تبريد وأنه فقط شكى من عدم وجود المخازن
وعلى فرضية بناء مخازن التبريد فبماذا تدار في بلد عاجز تماماً عن توفير كهرباء تكفي
لإضاءة المصابيح ؟ نوعية البصل التي تزرع في الشمالية وأعني بالشمالية المنطقة الممتدة
تقريباً من شلال السبلوقة وحتى حلفا القديمة .. هذه النوعية تخزن في باطن الأرض فقط
بإيقاف الرى عنها .. وهي التي تمد السوق في الفترة من بداية الخريف حيث تقل كمية البصل
لدرجة تصل العدم في الفترة من سبتمبر أكتوبر ونوفمبر ليبدأ الإنتاج الجديد من جهات السودان
المختلفة لتدور العجلة مرة أخرى .... تجارة البصل بين السودان - إثيوبيا وإرتريا لم ولن تتوقف
فإذا توقفت من المنافذ الرسمية فهناك منافذ أخرى معروفة.... مع التحيات ....
|
Post: #10
Title: Re: اثيوبيا تحظر سلعة البصل السوداني
Author: عليش الريدة
Date: 04-27-2017, 07:46 AM
Parent: #9
هي التجارة البينية من ناحية واقفة واقفة،لأن الأسعار متدنية..والسودانيين عادة ماقعد يخشوا جوة ببيعوا في القلابات..
غايتو المزارعين السودانيين البمشوا يزرعوا هناك بقولوا الرئيس الأثيوبي منع الاستيراد دعما للمزارع المحلي..
وبقولوا كمان إنو سعر الأردب هناك مايعادل 2000 جنيه سوداني..
لو لقينا بوردابي في أثيوبيا كان أفتانا...
|
Post: #11
Title: Re: اثيوبيا تحظر سلعة البصل السوداني
Author: عبد العزيز محمد عمر
Date: 04-27-2017, 08:08 AM
Parent: #10
الحظر دا ما ساكت كدا.... الأثيوبيون أيضا لهم مقايسس ومواصفات
الخلل يعرفه المزارعون والتجار .......
|
Post: #12
Title: Re: اثيوبيا تحظر سلعة البصل السوداني
Author: Mohamed E. Seliaman
Date: 04-27-2017, 10:54 AM
Parent: #11
ربما خوفا من تدفق البصل من مصادر (((((غير سودانية))))) عبر السودان إلى إثيوبيا !!
_______________
واضحة موش؟
|
Post: #13
Title: Re: اثيوبيا تحظر سلعة البصل السوداني
Author: Abu Baker Ahmed Abdel Rahman
Date: 04-27-2017, 12:47 PM
Parent: #12
الأخ محمد إبراهيم علي
عمنا قدور
تحياتى للجميع
طريقة السيداب متبعة٠ واحدة من عيوبة انها مكلفة٠ غير المواد فى عملية اسمها القلبة، مكلفة لى الزمن٠ كل فترة تقلب بى معنى تفرز من جديد كل فترة واخرى
|
Post: #15
Title: Re: اثيوبيا تحظر سلعة البصل السوداني
Author: بابكر قدور
Date: 04-27-2017, 01:00 PM
Parent: #13
الأخ أبوبكر
لك الود والتحايا الطيبات
نعم هناك عملية التقليب وهي ضرورية خاصة وأن البصل يخزن في فترة الصيف وهي
فترة ترتفع فيها درجات الحرارة فضلاً عن أن التقليب تصحبه عملية تنظيف الريش
وعزل البصلة المصابة واتفق أيضاً معك في أن تكلفة البناء ربما أصبحت مكلفة الآن
ولكن أعتقد أن السعر أيضاً مجز. ... مع تحياتي وتقديري ....
|
Post: #14
Title: Re: اثيوبيا تحظر سلعة البصل السوداني
Author: عليش الريدة
Date: 04-27-2017, 12:51 PM
Parent: #12
وأضاف أن إنتاج الولاية من البصل هذا الموسم بلغ مئات الأطنان شاكيا من عدم وجود مخازن تبريد بالولاية.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مئات الأطنان دي ماصحيحة،الانتاجية أعلى من كدا بكتير
*يامحمد لو قاصد مصر،بقوليك الكلام نهائي ماقعد يحصل..
|
Post: #16
Title: Re: اثيوبيا تحظر سلعة البصل السوداني
Author: عليش الريدة
Date: 04-27-2017, 01:10 PM
غايتو المؤشرات بتقول إنو أسعار البصل لهذا الموسم مرشحة لارتفاع جنوني،لكن بعد شهرين من الآن.
|
|