وفشل دبلوم اللغة النوبية فشلاً ذريعاً .

03:38 PM April, 12 2017

سودانيز اون لاين
shaheen shaheen-الخرطوم التى لا اُحبها ! .
مكتبتى
رابط مختصر

حيث اعلنت كلية الدراسات العليا بجامعة الخرطوم عن فتح باب التقديم لدراسة دبلوم عالى فى اللغة النوبية فى يناير 2016 .
وتم قبولنا 15 شخص - اغلبهم من النساء - .
كان من المفترض ان نبدأ الدراسة فى ابريل 2016 ولمدة عام .
دفعت القسط الاول للدراسة 2500 جنيه .
ولمدة عام كامل .. اتردد عليهم لمعرفة الاخبار , والاجابات فى كل مرة كانت انهم فى انتظار ان يتم 4 اخرين من اصل 15 اكمال اجراءات التسجيل حتى ينطلق قطار الدبلوم بـ 5 , فالبعض منهم لديهم مُشكلات فى شهاداتهم الجامعية تتعلق بالتوثيق .
والبعض منهم هرب لمجال اخر فى الدراسات العليا .
واليوم فقط قمت باسترداد نقودى / الطالب الوحيد الذى قام بانهاء اجراءات التسجيل من اصل 15 !! / .
فشل الدبلوم .. ومع ذلك يجب توجيه التحية لبروف " ابو منقة " لانه خاض معركة اعتماد دبلوم اللغة النوبية .
والتحية لنفسى لاننى انتظرت فى صبر ايوبى فى مجال دراسات عليا لا يؤكل عيش او بصل .
والتحية للغة النوبية التى تحتضر .
والتحية لابناء وبنات اشقائى وشقيقاتى , اللذين لا يتكلمون اللغة النوبية ولن يتكلموها .
الله غالب .. ولله الامر من قبل ومن بعد .

البركة في القروش الرجعت! ودي نادرة تستحق الإحتفاء في السودان يا شاهين

ماعندنا خبر بالدبلون دا
الا يكون ام غمتي

الاخ شاهين
آفيلوق
حزين جدا لما وصل له الحال ولكن هذه هي البلد
تاللغة الويليزية Welsh ، اسي بقت عندها قناة تقريبا ف البي بي سي.
على العمومة عندي ليك فكرة
شيل الكورس او شوف الدكتور المسؤول منو وشوفو جامعة خاصة
احبذ الاهلية لانو فيها مركز دراسات سودانية يمكن ان يروج للكورس
وسيبو جامعة الخرطوم خالص وافتحوهو في اي مركز او جامعة اخرى .اللعة النوبية مهمة وخصوصا للاجيال القادمة
لانها في نظري ح تكون البوتقة التي سوف تعيد مجد النوبة القديمة.
تحياتي
أ. محمد

( بالمناسبة دي ذكريات جميلة مع مركز الدراسات الافريقية والاسيوية على الرغم من صغر سني انذاك
في التسعينات ولكني كنت احضر مع الوالد رحمه الله لأي فعالية هناك بحكم عمله ف الجامعة .

فشل الدبلوم .. ومع ذلك يجب توجيه التحية لبروف " ابو منقة " لانه خاض معركة اعتماد دبلوم اللغة النوبية .
والتحية لنفسى لاننى انتظرت فى صبر ايوبى فى مجال دراسات عليا لا يؤكل عيش او بصل .
والتحية للغة النوبية التى تحتضر . والتحية لابناء وبنات اشقائى وشقيقاتى ,
اللذين لا يتكلمون اللغة النوبية ولن يتكلموها . الله غالب ..
ولله الامر من قبل ومن بعد .

======================================
صدقني إنت كبير فوق التصور ..
حبك عميق للغة النوبية .. حب فعلي وليس لفظي .. كمان دفعت مبالغ ..
لأنك بحق أديب أريب .. ونحن ننتظر بوستاتك بكل حب وشوق لعمق الكلمة وجمال الصياغة
سيأتي اليوم حتماً ما دام أمثالك يسعون إلى ذلك
والتحية للبروف أبومنقة ..
جمال اللغة النوبية لا يعرفه إلا من يجيد هذه اللغة ..
نحن في منطقة ارتقاشا وكرمة نجيد الدنقلاوية والمحسية لدرجة (لغة الام )
نشعر من داخل بنوع من المتعة ..
مودتي .. يارائع .. تعجز الحروف حبيبنا شاهين ..

الاديب الكبير شاهين
بمثلك نحن نتباهى ونفتخر.
ووالله نحن ناسف كثيرا لضياع هذا المجهود وفشل دبلوم اللغة النوبية
وهذه الفرصة كانت هي الفرصة الذهبية لكتابة وقراءة اللغة النوبية،لغة
اقدم حضارة في تاريخ البشرية...
ونتمنى ان يتجدد المجهود وتتواصل المساعى في الجامعات لادخال منهج
دبلوم اللغة النوبية ومواصلة الدراسات العليا فيها.

Quote: البركة في القروش الرجعت! ودي نادرة تستحق الإحتفاء في السودان يا شاهين

لا انا بقيت مشهور عشان ارجع قروشى .
خطاب معنون للسيد مدير الدراسات العليا .
ثم يتضح انو لا , مفروض خطاب معنون للسيد مدير معهد الدراسات العليا بواسطة السيد مدير معهد الدراسات الافريقية والاسيوية .
ثم هناك فترات فطور وصلاة يجب تجنبها .
روتين محاسبى سودانى اصيل .
دفعتا فى اقل من ساعة .. واسترجعت فى عدد ساعات لا اعرف حسابها .
لهم التحية تيم الدراسات العليا .. وتيم الافريقية والاسيوية , قدموا للسودان خريجين على مستوى رائع وراقى .
بمناسبة ساعة الفطور , بمشى اصرف قطرات عيون لقريبة عزيزة من مستشفى مكة بشكل شهرى , اخر مرة لقيت المستشفى خلاء , وعرفتا من احدهم ما عارفو زول حراسة ولاّ زول شنو , انهم فى الفطور
- والفطور ساعة كاملة .
هكذا قال بعظمة لسانه , ولو اتناقشتا معهو بتكشيرة وشو المرسومة فى انو ساعة كتيرة على فطور , كان ممكن يلبسنى قضية اعتداء على موظف عام اثناء تأدية واجباته الوظيفية , وانتظرتا الساعة ورانا ايه ؟ .

Quote: ماعندنا خبر بالدبلون دا الا يكون ام غمتي

اعلانات الدراسات العليا للدبلوم العالى والماجستير فى كلية الدراسات العليا جامعة الخرطوم بتتنشر فى لوحة اعلانات الكلية وموقعهم على الانترنت .
فى يناير ومايو من كل عام - لو ما كنتا غلطان - .

Quote: شيل الكورس او شوف الدكتور المسؤول منو وشوفو جامعة خاصة احبذ الاهلية لانو فيها مركز دراسات سودانية يمكن ان يروج للكورس وسيبو جامعة الخرطوم خالص وافتحوهو في اي مركز او جامعة اخرى . اللعة النوبية مهمة وخصوصا للاجيال القادمة لانها في نظري ح تكون البوتقة التي سوف تعيد مجد النوبة القديمة.

جامعة الخرطوم مُمثلة فى كلية الدراسات العليا عملت الـ عليها , اعتمدت اللغة النوبية فى برامج الدراسات العليا .
المشكلة هنا هى عدم الاقبال , لعدم جاذبية المجال من ناحية سوق العمل , منو الجهة الممكن تأمن اكل العيش لاى زول او زولة عايز مجال عمله يكون التخصص فى اللغات المحلية .
وبرضو اللوم ما على ابناء الشعب النوبى فى العزوف عن التخصص فى لغتهم الام , يعنى لو لدى النوبى او النوبية فرصة تحضير فى مجالات طبية او فى المحاسبة او الهندسة ودى بتفتح ليهو فرص فى الداخل والخليج , اكيد الاختيار حـ يكون للفرص المطلوبة فى سوق العمل .
يعنى افرض درسنا دبلوم عالى فى اللغة النوبية وعملنا الماجستير ثم الدكتوراه , اها بعد كده شنو ؟ , ما ممكن بجهد ذاتى نشيل مُسجالاتنا ونقطع شغلنا ونتخلى عن مسؤوليتنا الاسرية المالية عشان نمشى نعتكف ونجمع اللغة من مصادرها الاساسية .
دى هى المشكلة , انو مجال تخصص غامض .
فى اتنين عملو لاول مرة ماجستير فى اللغة النوبية من جامعة افريقيا العالمية - مشكلة جامعة افريقيا هى اعتماد الحرف العربى لكتابة اللغة النوبية وانا من انصار الحرف الاتينى - , واحد نوبى سودانى والتانى نوبى مصرى .
لكن بعد كده الا يكون جهد ذاتى من عندهم عشان يقدموا شيء للغتهم الام , او يتحولوا لشحاذين يطلبوا دعم من مؤسسات غربية مُهتمة .
الحل اقتناع الدولة المصرية والسودانية باهمية عدم موت هذه اللغة , وفتح ابواب الدعم المالى الحقيقى لهؤلاء المتخصصين , وابتعاثهم فى كورسات لمعرفة تجارب الاخرين فى جمع وكتابة وحفظ لغاتهم المحلية , غير كده حتى لو تم الاعلان عن دراسات عليا مجانية فى هذا المجال
سيكون الاقبال ايضاً ضعيف او مُنعدم .
وتلك هى المشكلة يا قول " هاملت " .

استاذنا شاهين
ما تحبط شوف ناس قسم اللغويات ممكن تلقى ليك دكتور مهتم بالموضوع دا وتحضر تحت اشرافه رسالة ماجستير.

تحياتي

ما الفائدة من دراسة اللغة النوبية؟

Quote: جمال اللغة النوبية لا يعرفه إلا من يجيد هذه اللغة . نحن في منطقة ارتقاشا وكرمة نجيد الدنقلاوية والمحسية لدرجة (لغة الام ) . ونشعر من الداخل بنوع من المتعة .

.
التحيات الزاكيات استاذنا .
وتشكراتى على الكلمات الجميلة فى حقى .

مسا الخيرات
النوبي المعتق مسكاقمي
تعرف مرة بالصدقة جنبي فوراوي ايام تلفونات الكبائن بتكلم بي نس السلم الموسيقى بتاعنا حاولتا اركز معاو عشان القى لي شئ مشترك فجأة اسمع ليك كلمة مورتا وقتا ليو بعني شنو عندكم وقالي حصان والحمار عندهم لييل
مرة كتا بحضر في حلقة بتاعت عمنا محمد سليمان دنيا دبنقا برنامج منوعات ومسابقات في تلفزيون السودان استضاف فوقو اهلنا الميدوب وسبحان الله نفس الدم بتاع اهلنا المحس وطريقة الرقص للنساء ولامن اتكلموا بي رطانتوم الراس =اور والبطن =تووو والموت = دييو ايقنت تماما بانو في قاسم مشترك كبير بيننا لكن للاسف مافي دراسات وبحوث وبوستيك زادنا احباط

وبرضو اللوم ما على ابناء الشعب النوبى فى العزوف عن التخصص فى لغتهم الام , يعنى لو لدى النوبى او النوبية فرصة تحضير فى مجالات طبية او فى المحاسبة او الهندسة ودى بتفتح ليهو فرص فى الداخل والخليج , اكيد الاختيار حـ يكون للفرص المطلوبة فى سوق العمل . يعنى افرض درسنا دبلوم عالى فى اللغة النوبية وعملنا الماجستير ثم الدكتوراه , اها بعد كده شنو ؟ , ما ممكن بجهد ذاتى نشيل مُسجالاتنا ونقطع شغلنا ونتخلى عن مسؤوليتنا الاسرية المالية عشان نمشى نعتكف ونجمع اللغة من مصادرها الاساسية .

سلام شاهين
حكاية شخص او شخصين من هنا اوهناك يعملوا دبلوم او ماجستير او دكتوراة فى اللغة النوبية وكل حسب رغبته فى لغة اصلا اساسها مفقود دى ما رغبتنا ولا مطلبنا نحن كنوبة فى امر اللغة النوبية
نحن عايزين اللغة النوبية فى الاول تدرس كمادة اساسية واجبارية فى المراحل الاولية فى الاقليم النوبى من اجل الحفاظ على هذه اللغة بالكتابة والقراية وبعد داك نشوف الباقى !

ما الفائدة من دراسة اللغة النوبية؟


الفائدة لينا نحن اصحابى اللغة يا ايمن
لانو عايزين نكتب بيها ونقرأ بيها ونتواصل بيها مع بعضنا البعض زى ما قاعدين حسع نتواصل بيها شفاهة وبالاضافة لذلك بكتابتها وتدريسها عايزين نحافظ عليها من الانقراض لانو اللغة النوبية السنين دى كلها بتقاوم وما اظن انها تانى حتقدر تقاوم وتصمد اكثر من كده طالما هى لغة منزوعة السلاح .. والدراسة والكتابة والقراية هى من ضمن الاسلحة المنزوعة عنها !

Quote: ما تحبط شوف ناس قسم اللغويات ممكن تلقى ليك دكتور مهتم بالموضوع دا وتحضر تحت اشرافه رسالة ماجستير.

الماجستير هو جهد فردى خالص .
لكن لو كان برنامج الدبلوم العالى قد نجح بالاقبال عليه , كان سيعنى توطين اللغة النوبية فى مجال الدراسات العليا , والتشجيع على الحاق بقية اللغات المحلية السودانية .
كان يعنى خلق جسد من عدد من الاشخاص 5 او 10 او 15 , يجلسون مع بعضهم ويُخططون للخطوة القادمة .
كان سيكون نواة مؤسيسة لجسد ما .

أخي شاهين

حقيقة تأصيل اللغات المحلية أمر مهم في ترسيخه ولا بد جيل بعد جيل يتوارثها توارث علمي حتى لا ينقطع حبل الوصال معها وتتشوه وتترهل شيئاً فشيئاً وتتمحور وتفتقد لأصلها ، لذلك أفضل جهة يتم التوجه لها هي (مركز يوسف الخليفة للغات) التابع لجامعة أفريقيا وهذا العالم الفذ أطال الله في عمره قد بذل جهود خرافها في إرثاء كثير من اللغات الأفريقية خبرة في هذا المجال تتجاوز الخمسين عاماً ومن أواخر مجهودات هذا المركز أن أتانا هنا بشرق السودان بالتعاون مع جامعة البحر الأحمر لعمل دورة لكتابة لغة البجا وللمركز باع لا يُطال في مجال اللغات في أفريقيا بل وفي العالم وهم أكثر وأوثق جهة ستفيدك.


تقديري

الحبيب شاهين خليني احكي ليك قصتي العجيبة مع التعليم العالي
جامعة السودان
بناءا على رغبة بعض الزملاء بكلية الموسيقى
تقدمت لنيل الدكتوراة في التاليف
رغم علمي لانني الوحيد الحاصل على دراسات عليا من طليتين مرموقتين وهما
كونسرفتوار القاهرة ماجستير تاليف
كلية الموسيقى جامعة ايوا ماجستير فنون
ثم الحقتهما
بماجستير اخرى من جامعة براندمان بكاليفورنيا في التكنلوجيا التعليمية

احضرت كل الشهادات موسقة
١- من وزارا الخارجية في الولايات الفيها الجامعات
ثم من الخارجية الامريكية بواشنطن
ثم السفارة السودانية بواشنطن
ثم التوثيق النهائي بالخارجية بالخرطوم
بعد جه كلو فالو لي لازم تجيب البكلاريوس
رغم انني كنت محاضرا بكلية الموسيقي وحين عودتي ٢٠١٠
تم تعييني استاذ مساعد واعتذرت لقلة الراتب
---------------------
جبنا ليهم الدبلوم ابو يوسقوه قالو عايزين شهادة الثانوي العالي
فعرفت انو افقصة ميته وخليتهم لانهم اهانو سفارته بواشنطن وخارجيتهم بالخرطوم
-------------------------
تخيل هسع شغال في الدكتوراه وين
في كونسرفتوار القاهرة اكاديمية الفنون بمصر في المعهد الذي لم يتم قبول الكثيرين
من اكاديمي السودان لعدم الكفاءة من حيث استيقاء المناهد
تحياتي