Post: #1
Title: شكرا سودانيز
Author: جلالدونا
Date: 04-24-2017, 04:13 AM
Parent: #0
03:13 AM April, 24 2017 سودانيز اون لاين
جلالدونا-
مكتبتى
رابط مختصر اولا التحية و التقدير لكل الاخوة و الاخوات فة هذه
الدوحة العامرو باهلها
و برغم الحزن الذى سكن الدواخل الا انه و الحق يقال
فقد سعدت برؤية و صحبة الزملاء
عثمان عووضة
محمد المسلمى
صلاح الزبير
|
Post: #2
Title: Re: شكرا سودانيز
Author: جلالدونا
Date: 04-24-2017, 04:24 AM
Parent: #1
كما سعدت مسامعى باصوات الزملاء
معاويى الزبير
عبدالحفيظ ابوسن
على دفع الله
تراجى مصطفى
هيثم غالى
ابوبكر عباس
حامد بدرى
عبدالله ود البوش
طبعا معاوية المدير ما محسوب فتواصلنا بلا حدود
|
Post: #3
Title: Re: شكرا سودانيز
Author: يحي قباني
Date: 04-24-2017, 04:45 AM
Parent: #2
بالله تتذكر تراجي و عم عكس و ما تتذكرني ...
لينا الله انحنا يا جلّي ...
|
Post: #4
Title: Re: شكرا سودانيز
Author: جلالدونا
Date: 04-24-2017, 05:04 AM
Parent: #3
يا قبانى تحياتى ليك
و لا ينكر فضلكم الا مكابر
ما نسيتك و الله لكن بتكلم عن فترتى الفى السودان
ياريت كلنا نشوف بعض او نتواصل مع بعض
عشان حاجات كتيرة تذوب
وزى ما قال عووضة
فى سودانيز اون لاين دى
زول ما شفتو ما تحكم عليهو
العجوز طلع يمتلك بعض الحكمة
|
Post: #5
Title: Re: شكرا سودانيز
Author: يحي قباني
Date: 04-24-2017, 05:19 AM
Parent: #4
الفضل لله وحده ياخي
مشاغلة ليس إلا يا حبيبنا
و رحم الآه الوالدة رحمة و تسعة و اسكنها فسيح جناته ان شاء الله ...
بالله لاقيت ( عمي ) عثمان عووضة ... يا سلاااام ياخ ...
|
Post: #6
Title: Re: شكرا سودانيز
Author: عبدالحفيظ ابوسن
Date: 04-24-2017, 05:36 AM
Parent: #5
وسعدنا بك
ادام الله المودة
وعمنا عثمان عووضة من الكهول اللطيفين
|
Post: #7
Title: Re: شكرا سودانيز
Author: Haytham Ghaly
Date: 04-24-2017, 05:45 AM
Parent: #6
ادام الله التواصل يا ابو الجل يا اصيل
وسعدت انا ايضاً بسماع صوتك
وتمنياتي وعشمي في الدنيا ان نلتقي جميعاً
في رحاب الوطن الحبيب يوماً ما
نتمناه ان يكون قريباً
تحياتي
|
Post: #8
Title: Re: شكرا سودانيز
Author: Salah Zubeir
Date: 04-24-2017, 07:08 AM
Parent: #7
شكرا" سودانيز .... بعد محادثه صباحية مع الركن ود اب سن الذي أتاح لي فرصة تلاقي الأعزاء وفي رسالة واتسابية سألني (أها لميت فيهم) فرديت
ااااازول والله يا حفيظ جلسنا جلسه حلوه ومحضوره أمتدت زهاء الثلاث ساعات برفقة الزول السمح عثمان عووضه والفارس المونساتي جلالدونا والسلفي محمد المسلمي والكوز صلاح الزبير والضيف رفقة جلال ... طبعا" لم نقادر حوش بكري قيد انمله وطافت بنا زكريات كبير الكروراب ود عووضه ومناكفات المونساتي جلالدونا مع البرادعي دينق والكوز حاليا" البعثي سابقا" ود الباوقه وحقيقة تموين بيت الأشباح بواسطة الكوز سابقا" والسلفي حاليا" ود المسلمي ولم ينسو الدشمان الذي دار بيني وبين المناضل سابقا" والبلموني حاليا" معاوية الصائم ... يا سلام يا حفيظ تقرأ ما يكتبه الناس وانتا بتتخيل فيهم يطلعوا هم زاتم ... دا من وحي كلامك صباح اليوم ... ومن وحي كلمة الكرور ود عووضة في عدم اتخاذ اي مواقف سالبة تجاه اي شخص فيما يكتب في حوش بكري دا ... غايتو ربنا يجمعنا بيك قريبا" ونتشاوف في الدنيا دي ...
|
Post: #9
Title: Re: شكرا سودانيز
Author: Salah Zubeir
Date: 04-25-2017, 01:54 PM
Parent: #8
غايتو أكان الصورة طلعت بيكون واضح فيها الكوز السلفي ممون بيوت الأشباح الشيخ محمد المسلمي وهو يشرح للغواصة جلالدونا كيفية جمع المعلومات من إجتماعات بورداب امريكا الشمالية وإرسالها للقيادة عبر الشبكات الآمنة تحت سمع وبصر المناضل سابقا" الكرور حاليا" عثمان عووضه...
جلسنا نحن بعض من بورداب سودانيز في محل اولاد امدرمان في الركن الجنوبي الشرقي لمطار الخرطوم بقيادة كبير الكروراب ود عووضه وكانت جلسه محضوره بي شيخنا ود الكباشي يلحقنا ويفزعنا و الفارس الهمام جلالدونا وشخصي ...
ما لفت انتباهي المكان المجهز بكل سبل الراحة والخصوصية مؤمنه بي غرف مكندشة وأسماء أحياء العاصمة في كل غرفة بالإضافة للخدمات الأساسية من لحوم حية تشوي وتطبخ علي حسب الطلب والاكسيسريس من ام فتفت والكبدة بأنواعها (ضان عجالي جمل) والعسلية (لم تكن متوفرة) و الببسي مع الغباشه وسراويس البطيخ والختام بالقهوة الحبشية بكامل اناقتها ... مكان سياحي مميز جدا" بتكلفة معقوله (كل الهيلمانة دي ب 30 لي 35$)
مساعدة لتنزيل الصورة ...
MG]https://a.top4top.net/p_4801grh20.jpg[/IMGhttps://a.top4top.net/p_4801grh20.jpg[/IMG]
|
Post: #10
Title: Re: شكرا سودانيز
Author: عمر أبوعاقلة
Date: 04-25-2017, 03:27 PM
Parent: #1
مفارقة الوالدة أمر جلل وفقد عظيم بلا شك
ويظل اليقين أن الله وضع تحت أقدامهن جنة عرضها السماوات والأرض
أسأل الله أن يجمعنا بهم في جنات الفردوس الأعلى
وجبر الله كسركم أخي جلال
التحية لك ولضيوفك في هذا الخيط الحزين
مودتي
|
Post: #11
Title: Re: شكرا سودانيز
Author: Hani Arabi Mohamed
Date: 04-26-2017, 05:20 AM
Parent: #10
رحم الله الوالدة وغفر لها واسكنها فسيح جناته
يعني انت تجي السودان وترجع ونحن ما نسمع بيك إلا بعد نصل القاهرة !
دا شنو !
|
Post: #12
Title: Re: شكرا سودانيز
Author: علي دفع الله
Date: 04-26-2017, 06:03 AM
رجعت ولا لسع ضارب الارياف
خلاص ابقى مارق تعال البندر بندور نلاقيك ..
|
Post: #13
Title: Re: شكرا سودانيز
Author: جلالدونا
Date: 05-01-2017, 02:16 PM
Parent: #12
Quote: الفضل لله وحده ياخي مشاغلة ليس إلا يا حبيبنا
و رحم الآه الوالدة رحمة و تسعة و اسكنها فسيح جناته ان شاء الله ...
بالله لاقيت ( عمي ) عثمان عووضة ...
يا سلاااام ياخ ... |
و نعم بالله يا قبانى الذى لا يحمد على مكروه سواه
العم عثمان عووضة رجل يندر ان تجد مثال له
استمتعت برفقته و الاخوين المسلمى و صلاح الزبير
ناس زى الورد اريجا ود و محبة
|
Post: #14
Title: Re: شكرا سودانيز
Author: Salah Zubeir
Date: 05-01-2017, 03:40 PM
Parent: #13
ياخي حمدله علي السلامة وانشاالله عقابك لقيتم طيبين
واسف جدا" ما قدرتا أودعك لأنو غتستا في الشغلانية
البدت يوم الأربعاء. انشاالله نتلاقى في ساعة خير
ووقت أوسع.
|
Post: #15
Title: Re: شكرا سودانيز
Author: جلالدونا
Date: 05-01-2017, 04:15 PM
Parent: #14
Quote: وسعدنا بك ادام الله المودة
وعمنا عثمان عووضة من الكهول اللطيفين |
مرحب حفيضو
لا شك فى ذلك
و انت لا تقل عنه لطفا و كياسة
ياخى انا الاسعد بيكم
و ربنا يديم المودة
مووجعانى عدم شوفتكم
و بالتأكيد حنتقابل لو ربنا مد فى الايام
|
Post: #16
Title: Re: شكرا سودانيز
Author: جلالدونا
Date: 05-02-2017, 12:24 PM
Parent: #15
Quote: ادام الله التواصل يا ابو الجل يا اصيل
وسعدت انا ايضاً بسماع صوتك
وتمنياتي وعشمي في الدنيا ان نلتقي جميعاً في رحاب الوطن
الحبيب يوماً ما نتمناه ان يكون قريباً تحياتي |
هيثم يا غالينا
يا ريت و الله و فى انتظار ذلك
و فى وطن طيب و معافى و خالى من الكيزان
برغم العنت و المكابدة , يظل انسان السودان
هو ذلك السودانى الشهم الاصيل
وان جار عليه الزمان
تحياتى يا صاحب
|
|