Post: #2 Title: Re: مغس مغس يا العزابة Author: عبدالحفيظ ابوسن Date: 04-22-2017, 06:02 AM Parent: #1
قالوا واحد لقا واحد مع مرتو سلا سكينو وسألو حقارة ولا جابك عرم قال ليهو جابني عرم فأطلق سراحه وقال له متفهما عرم حار انا ضوقتو
Post: #3 Title: Re: مغس مغس يا العزابة Author: عبدالحفيظ ابوسن Date: 04-22-2017, 06:05 AM Parent: #2
اها حقو الما ضاق ما يتظر للضايق! الناس الما ضاقت الفقر والعوز وقلة الحيلة والهوان ما ينظر للناس الفقراء المعدمين
Post: #4 Title: Re: مغس مغس يا العزابة Author: عبدالحفيظ ابوسن Date: 04-22-2017, 06:05 AM Parent: #3
الخرطوم (سونا) - امتدحت وزيرة الرعاية والضمان الاجتماعي مشاعر احمد الدولب، المشروعات والبرامج التى ظل يطلقها صندوق مساعدة الشباب علي الزواج، ووجهت الوزيرة بعمل مسح أحصائي ودراسة نسب الطلاق وعزوف الشباب عن الزواج. وتعهدت الوزيرة خلال لقائها فى مكتبها بالوزارة، مدير الصندوق المهندس مهدى محمد احمد حبيب الله، تعهدت برعايتها لبرامج مشروع ثقافة تيسير الزواج والحياة الاجتماعية، مشيرة الى ضرورة التوجيه نحو افتتاح مراكز المودة بالولايات. ودعت على ضرورة استفادة الصندوق من التجارب الخارجية المتعلق بمشروعات الزواج، بالاضافة الى اهمية إدخال كافة الشباب المتزوجين تحت مظلة التأمين الصحي، فضلاً عن تبني القطاع الخاص لمجموعة من الزيجات الجماعية. واشادت بالتنسيق والتعاون بين ديوان الذكاة والصندوق الخيري لمساعدة الشباب على الزواج، معلنة اعجابها بالطفرة النوعية واستحداث المشروعات النوعية التى ظل يبتكرها الصندوق فى سبيل التطوير والارتقاء بالاداء. الى ذلك اطلع مدير الصندوق الوزيرة على كافة الخطط والمشروعات التى تم تنفيذها والاخري التى قيد التنفيذ، مشيراً الى التحديات التى تواجه الصندوق وخاصة المتعلقة بتوفير التمويل لاكمال الزيجات. وامتدح حبيب الله مبادرات الوزارة فى مايتعلق بتقديم الخدمات للشرائح الضعيفة من خلال المشروعات الانتاجية ، بجانب العمل الدؤوب على معالجة قضايا البطالة ومحاربة الفقر فى السودان، مؤكداً الالتزام بالمضى قدماً فى تنفيذ كل خطط ومشروعات احصان الشباب بكل ولايات السودان.
Post: #5 Title: Re: مغس مغس يا العزابة Author: عبدالحفيظ ابوسن Date: 04-22-2017, 06:09 AM Parent: #4
يعرضو برة الدارة ساي هسة دة داير ليهو دراسة ولجان ونثريات وهلمجرا ناقصين بند صرف جديد ما واضح الشباب ليه ما قاعد يعرس العرس البقا قومة وقعدة دة اسألوا اي شاب في محيط اسرتك في سن الزواج وهو في سن الزواج الماعارفها انا كم لكن اسألو بختها ليك واضحة عنزاية بس !
Post: #6 Title: Re: مغس مغس يا العزابة Author: عبدالحفيظ ابوسن Date: 04-22-2017, 06:14 AM Parent: #5
سمعت ! وآفة الحكاوي رواتها ناس الكهربا و زين وبعض الشركات المقتدرة بتشغل الشباب العاطل بعقد سنة غير قابل للتجديد تشعلهم يردوا علي العملاء وشكرا لك علي اتصالك يعني لا يقول انا شغال ولا ما شغال سنة بس ويتطلب الله وتاني مافي ليهو . يجازف في مكان تاني ليه الدولة تقبل بوضع زي لمواطنيها . تحايل راسو عديل
Post: #7 Title: Re: مغس مغس يا العزابة Author: عبدالحفيظ ابوسن Date: 04-22-2017, 06:21 AM Parent: #6
هي دايرة مسح سيادة الوزيرة رسل اي مراسلة بين قوسين قبل ما يبقا مسؤول كبير رسلي سيادتك اي مراسلة للمحاكم ويجيب ليك عرايض طلب الطلاق والنوصيك قولي ليهو ما يكتر الكتابة . كولمين بس اسباب طلب الطلاق عدد الحالات ولا اظن الجرابد بتوزع يوميا للوزارات . اقري سيادتك الاعلانات الداخلية فلانة ضد فلان ليه في الجرايد لأنو المحكمة بعد تطلع الاعلان بتلزمك بنشره في الصحف للمشتكي والمشتكي بشتري الجريدة ويجيبها كمستند
Post: #8 Title: Re: مغس مغس يا العزابة Author: عبدالحفيظ ابوسن Date: 04-22-2017, 06:24 AM Parent: #7
الرك علي المشال دة كلام اهلنا العرس هين العرس بي بليلة بقوم لكن المشال المعيشة
Post: #9 Title: Re: مغس مغس يا العزابة Author: عبدالحفيظ ابوسن Date: 04-22-2017, 06:27 AM Parent: #8
اها انا زي ما قال صحبي علي دفع الله اقف وراء البشير وبكري وكل الكوكبة المنتقاة بس يوفروا لينا حياة تخلي الما عرس يعرس والمعرس ما يفز يمسك حمالتو ويعيش وليداتو الطلقو خلوهم حصلونا نحن ديل
Post: #10 Title: Re: مغس مغس يا العزابة Author: عبدالحفيظ ابوسن Date: 04-22-2017, 06:38 AM Parent: #9
قالوا الزول حاكة معاهو حكة شديدة المرة ماتت شبكو ليك جيب الحنوط جيب الكفن جيب المحلب وهو يخش ويمرق زهجوهو قال ليهم مش الفطيسة حقتكم دي طلقناها
Post: #11 Title: Re: مغس مغس يا العزابة Author: عبدالحفيظ ابوسن Date: 04-22-2017, 06:43 AM Parent: #10
اظنو المتنبي من قال وليس يصح في الافهام شئ اذا احتاج النهار إلي دليل
Post: #12 Title: Re: مغس مغس يا العزابة Author: عبدالحفيظ ابوسن Date: 04-22-2017, 06:51 AM Parent: #11
احصاء شنو يا سيادة الوزيرة دة صرف قروش ساي وحات الله صحي الناس مقشطة شغل مافي قدر الشغل الفي الحكومة قاسماهو مع الناس
Post: #13 Title: Re: مغس مغس يا العزابة Author: عبدالحفيظ ابوسن Date: 04-22-2017, 07:05 AM Parent: #12
لكن يا سيادة عشان ما نودر لجنتك ساي ونرجعك فاضية اعملي لينا احصاء عن تزايد حالات السرطان تزايد حالات الفشل الكلوي تزايد حالات الاصابة بالسكري وامراض القلب اقلاها ديل فيهن فايدة نعمل حسابنا مع انو في اجتهادات ساي من الناس ناس يقولو شنو وناس يقولو شنو اها دايرين سيادتك تنجضي الموضوع واقترح تستعينو بطلاب الجامعات . ما شاء الله الجامعات مالية البلد اها ديل بدوك داتا من كل مناطق الجامعات وبعدينك انتو شوفو وحللو المعلومات . برضو اعتمدي علي الجامعات الفيها دراسة الاحصاء بدوك نتيجة بيرفيكت منها تستفيدو والطلاب يستفيدو ونحن نستفيد
Post: #14 Title: Re: مغس مغس يا العزابة Author: باسط المكي Date: 04-22-2017, 07:34 AM Parent: #13
مغس مغس يالعزابة بوست روعة
Post: #15 Title: Re: مغس مغس يا العزابة Author: عبدالحفيظ ابوسن Date: 04-22-2017, 11:01 AM Parent: #14
انت الاروع باسط كتر خيرك
Post: #16 Title: Re: مغس مغس يا العزابة Author: عمر أبوعاقلة Date: 04-22-2017, 11:31 AM Parent: #1
الزبدة في الموضوع:
Quote: امتدحت وزيرة الرعاية
Quote: وامتدح حبيب الله
غايتو يوم بكتبوك مهرجل مودتي المعتادة
Post: #17 Title: Re: مغس مغس يا العزابة Author: عبدالحفيظ ابوسن Date: 04-22-2017, 11:45 AM Parent: #16
غايتو يا ابو عاقلة مرقت كيت من مداخلتك اخوك درجة الحرارة تفور الاستك زي ما قالت النكتة تفسخ الخطوبة خلي الجلد الوزيرة نديها حق وظيفتها مافي كلام لكن برضو نقول رأينا المهم نحن قلنا شنو وش زي الوش هههه الهرجلة دي امكن ولن ترض عنك اليهود ولا النصاري حتي تتبع ملتهم انا مع الوطن وفق فهمي ولك ودا مثل ودك ومحبة
Post: #18 Title: Re: مغس مغس يا العزابة Author: عباس محمد عبد العزيز Date: 04-22-2017, 01:23 PM Parent: #17
ابوسن تحياتى وسلامى
الاغنية بتقول مغس فول عدس
يا اخى اين هو الفول والعدس ناس الحكومة تعبانين من طلبات الشعب السودانى نخترح عليهم اجازة طويلة لمدة سنتين ثلاتة وهنالك من هو خبير فى حلحلة هذه المشاكل البسيطة فقط تحتاج عقلية ذات الابعاد الثلاثية تمت شايل الشيلة
Post: #19 Title: Re: مغس مغس يا العزابة Author: قسم الفضيل مضوي محمد Date: 04-22-2017, 01:52 PM Parent: #18
هاك شوف العزابي دا فلسفا كيف يا حفيظ ؟؟؟ (من الواتس) ... . . عزابي حياتو كلها قاعد في ميز مع مجموعة قام اتزوج ورحل منهم سكن هو وزوجتو براهم ... قامو اصحابو العزابه سجلو ليه زيارة وفي اثناء الفرفشه والمرح سالو ... اها الزواج كيف استقرار مش؟ قال ليهم هو عبارة عن ميز صغير فيهو نفرين واحد بدفع والتاني مابدفع والغريبه انو الما بدفع عامل فيها رئيس الميز 😂😂😂
Post: #20 Title: Re: مغس مغس يا العزابة Author: عبد المنعم سيد احمد Date: 04-22-2017, 02:42 PM Parent: #19
Post: #21 Title: Re: مغس مغس يا العزابة Author: عبد المنعم سيد احمد Date: 04-22-2017, 02:43 PM Parent: #20
انت يا منعم عارف عبدو افراح ده ..هو نفسو ( عبدو التي ) زولنا لزمان ؟
بقى عنده يوتيوب كمان ... :)
Post: #23 Title: Re: مغس مغس يا العزابة Author: عبد المنعم سيد احمد Date: 04-22-2017, 05:35 PM Parent: #22
ههههههههههه والله يايحى مااتخيلت الكلام ده شفتوا..مرة بيغنى..فى صبحية وانا طفل فى الحصاحيصا وكان بيغنى..فى اغنية... ماقال بجى مالوا ماجى.. ذاكرة حديدية..وعضلات تبش ههههههههه ده كلا عجيب