أرتقاشا جزيرة جميلة قابعة في وسط النيل تحدها من الشرق كرمة الدفوفة أصل الحضارة ومن الغرب مشو وجزء من الحفير ومدلول الاسم ( أرتي جزيرة وقاشا المدلل ) الجزيرة المدلله .. وبرغم من عدم وجود ميادين واسعة بسبب السواقي والمزارع النخيل .. كانت التمارين زمان تجرى في أماكن ضيقة ثم بعد ذلك في البرقيق شرق النيل .. وسبب تطور هذا الفريق يرجع لفريق لونا كرمة البلد ومنافسة بين الفريقين ..
فريق قاشا وهو فريق جزيرة أرتقاشا ونادي قاشا في البرقيق ( ارتقاشا شرق ) تصدر فرق المحلية البرقيق ثم محلية دنقلا فكان اللقاء فريق الوحدة ارتدي ، ثم فريق كريمة ، بعد أن تصدر الشمالية .. كانت المباراة مع فريق الحواشات بربر التعادل 2/2 في بربر ومباراة الرد في أستاد الدفوفة في كرمة .. النتيجة 2 صفر لصالح (قاشا ) واللاعب الفنان .. معتز قاشا ( إن شاء الله من ضواحي الدنيا إلى برشلونه ) نجم خطير جداً .. بعد كده دوري الثمانية .. ولكن وصول هذه المرحلة يعتبر إنجاز الدعم كان من جمعيات قاشا بالرياض وجدة .. والمعسكر كان في مروي ..
في قناة الشمالية شاهدت المتعة إحتفال وسط النخيل شباب رافعين شعار ( أولتراس قاشا ) ويرددون النشيد الوطني الخاص بنا في أرتقاشا ( قاشا بلالي .. فر يق أرتقاشا بلالي )
ابن خالتي علي عبدالوهاب سرن اقمندو قاشا فن وهندسة لمن تلعب طرب وشجى كيف لا وشعارنا نخلينا ... وفي النخلة بركة انا متابع يا استاذ على كل المباريات لحظة بلحظة بواسطة الكابتن كدودة واحمد كلا سنرفع شعار جديد وهي (طموحنا لا حدود لها) فوق فوق قاشا فوق وارموا لي قدام
رتقاشا جزيرة جميلة قابعة في وسط النيل تحدها من الشرق كرمة الدفوفة أصل الحضارةQuote من علي عبد الوهاب
يا علي ما دام انتو معترفين ان كرمة اصل الحضارة مفروض كل مشجعي الفرق الرياضية الاخرى يشجعوا فريق كرمة، ،، وانا شايف حمزاوي هنا وهو من كرمة بيشجع ارتقاشا.....( منقيااااا)؟
يا علي ما دام انتو معترفين ان كرمة اصل الحضارة مفروض كل مشجعي الفرق الرياضية الاخرى يشجعوا فريق كرمة، ،، وانا شايف حمزاوي هنا وهو من كرمة بيشجع ارتقاشا.....( منقيااااا)؟
===============================
السر حبيبنا .. مودتي يا جميل .. صدقني ما في فرق هناك نصف أرتقاشا أو أكثر أصلهم من كرمة البلد بعدين السر الحبيب نحن كنا في جزر مغلقة ناس حمزاوي هم من تعلمنا منهم كرة القدم زمان في جزر ما كان في غير لعبة الكوديه ( ما عارف بالعربي لعبة كانت بنواة الدوم ) مثل كريكيت .. حمزاوي رياضي عتيق كنا دفعة زمان ( بدون تاريخ ) زمان في مدرسة البرقيق الأولية .. مودتي السر .. اثرت الذكريات الجميلة ..
============================= حبيبنا طارق مسكاقمي .. يا أخي ناس سلنارتي استاذ حسن سيد كان أحسن مدرب لينا في الاولية والطيار الكابتين عثمان سيد كان أحسن لاعب سلة في البرقيق الاميرية الوسطى وناس كنه ما تنساهم إنتو ناس حلوين ..
Post: #10 Title: Re: عشكان ، كرمة ، بدين ، ارقو ، أبتى، كودي دبل Author: محمد عبد الله الامين Date: 04-18-2017, 10:11 AM Parent: #9
الف الف مبروك لفريق ارتقاشا ونتمنى ان نشاهده في الدوري الممتاز ....
Post: #11 Title: Re: عشكان ، كرمة ، بدين ، ارقو ، أبتى، كودي دبل Author: علي عبدالوهاب عثمان Date: 04-18-2017, 10:38 AM Parent: #10
حبيبنا محمد ود الامين .. مودتي شكراً على المداخلة .. تعرف يا أمين أكثر حاجة فرحتني في قناة الشمالية مجموعة شباب معهم لافتة كبيرة من القماش مكتوب فيها باللون الاخضر (( الالتراس قاشا )) خلاص بعد كده دخلنا في عالم تكنولوجيا .. زمان أرتقاشا الجزيرة ما يدخلها إلا أهل البلد ريس المركب كان زي الجوازات في المطار لا بد من كفيل عشان تدخل الجزيرة .. سبحان الله .. كهرباء ، جوالات ، تلفزيونات .. بدل رمال حلتنا والليالي المقمرة والحكايات وشليل بقت الحكاية برشلونة وريال مدريد .. ونقاشات مسي ورونالدو مودتي الزول الجميل الامين ..
Post: #12 Title: Re: عشكان ، كرمة ، بدين ، ارقو ، أبتى، كودي دبل Author: بدر الدين الأمير Date: 04-18-2017, 10:53 AM Parent: #10
ايامكم يارطانة سوقهم قايم هذه الايام والله لينا نحن العروب
Post: #13 Title: Re: عشكان ، كرمة ، بدين ، ارقو ، أبتى، كودي دبل Author: محمد على طه الملك Date: 04-18-2017, 11:34 AM Parent: #12
سلامات أستاذ علي وزواره الكرام .. والله دي قفزة كروية مقدرة من شباب قاشا اتمنى لهم المزيد من النجاح والتقدم .. بالمنسبة يا علي آرتي قاشا تعتبر واحدة من أقدم جزر النيل .. وقد اشار لها ولنخيلها الرحالة الانجليزي هوسكنز عند مروره بالمنطقة عام 1833م.. شكرا لهذا الخبر الرياضي المفرح والمشجع والتحية للأخ حمزاوي أحد أركان مدينة كرمة العريقة.
الملك ود الملوك .. إريسه أمبس .. حماس وشباب .. بعدين ناس الجزر عندهم ولاء شديد لأرضهم نعم ذكرها الخواجة عندما مرت بواخرهم بالحفير ومشو .. مودتي أورينتود
Post: #14 Title: Re: عشكان ، كرمة ، بدين ، ارقو ، أبتى، كودي دبل Author: محمد عبد الله الامين Date: 04-18-2017, 11:34 AM Parent: #12
بي مناسبة نقاشات برشلونة والريال ... طبعا مجدي الحلفاوي صاحب اشهر محل فول في جده الهنداوية يوميا عندو قدرتين فول كبار مسمي الاولي برشلونا والتانية ريال مدريد .... وكان جيتت بعد 11 يا تحصل ياما تحصل الفول اول امس مريت على عجالة لقيتو بتكلم معى جماعه بتعشو قاليهم فولي ده ركب الطيارة 13 ساعه وصل لحدي لندن واكلوا الخواجات وانتو ياعرب الطيارة نص ساعه ما ركبتوها ههههه تحياتي يا علي قاشا ..
طبعا مجدي الحلفاوي صاحب اشهر محل فول في جده الهنداوية
=======================================
حبيبنا الامين .. أجمل ناس في قهاوي جدة مجدي رقم وبدونه ليس للمكان نكهة .. قفشاته ونكاته وأحياناً يرفع صوته بالغناء .. قبل شهر تقريبا شاهدت حلقة في قناة الاخبارية السعودية تم تصويرها في قهوة كسلا مكان مجدي .. كانت حلقة رائعة مودتي ..
عزام شنو كمان البناظرو انا انت داير برشلونة تعلب مع فريقكم القاطعين اسمو من راسكم
===============================================
الامير يا رائع .. نحن مصدرين في ولايتين .. برشلونة دنقلا ,, بالمناسبة ( قاشا ) إسم نوبي مموسق ورائع الأمير يا جميل .. عقبال آربجي كمان
شكراً على هذاا لتواجد ..
Post: #35 Title: Re: عشكان ، كرمة ، بدين ، ارقو ، أبتى، كودي دبل Author: بدر الدين الأمير Date: 04-20-2017, 11:09 AM Parent: #29
ياعلى قريبك المتـخلف عزام فرح زارنى الاسبوع الماضى برفقة صديقنا المشترك ود بحرى الصحفى جمال محمد احمد وبعد المطايبة والموانسة قالو لى طالبنك في خدمة قلت تفضلو قام عزام قالى دايرك تتوسط لى عند صحبك بكرى ابوبكر يرجعنى المنبر زجرتو زجرة وقلت له لوكنت عارف دا سبب الزيارة ماكن فتحت لكم الباب قام الجبــان شتمنى بالرطانة وشتم العرب لانى بسمع كل شوى ارب ارب بس لاسف ماسجلت شتايمو ولا كان دخلاتو السجن وكان الاجاويد يقومو يقعدو
الأمير .. مودتي .. يا سلام على جمال الاخوانيات .. وأبوابك المفتوحة للجميع .. تعرف عزام حتى في النوبية بليغ جداً .. عندو موهبة لغات يا ريت يرجع الحوش .. بس ما يلخبط الدنيا تاني .. لو في أي تسجيل مستعدين للترجمة النوبية .. وأنا أجيد .. الدنقلاوية والمحسية .. متوفق على عزام باللغة ..
علي عبدالوهاب أبو ننقا مسكاقمي؟ ياخوانا الحاجات دي ما بتمر علينا نحنا ليه ؟ جهة صلب المحس و أرجائها ؟ حتى لمن كنا بنلعب .. لعبنا على مستوى المضيقين فقط .. و شلنا الكاس عدة مرات .. لكن على مستوى الولاية دي اول مرة أسمع بيها .. تخيل؟
تحياتي ..
Post: #20 Title: Re: عشكان ، كرمة ، بدين ، ارقو ، أبتى، كودي دبل Author: فيصل محمد خليل Date: 04-18-2017, 01:56 PM Parent: #19
فيصل أشري .. ملك التوثيق النوبي صورة المراكب والمشرع دي أرتقاشا جزيرة رائعة الجمال .. يا أخي شكراً كثيراً .. والفنان نورالدائم كنه موهوب جداً كلمات ولحن ولديه الكثير من الاغاني النوبية مودتي فيصل أننقا .. دمت هكذا جميلاً
الف الف مبروك لقاشا وان شاء الله الى الادوار النهائية والحصول على الكأس . تعرف يا على بوستك دا لمّانى بأحد أبناء عمومتى ( السر عبدالله ) له ولك التحية يا حبيب .
والله يا علي انا لمن كنت بقرأ في بوستات سابقة وانت بتتكلم عن سوق كرمة النزل وسوق البرقيق وتتكلم عن التجار المشهورين زي محمد اونقي وحامد هارون كنت بقول علي عبد الوهاب ده قريبنا ونحن ما عارفين، والمهم ان شاء الله اذا جينا للعمرة مع الأولاد في نهاية شهر يونيو حنحاول نقابلك في جدة ، ونمشي ناكل الفول في مطعم مجدي الحلفاوي في سوق جده المشهور. والحساب على حمزاوي.. طبعا انا درست جزء من السنة الاولى في الأولية في كرمة وتميت الباقي في كوستي... ولكن لمن بقينا شباب كنا بنجي الاجازات في كرمة ونمشي ارتقاشا بالمراكب .. طبعا ما حتعرف كنا بنمشي بالمراكب لارتقاشا ليه!!هههههههه( زمن ...أه يا زمن ، ويا ليت الشباب يعود ، كنا غيرنا حاجات كتيرة). وطبعا نحن بنحسدكم حسادة شديدة لانكم مقيمين في ارض الحرمين الشريفين
Post: #26 Title: Re: عشكان ، كرمة ، بدين ، ارقو ، أبتى، كودي دبل Author: علي عبدالوهاب عثمان Date: 04-19-2017, 07:05 AM Parent: #25
حبيبنا السر .. شرفتنا كثير يا قريبي .. أهلاً بك وحبابك .. كرمة البلد البرقيق ارتقاشا وادي خليل بدين كرمة النزل ارض الذكريات وبلاد الخير .. قضينا فيها ريعان الشباب ( التدريس ) وتنقلنا في مدارسها ..
قبل ستة شهور كنت هناك .. الناس جميلين نفس الطيبة والروعة .. نحن لا نغيب كثيراً عن البلد .. وفي السعودية طبعاً جمعيات الاهل والاخوان كأنك في البلد مودتي السر أننقا ..
حبيبنا ارصد .. مودتي .. صدقني إسم (ارصد) حصري بدون منافس على طول الواحد يذكر النيل والنخيل والجروف والعمد وللبخ .. إلخ هو إسم حكر للسلالات ذات الدماء الزرقاء ( ملوك دنقلا ) مركب من كلمتين ( أور ملك .. سود رتبة ) أفتكر حرف الصاد بعد الاستعراب كما في ( صواره ، صاي ، صلب ) تحياتي وووو أورصودي .. ( إسم دلع لأرصد ) أرصد ، سمل ، شمت ... إلخ ( أسماء لها عمق عائلي حقيقي )
مودتي .. آخر شيوع أرتقاشا كان أرصد محمد بشير رحمه الله وآخر عمد وشيوخ كرمة ( محمود ارصد ) الله يرحمه ..
الف مبروك الانتصارات الناس تدعم الفريق ... ما تحتفل وتقش خشمها
============================================
مودتي أيمن الحبيب .. شكراً على التهنئة .. ما شاء الله على الاولاد ( في البروفايل ) ربنا يحفظهم ..
(( ما تحتفل وتقش خشمها )) صدقني ما فهمت الجملة يا أيمن نحن درسنا العربي في المدارس .. ما عندي عمق في العامية (هههه ) هنالك عبارات وجمل كثيرة في بوستات ظهار ومزح بين الاخوان ما افهم فيها شيء خاصة حبيبنا الرائع ودالبوش ، وابوسن ( عندما يتبادلوا بعض العبارات ) شكراً كثير أيمن ..
هنالك عبارات وجمل كثيرة في بوستات ظهار ومزح بين الاخوان ما افهم فيها شيء خاصة حبيبنا الرائع ودالبوش ، وابوسن ( عندما يتبادلوا بعض العبارات ) --------------------------------------------------------------------- ان شا ء الله يابا يذكروك في الجنة ام شدرا متنا بركة من جعل محمد نبي . . خالص مودتي التي تعلم وتحياتي لك ولضيوفك الكرام
حبيبنا ود البوش .. مودتي يا جميل شرفت كثير البوست .. ودالبوش .. هكذا يكون جمال الوطن التنوع والاثراء والاعتزاز بالأصل وإحياء جماليات كل مناطق هذا الوطن .. المتنوع ا لرائع وما فائدة باقة الورد إذا كان لونها وعبقها واحد ( لا جمال ) وفي التنوع رقي للأذواق وشوق لمعرفة كل حاضنات هذا الوطن الجميل .. أنا سعيد جداً ودالبوش .. وبحب بوستاتك .. والاخ قرشي من أبناء سنار زميلنا معنا في مكتب لديه عمق في تراث البطانة هو من يوضح لي مكامن الجمال .. تماماً مثل الكابلي أمد الله في عمره ( في أشعار التراث )
