Post: #1
Title: الآن حصحص الحق سيدي الرئيس ..
Author: محمد حيدر المشرف
Date: 04-24-2017, 11:57 AM
10:57 AM April, 24 2017 سودانيز اون لاين
محمد حيدر المشرف-دولة قطر
مكتبتى
رابط مختصر
سبق وطالبتك بمكتبة كغيري من صفوة كتاب المنبر وبعض الرجرجة والدهماء .. ولقد وعدت بذلك في اقرب فرصة ممكنة يا بكري .. الكلام ده كان قبل سنة او اكثر ..
الآن حصحص الحق وانجلت الحقيقة امام ناظري ..
انت لا تريد منحي مكتبة ..
وأعتقد أن لهذه المسألة خلفية ما ..
أنا شبه متأكد من ذلك بالرغم من عدم قدرتي على ادراك ماهية هذه المسألة ..
وعليه اعلن سحب رغبتي بامتلاك مكتبة ولسان حالي يقول:
الفيك اتعرفت يا ريس !!!
|
Post: #2
Title: Re: الآن حصحص الحق سيدي الرئيس ..
Author: بشير أحمد
Date: 04-24-2017, 12:13 PM
Parent: #1
ليه كده يادوك..انا افتكرتها حاجة تانية ..
كع كرع..وماشابه
_______
تحياتي؛؛
|
Post: #3
Title: Re: الآن حصحص الحق سيدي الرئيس ..
Author: أيمن محمود
Date: 04-24-2017, 12:16 PM
Parent: #1
ما هو يا يدي الناس كلها (الصفوة والرجرة) يا ما يدي زول جديد.
تأسيا بالماضي ...
يا اما تبقى مسألة غير عادلة
-
اعتقد المشكلة فنية اكتر من كونها متعلقة بالخلفيات!
|
Post: #4
Title: Re: الآن حصحص الحق سيدي الرئيس ..
Author: nour tawir
Date: 04-24-2017, 01:47 PM
Parent: #3
أنا برضو افتكرته موقف ضد الحكومة..
ولكن القصد من العنوان جذب القراء...
لآن ثقتنا فى موقفك الوطنى لا يتسرب اليها الشك...
تابع بكرى..
وراه وراه..
أنا برضو أكتب هنا منذ عام 2004..
و مكتبتى فارغة...
وعليه بكرى فى الاخر حيسمعك ويديك المكتبة...
ودخلنا للتحية و المجاملة و المتابعة...
|
Post: #5
Title: Re: الآن حصحص الحق سيدي الرئيس ..
Author: باسط المكي
Date: 04-24-2017, 02:06 PM
Parent: #4
يااااااازول ياراسيات الجبال المابتزحزح
|
Post: #6
Title: Re: الآن حصحص الحق سيدي الرئيس ..
Author: ود الباوقة
Date: 04-24-2017, 02:08 PM
Parent: #5
ربما بوادر انضمام للحق
ودعمي المشرف
الفال تحت اللسان
وشكرا
|
Post: #7
Title: Re: الآن حصحص الحق سيدي الرئيس ..
Author: محمد مجيدو
Date: 04-24-2017, 02:11 PM
Parent: #1
يا دوك ... ما عليك الا ان تعلن التمرد .. وتخش الغابة ...
عااالم بطااالة ...
|
Post: #8
Title: Re: الآن حصحص الحق سيدي الرئيس ..
Author: محمد حيدر المشرف
Date: 04-24-2017, 02:33 PM
Parent: #1
هههههه ..
تحياتي يا صاحبة يا نور ويا صحاب ..
باسط والذين معه ..
باشمهندس ايمن ..
سعادة اللواء
ودكتور بشير
وقريبي عمر
استبدت بي شهوة العبث والسخرية ليس الا .. ...
وكويس انو الواحد صحاك من قيلولتك الراتبة يا عمر ..
موضوع المكتبة ده عابر جدا بالمناسبة .. جميع مقاراباتي نحوه تدخل في باب السخرية ..
|
Post: #9
Title: Re: الآن حصحص الحق سيدي الرئيس ..
Author: درديري كباشي
Date: 04-24-2017, 02:40 PM
Parent: #8
دي حصحصة كاذبة يا دكتور
زي الجدري الكاذب وهو الحصبة يعني
|
Post: #10
Title: Re: الآن حصحص الحق سيدي الرئيس ..
Author: محمد على طه الملك
Date: 04-24-2017, 02:41 PM
Parent: #8
ما قومت نفسي لإني مالي يدي منك ..
بس قومت نفس ود الباوقة جا طاير عاضي قميصو ..
نحن دفعة في المنبر يا دوك .
|
Post: #11
Title: Re: الآن حصحص الحق سيدي الرئيس ..
Author: أحمد الشايقي
Date: 04-24-2017, 02:43 PM
Parent: #8
شكرا دكتورنا,
عبارات ترد دائما في خطابات التهييج أو خطابات (تغيير المواقف) (سيان)
مثال :
الآن حصحـص الحــق
حان وقــت الــ ..............
الغريبـة الحق دا بـ (يحصحص) والوقت بتاع (شنو داك) بـ (يحــيــن) بس على كيف كيفهــم
لما يكون (زيتنا طالع) اقصد (زيت الشعب) طالع ... يقول ليك (الوقت غير مناســب) ولماذا (اخترتوا) الوقت ذا (بالذات)
وليهـم طبعاً ... (غفور رحيـم) يختاروا وقت (انحصاصـة) الحق دي أو (حيون) الوقت داك (وكت ما دايرين)
ما ب (يدهــم القلـم) والسلاح طبعــن
احسن خلينا (نجاوط) ليك بكري دا اصلوا مقدور عليهو
أحمد الشايقي
|
Post: #12
Title: Re: الآن حصحص الحق سيدي الرئيس ..
Author: محمد حيدر المشرف
Date: 04-24-2017, 02:58 PM
Parent: #1
ليس في العام 2017 ..
وما تبقى من اقل قليل الوطن مطروح للسمسرة ,, وللذين هم يدفعون .. وللفاسدين .. وساء أولئك رفيقا ..
سيأتي اليوم الذي لن يجد فيه اطفال السودان موطيء قدم في السودان .. وطن يباع ويشترى في السوق .. وعلى عينك يا تاجر ..
هو تأريخ من الدم والجريمة المنظمة والمطاردة والافقار والتهجير والتعذيب والتقتيل والفساد .. تأريخ بذيء .. شديد البذاءة في الواقع .. ولا اعلم كيف لاحدهم ان يختار طوعا ارتداءه
كيف لك ان تتطلع لصورة مصعب مثلا ؟
على فضل
التاية
محمد عبدالسلام
منعم رحمه
طارق
شهداء رمضان
على سبيل المثال ..
ناهيك عن عشرات الآلاف من الضحايا في دارفور وجبال النوبة وكجبار و .. و ضياع الجنوب, ذلك الجرح البليغ في خارطة الوطن الاليفة ..
تطول القوائم ..
يطول الحزن بطول الفجيعة التمتد فينا بطول الليالي الطوال
وانت عشقي ..
حيث لا عشق يا سودان الا النسور الجبال ..
على كلٍ سنبقى على قيد الحلم بوطن نضيف.
|
Post: #13
Title: Re: الآن حصحص الحق سيدي الرئيس ..
Author: sadig mirghani
Date: 04-24-2017, 04:04 PM
Parent: #1
حتى انت يابروتس
قررررربت
أنا قلبي رف من ودالصايم
يقوم يقلب
|
Post: #14
Title: Re: الآن حصحص الحق سيدي الرئيس ..
Author: مني عمسيب
Date: 04-24-2017, 05:31 PM
Parent: #13
التحية لك الكلس الراكز ود المشرف وضيوفك الكرام ..
يا ود الباوقة ما دايرة اقول ليك كرهتني الرجال لكن حقيقة
كرهتني عيشتي !!!
اطير وين انا وامشي وين من ود الباوقة ؟
|
Post: #15
Title: Re: الآن حصحص الحق سيدي الرئيس ..
Author: adil amin
Date: 04-25-2017, 03:26 AM
Parent: #14
يعملو ليك مكتبة ليه؟
يا مهبب..عقاب شيوعيين تتفلفس ساكت في البورد..عاطل عن المواهب..والرجرة احسن من البروز برضه ..
فعلا الما ببقي نفسه زول ما في زول ببقيه
نيران صديقة
|
Post: #16
Title: Re: الآن حصحص الحق سيدي الرئيس ..
Author: عبداللطيف حسن علي
Date: 04-25-2017, 03:58 AM
Parent: #15
لو المكتبة من اجل القراء دا موضوع تاني
اما من اجل نفسك فيكفي حفظ الروابط
احيانا مداخلاتنا اجمل من بوستات كتبناها
دي يحلها الحل بلة
|
Post: #17
Title: Re: الآن حصحص الحق سيدي الرئيس ..
Author: الطيب رحمه قريمان
Date: 04-25-2017, 08:57 AM
Parent: #16
تحياتى اخى المشرف ..
ويا باشمهندس بكرى ابو بكر .. انا اضم صوتى للمشرف و اطالب بمكتبة .. باسمى ..
طال الانتظار ..
الطيب رحمه قريمان
|
|