مع التطرق لمسألة القومية والإستعلاء العرقي في المجتمع السوداني وايضا دورمجتمع المهجرالسوداني بالمملكة المتحدة تجاه القضية تحدث في هذا اللقاء الدكتور ياسر حمودة الدكتور عز الدين رحمة
Post: #2 Title: Re: تناول حديث لتاريخ النضال في مناطق جبال ال� Author: Khalid Kodi Date: 04-17-2017, 00:23 AM Parent: #1
Post: #3 Title: Re: تناول حديث لتاريخ النضال في مناطق جبال ال� Author: Khalid Kodi Date: 04-17-2017, 00:24 AM
Post: #4 Title: Re: تناول حديث لتاريخ النضال في مناطق جبال ال� Author: اسماعيل عبد الله محمد Date: 04-18-2017, 02:33 PM Parent: #3
من اجمل ما سمعت وشاهدت اليوم. التحية لك يا بروف والتحية لهؤلاء الشباب الذين بحديثهم نزداد يقينا ان النصر ات لا محال.
Post: #5 Title: Re: تناول حديث لتاريخ النضال في مناطق جبال ال� Author: Ahmed Alim Date: 04-19-2017, 09:45 AM Parent: #4
شكراً أخونا خالد لإيراد المحاضرة الهامة دي..
في ظني من اكبر أزماتنا بالسودان انوا أهل البلد ما بيعرفوا بعض!!
التحية للدكتور ياسر حمودة والدكتور عز الدين رحمة للمحاضرة القيمة عن تاريخ نضالات أهلنا بجبال النوبة. وياريت نشوف محاضرات وحوارات زيها تاني .. واتمنى إنوا المنتديات الثقافية والمنابر السودانية المختلفة إنها تستضيف ناشطين من مناطق الحرب عشان تقام ندوات وتتفتح حوارات مفيدة جداً زي المحاضرة دي.
المحاضرة أضافت لي شخصياً معلومات كتيرة عن النضالات المضيئة لاهلنا النوبة في فترة الإستعمار وجزء من ظلامات التمييز السلبي ما كنت أعرفها زي ضريبة الدقنية وتفاصيل أخرى!
فشلت الدولة السودانية منذ الإستقلال وحتى الآن بمختلف حكوماتها العسكرية والمدنية في خلق دولة مدنية حديثة تستوعب التنوع الإثني والثقافي في بلدنا بحيث تجعله مصدر لقوة الدولة وليس للضعف والتشرزم والحروب زي الشئ الحاصل اليوم! وبرضوا فشلت في مناهضة العنصرية.
فيما يخص قضايا العنصرية والحرب بشوف إنوا المسؤولية الأخلاقية لمناهضة الحرب الإستئصالية والعنصرية الموجودة في السودان تقع على عاتق أي مواطن سوداني عبر التنوير بمثل الندوات والحوارات الزي دي، ونشر مآسي الحرب هناك عبر وسائل التواصل الإجتماعي المختلفة عشان يتخلق وعي جديد يربط أهل السودان ببعضهم البعض.
عدم الإكتراث واللامبالاة بمآسي الحروب في جبال النوبة ودارفور والنيل الأزرق العند معظم سكان المدن الآمنة بفتكر عندو اسباب كتيرة وأهمها الإعلام الموجه من قبل الدولة، وعشان كدا الإعلام الشعبي عبر وسائل التواصل الإجتماعي لازم يساهم بشكل فعال لتجسير الفواصل الحاصلة دي عشان نقدر نخلق وعي جديد يربط وجدان أهل المدن الآمنة بقضايا أهلهم في مناطق الحروب.