هههههه...بالله ده كلام ده...

10:13 AM April, 11 2017

سودانيز اون لاين
هشام المجمر-QaTar, Doha
مكتبتى
رابط مختصر

Quote: الخرطوم: شذى الشيخ دشنت وزيرة التنمية الاجتماعية د. امل البيلي، بمقر الإتحاد العام للصحفيين السودانيين امس، الدفعة الاولى من مشروع الصحفي المنتج والتي شملت وسائل نقل وانتاج. وتسلّم المستفيدين نماذج من المشروعات المنفذة والتي بلغت (20) تكتك و(33) ركشة و(9) مواتر. وأكدت البيلي أن المشروع يأتي في إطار الخرطوم عاصمة للإنتاج، وامتدحت دور الاتحاد في هذا الصدد، بينما وصفت الصحفيين بحراس الفضيلة وصنّاع التغيير الاجتماعي. من جانبه عبّر رئيس اتحاد الصحفيين الصادق الرزيقي، عن حزنه على واقع الصحفيين الذين قال انهم يعيشون حالة من الفقر بعد أن انطفاءت اعمارهم فى تلك المهنة. واستدل الرزيقي بعدة بنماذج من حالات المرضى وقابعي المنازل وأسر زملاء توفاهم الله، وأضاف (إن هذا يجعلنا اكثر ثباتاً في مشروع الصحفي المُنتج). وأكد الرزيقي على ان الصحفي فى حاجة للدعم، مشيراً إلى إنتهاء العوز عبر تلك المشاريع. الجريدة

عندما قرأت عنوان الخبر افتكرت انو حيوزعو ليهم مزارع او يدوهم ابقار منتجة او اى حاجة عندها علاقة بالانتاج

ركشات و مواتر لصحفيين ؟

بالله ده كلام ده...ده انتاج ده؟

ثم تانيا الصحافي هو من اصحاب المهن التي لا تشيخ او لا يشيخ اصحابها لأن القلم لا يشيخ
لو كنتو عايزنهم ينتجو خليهو ينتجو فى مجالهم

هاك دي يا هشام
هههههههههههه (لو حسبتها وما تتعب نفسك في حسابها فهي ضعف ما أتيت به من قهقة) وشر البلية ما يضحك
تعرف لو خلوا الصحفيين يمارسوا مهنتهم لكان هناك كلام تاني وتغيير عديل كده. وبرغم المتاريس والرقابة وتكميم الأفواه ما انفك الصحفيون يعملون وبقوة
الوحش يقتل ثاراً والأرض تنبت ألف ثائر
يا كبرياء الجرح لو متنا لحاربت المقابر
--
لا تستغرب فهناك أطباء وحملة ماجستتير في تخصصات كثيرة يعملون سواقين ركشة فهذا زمان أبو جهل
كل الود

Quote: هاك دي يا هشام هههههههههههه (لو حسبتها وما تتعب نفسك في حسابها فهي ضعف ما أتيت به من قهقة) وشر البلية ما يضحك تعرف لو خلوا الصحفيين يمارسوا مهنتهم لكان هناك كلام تاني وتغيير عديل كده. وبرغم المتاريس والرقابة وتكميم الأفواه ما انفك الصحفيون يعملون وبقوة الوحش يقتل ثاراً والأرض تنبت ألف ثائر يا كبرياء الجرح لو متنا لحاربت المقابر -- لا تستغرب فهناك أطباء وحملة ماجستتير في تخصصات كثيرة يعملون سواقين ركشة فهذا زمان أبو جهل كل الود

هههههه يا الملا
شوف لكن الحفل جاتو وزيرة الشئون الاجتماعية عشان تسلم كمين ركشة و مواتر ليس لسائقين و انما لصحفيين.......
قال وسائل انتاج...هههههههه....بلد فاشل فعلا

ما هم ذاتم صحفيين "قدر ظروفك" يا هشام ..

المشكلة ما مشكلة صحفيين وبس .. المشكلة ثقافة دولة دخلت عن بكرة ابيها سوق الله أكبر .. آل البيت سماسرة والوزراء اصحاب شركات .. ولذلك لن يستغرب احد تمليك الصحفيين وسائل الانتاج (مشيها وسائل الانتاج دي) .. لهم الياسمين .. ولخريجي الثانوية والمعاهد الفنية وجماهير العطالة الرماد ..

Quote: ما هم ذاتم صحفيين "قدر ظروفك" يا هشام ..

والله دي مصيبة يا محمد
انا حسه لو كنت صحفي و جعان داير اموت بمشي استلم لي ركشة من وزيرة الشئون الاجتماعية زي الصدقة عشان شكلي يبقى زي المتسول
المسئلة فيها اهانة مبطنة للصحفيين و مهنة الصحافة بشكل عام

تحياتي هشام
وضيوفه
سبقتني للبوست
عندي بوست قلت اخلص منو واجي افتح بوست
امر مخجل جدا
الشغل ما عيب ابدا
ولا اي مهنة عيب
ممكن يدوهم ركشات يزيدوا دخلهم مالوا لكن مش كأنجاز وهيلمانة
بعدينك يا الركشة البقيتي وسيلة انتاج .. انتاج شنو يكون اختلط عليهم وسيلة مواصلات اهو كلو وسايل !
دة عيب منتشر
اوربا نهضت لانو الزول بستثمر في مجالو
مش كل واحد داير يبقا تاجر
دكتور يخزن سمسم وعيش بدل يتخصص تخصص اخص ولا يجيب اجهزة

ركشة وموتورات !
أظنها دي صحافة أمنية ..
قلت وصفتهم السيدة الوزيرة ب ( حراس الفضيلة ) !!
الجبهجية ديل لسه مصرين على تحريف المعاني وخداع الرأي العام ؟

افتكرت انو حيوزعو ليهم مزارع
>>>>>>>>>>>>>>>>>>>>>>>>>>>>>>>>>>

انت قايلهم ود الباوقة و لا شنو




تحياتي اخي هشام

سلامات يا هشام.

طيب يبقى السؤال هنا هو :

في كم صحفي عضو في المنبر ده أستلم له ركشة ولا تكتك من حكومة الكيزان؟؟

Quote: سلامات يا هشام. طيب يبقى السؤال هنا هو : في كم صحفي عضو في المنبر ده أستلم له ركشة ولا تكتك من حكومة الكيزان؟؟

هههههههههههههه يا دينق
انت بتاع مشاكل

Quote: انت قايلهم ود الباوقة و لا شنو

هههههههههههههههه.................يا امجد حسه بجينا

Quote: ركشة وموتورات ! أظنها دي صحافة أمنية .. قلت وصفتهم السيدة الوزيرة ب ( حراس الفضيلة ) !! الجبهجية ديل لسه مصرين على تحريف المعاني وخداع الرأي العام ؟

هههههههه..شكلها كده...جهاز الامن مسيطر على كل مناحي الحياة فى السودان
ستات الشاي عندهم ملفات
و ناس السمك حتى
عوضية سمك قيادية مؤتمر وطني ..ههههههه
شغل كبير

Quote: تحياتي هشام وضيوفه سبقتني للبوست عندي بوست قلت اخلص منو واجي افتح بوست امر مخجل جدا الشغل ما عيب ابدا ولا اي مهنة عيب ممكن يدوهم ركشات يزيدوا دخلهم مالوا لكن مش كأنجاز وهيلمانة بعدينك يا الركشة البقيتي وسيلة انتاج .. انتاج شنو يكون اختلط عليهم وسيلة مواصلات اهو كلو وسايل ! دة عيب منتشر اوربا نهضت لانو الزول بستثمر في مجالو مش كل واحد داير يبقا تاجر دكتور يخزن سمسم وعيش بدل يتخصص تخصص اخص ولا يجيب اجهزة

اكيد الشغل ما عيب ......
لكن زيما قلت الشغل الماعندو علاقة بمهنة الشخص خاصة رقشات لصحفيين ...اكيد الجميع حسو ان دول ناس مساكين و بيستجدو حق المعيشة
مصيبة والله

سلام هشام وضيوفه



القصة اصلا ماقصة انتاج، ولا بتعبر عن غباء المسئولين
بل أؤكد لك الخبر ده بعبّر عن ذكاء المسئولين

الشغلة ببساطة فيها كده كبيرة جدا لمعارف المسئول

اذكر انه وفي مدينة ربك تم توزيع (ناموسيات) ضد الباعوض بره فصل الخريف وتم تسليمها بسرعة لمحلات معينة لتوزيعها للمحتاجين
تعجبنا من رقة القلب
ولكن اكتشفنا ان الناموسيات استوردها قريب مسئول وباعها للحكومة عشان والحكومة عملتها في شكل عمل انساني

ذكرتني اخي هشام وانا داخل ليلا للسلام على الوالدة
في قرية ودربيعة الانثى
اوقفت السيارة بالظلت
وبعدها رفعت البنطلون على طريقة انصار السنة
وخمج طين لحد البيت
وبعد دقة المطرة في الطريق والسلام
قلت للوالدة ان شاء الله عندكم عشاء ؟؟؟
فقالت لي والله الا نسوي ليك من ( شعيرية الحكومة )
طبعا كان الحلة غرقت
وناس ( هي لله ) وزعوا لكل بيت كرتونة شعيرية
ويشهد الله هذه اول مرة في حياتي ااااكل قروش الحكومة
واذيعك سرا ان هذه الشعيرية من يومها وافقة في حلقي
وحالف اقابلهم واخذ معاي كرتونة نوبوووو
واقول ليهم ( هذه بضاعتكم ردت.اليكم ) !!!
قال تكتك قال !!!!

المجمر
سلام
الرزيقي وهو يتحدث عن الفقر والمرضى
هل الرقشة والموتر هو حل المشكله
ام هناك صناديق واليات للنقابات لحل مثل هذه المشاكل
صندوق الزمالة .. دعم العلاج للصحافيين عبر الدولة .. تحسين اوضاع الصحفيين الوظيفيه .. الخ
رفع الضرائب عن مدخلات الصحافه لتربح الصحف وبالتالي يرتفع دخل الصحفيين
دا دور النقابه ولكن نقابات الانقاذ في وادي والعمل النقابي في وادي
صحفي منتج بي ركشه ما بتستحي يا الرزيقي
اذا كان نقيب الصحفيين يرى في الركشه وسيلة انتاج
فكيف للصحافه ان تساند المشاريع المنتجه الحقيقيه من زراعه وصناعه وتربيه وتنشر ثقافة الانتاج الحقيقي عبر اقلامها ؟

ذكرتني اخي هشام وانا داخل ليلا للسلام على الوالدة في قرية ودربيعة الانثى اوقفت السيارة بالظلت وبعدها رفعت البنطلون على طريقة انصار السنة وخمج طين لحد البيت وبعد دقة المطرة في الطريق والسلام قلت للوالدة ان شاء الله عندكم عشاء ؟؟؟ فقالت لي والله الا نسوي ليك من ( شعيرية الحكومة ) طبعا كان الحلة غرقت وناس ( هي لله ) وزعوا لكل بيت كرتونة شعيرية ويشهد الله هذه اول مرة في حياتي ااااكل قروش الحكومة واذيعك سرا ان هذه الشعيرية من يومها وافقة في حلقي وحالف اقابلهم واخذ معاي كرتونة نوبوووو واقول ليهم ( هذه بضاعتكم ردت.اليكم ) !!! قال تكتك قال !!!!
.........................................................................................................................
ابو حراز اتاريك ضارب شعيرية الجماعة و انا لي زمن اقول الزول دا الغبشة الضربتو دي شني يا ربي
يلزمك تحلل كما تحلل غسان و من معه و ما كادوا يفعلون لحقوهم ابوي

Quote: ركشات و مواتر لصحفيين ؟ بالله ده كلام ده...ده انتاج ده؟

مش كويس الـ ماوزَّعوا ليهم جرايد؟

Quote: مش كويس الـ ماوزَّعوا ليهم جرايد؟

ههههههه..يا فاضلابي

شكلهم ما عايزين يوزعو ليهم اي حاجة تمت لمهنة الصحافة بصلة

Quote: ابو حراز اتاريك ضارب شعيرية الجماعة و انا لي زمن اقول الزول دا الغبشة الضربتو دي شني يا ربي يلزمك تحلل كما تحلل غسان و من معه و ما كادوا يفعلون لحقوهم ابوي

يا امجد
تحياتي

الراجل مشاركتو فى البوست ده تحلل..ههه

Quote: واذيعك سرا ان هذه الشعيرية من يومها وافقة في حلقي وحالف اقابلهم واخذ معاي كرتونة نوبوووو واقول ليهم ( هذه بضاعتكم ردت.اليكم ) !!! قال تكتك قال !!!!

ههههههههه...يا ابو حراز ...الحمد لله الجات على الخنقة..ربنا نجاك

Quote: سلام هشام وضيوفه القصة اصلا ماقصة انتاج، ولا بتعبر عن غباء المسئولين بل أؤكد لك الخبر ده بعبّر عن ذكاء المسئولين الشغلة ببساطة فيها كده كبيرة جدا لمعارف المسئول اذكر انه وفي مدينة ربك تم توزيع (ناموسيات) ضد الباعوض بره فصل الخريف وتم تسليمها بسرعة لمحلات معينة لتوزيعها للمحتاجين تعجبنا من رقة القلب ولكن اكتشفنا ان الناموسيات استوردها قريب مسئول وباعها للحكومة عشان والحكومة عملتها في شكل عمل انساني

تحياتي ناصر
والله قصتك معقولة ...لو تابعنا جابو الحاجات دي من وين اكيد من واحد من تجارهم