جوائز البورد ..

05:54 AM April, 17 2017

سودانيز اون لاين
عمر التاج-KHT
مكتبتى
رابط مختصر

قبل أن نذهب في بياتنا الصيفي نفتح هذه النافذة لمنح جوائز البورد
والجوائز تمشي على المحسنين والمواسير في البورد وحقها محفوظ..

(1) أفضل من يجود شغله في البورد هو الزميل فرانكلي ..
الراجل ده لو مسك أي حاجة بنجضها ، وبحكها لامن تجيب الزيت
نتفق أو نختلف معه ، إلا أن مهمته في البورد دائما ما تكلل بالنجاح

.
.

(2) أسوأ من يؤدي مهامه وواجباته في البورد هو الزميل غريبة
الراجل ده شغله كله نئ ،
والغريبة انه وحبوبته عارفين انه شغلهم نئ وبرضهم مواصلين فيه

.
.
الباب الان مفتوح على مصراعيه للترشيح لـ ..
- افضل كاتب
- واكبر ماسورة
- واكتر واحد غياظ
- وأكبر مطبلاتي
- واكبر عنصري
وهلم جرا ..

سلام ود التاج
اضف للقائمة
- أفضل مونساتي

مرحبا صديقي حيدر

Quote: أفضل مونساتي

أفضل مونساتي سابق كان اخونا علاء تمبس ، رد الله غربته
وأفضل ضحكونجي سابق كان اخونا ود الصايم ، أعاد الله لنا بسمته
أما أفضل مونساتي
وأكبر ضحكونجي
في البورد الحديث فقد تم اضافتهما للقائمة فورا ..
يلا رشحوا !

سلامات يا هاني

Quote: احتفال توزيع الجوائز وين ومتين ؟ هههه

مش لما نتفق على النجوم بالاول يا ابن عربي
اسه ممكن يجيني واحد ناطي ويقول عنده واحد
اسوا من غريبة في فتح البوستات .. شفت ليه اخرنا الحفل
ومع هذا حايكون في جوائز فورية لاصحاب:
ابيخ عضو
اكسل عضو
اشتر عضو او عضوة
اشلق عضو او عضوة
اشنا عضو
اكتر عضو شراد

أشتر عضو
أغيظ عضو
أبكى عضو
أخف عضو
أثقل عضو
ما عضو

احتفال توزيع الجوائز وين ومتين ؟


هههه

أرجو أن تضيف:
- أكلتك المفضلة
- فنانك وفريقك المفضل

حبابك بكور

Quote: أرجو أن تضيف: - أكلتك المفضلة - فنانك وفريقك المفضل

وماتنسى ياود عباس جائزة أسوأ مداخلة في البوست
غايتو انت محمداك كم جائزة .. جهز حالك وحمس جمهورك

ود التاج
كلامك مسيخ

صادق ياصديق .. تحياتي

Quote: كلامك مسيخ

احتمال الوجبة المفضلة هي المسيخة
وبعدين في ناس لو فهموا او عرفوا
أنه وجبتهم مافيها ملح بحردوا تاني

شكرا يا تاج،
البوست أعاد إلينا زمن الجرائد الحائطية المدرسية

يا عمر التاج .. سلام

ما تنسى تضيف في الترشيح الاتي ...

- اكتر واحد بنجلد في البورد
- اكتر واحد جلدو تخين وما بحس
- اكتر واحد لسانو زفر ..

وانا متبرع بالجائزة ...

عــالم بطااالــــــــــــــــــــة ,,,

مرحبتين حبابك مجيدو

Quote: ما تنسى تضيف في الترشيح الاتي ... - اكتر واحد بنجلد في البورد - اكتر واحد جلدو تخين وما بحس - اكتر واحد لسانو زفر .. وانا متبرع بالجائزة ...

جميل انك ذكرتنا بالاعلان عن الراعي الرسمي للحفل
وبالمناسبة دي اللجنة العليا تفتح الباب لكل الجهات الراغبة في الرعية،
كل واحد حر في انو يحدد الجوائز العايزة يرعاها ومقدار الجائزة
وبما انك اول المتبرعين نقبل برعايتك للجوائز الخمسة المقترحة
ونديك اتنين هوادة على بياض ، حدد انت الاسماء والمرشحين
أما عن ترشيحاتك أعلاه فأنا أعتقد أن الاجابة هي : البطيخة

الصديق بكري عباس :

Quote: البوست أعاد إلينا زمن الجرائد الحائطية المدرسية

كل واحد في البوست حايتذكر الحاجة الكان مدمن عليها
ونتمنى ان يكون البوست ذكرك ايضا بجرية الملاية

اكتر واحد بنجلد في البورد هو في غيروا يا مجيدوا !!!! اقصد حفيد جورج واشنطن بوك

مرااحب يا برنس
اكتر واحد بنجلد
اعتمدت كجائزة درجة اولي

وكمان انا عايز اضيف
اكتر واحد بتنطبل بوستاته ..
وحا ابدا الترشيح للجوائز بعد قليل

نبدأ ترشيحات الجوائز علي بركة الله:
أولاً:
اكتب واحد في البوررد : كبر
أحكي واحد في المنبر : درديري
اكبر واحد في الاسافير: فيصل ( من زمن غررقوا حلفا)
أثقف واحد: نصر ( ثقافة سياسية)
اشنا واحد : زهير ( الصورة الاخيرة)
ابرك واحد : صديق ( الوجه الجديد له)
اشلق واحد : وضاحة ( النسخة الاخيرة)
أشفق واحد : مني ( قبل الثورة)
اكلك واحد : بشاشا ( بتاع زمان)
اعجب واحد : ود القاضي ( بتاع القناطر)
انشط واحد : ود البشري ( بالياء المقصورة)
اشكل واحد: دينق ( بتاع بوستات المشاكل)
أغرب واحد : تراجي
اغنا واحد : الموصلي
ادجل واحد : فدوي
اهبل واحد : حسن
اكسل واحد : اساسي
انبل واحد : الملك
اشجع واحد : ود دفع الله
اهرجل واحد : ود الباوقة
اصغر واحد : السيدح
أطغي واحد : ملاسي
اجبر واحد بكري


ثانيا: حرف الباء:
قبل أن ندخل في المجموعة الثانية من 30 مجموعة ،
ننبه لأن القائمة أعلاه قابلة للتغيير كل 5 دقائق
وصاحب البوست غير مسئول عن أي تشابه
بين الاسماء في اللستة والاسماء الحقيقية

من انت؟؟؟؟؟؟

هههههه

صديقي عمر التاج
قاعد تبالغ ..... اسع دي صورة زول كبير ؟

بخلي التلفون فاتح عشانى الجائزة و كدا

ود التاج
عايز اضيف ترشيح
اغتت واحد في البورد

الصديق ناصر أمين الف مرحب بك ومقترحاتك الجديدة
ونفيدك بأن اللجنة المنبثقة من المهرجان المنبثق من الاحتفال المنبثق من الجائزة .. وبعد نقاش مستضيف اعتمدت جائزة اغتت عضو
وترشح لها الكاتب السلفي الشغيل
راجل ماساهل في غتاتة الكتابة
وكذلك أجازت اللجنة مقترحات هاني ل:
أشتر عضو
أغيظ عضو
أبكى عضو
أخف عضو
أثقل عضو
ما عضو
غايتو انا حاارشح للعضو وماعضو
النبي محسن .. والريس بكري
لكن اثقل عضو دي اتخيلي ما بتتحسم الا نجيب الميزان المعلق بتاع السيارات داك

عزيزي فيصل
الكبير كبير يا صديق
وبعد الصورة اصبحت مرشحا لجائزتين
كبيرنا ووجيهنا
بلغ اصدقاءك يرسلوا كلمة كبير او بق
للرقم الظاهر امام بلدك واستمتع بالجائزة

عايز اضيف،
أكتر زول زعّاط،
و أكتر زول لايوووووووق .


شكراً ...

=

اقترح يا عمر أن تخصص جوائز يتم تصميمها على شكل تيجان، وذلك على النحو التالي:
- تاج لأشهر مُجدِّف
- تاج لأكبر مُكفِّر
- تاج لأشهر مستعرب
- تاج لأعظم متزوْنج (من الزنوجة)



إضافة إلى منح تيجان صغيرة كجوائز ترضية تتوج/يتوج بها أصحاب المراكز الثانية والثالثة:

- تويج صغير لثاني أشهر متعكلت.
- تويج أصغر لثالث خبير في ترصيص البوستات بعد القمرين النيرين.

تحياتي يا تاج
...
..
.

الصديق الصادق عبد الله
اهلا وسهلا
سنخصص جناح فاخر منفصل لمقترحاتك
ونسميها أجنحة جائزة التاج الممتازة
وسنفصل منها جائزة التاج في الادب المنبري
وجائزة التاج في الكيمياء المنبرية
وجائزة التاج للاحساب والانساب بين الاعضاء
ونضيف اخيرا جائزة التاج للاصدقاء بلاحدود
وتكتلات البورد وجماعات الدعم الاسناد
والية 1+80 ، والواحد محدد مسبقا
ولاننسي ان تتصدر الجوائز بتاعاتك الجناح الفاخر

Quote: - تاج لأشهر مُجدِّف - تاج لأكبر مُكفِّر - تاج لأشهر مستعرب - تاج لأعظم متزوْنج (من الزنوجة)

مرحب بالصديق
معاوية ود المدير

Quote: عايز اضيف، أكتر زول زعّاط، و أكتر زول لايوووووووق

التصنيفات الملتصقة بناس معينين
زي بتاعتك دي ياود المدير
ما بتحتاج اصوات وترشيح
نحن طوالي بنديها الباز الذهبي
ونودي اصحابها التوج
اقصد نهائيات الاوسكار مباشرة
ومبروك للجماعة الفي بالك بالجائزة

حفظك الله اخونا فيصل ومتعك بالصحة والعافية

اهلا بود الباوقة
شرفت الجائزة يا اخي
اما اذا دار محور سؤالك عن من نحن
فنقول لك
نحن لجنة الحوار الديمقراطي
المختصة باوسكار المنتدى العام.

بوست تافه وإنصرافي مثل صاحبه تماما

الزميل دينق حبابك..

Quote: بوست تافه وإنصرافي مثل صاحبه تماما

يا دينق ياخ ركز مع الناس (الشرشحوك) للجائزة
وماتعمل شوشرة جانبية مع اللجنة المنظمة ..
لأنه نحن هنا ماعندنا واسطات ورشوة
وكويس انك ذكرتنا بجائزة اتفه عضو
قبل مانتجاوز باب حرف الالف
وبما انك اول من ذكر الكلمة فانت المرشح الأول للجائزة
وبذا تكون اول عضو يحصل على اكثر من جائزة
الف مبروك يا حبيب
وبالمناسبة دي الباب مفتوح لملحق اسماء جوائز حرف الالف قبل أن ننتقل لبقية الحروف ال٦٧
ونخترح ايضا ..
جائزة أسوأ عضو
اجبن عضو
ارجل عضو (محجوزة حصريا)
اضعف عضو (يغادر المنبر بعد الجائزة)
اسمن عضو
أثمن عضو
ارفع عضو
اخمل عضو
افرغ عضو
احب عضو
اغزل عضو
اسهل عضو
اسخف عضو
انزل عضو
اعلى عضو مشاركة
أعلى عضو إطلالة
اكثر عضو بنجلد
اكثر عضو بندق
اكثر عضو بتهبل
اكثر عضو بزوغ من بوستات
اكثر عضو ماعنده موضوع
اكثر عضو عندو عضوية
وهلم جرا..

اضف إلى الزول الكتَاب محمد النور كبر كل من
بلة محمد الفاضل
ومحمد ابوجودة
والفاتح ميرغني
وعليش الريدة

ناسك ديل ياحيدر مخصص لهم جوائز مخصصة فاخره
وما حا نلخبطم مع الناس الكشا مشا:
ونرشح كل من:
جائزة اشعر عضو : بلة محمد الفاضل
جائزة اصحف عضو: محمد ابوجودة
جائزة احور عضو : الفاتح ميرغني
جائزة اقصص عضو : عليش الريدة
وهناك جوائز للافاضل في المنبر:
جائزة افضل من يكتب في المجال الاجتماعي : محمد الحسن
جائزة افضل من يكتب في المجال السياسي : عادل امين
جائزة افضل من يكتب في المجال الفني : قباني
جائزة افضل من يكتب في المجال العام : ابوسن
جائزة افضل من يكتب في المجال الثقافي : محسن قديم ( النسخة القديمة)
جائزة افضل من يكتب في المجال الديني : محسن خالد ( الوجه الجديد)
وهلم جرا
فتكم بعافية ، البوست بوستكم.. والجوائز تسلم بالبريد الداخلي
استودعكم الله

عمر التاج
وجائزة احسن من يكتب القصة التي تشدك شدا حتى تكمل القصة الكاملة حتى النهاية هو الأديب الأريب شاهين شاهين

من أشعر الشعراء ليس في البورد فحسب ولكن على نطاق السودان الكبير:
عبد الإله زمراوي، وفضيلي جماع ، ود. المعز بخيت، محجوب شريف
واذا نسيت فلن انسى اسحق الحلنقي

Quote: بوست تافه وإنصرافي مثل صاحبه تماما

بعد التحية للحضور الكريم
الزول ده اصرف ليو جائزة ام رقيصا اشتر ولسانن اغلف وأزفر

الجائزة كتاب سيكلوجية الانسان المقهور