جسر جوي قطري ينقل الاثار السودانية!!!!

08:31 AM April, 23 2017 سودانيز اون لاين
ياسر منصور عثمان-
مكتبتى
رابط مختصر
افادت مصادر مطلعة بأن قطر اقامت جسر جوي بين ولايتي نهر النيل والشمالية لنقل الاثار السودانية إلى الدوحة
وافادت تلك المصادر بأن الاثار يتم تجميعها في قرية الايتام في مدينة الدامرعاصمة ولاية نهر النيل ثم تنقل مباشرةً إلى اماكن محصنة في العاصمة القطرية الدوحة
وان واليا الولايتان يشرفان شخصياً على هذه العملية بالتنسيق مع السفارة القطرية في الخرطوم
وان زيارة الامير الوالد تقع ضمن البرنامج المعد لتنفيذ العملية ..

يا اخي تخ
تباً لمن لا يفرق بين (المؤتمر الوطني) و (الوطن)..

ترقبوا غداً فرية :

(السعودية تنقل مياه النيل)

يا ناس يا عالم

قطر والسعودية وغيرها من الدول الشقيقة والصديقة تستثمر في السودان
لتحقيق منفعة متبادلة للشعوب

اتركوا الانتماءات الضيقة
وانظروا لمصلحة الوطن

الانقاذ حتماً ستزول
ويبقى الوطن

مع ودي

الاخ ياسر منصور عثمان سلام . .
جو يساعدوه فى دفن ابوه دس المحافير . .
بس خلي لينا لطنقعه والتنظير . .

حبيبنا ياسر .. مودتي ..
يا خي مالك عمك علي خلاص قلبو طار .. عشان بوستيك خليت بوست بيت الخرطوم وجيت جاري
لأنني أذكر في الستينيات كنا في المدرسة الاميرية الوسطي ونذهب رحلات إلى تمبس وهي قريبة من قريتنا ..
كان هناك تمثال منتصب ( قائم ) منذ آلاف السنين .. وضخم جداً ومسماه بالنوبية ( أوقجي ننودي ) معناه الرجل الفحل بالعربي
وحاولوا نقله إلى العاصمة ( المتحف ) وكما الغباء لدى مسئولينا التمثال كان أثقل من حمولة الشاحنة ..
تعرف ماذا حدث ؟ طرحوا التمثال أرضاً وكسروا جزء في وجهه وتركوه هكذا ورجعوا ..
ومازال أوقجي ننودي طريحاً حتى الساعة ..
وشوية كنت عايز إتصل في البلد في كرمة واسأل الشباب في ترحيل آثار من متحف شارلي بونيه ؟؟
وخاصة العائلة الكوشية لأن الشيخة ميساء آل ثاني جاءت وزارت المتحف قبل سنوات طويلة وتبرعت بمبالغ مقدرة
الكلام ده قبل السيسي ومصر ومشاكل قطر ..
قلت الجماعة ديل يكونوا أخذوا العائلة الكوشية .. شارلي البونيه كان حيشمى على طول لمجلس الامن ..
العائلة دي عندما تقف بالقرب منها تشعر أنك جزء منها وديل كانوا مدفونين في ( دوكي قبل )
ممكن تجد صورهم في القوقل ( أنا زول تربال ما بعرف أنقل الصور )

كويس الكلام طلع مزح وهظار ..
نحن ما صدقنا الخواجات بدأوا يزووا حلتنا بعد شوية حنعمل شقق حلوة .. ونعلم الخواجات شرب ( الدكاي ونبيت التمر )
الخواجة كان شرب قرعة واحدة من ( نبيت الشتاء ) تاني ما يرجع أوربا ..

مودتي ياسر ..

اعفي لي يا علي الخلعة...

بس الموضوع خطير ولا يحتمل التأجيل

.....ههههههههه...

مشكور على المرور الانيق
والشكر موصول للشيخة ميساء على فتحها للمزاد

ههههههههههههه

مع ودي

والله يا عمر اخوي ياها البقت علينا

مشكور على المرور

لك التحية اخي ود منصور ..


بما انه احساسي السياسي ما مرتاح ليك ولكن : هههههههه
(السعودية تنقل مياه النيل)
السعودية ما حا تنقل مياه النيل عشان تتعب
السعودية شالت ارض بينيلها ترويها في محلها !

بعدين الكرم الكتييييييير دا موش احسن تخفه عنه شوية ؟

اليك الاهداء :

اختي بت عمسيب

اتمنى لا ان يكون الارتياح مرتبطاً بالسياسي...
فالفضاء الانساني اوسع وارحب

مع ودي

ياسر منصور .. لك التحية والود الذي لايفسد اختلاف
الرأي لها قضية .

اتمنى لا ان يكون الارتياح مرتبطاً بالسياسي...
بوستك سياسي وردي حسب البوست ... لو فتحت بوست
غير سياسي برضو بجيك واشارك بالغة واسلوب تاني ..


مع وافر الود والاحترام ,,

اشكرك اختي منى عمسيب

بالمناسبة وارد جداً يكون اللون السياسي واحد
لكن التعبير مختلف

هههههههههههه

مع ودي وتقديري