Post: #2 Title: Re: !! الكوتـــــــش دا قالوا من كوستي .....!! Author: عبد العزيز محمد عمر Date: 04-11-2017, 07:00 AM Parent: #1
Post: #3 Title: Re: !! الكوتـــــــش دا قالوا من كوستي .....!! Author: عبد العزيز محمد عمر Date: 04-11-2017, 07:02 AM Parent: #2
ديل أعتقد لعيبة دون ال 18 ... ولابد من توجيههم بهذه الصورة ...
حرة القلب زيها مافي ..... بالذات للمدافعين ولعيبة الوسط المتأخرين ...
Post: #4 Title: Re: !! الكوتـــــــش دا قالوا من كوستي .....!! Author: عبد العزيز محمد عمر Date: 04-11-2017, 07:02 AM Parent: #3
سيد سليم الله يرحمه ... كان بيجدع بالحجارة ... ويكشح بالتراب ...
في كل الفرق التي دربها ...
Post: #5 Title: Re: !! الكوتـــــــش دا قالوا من كوستي .....!! Author: عبد العزيز محمد عمر Date: 04-11-2017, 07:04 AM Parent: #4
واضح احترام اللاعبين لمدربهم ... رغم التوجيه والنقد القاسي ....
Post: #6 Title: Re: !! الكوتـــــــش دا قالوا من كوستي .....!! Author: عبد العزيز محمد عمر Date: 04-11-2017, 07:07 AM Parent: #5
قاليهم الكلام القلناهو كله في النادي .. خليتوهو وجيبتو لعبتو بطريقتكم .. لعب عشوائي مافي حرارة قلب .. مافي كورة
جاب الزبدة .
Post: #9 Title: Re: !! الكوتـــــــش دا قالوا من كوستي .....!! Author: علي عبدالوهاب عثمان Date: 04-11-2017, 07:16 AM Parent: #6
حبيبنا عبدالعزيز .. مودتي الكورة السودانية ترفع الضغط هبوط مريع في المستوى وطريقة الاداء
صدقني يا عزيز .. الفريق السوداني تلقى هزيمة 3/2 من السعودية لا أذكر التاريخ بالضبط ربما 1983م والكورة السعودية كانت في البدايات من ذلك التاريخ وهذا الهبوط .. ( وكان أصعب يوم رياضي في حياتي )
كنت أتمنى من مدرب الهلال أن يقول نفس الكلام ده للاعبي الهلال ( رفعوا ضغطي ) شكراً عزيز
Post: #7 Title: Re: !! الكوتـــــــش دا قالوا من كوستي .....!! Author: عمر سعيد علي Date: 04-11-2017, 07:09 AM Parent: #5
مافي اي غرابة في الكلام ده . .
Post: #8 Title: Re: !! الكوتـــــــش دا قالوا من كوستي .....!! Author: محمد البشرى الخضر Date: 04-11-2017, 07:15 AM Parent: #7
Quote: قاليهم الكلام القلناهو كله في النادي .. خليتوهو وجيبتو لعبتو بطريقتكم
دي يا الشغيل ذكّرتني نكتة منسوبة لكندورة أو ربّما غيره من اللاعبين قال تكتيك الكوتش و الخطّة بنلعب بيها اوّل خمسة دقايق بعد داك بنلعب كورتنا البنعرفها
Post: #10 Title: Re: !! الكوتـــــــش دا قالوا من كوستي .....!! Author: عبد العزيز محمد عمر Date: 04-11-2017, 07:16 AM Parent: #8
Quote: مافي اي غرابة في الكلام ده . .
ما قلنا في غرابة ..
بل أشدنا بالكلام ... وعلمنا ( Like ) في صدر البوست ..
تحياتي
Post: #11 Title: Re: !! الكوتـــــــش دا قالوا من كوستي .....!! Author: عبد العزيز محمد عمر Date: 04-11-2017, 07:18 AM Parent: #10
Quote: دي يا الشغيل ذكّرتني نكتة منسوبة لكندورة أو ربّما غيره من اللاعبين قال تكتيك الكوتش و الخطّة بنلعب بيها اوّل خمسة دقايق بعد داك بنلعب كورتنا البنعرفها
ههههههههه هههههههههههههه ههههههههههههه
والله ياهو زاااتو .....
Post: #12 Title: Re: !! الكوتـــــــش دا قالوا من كوستي .....!! Author: ناصر حسين محمد Date: 04-11-2017, 07:34 AM Parent: #11
Quote: ديل أعتقد لعيبة دون ال 18 ... ولابد من توجيههم بهذه الصورة ..
الاخ عبد العزيز تحياتي
الكوتش حسبو كوتش لفرق كبيرة في كوستي وصاحب بصمات واضحة جدا في الفرق التي دربها ويتميز باسلوبه الحماسي
تعاملو ده اصلا بعد وضع نفسو في مقام الاب للعيبة يعني الزعل مرفوع وهو بوضح قبل كل شي انو ده اسلوبو ولو شايفينو شين (للعيبة) اتجاوزوه الى الهدف منه وهو تحسين المستوى والانتصارات
Post: #13 Title: Re: !! الكوتـــــــش دا قالوا من كوستي .....!! Author: عبدالحفيظ ابوسن Date: 04-11-2017, 07:43 AM Parent: #12
تحياتي الشغيل وضيوفه سليمان حسوبة من الشخصيات صاحبة الطرفة والنكتة . ذكرته في بوست سابق اظنو الناس التقطر سكر له طرائف ونكات ومشاغلات مع اهل كوستي لم يدرب درجة اولي ابدا بل درب درجة تالتة والناشئين والمدارس اهل الرياضة بقولو ليك هو موفق ! وياهون دة كلامو العادي المقطع حايم في كوستي
Post: #14 Title: Re: !! الكوتـــــــش دا قالوا من كوستي .....!! Author: عمر سعيد علي Date: 04-11-2017, 07:48 AM Parent: #12
(ما قلنا في غرابة .. بل أشدنا بالكلام ... وعلمنا ( Like ) في صدر البوست .. تحياتي)
معليش يا عبد العزيز انا كلامي موجه لي عنوان الفيديو . . لك العتبى . .
Post: #15 Title: Re: !! الكوتـــــــش دا قالوا من كوستي .....!! Author: عبد العزيز محمد عمر Date: 04-11-2017, 10:16 AM Parent: #14
Quote: تعاملو ده اصلا بعد وضع نفسو في مقام الاب للعيبة
ودا الأنا ذكرته فوق ... قلت اللعيبة بيحترموا الزول احترام شديد .. رغم شدة الكلام
Post: #16 Title: Re: !! الكوتـــــــش دا قالوا من كوستي .....!! Author: السر عبدالله Date: 04-11-2017, 06:48 PM Parent: #15
يا عبد العزيز المدرب يا يكون كدا ولا بلاش... انت قايل ناس كوستي ديل ساهلين...والله زمان...يعني زمنا نحن...في فريق اسمه الرابطة في كوستي ناس الهلال والمريخ كانوا بيحسبوا للفريق ده الف حساب.. الرابطة بتلعب...لانو مدربيهم كانوا من النوع ده...
Post: #17 Title: Re: !! الكوتـــــــش دا قالوا من كوستي .....!! Author: عبد العزيز محمد عمر Date: 04-12-2017, 06:40 AM Parent: #16
Quote: الكورة السودانية ترفع الضغط
كتيرين راحوا شمار في مرقة .....
خليك مع الأوروبي وشجع اللعبة الحلوة ...
عليك الله لو إنريكي بيكورك في جماعته زي حسوبة دا ... مش كان أفضل من بهدلتنا وبهدلة فريقه..
Post: #18 Title: Re: !! الكوتـــــــش دا قالوا من كوستي .....!! Author: عبد العزيز محمد عمر Date: 04-12-2017, 06:42 AM Parent: #17
Quote: سليمان حسوبة من الشخصيات صاحبة الطرفة والنكتة . ذكرته في بوست سابق اظنو الناس التقطر سكر
الزول دا ابقوا عليهو عشرة يا زعيم ..... فعلا دا من الناس التنضح سكر ....
Post: #19 Title: Re: !! الكوتـــــــش دا قالوا من كوستي .....!! Author: عبد العزيز محمد عمر Date: 04-12-2017, 03:00 PM Parent: #18
Quote: انت قايل ناس كوستي ديل ساهلين...
وأنعم بهم ... أكارم قوم ... وأسود ملاعب..
يكفيها : دحدوح ود علي مأمون
تحياتي يا أبا السارة ... أبو شبكةً جارة ...
Post: #20 Title: Re: !! الكوتـــــــش دا قالوا من كوستي .....!! Author: Emad Ahmed Date: 04-14-2017, 03:54 PM Parent: #19
سلام اخي عبد العزيز الشغيل وضيوفه الاكارم
كلامه معظمه صحيح
اللعب من لمسة واحدة
فتح الخانة لتسهيل التمرير لمن بحوزته الكرة (قاصد اللعب بدون كرة)
دعم ومساندة الزميل عند الهجمة
جيد جدا في الشغل النفسي من حيث تهئية وحماس اللاعب
كوتش شاطر أتمنى ان يؤهل بكورسات علمية
كوستي اعطت المريخ اعظم اللاعبين الجيلي عبد الخير وعمر احمد حسين وزيكو الدود
تقديري
Post: #21 Title: Re: !! الكوتـــــــش دا قالوا من كوستي .....!! Author: جمال ود القوز Date: 04-14-2017, 04:36 PM Parent: #20
الخبير حسوبة وميدان الخدمات .. يا سلااام .. زمن يأخ .. حسوبة مدرب فاهم وعارف أبجديات الكورة .. وهو من ظرفاء كوستي كذلك ..
Post: #22 Title: Re: !! الكوتـــــــش دا قالوا من كوستي .....!! Author: عبد العزيز محمد عمر Date: 04-15-2017, 10:47 AM Parent: #21
Quote: جيد جدا في الشغل النفسي من حيث تهئية وحماس اللاعب
دا جزء من صناعة لعيبة كرة القدم ... ونجاح المدربين ... مورينهو مثالاً..
كوستي لا تزال حبلى بأجيال قادمة .. مبدعة
Post: #23 Title: Re: !! الكوتـــــــش دا قالوا من كوستي .....!! Author: سيف اليزل سعد عمر Date: 04-15-2017, 10:58 AM Parent: #22
سلام يا عبد العزيز...
شكرا علي بوست الكوتش حسابو...
واسف جدا ما شفت البوست قبل كده...
بسال حتى اي طريقة تواصل مع الكوتش حسابو
تحياتى..
Post: #24 Title: Re: !! الكوتـــــــش دا قالوا من كوستي .....!! Author: عبد العزيز محمد عمر Date: 04-15-2017, 11:26 AM
Quote: سلام يا عبد العزيز... شكرا علي بوست الكوتش حسابو... واسف جدا ما شفت البوست قبل كده... بسال حتى اي طريقة تواصل مع الكوتش حسابو تحياتى..
مراحب أبو السيوف ...
ياخي إنت الخير والبركة ... ولو كنت أعلم أنك فكرت فيه ... لما قمت بفتح البوست ..