انتشر هذا الفيديو على مواقع التواصل الاجتماعي لمعلمه حسناء شابه من المغرب تميزت بجمالها الجذاب والذي كان مصدر لجذب الجميع لها وكونها مختلفه حتي فى طريفه الملابس التي ترتديها وهي قادمه الى المدرسه وقام الطلاب بتصوير فيديو لها ونشره على مواقع التواصل الاجتماعي لكونها حاله فريده من نوعها ونموزج غريب لمعلمات المدارس التي من المفترض ان تكون على هيئه اكثر حشمه كما ذكرت احدي الصحف المغربيه تعليقا على الفيديو احتراميأ لطبيعه مهنتها وهي التدريس
اها النزيدك من الشعر بيت نحن كان عندنا استاذ رياضيات مابضحك نهائي الا اخر الشهر يوم يستلم الماهية وتاني والله لو ( كلكلتو ) مايضحك ليك لكن والله يشرح ليك مسالة تاني 15 سنة ماتطير من راسك ولو اداك كف اي شيء قدامك بتشوفو اخدر
Post: #4 Title: Re: معلمة لكـــن! ... (يوجد فيديو) Author: عادل الباهي عبدالرازق Date: 04-13-2017, 00:30 AM Parent: #3
ابوحراز تحياتي في أعتقادي كل الفاقد التربوي والتلاميذ الذين يتركون مقاعد الدراسة في سن مبكرة بسبب الجلد يأخ ما معقولة أستاذ يجيء داخل الفصل للحصة شايل معاهو خرطوش الموية الاسود داك خمسة بوصة ، الواحد فيهم لا يعرف يركز في الحصة ولا مع الخرطوش . كان عندنا بمدرسة وادي سيدنا الثانوية استاذ تاريخ اسمو بخاري زول ودود وبشوش بالله الفصل كلو بينتظر حصة التاريخ زي ما بتنتظر الاسر المسلسل العربي اليومي في الزمن داك والمادة الوحيدة أبلد طالب بيجيب فيها 90 من 100 . عقوبة الجلد في المدارس غير إنسانية .
Post: #5 Title: Re: معلمة لكـــن! ... (يوجد فيديو) Author: عمر التاج Date: 04-13-2017, 05:44 AM Parent: #2
ود الباهي سلام
Quote: اخخخخخخخخخ يمين دي لو درستني هسع كنت اكون شغال في وكالة ناسا الله يقطع حظنا الاستاذ يجيك شايل ليهو خرطوش موية لا تعرفو أستاذ ولا عربجي
وكالة ناسا مرة واحدة يا عادل الناس في الحصة بتكون مركزة في الموضوع وانت مركز في الفضاء ليهم حق يقرونا العربجية ابان خراطيش
Post: #6 Title: Re: معلمة لكـــن! ... (يوجد فيديو) Author: عمر التاج Date: 04-13-2017, 06:42 AM Parent: #5
ابو حراز حبابك
Quote: اها النزيدك من الشعر بيت نحن كان عندنا استاذ رياضيات مابضحك نهائي الا اخر الشهر يوم يستلم الماهية وتاني والله لو ( كلكلتو ) مايضحك ليك لكن والله يشرح ليك مسالة تاني 15 سنة ماتطير من راسك ولو اداك كف اي شيء قدامك بتشوفو اخدر
السوط ده كان أداة تربية وحفظ قديمة بتنبي عليها شقوق في الجسم واخرى في الذاكرة تندمل على المعلومة أما العلم الحديث فاصبح يدخل العقل بالتحفيز والتفاهم ما هو شغل دفسيبه ساكت يعني اسه يا ابو حراز اذا المعلمة دي ملكتك معلومة حا تنساها كيف تاني؟ انا غايتو لو درستني رياضيات كنت حفظت حتى جدول مليون ومن اول نظرة ولاسوط يعلو صوت الرقة
Quote: في أعتقادي كل الفاقد التربوي والتلاميذ الذين يتركون مقاعد الدراسة في سن مبكرة بسبب الجلد يأخ ما معقولة أستاذ يجيء داخل الفصل للحصة شايل معاهو خرطوش الموية الاسود داك خمسة بوصة ، الواحد فيهم لا يعرف يركز في الحصة ولا مع الخرطوش . كان عندنا بمدرسة وادي سيدنا الثانوية استاذ تاريخ اسمو بخاري زول ودود وبشوش بالله الفصل كلو بينتظر حصة التاريخ زي ما بتنتظر الاسر المسلسل العربي اليومي في الزمن داك والمادة الوحيدة أبلد طالب بيجيب فيها 90 من 100 . عقوبة الجلد في المدارس غير إنسانية .
كلامك سليم يا باهي .. التعليم بالتحفيز اصبح من الاهمية بمكان والشكل القدامك لما يكون بفتح النفس حايفتح العقل برضو للتعليم طبعا