Post: #1
Title: التصريحات الساي
Author: عبدالحفيظ ابوسن
Date: 04-14-2017, 06:31 AM
05:31 AM April, 14 2017 سودانيز اون لاين
عبدالحفيظ ابوسن-no where
مكتبتى
رابط مختصر كشفت نتائج كشف طبي أجري على الأجانب العاملين في الكافتيريات وصوالين التجميل الرجالية والنسائية أجرته وزارة الصحة بولاية الخرطوم عن إصابة 181 شخصاً يمثلون 4% من جملة العاملين البالغ عددهم (4165) بأمراض الإيدز والتهاب الكبد الوبائي (c) فضلاً عن إصابة 784 سودانياً يعملون في ذات القطاعات بذات الأمراض من بين (21694) أجري عليهم الفحص، وشدَّدت الوزارة على ضرورة إجراء الكشف الطبي للأجانب قبل دخولهم البلاد.
وقال مدير عام وزارة الصحة ولاية الخرطوم د. بابكر محمد علي، لدى مخاطبته اجتماع مجلس تنسيق الصحة العامة ومناقشة التقرير ربع السنوي، أمس أن توصيات تقرير الربع الأول شددت على ضرورة تحسين بيئة العمل في بعض المراكز والمحليات إضافة إلى إنشاء مراكز متخصصة للصحة العامة، فضلاً على إعادة تقييم المستهدفات بكل محلية، وأكد أن الوزارة تسعى لتعزيز صحة المواطنين والمقيمين من دول الجوار.
وأشاد بقرار معتمد محلية بحري حسن محمد حسن الذي ألزم بضرورة فحص العمالة المنزلية، وذلك لخطورة الأمراض التي يمكن أن تنقل عبر الوافدين من بعض الدول المجاورة واستخراج الكروت الصحية، وطالب جميع ربات المنازل بضرورة الحرص على حصول العمالة المنزلية على الكروت الصحية، حفاظاً على سلامة أسرهن.
|
Post: #2
Title: Re: التصريحات الساي
Author: عبدالحفيظ ابوسن
Date: 04-14-2017, 06:33 AM
Parent: #1
بي الله شوفو التصريح المخيف دة
ولم يطرف لهم جفنا
ولا خصاهم
|
Post: #3
Title: Re: التصريحات الساي
Author: عبدالحفيظ ابوسن
Date: 04-14-2017, 06:37 AM
Parent: #2
في موضة تصريحات تمس المجتمع لافة لف شديد
كم في المية كدة عندهم نفسيات
كم في المية كدة من الطلاب يتعاطون المخدرات
كم في المية كدة مطلقات
كم في المية كدة ما عرسات
كم في المية مفروض يموتو
كم في المية كدة بنتحرو
كم في شنو كدة مفروض شنو كدة
نظام نحن بتاعين احصائيات ومفتحين ودارسين الكتاب
|
Post: #4
Title: Re: التصريحات الساي
Author: عبدالحفيظ ابوسن
Date: 04-14-2017, 06:39 AM
Parent: #3
الجديد شديد
والجديد في الكرو سمح
نمسك التصريح الجديد كدي
ونحاول نفهم منو شي
|
Post: #5
Title: Re: التصريحات الساي
Author: عبدالحفيظ ابوسن
Date: 04-14-2017, 06:49 AM
Parent: #4
نسبة اصابة الاجانب المئوية قريبة لنسبة السودانين المئوية ولو اخدنا مقارنة بالعددين ممكن تكون واحد
الاجانب 4% والسودانين 3.6% مع التقريب 4%او مقارنة بعدد العينات ممكن تكون واحد
|
Post: #6
Title: Re: التصريحات الساي
Author: عبدالحفيظ ابوسن
Date: 04-14-2017, 06:50 AM
Parent: #5
اول سؤال ليه ما طلع نسبة السودانين المئوية
|
Post: #7
Title: Re: التصريحات الساي
Author: عبدالحفيظ ابوسن
Date: 04-14-2017, 06:53 AM
Parent: #6
الجملة دي ملتبسة
| Quote: وأكد أن الوزارة تسعى لتعزيز صحة المواطنين والمقيمين من دول الجوار.
|
Post: #8
Title: Re: التصريحات الساي
Author: عبدالحفيظ ابوسن
Date: 04-14-2017, 06:56 AM
Parent: #7
الكروت الصحية
|
Post: #9
Title: Re: التصريحات الساي
Author: عبدالحفيظ ابوسن
Date: 04-14-2017, 07:08 AM
Parent: #8
فحص الايدز مجانا
التهاب الكبد الاولي بي مية ج
يعني الامر ما صعب
السعودية بتلزم كل داخل ليها للعمل بعمل فحص كبد وبائي وبتقبل نتيجة معمل معين فقط
خوفا من الغش
هنا العمالة الاجنبية ليها مكاتب وسماسرة . مش زي زمان
الألزام لاصحاب المكاتب بعمل كشف دوري وقادرين علي إلزامه
مش ستات البيوت المفروض شنو كدة ما عارف
|
Post: #10
Title: Re: التصريحات الساي
Author: عبدالحفيظ ابوسن
Date: 04-14-2017, 07:16 AM
Parent: #9
كم نفر في الخرطوم بنتناول وجبة او شراب خارج البيت
برضو عشان أكون دقي زي التصريح
ماهي النسبة المئوية من الذين يخرجون يوميا من منازلهم من طلاب وعمال وموظفين ويتناولون اكلا خارج المنزل
النسبة لن تقل بحال عن 90% يعني النسب دي إلا هم براهم ..
هذا التصريح يخص هذا الكم الهائل من الناس دون ان يلق الاهتمام والتدابير الصارمة
بعدينك قالوا مرضين والنسبة واحدة ما فرزو لينا اقلاها يدونا احساس بالعلمية
يعني الكبد كدة في المية والايدز كدة في المية
امكن واحد مميل بالنسبة
اقلاها الزول يعرف احتمال اصابتو الاكبر شنو ويجازف عليها
ما يكون في مستثمر داير يفتح سلسلة كافتريهات جديدة
|
Post: #11
Title: Re: التصريحات الساي
Author: معاوية الزبير
Date: 04-14-2017, 07:48 AM
Parent: #10
شنو يا عبد الحفيظ مقابل الحكومة اليومين دي
الواحد فيكم ما قادر يتنّي يجي يفكها في أصحاب شنو كدا الرسالية ديل
|
Post: #12
Title: Re: التصريحات الساي
Author: عبدالحفيظ ابوسن
Date: 04-14-2017, 08:03 AM
Parent: #11
يا معاوية يا صاحبي
واحد عضاهو كلب والناس شبكو ليك
الانت الوداك للكلب شنو
زعل
قال انا ما مشيت ليهو هو السكاني
هسة غلطان التمساح ولا الزول الخش ليهو في بحرو
|
Post: #13
Title: Re: التصريحات الساي
Author: عبدالحفيظ ابوسن
Date: 04-14-2017, 08:13 AM
Parent: #12
الكرت الصحي دة براهو قصة
غايتو شفت كوستي .. الخرطوم ما بعرفها
الكرت الصحي عبارة عن رسوم تندفع للمحلية . ما شفت يوم واحد طالبو بي كشف صحي للايدز ولا الكبد
تدي صورتين وتدفع الرسوم وتستلم كرتك وانت في مطعمك
ما شفت عامل تم منعه لأنه مريض
ولا شفت تفتيش
ملابس عمال المطاعم تغلب عليها القذارة والوسخ والزيت
مرة مشيت اكل فول وحكيتها هنا قبل كدة . لقيت البجهز الفول لابس جلابية قذرة . ورابط يدو بي دلقان وسخان تبدو عليه آثار الدماء المتخثرة . زغت بس بدون اي نصايح ولا توجيه اقوم انضم اسوي لي مشكلة ساي
ف شنو حنك ستات البيوت يطالبن بالكرت الصحي دة حنك جباية ساي
الحكومة هي من تدخل الاجانب
وهي من تستطيع فرض الاوامر والضوابط عليهم
|
Post: #14
Title: Re: التصريحات الساي
Author: عبدالحفيظ ابوسن
Date: 04-14-2017, 08:20 AM
Parent: #13
من جملة البالغ عددهم كم كدة
جملة
يعني ياهون ديل الاجانب كلهم الشغالين ولا بلاغة منكم ساي . اطلق الجزء واراد الكل
دحين ديل ما شوية
غايتو داير ود حلال من ناس الخرطوم يخش صالون ولا كافتريا ويسأل بذكاء كدة ويعرف يا ربي العمال الاجانب الفي المحل الخش ليهو عملو ليهم فحص آلي ! ولا لا
انا لو في الخرطوم كان سألت
لكن لومكم علي لو الله رفع قدمي الا أأتر الكلام دة
|
Post: #15
Title: Re: التصريحات الساي
Author: Haytham Ghaly
Date: 04-14-2017, 08:34 AM
Parent: #14
سلامات ود ابسن
طبعاً في الدول المحترمة مستحيل تكتمل اجراءات اقامة الاجانب
بدون كشف طبي يثبت لياقتهم الصحية
لكن عند اصحاب المشروع الحضاري الكرت الصحي هو الرسوم فقط
تدفع رسوم الكرت دون اي فحوصات وابقى مارق وشايل كرتك في اتم الصحة والعافية
ديل ببيعو اي شي بالقروش حتى ................. النقط دي خت فيها ما يحلو لك
وانا متأكد انهم ببيعوهو
تحياتي
|
Post: #16
Title: Re: التصريحات الساي
Author: محمد البشرى الخضر
Date: 04-14-2017, 08:44 AM
Parent: #15
سلامات يا ود أب سن
الإيدز و التهابات الكبد الفيروسية من رحمة ربّنا أن السبب الرئيس في انتقالها هو تبادل السوائل مع المضيف! يعني ولله الحمد لا اللمس لا التنفس لا استعمال نفس الأدوات كما في النزلة مثلا وإلاّ كان اتنفخنا
فا الناس لا تعوّل على حكومة ولا كروت صحية ولا وقاية نباتات! كل المطلوب كل زول to control سوائله ولا يتبادلها سمبلة ساكت وكيقما وأينما أتفق!
وفي النهاية الحي الله و الكاتل الله *
______________________________________
* الحي و الكاتل الله اظنها دي استراتيجية الحكومة غير المعلنة في سياستها الصحية و موضوع الأجانب
|
Post: #17
Title: Re: التصريحات الساي
Author: sadig mirghani
Date: 04-14-2017, 08:58 AM
Parent: #1
انا قايلك قاصد بكور
|
Post: #18
Title: Re: التصريحات الساي
Author: عبدالحفيظ ابوسن
Date: 04-14-2017, 02:15 PM
Parent: #17
للاسف يا هيثم الرسوم هي الاهم
والرسوم المتحصل عندو فيها نصيب
تصدق العمل الوحيد الماشي هنا هو العمل الفيهو توريد تلقا الموظف شغال باخلاص شديد
عكس الاعمال ال للمواطن
|
Post: #19
Title: Re: التصريحات الساي
Author: عبدالحفيظ ابوسن
Date: 04-14-2017, 02:19 PM
Parent: #18
صدقت ودالبشرى
قل لن يصيبنا
وبعد دة كلو يدفعو فينا
|
|
|