لماذا لا ترسل الحكومة قوات حميدتي لحماية مواطني حلايب ؟؟

00:09 AM April, 16 2017

سودانيز اون لاين
Arif Nashed-
مكتبتى
رابط مختصر

علي خلفية الاخبار التي تطالعنا كل يوم عن تعدي القوات المصرية في منطقة مثلث حلايب ..
* الجيش المصري يطلق النار على سوداني في حلايب ومواطنين حلايب يطالبون بموقف حاسم من الحكومة ..
* لجنة برلمانية إلى حلايب تتقصى انتهاك جرافات مصرية مياه السودان الإقليمية قبالة حلايب ..
* وزير الدفاع يصرح بان الجيش المصري يقوم باستفزاز الجيش السوداني ..

اذا كان الجيش السوداني عاجزا عن الدفاع عن الاراضي والمواطنين السودانيين
فلماذا لا ترسل قوات حميدتي لمثلث حلايب ..
والا بنطبق المثل البقول ..
علي اسد وفي الحروب نعامة !!

المصريين تحدوا نظام الخرطوم العاجز ..
هل هناك اكثر من تصويتهم بعدم رفع العقوبات عن السودان !!

عوضا عن ارسال الجيوش لليمن الم يكن من الافضل ارسالها لتحرير مثلث حلايب واراضي الفشقة التي يحتلها الاثيوبيين !!

يتم اعادة جنودكم من اليمن بالتوابيت
كم عدد قتلي الجنود السودانيين في اليمن منذ مشاركتهم في عاصفة الحزم ؟؟
هل يعتبر هؤلاء القتلي شهداء ؟؟
لماذا لا يعلن عن العدد الحقيقي لقتلي القوات السودانية في اليمن ؟؟

الاض كالعرض فمن تعدي علي ارضك كأنما تعدي علي عرضك ..
حينها تسقط كل القوانين فأما تحرر ارضك او تموت دونها ..
لقد اصبحت اراضينا مستباحة في زمن هؤلاء الجبناء ..

مواقف الرجال عندما كانوا يحكمون السودان
على صفحته بموقع التواصل الإجتماعى روى السباح العالمي سلطان كيجاب الذي كان مقرباً للرئيس السوداني الراحل جعفر محمد نميري حكى عن موقف شجاع للرئيس نميري حيث قال :
روي لي الرئيس نميري ان هناك معلومات وصلته..
مفادها ان الرئيس الاثيوبي منقستو اتفق مع خبراء من الروس ليشيدوا له مرتفعات من السدود في منطقة في منابع النيل الهدف منها اغراق مدينة كسلا نهائيا وتدميرها بالكامل حتي لاتكون مأوي للارتريين ايام الحرب الاثيوبية الارترية وكان لنا اصدقاء شرفاء في حكومة منقستو زودونا بكل التفاصيل وصعب عليهم ان تغرق كسلا وبعد ان توفرت كل المعلومات امامي وشريط فيديو وكل خرط العمليه ..
ارتديت الزي العسكري وذهبت الي القيادة العامة وجلست بمكتبي وطلبت السفير الاثيوبي والقنصل والملحق العسكري وتعجبوا الثلاثه طلبي لهم وهنا رويت لهم ما يخططه منقستو وعرضت عليهم شريط الفيديو وكل الخرط وناقشتهم طويلا عن تدهور العلاقات وقلت لهم قولوا لمنقستو كل مخططاتك مكشوفه لدينا وعندنا امن قوي لا مثيل له في افريقيا بشهاده كل الرؤوساء حين حضروا مؤتمر القمه بالخرطوم وانا اقسم لكم اليوم الذي تغرق فيه كسلا ..
يوجد اكثر من مليون ارتري بالسودان سوف اقوم بتجنيدهم واسلمهم سلاح حامية كسلا والقضارف ونساعدهم بسلاح الطيران وكل المعدات الحربية وخلال ٢٤ ساعة نحتل اديس ابابا ونرفع العلم الارتري وانقلوا هذه الرسالة الي منقستو ...
وفي اليوم الثاني سافر ثلاثتهم الي اديس ابابا واجتمعو مع منقستو وشرحو له ما دار بيننا وهنا تراجع منقستو واصيب بالرعب بعد انكشاف مخططه..
و هذا هو السبب الذي جعل منقستو يزور السودان ويعيد العلاقات بسرعه ووجه لي الدعوه لزياره اثيوبيا .

Quote: الاض كالعرض فمن تعدي علي ارضك كأنما تعدي علي عرضك .. حينها تسقط كل القوانين فأما تحرر ارضك او تموت دونها .. لقد اصبحت اراضينا مستباحة في زمن هؤلاء الجبناء ..

كدا أحرجتنا إحراج شديد يا عارف !
خلاص هم - الحكومة - جبناء عرفناهم .. كل من لا ينتمي لهم من معارضة وحركات و ناس ساكت مالهم طيب ساكتين على التعدّي على عرضهم !

Quote: كدا أحرجتنا إحراج شديد يا عارف ! خلاص هم - الحكومة - جبناء عرفناهم .. كل من لا ينتمي لهم من معارضة وحركات و ناس ساكت مالهم طيب ساكتين على التعدّي على عرضهم !

ود البشري ...تحياتي
الفعايل البعملو فيها المصريين ما عاجبه اي سوداني كان معارضة والا غيرو ..
ناس حليب كان الحكومة اعطتهم سلاح تاني ما تشوف ليك مصري لافي بهناك ..
الحكومة المعفنة دي خليها تفتح مخازن السلاح للشعب شوف البحصل شنو !
شوية مزارعين اثيوبيين يتعدوا علي اراضي الفشقة ما قادرين عليهم ..
تقول لي جيش وقوات حميدتي ..
الله يرحمك يا نميري ..

الخرطوم 12 أبريل 2017 -
كشف وزير الدفاع السوداني الفريق أول عوض ابن عوف عن " استفزازات ومضايقات"
يتعرض لها الجيش السوداني فى منطقة حلايب المتنازع عليها مع مصر ..
وأكد في سياق آخر توغل مزارعين اثيوبيين في منطقة ا(لفشقة) السودانية...
وزير الدفاع السوداني الفريق أول ركن عوض محمد أحمد بن عوف ...
(سونا)

بالله ده وزير دفاع ..
هروا فشفاشنا ..

كتب السباح العالمي المعروف سلطان كيجاب ما عنون له بــ من اسرار نميري عندما قال نميري لحسني حلايب سودانية او اغادر مصر كتب قائلاً :
روي لي الرئيس السوداني جعفر محمد نميري واقعة كان متاثرا بها كثيرا وذلك عندما اعلن الرئيس المصري حسني مبارك احتلال حلايب وقتل بعض العسكريين في الحدود
يقول نميري كنت في غاية الغضب من تصرف حسني الذي قوبل بالشجب والاستنكار من كل ابناء السودان وفي ذات يوم طلبني حسني في مقابلة سرية
ولاول مرة التقي به منذ أن هبطت طائرتي مطار القاهرة فوجدته جالساً لوحده وقال لي ياجعفر انحنا اتقشينا في الجماعه دول والشربيني سفيرنا ضللنا
وما كناش نعرفهم انهم اخوان مسلمين نحن من صالحنا ترجع تاني الحكم ونحن سندبر لك انقلاب وهو جاهز لكن عندي شرط تطلع بيان وتعلن ان حلايب مصرية
ونعمل لك مؤتمر صحفي كبير علي الهواء فقلت لمبارك طيب انت يادوب عرفت قيمتي بعد ما صادروا منكم كل المؤسسات التعليمية وكل ممتلكاتكم وطردوا البعثة المصرية
فقلت له كيف اعترف ان حلايب مصرية وانا كنت حاكم السودان ١٦ عاما وهي تحت حكمي والان بكل بساطه اقول انها مصرية وهي ارض سودانية
انا افضل العودة للسودان اليوم ولا اقل حلايب مصرية يقول نميري فزعل مني مبارك وقال ليش كده يا نميري مش عايز تجيبها علي البر ده كان عشمنا فيك كبير أوي .
ويومها قررت العودة للسودان بعد ان تلقيت دعوة لحضور حولية الشيخ قريب الله واعلنت عودتي للسودان وقبل السفر بيوم ارسل لي حسني مندوباً قال لي :
الرئيس بيقول ليك من ناحية امنيه لانسمح لك بالسفر لان حياتك في السودان في خطر فقلت له انا حاكم السودان ١٦سنة مابقت حياتي في خطر
وانا الان انسان مدني شنو كلمة خطر دي !

دهـ لو كان عمر البشير كان بصم بالعشرة علي مصرية حلايب ..
الرجال مواقف ..

مين قال ليك قوات حميدتى حتحميك من اى تدخل خارجى قوات حميدتى حترفع السلاح فى وجه اى مواطن يطلع الشارع ويقول تسقط حكومة البشير

Quote: مين قال ليك قوات حميدتى حتحميك من اى تدخل خارجى قوات حميدتى حترفع السلاح فى وجه اى مواطن يطلع الشارع ويقول تسقط حكومة البشير

الاخ Shaker Hamid .. تحياتي
بدون شك هي قوات لحماية النظام ..
قوات تصرف عليها ميزانية اعلي من ميزانية الجيش ..
عندما ذهبت قوات حميدتي لشمال السودان هل تاهت عن الدرب لحلايب ؟!..
الذي يحدث في حلايب هو استفزاز لشعب السودان لا لنظام الكيزان الجبان ...
اذا كانت مصر تريد ان تستمر العلاقة بين الشعبين فعليها ان ترجع الحقوق لاصحابها ..
حينها ستكون العلاقة مبنية على حسن الجوار والصداقة والمصالح المشتركة بين البلدين بندية واحترام متبادل دون اطماع أو استغفال أو استعلاء ...

انه ابتلاء من رب العالمين ...

قضية مثلث حلايب اصبحت مادة اعلامية مستهلكة
يستخدمها النظام لاشغال الراي العام فقط ..
نظام الخرطوم اصبح دمية في ايدي الخليجيين يحركونه بموجب مقتضيات مصالحهم ..
لا يخفي الخلافات المصرية السعودية حول الجزيرتين ورفض مصر المشاركة في عاصفة الحزم
وايضا الخلاف القطري التركي المتعلق بالاخوان المسلمين ..
كشعب يهمنا ان تسترد الاراضي المغتصبة (مثلث خلايب - الفشقة) ..