يعتقد بأنها سوخوي تحمل اللون الاخضر بحسب شاهد عيان
Post: #3 Title: Re: تحليق مكثف لطائرات حربية في سماء الخرطوم Author: Salah Zubeir Date: 04-12-2017, 04:36 PM Parent: #2
دا يا صديق طائرات حربية سعودية استعراضية ... سوف يتواصل استعراضها اليوم وغدا" في الخرطوم والجمعة في بورتسودان .. التيم قدم الي السودان للاستعراض في ختام المناورات الجوية السودانية السعودية الاختتمت في مروي قبل يومين. دا بس عشان المناتلين ما يقولو إسرائيل وما ادراك.
Post: #4 Title: Re: تحليق مكثف لطائرات حربية في سماء الخرطوم Author: عمر التاج Date: 04-12-2017, 04:43 PM Parent: #3
طالما فيها دخان وملون كمان ، يكون دخان خير اطمنوا يا ناس الخرطوم ناسنا بتاعين الدفاع بالنظر ديل الطائرات البتعمل ليهم خطورة ما قاعدين يشوفوها في عضمها ، خليك من دخانها مع خالص تحياتي لك ياصادق ولضيوفك.
صلاح الزبير وعمر التاج تسلموا كتير بالله دي سعودية انا قلت التفحيط دا ماحق نصاح ماعارف بروتوكوليا هل من حق الطيارات دي انها تستعرض في سماء امبدة؟ لكن طيران على ارتفاع منخفض شديد قول ليهم اعمل ا حساب برج الاتصالات معاكم ذكرني نكتة النصيري خخخ
Post: #6 Title: Re: تحليق مكثف لطائرات حربية في سماء الخرطوم Author: Salah Zubeir Date: 04-12-2017, 05:48 PM Parent: #5
تعرف يا صادق أمس بي الصدفة شاهدت برنامج هنا السودان في التلفزيون القومي وكان مستضيف مقدم سعودي ورايد (ميجر) سوداني (الكيبورد يخلو من الياء ام همزة) عن هذا الموضوع مع انو نمتا أثناء البرنامج.
Post: #10 Title: Re: تحليق مكثف لطائرات حربية في سماء الخرطوم Author: Dr. Ahmed Amin Date: 04-12-2017, 06:49 PM Parent: #9
Post: #11 Title: Re: تحليق مكثف لطائرات حربية في سماء الخرطوم Author: عمر التاج Date: 04-12-2017, 07:57 PM Parent: #10
المواطنين الكرام من اليوم إلي يوم الجمعة سوف تقوم مناورات عسكرية من الطراز الأول داخل مدينة الخرطوم عروض عسكرية جوية مشتركة (السودان السعودية ) تبدأ من الساعة4عصرا حتي السابعة مساء و الانطلاقة الكبرى من الساحة الخضراء الساحة السودانية
تبدأ العروض بالطيران الأول (الميجmaj )انطلاقة بصورة نظامية ثم الانطلاقة الثانية (الصوخوي) ثم (الاتنوف)ثم تليها طيران (الابابيل) استبعدت وزارة الدفاع طيران (الهيلوكبتر)في الأجواء
سوف يكون طائرة واحدة فقط تحلق في الأجواء هي طيران الإنقاذ (الشرطة)
المواطنين الكرام هذه هي عروض عسكرية عادية الهدف معرفة مواطن العاصمة عن القدرات العسكرية الجوية السودانية
تمتد المناورات من جنوب الخرطوم (سوبا)حتى شمال الخرطوم (الحلفايا)غربا إلي (الصالحة)المطار الجديد شرق حتي (العلفون)
انشرو الخبر حتى لا يتخوف الناس من العروض المعلومة تكون واضحة أمام الجميع خاصة من جانب النساء و الأطفال
الحشد الحقيقي في الساحة الخضراء الدعوة عامة ولكن ليس من الضروري الحضور لأن العروض كلها في الأجواء الفضائية.
القوات المشاركة من الجانبين او الدولتين في هذه المناورات هي (القوات الجوية )فقط تم استبعاد القوات البرية والبحرية
دمتم و دامت اوطانكم بالأمن و السلام
Post: #12 Title: Re: تحليق مكثف لطائرات حربية في سماء الخرطوم Author: أحمد الشايقي Date: 04-12-2017, 11:24 PM Parent: #9
هلا يا صادق
قول لهـم طيروا غادي بعيـد ما يكشفوا نسواننا الناس ديل بطيروا فوق حيشاننا
عندنا عــروض
احمد الشايقي
Post: #13 Title: Re: تحليق مكثف لطائرات حربية في سماء الخرطوم Author: الطيب عباس Date: 04-13-2017, 05:18 AM Parent: #1
سلامت صادق ..
ههههههه جاني فيديو للاستعراض وعمك عبد الرحيم محمد حسين شايل موبايلو ومباري الطيارة وفاتح خشمو والله تضحك ضحك
Post: #14 Title: Re: تحليق مكثف لطائرات حربية في سماء الخرطوم Author: sadig mirghani Date: 04-13-2017, 09:12 AM Parent: #1
مولانا الشايقي ديل اهل الاسلام النور فيهم مجرور الطيب عباس ازيك والله اللمبي دا موضوع رسالة دكتوراة محترم
Post: #15 Title: Re: تحليق مكثف لطائرات حربية في سماء الخرطوم Author: عزالدين عباس الفحل Date: 04-13-2017, 11:16 AM Parent: #14
إستعراض بالألوان في الخرطوم ، والله حاجة بهجة ، عفواً هذه المناظر ، عادية جداً في ابوظبي ، للطيران العسكري الأماراتي ، أشواقي ، ،،،
تواصل التحليق الجوي لليوم الثاني على التوالي وانباء عن مشاركة سلاح الجو الاماراتي في الاستعراضات يبدو ان هناك رسالة للحلف الشيعي وسامح شكري الذي يعتزم زيارة الخرطوم بأن الخرطوم دخل الحلف المعتدل ولمصر بأن السودان يمكن ان يسد الفرقة ولا يمكن ان تمر مناورات مروي مرور الكرام بالنسبة للشقيق العود المهم في ازمة بنزين في الخرطوم ياربي طيارات سوخوي والميج دي تكون كملت بنزينا ولا جايين جاهزين كسرة ماف زول يجي يقول لي بنزين طيارات براو ولا هوهوبا عارفين