كلنا عمر البشير وبكرى صالح من أجل سودان يسع الجميع وينشر المحبة مع دول الجوار

03:35 PM April, 20 2017

سودانيز اون لاين
صديق مهدى على-
مكتبتى
رابط مختصر

يلا ننشر المحبة بين أبناء وبنات الوطن الواحد ودول الجوار حتى يعم الأمن
والاستقرار فى وطننا السودان حيث التنمية والعيشة ، أى سودان كل انسان
يجد نفسه حيث لا محسوبية ولا جهوية ،الكل عزيز مكرم .
أمين أمين أمين يا رب

انا كتبت هذا البوست عن قناعة انه لا سبيل إلا أن نعترف اننا كلنا عاجزون أمام التحديات الداخلية والإقليمية والدولية ، لذا علينا أن نراجع مواقفنا
حتى نكون يد واحدة من أجل سودان قوى وما مهم من يحكم المهم الوحدة .

انا كتبت هذا البوست عن قناعة انه لا سبيل إلا أن نعترف اننا كلنا عاجزون أمام التحديات الداخلية والإقليمية والدولية ، لذا علينا أن نراجع مواقفنا
حتى نكون يد واحدة من أجل سودان قوى وما مهم من يحكم المهم الوحدة .

المثل بقول اليد الواحدى ما بتصفق

سؤال يطرح نفسه ،لماذا نستفز بعضنا بالكتابة والكلام ؟؟؟

انا شخصيا سوداني أقف فى صف من يحب السودان وشعبه ويعمل من أجل
اسعاده

لله درك اخي صديق

كنت على قناعة تامة بأنك من الوطنيين الاحرار


وشكرا

شكرا اخى ودالباوقة على مداخلتك المعبرة و يا ريت نعمل من أجل وطن
لا نظرة حزبية ولا عقايدية ولا جهوية ضيقة بل من أجل وطن يسع الجميع
وزى ما بقول المثل الرجوع للحق فضيلة

ههههههههههههههههاي

قلت لي شنو ,,

اصلى اليومين دي حاسة الشم عندي كعب

انا من هنا أناشد كل سوداني حادب على مصلحة السودان ان يقف خلف
حكومة البشير وبكرى ونطالبهما بالاصلاح الفورى من أجل سودان يسع
الجميع . وكفى تناحر وتشتت وقتال ، يلا نعمل معا تحت مظلة حكومة
البشير وبكرى من أجل سودان يسع الجميع .

يلا معا من أجل سودان يسع الجميع

حبيبنا صديق اختلفنا أو اتفقنا
انت انسان واضح

مودتي

ما شرط كل الناس تحكم ، شرط كل الناس تفتح عيونها للخطر الذى يحيط بالبلد

طيب الغاغا الكنت عاملها ديك
و الخوطة لشنو ؟

شكرا على عبدالوهاب على المرور وهذا يدل على انك انسان حادب على
مصلحة الحمد لله لم نختلف ولن نختلف مادام ديننا واحد ووطننا واحد وانشاء الله يحصل خير . وزى ما قال معاوية بن أبى سفيان رضى الله
عنه بينى وبين الشعب شعرة لازم احافظ عليها لكيلا تنقطع وهذه رسالة
واضحة للمرونة بين الحاكم والمحكوم لان العنف لا يولد إلا العنف

حباب فيصل خليل من أجل السودان كل شئ يهون

ههههههههه
الحالة القريمانية تجتاح صديق مهدي ..

بردلب كدة يا عمنا ..
------------------------
#كلنا بشة وبكة و عطا والليمبي وزكي جمعة وحسن كركب والطهطاوي الخ الخ _
المافي شنو !!!

اردم اخي صديق ولا تلتفت لبربرة بقايا بني علمان

حبابك عشرة في رحاب الوطن الذي يسعنا جميعا


اردم بس

ولا تلتفت

لهؤلاء

وشكرا

هههههه باوقة دا مش صديق البتقل في البلموني وخصوصا اليوم خميس

اخونا ود دفع الله


اظنك تقصد الزميل دينق

او بربار

وشكرا

غايتو دى وجهة من أجل حل مشكل السودان اليوم وبعد داك الله كريم

يا زول ما تغش نفسك .. الحكومة القادمة خلاص اتشكلت ..!!

كلم تراجي تحجز ليك مقعد في وفد المنافي السنة الجاية ان شاء الله ...

حبابكم عشرة وحباب السودان الذى ولدنا فوق ترابه وتحت سماه ورضعنا
من ثديه

حبابكم عشرة وحباب السودان الذى ولدنا فوق ترابه وتحت سماه ورضعنا
من ثديه

علينا أن نحكم عقولنا حتى لا نفقد كل شئ وزى ما بقول المثل الجايات
أكثر من الرايحات

عمكم صديق غلبو القعاد في الزيفة والجليد ولا عشمان في الرجوع عبر وفود المنافي
قال أحسن أغازل الكيزان عسي ولعل

تراجي بجلالة قدرها جابتا خطوة خطوة أنت جاي واقع اردلب كدة وتكسر
في التلج معقولة بس نصيحتي
شوف ليك غراب جزو

حباب ودالباهى البيهو نباهى
فى أرض المنافى

وزى ما قال المرحوم خوجلى عثمان بحبك يا سودان . فعلا كلنا بنحبك
يا سودان ولا للعصبية الفكرية والحزبية والجهوية ونعم للسودان الذى يسع
الجميع

وزى ما قال المرحوم خوجلى عثمان بحبك يا سودان . فعلا كلنا بنحبك
يا سودان ولا للعصبية الفكرية والحزبية والجهوية ونعم للسودان الذى يسع
الجميع

وطن الجدود نفديك بالروح

ارم قدام بس

وشكرا

كان حقو تتمرحل شوية شوية يا صديق ..
ما ممكن تحرق المراحل كلها نحو (كلنا عمر البشير) ..

وين مرحلة المعارضة عاجزة ..
ومرحلة انا ضد الحكومة لكن ضد المعارضة برضو ..
ومرحلة الحوار خير سبيل لحل مشاكل الوطن ..
ومرحلة الهبوط الناعم ..
ومرحلة ومرحلة ومرحلة ..

انت يا صديق زماااان كده مش بتهمتني اني كوز ؟! ذات خميس كده او حاجة بالشكل ده .. وما طيب ؟!!

صديق كلنا بنحب السودان
لكن الاماني وحدها مش كفاية لبناء وطن
البشير و جماعتو من ١٩٨٩ صادروا الحريات
اعتقلوا الناس دون مبرر
احالوا الآلاف للصالح العام

انا من هنا أناشد كل سوداني حادب على مصلحة السودان ان يقف خلف حكومة البشير وبكرى
ونطالبهما بالاصلاح الفورى من أجل سودان يسع الجميع .
h

هم سبب المشكلة كيف نقيف خلفهم
قبل ما تناشدنا اطلب منهم فك سراح الحريات
حرية الصحافة
اطلاق سراح المعتقلين
وقف نهب اموال الدولة
ووو الخ
بعدين اطلب من الشعب يقيف معاهم
اغلب الناس رمت طوبتهم و ما راجية منهم خير
احيي فيك روح التفاؤل

في انتظار انضمام ابو روضة وم.ع. الصايم وعلي دفع الله لصديق مهدي ... عشان ب. ابو بكر بالمرة يحول اسم المنبر من سودانيزاون لاين إلى المؤتمر الوطني اون لاين ...
.
.
.
هههههه

جدودنا زمان
جدودنا زمان ..
جدودنا زمان
وصونا على الوطن ..

او عملات ميرغني المامون واحمد حسن جمعة ..

حباب كل الاخوة وعلى رأسهم ود المشرف البطلتو نتشرف
يا جماعة كدى براحة استهدوا بالله . الحكاية بسيطة وهى نكون أو لا نكون

الحاصل شنو؟؟؟؟؟؟!!!!

اتأخرت يا صديق

فاتكم قطار الحوار المعطوب


ههههههههه

الفنسة في الرجال شينة خلاس

حباب هيثم والله مها فنسة لكن شجاعة أى يجب أن تقول الحق لك أم عليك
وفى سبيل السودان كل شئ يهون

السلام عليكم
اخونا ود مهدي ...
هناك فترات يكون الانسان فيها علاقتو بوطنو هشة، لكن يتغير هذا الموقف تماما
عندما يرى المؤامرات والاستهداف يحيط بوطنو، في هذه اللحظة يتبين معدنو وضكارتو
الضكارة في انو رفع صوتو عاليا مترنما ب(أنا السودان)، مواجها في شمم خطرفات
المثبطين والمخزلين.
ولا استبعد ان ينالك شيء من اوصاف - كوز - مرتشي - حبرتجي - مصلحجي - حتى لو
مشيت حافي القدمين. انك كوز ومن زمان مدسوس علينا ! !

في تراثنا الاسلامي هناك امثلة لرجال عظام كثر رجعوا للحق وناصروه...
وان ننسى لا ننسى موقف ابن الخطاب مع المرأة التي انكرت عليه تقليله للمهور !
فقال قولته المشهورة : "صدقت إمرأة واخطأ عمر".

تحياتي

كلنا مين
هسي يزروك تقول انا بتكلم عن نفسي

غابتو يا صديق
انا يوم واحد ما اقتنعت انك ضد الإنقاذ
وانت عارف كده
بس قلنا ندخل نؤكد رأينا فيك
زي ما انت عارف
يلا الحق اللجان الشعبية
الوزارات خلصت
توقيت غير مناسب إطلاقا
كان تلعبه صاح زي جماعة وفد المنافع

الحساب قبل الردم يا ود الباوقه يعنى الراح يخلو والارواح التى زهقت يردمك خرصانه ياود الباوقه اصبر بس انت

هسع رضعت من ثديه وزمان ده كان لبن علب صديق خلوه أتبنوا لينا الناظر ظاتوا ما يقوم يصبأ

ههههه دا كلام يا راجل جاي تلعب في الزمن الضائع ..
علي النعمة غفير ما تلحق ..
لكن امسك في ود الباوقة بعرف درب المزارع والبوفيهات ..
خخخخخخخخخخخخخخ

قلت لي رضعت من ثديه يا صديق..يا زول انت الرضاعة الجد جد باقي لي ما شفتها
ناس عمر البشير و بكري و من لف لفهم ماسكين رضعة واحدة تمنية و عشرين سنة و من الشطرين
في نفس الوكت
اتمنى غايتو يدوك فرقة اكان تمرقلك بي مصة و للا اتنين.

انا من هنا أناشد كل سوداني حادب على مصلحة السودان ان يقف خلف حكومة البشير وبكرى ونطالبهما بالاصلاح الفورى من أجل سودان يسع الجميع . وكفى تناحر وتشتت وقتال ، يلا نعمل معا تحت مظلة حكومة البشير وبكرى من أجل سودان يسع الجميع .
.....


يا صديق...

الموضوع لو بالبساطة دى...
ما كنا ضيعنا عمرنا كلو نناكف فى الانقاذ..
بدون ما نشعر بالعجز الانت بتقول عليه..
و نحنا مؤمنين ايمانا لا يتسرب اليه الشك..
تماما مثل ايماننا بالمولى عز وجل..
ان الانقاذ مكانها سلة مهملات التاريخ..
و حيحصل..
و دا مش مجرد كلام يا صديق...

ورضعنا من ثديه دي احسن تراجعها
لانو وبحسب كلام امين حسن عمر انو السودان مذكر
ومصر مؤنثة، ، احتمال تكون كابست ليك محل تاني 😆😅😄😗

ربنا يعدل طريقك

الشكر موصول لكل الاخوة الذين تداخلوا

النظرة الحزبية الضيقة ضيعت كل شئ

غايتو يا الصديق اخوي
انفزرت فزرة شينة تب....معقولة تصوم وتصوم وتصوم واخرتها تفطر لك علي بصلة عفنة...افو افو عيب والله عيب ده موقفا ما بشبهك تب يازول ياصامد.....كدي راجع روحك ياحبيب وما تخلي الشيطان العب بيك.

شيخ صديق
سلام كتير
بعدين الاعراض جاتك متين اخر مره تقابلنا فى حضرة معاويه
المدير انت كنت طبيعى

انفزارة ورضاعة كبر
ههههههههههه

حباب الأخوين هشام هبانى وعبدالرحمن الخليفة ، المثل بقول بلاد ابوك كان
خربت شيلك فيها شلية ههها
وصيتى للاخوة الممانعين حكموا عقولكم الوطن فى انتظاركم والكبر نيب
ههها

عفيت منك

وصباحية مباركة

اخوي صديق

انت يا بق بق
الزول ده اديه خاطرك
ما تعمل فيها الوصي على المؤلفة قلوبهم ديل
لمجرد مباراتك ليهم بتدي انطباع ما جميل
وبتزيد المبررات الفطيرة فطارة
كسرة انت بتاخد على الانفزارة كم
ما تخم صديق بي عفيت منك
وربنا يثبتك
ففتي ففتي بلا استهبال معاك

حباب ابو روضة كان جنبك الة حاسبة البس ليك نظارة وأحسب عمرك
بالثانية والدقيقة سوف تجد نفسك خارج اللعبة عشان كدى بقول ليك يا خى
ما تركب رأسك ، الحق نفسك قبال تصبح زى كلب السرة الكلاب ..... وهو
ينيص ههههها

شكرا اخوى عمر ود الباوقة انت رجل والرجال قليل اخوانا ديل راح ليهم
الدرب فى الموية
صباحك زين يا رجل يا سمح يا زين

يا صديق انت طلعت برا اللعبة
وطلعت نفسك بأيظ
زول يصفق ليه ود الباوقة ومجموعة انتهازيين
أي وطن وياتو رضاعة البتتكلم عنها وانت تضع يدك على أيادي الفساد
و ترهن نفسك لقتلة ومجرمين
ومع ذلك تدعي بأنك مهموم بقضية وطن
با صديق كن مؤتمر وطني من سكات
لا كتابلتك ولا مواقفك حتجعل من من ذكرتهم رموز وطنية
ولا قضايا الوطن بتضرر لمجرد هتاف صديق وتصفيق ود الباوقة
وان لم تكن محتاج لهذا الوطن وإنسانه فهو قطعا لا يحتاجك
وسيتجاوزك كما كل الانتهازيين
انا بالتحديد هذه المداخلة الأخيرة
فيها فراق بيني وبينك لا اختلاف ولا اتفاق
واقوله ليك من الآن يوم ستكتب هنا
بأنك كنت على خطأ من امرك استعد لهذه اللحظات من الآن
دمت كما أنت

ابو روضة

قلبي معك وانت تئن وتتألم من

صدوح اخونا صديق بالحق جهارا نهارا

وعلى عينك يا تاجر

وشكرا

اخى الحبيب ود الباوقة ما عيب على كل انسان ان يقيم الأمور ويعلن
هجرته جهارا نهارا ويقول من أراد أن تثكله امه فاليلحقنى خلف ذاك
الوادى ، فأنا هذا الرجل من أجل الوطن حدد موفقى وأسأل الله التوفيق
امين

ظواهر في سودانيزاون لاين
تحتاج لدراسة سلوكية واجتماعية

ولسه في الطريق آخرين

هووووووووووووووووووووووووووووووووووووووووووووووووووووووووووووووووو هو هو

السنجك

هلا

هلا

بقيت تهوهو

الله يستر من المواء


هههه

وشكرا

يلا ننشر المحبة بين أبناء وبنات الوطن الواحد
ودول الجوار حتى يعم الأمن والاستقرار فى وطننا السودان
حيث التنمية والعيشة ،
أى سودان كل انسان يجد نفسه حيث لا محسوبية ولا جهوية ،
الكل عزيز مكرم . أمين أمين أمين يارب
-------------------------------------

موقف شجاع
وموقف وطنى بكل معنى الكلمة

شكرا يا صديق

كان حقو تتمرحل شوية شوية يا صديق ..
ما ممكن تحرق المراحل كلها نحو (كلنا عمر البشير) ..

وين مرحلة المعارضة عاجزة ..
ومرحلة انا ضد الحكومة لكن ضد المعارضة برضو ..
ومرحلة الحوار خير سبيل لحل مشاكل الوطن ..
ومرحلة الهبوط الناعم ..
ومرحلة ومرحلة ومرحلة ..
____________________________________________________________________

ود المشرف جاب العيد أخ صديق,

مشاركتي في هذا البوست بغرض اثبات موقف إزاء كلمة (كلنا) الـ في العنوان دي .....

لا يا أخ صديق ما (كلنا) .. ربما (كلكـم) بس ياخي ما شاورتنا في (كلنا) دي ...

براكم و(قبلكم) وحـدكم

كتب الشيخ العبيد ود بدر لجدنا صالح المك (ومع ذلك أعجبتني) .. قال (أنا ود ريا الـ ما بسوي النيـة)

أراك (تسوي النية) وتتأخر عملية الهبوط بالباراشــوت لديك .. إذا لم وضع استثنائي

يا رجـل دائما كانت المشكلة هي اقناع هؤلاء الانقاذيين أن (البغلة في الابريق)

طبعاً لن اجتهد في اقناعك بأنها فعلا في الابريق .. لأن الوقت على ذلك يبدو أنه قد فات

أحمد الشايقي

ملاحظة

الأكثر تطرفاً ضد الانقاذ هم الأقرب لها في مرحلة ما

ود وراق الصديق العزيز .. لعلك طيبة والاسرة الحبيبة ؟
حقيقة ليكم وحشااااااااااات .

معقولة يا وراق دي ملاحظتك ؟!!!
ملاحظة الأكثر تطرفاً ضد الانقاذ هم الأقرب لها في مرحلة ما
اذن يوم ما نلقاك بتعرض مع الكاسر قيدو ود الباوقة ؟

ولك الشوق وللوطن والجميع .

هههه ابدا يا منىبالطبع لن أكون يوماً في صف الانقاذ .. ما اعنيه بالأكثر تطرفاً هو نتاج ملاحظة لبعض الحالات هنا بالمنبر وخارجه.. بعضهم ينتقد ويعارض بحدة ثم يهبط هبوط مدوي دون مقدمات أو إيحاء بالهبوط غير المتوقع.
لك التحيات الطيبات.

مشكور يا سمعة علي الرجوع والرد المن النار هههههههه

ردآ عليك :
هو نتاج ملاحظة لبعض الحالات هنا بالمنبر وخارجه.. بعضهم ينتقد
ويعارض بحدة ثم يهبط هبوط مدوي دون مقدمات أو إيحاء بالهبوط غير المتوقع.
بالمناسبة في ناس لو غيرو اتجاهم من معارضة الي موالي
ولا بتتاسف عليهم ولا بتندهش .. لانه من خلال الاسلوب !
البعارض بيه بتحس بي انسان خاوي وما عندو مقومات اي
ركائز معارضة !! وزي ديل الحمد لله البقوا موالين لانه ...
وجودهم مع المعارضين بخصم منها ما بضيف ليها ! من
خلال اسلوبهم وتصرفاتهم الهوجاء واسلوبهم الركيك الضحل
فاكيد لا اسفآ عليهم ونهنئ المعارضين بخروج امثال هولاء
لانهم من المحسوبين بغير وجه حق علي الشرفاء .

ولك الشكر يا صديقي العزيز .

Quote: ورضعنا من ثديه دي احسن تراجعها لانو وبحسب كلام امين حسن عمر انو السودان مذكر ومصر مؤنثة، ، احتمال تكون كابست ليك محل تاني 😆😅😄😗

أبداااااااااااااااع

ههههههههههههههههههههههههههههههههههههههههههههههههههههههه
انفزارة ورضاعة كبر ههههههههههه

غايتو يقع فيكم العدو ... ( الكيزان ) .

بت عمسيب

الضربة جاتكم في الانكل

تعيشي وتاكلي غيرها


وشكرا

يقول اخونا صديق المهدي فى تبرير لموقفه الجديد

Quote: حباب الأخوين هشام هبانى وعبدالرحمن الخليفة ، المثل بقول بلاد ابوك كان خربت شيلك فيها شلية ههها

وفي مقال للكاتب حيدر المكاشفي عن هذا المثل يقول

Quote: (حيدر المكاشفي نشر في النيلين يوم 24 - 03 - 2014 من أسوأ الأمثال السودانية وأكثرها سلبية هذا الذي يقول "دار أبوك كان خربت شيل ليك منها شلية، وفي رواية عود"، فمن سوء هذا المثل وسلبيته أنه لا يشجع على الخراب فحسب، بل يحض حتى أهل الدار التي تتعرض للخراب على المساهمة في خراب دارهم، فبدلاً من أن يدعو أهل الدار لإنقاذ دار أبيهم التي تأويهم من الخراب والعمل على إصلاحها، إذا به يحرضهم على تشليعها وتشليحها حتى تغدو أرضاً جرداء بلقعاً لا تصلح للإقامة بل تصبح لا نفع فيها ولا تصلح لأي شي، غير أن تصير ملاذاً ل(البوم البعجبو الخراب)، ))

إنتهي تعليق حيدر المكاشفي
والمثل سلبي يشبه في سلبيته المثل الاخر إن فاتك الميرى اتمرغ فى ترابه !!
* لا أريد أن إعلق علي موقف ودوافع الأخ صديق المهدي ـ التي لم أكن أميل للتعليق عليها حينما كان معارضا ولست بحاجة لإيراد أراء وسباب بعضا (ممن يمجدوه حاليا) حينما كان معارضا !
* فلكل خياراته ودوافعا والتي قد لاتنطلق بالضرورة من الرغبة أو الرهبة أو الطمع والفزع! * سبب دخولي هنا هو المثل الذي إستشهد به صاحب البوست ! المصدر :

الاخ كمال عباس مرحب بيك لكن كونك تستشهد بمقال أو تعليق لكاتب مثل المكاشفى المشرف عن مثل عبر عنه من رؤيته الشخصية هذا لا يكفى و يا
ريت رجعت لآراء المرحوم الطيب محمد الطيب فى الأمثال الشعبية أو تابعت
حلقة واحدى من حلقات برنامجه صور شعبية سوف تستفيد انت وصاحبك
المكاشفى المشرف هههها

الهبوط الزى ده يسموه هبوط صاعقة او انقلاب نحو الهاوية