الدعاء الى الله عبر الواتساب

09:49 AM April, 11 2017

سودانيز اون لاين
أيمن محمود-etganonline.com
مكتبتى
رابط مختصر

ادعية مظبطة بالفوتشوب -يختلف عن الكاتشاب - والاليستريتور وغيرها من برامج الجرافيك

تُرى كيف يربط الواتساب بين الداعي والمدعو له والمدعو؟؟

أعتقد ان هذا الفعل حرام شرعا.

-
ذبحتونا ياخ!

غايتو لما يجيني دعاء عبر الواتساب المسألة بالنسبة لي ما بتخرج من الاتي:
- يا ما الزول المرسلها عايز يورني انو صلتو قوية بالله
- يا اما شوف انا بدعي ليك
- يا اما كمان معتبر الوتساب وسيلة تواصل مع الله!

في بعضهم بقى عندو راتب ادعية واتساب الصباح وراتب ادعية واتساب المساء

Quote: ذبحتونا ياخ!

والله يا ايمن ما ذبحونا بس ياخ دي قمة السخف والبياخة

بالذات يوم الجمعة

ايمن وضيوفه سلامات

هههههه
انا تلفوني يوم الجمعه زي مشتل الرشيد كوستي ههههه كل ورود بكون هههههههههه "

هل تعلم ان السودان يمتلك ثلثثي احتياطي العالم من صور جمعه مباركه وصباح الخير ..

وان نصف المسيطرين علي هذا الاحتياطي لا يصلون الفجر ولا الجمعه ..

تحياتي ايمن وزاوار البوست

بوست جميل
انا وقفت من استعمال الاسمارت فون لي خمسة شهور
وقبل خمس سنين وقفت اتفرج على الاخبار او اسمعها
ولي تمنية شهور ما بتفرج ف التلفزيون مباشرة
الا فيديو كليب ف النت ووما بمشي عليه.
وحصل طردوني من مجموعة واتساب لانو احتجيت على الادعية المن الشاكلة دة و جمعة سعيدة دي .
والان انا سعيد والحمد لله ورغم اني اعيش في بلد غربي لكني احافظ على صلاة الجمعة وما استطيع ان احضره من صلاة الجماعة
ومافي زول بذكرني ولا برسل لي ولا بتجيني تلتمية رسالة ورود ولا ربنا يضرك لو ما رسلتها .

تحياتي لك وللاسرة

ياخ في ناس عاملين قروبات تلاوة..
يمشوا على اي موقع فيهو قرآن و يعملوا كوبي و يجوا يلصقوا الجزء النسخوه
في القروب و هي دي التلاوة يا متعلمين يا بتوع الواتساب.

Quote: والله يا ايمن ما ذبحونا بس ياخ دي قمة السخف والبياخة بالذات يوم الجمعة

والله يا عيثم انا ومن هذا المنبر ادعو اي واحد سخيف جاهل انو يبطل الحركة دي!
مجرد رياء! - لو عايز تدعو لزول ما تدعو ليه بظهر الغيب؟!

لا تحجر واسعاً ...

ربما تكون هي المنجية

اصبت كبد الحقيقه