أغاني وأغاني بمنبر من لا منبر له * تعال اختار*

أغاني وأغاني بمنبر من لا منبر له * تعال اختار*


04-10-2017, 11:58 AM


  » http://sudaneseonline.com/cgi-bin/sdb/2bb.cgi?seq=msg&board=490&msg=1491821927&rn=31


Post: #1
Title: أغاني وأغاني بمنبر من لا منبر له * تعال اختار*
Author: محمد على طه الملك
Date: 04-10-2017, 11:58 AM
Parent: #0

10:58 AM April, 10 2017

سودانيز اون لاين
محمد على طه الملك-
مكتبتى
رابط مختصر

بالمناسبة العنوان دا مقصود لإنو لو كتبت من الأول أغاني نوبية يمكن البعض يفط البوست ..
أنا اختر ليكم عشرة أغنيات بالنوبية الدنقلاوية عايزكم تصوتو لأكتر خمسة نالن اعجابكم..
الاغنيات دي كلها نالت نسب مشاهدة عالية ..
أنا بنزلها مرقمة وما عليك غير تضع ارقام الأغاني الخمسة التي نالت إعجابك ..
تنبيه : أحيانا الفيديو بحتوى على أكثر من أغنية ولكن الأغنية المرشحة للمنافسة هي التي تظهر أولا..
ما تشتغلو باللغة ركزو على اللحن والموسيقى والصوت في الاختيار.



Post: #2
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-10-2017, 12:09 PM
Parent: #1

(1)










Post: #4
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-10-2017, 12:11 PM
Parent: #2

(2)

Post: #3
Title: Re: أغاني وأغاني بمنبر من لا منبر له * تعال اخ�
Author: علي عبدالوهاب عثمان
Date: 04-10-2017, 12:10 PM
Parent: #1

يا سلام يا الملك ودالملوك ..
سوف يكون بوست ممتع ..
صدقني يا عمدة لو ما صفحة الاولى من المنبر فيها صور ما حلوة بالنسبة لناس في سننا
كنت فتحت الموضوع ده في البيت مع الحاجة
ولكن زي ما قالوا الحوش أمريكي ..
مودتي نحن في الانتظار
وهناك العشرات ولكن ليس لديهم باسويرد
المهم المتعة يا جميل ..

Post: #5
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-10-2017, 12:12 PM
Parent: #3

(3)


Post: #6
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-10-2017, 12:14 PM
Parent: #5

(4)

Post: #7
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-10-2017, 12:17 PM
Parent: #6

(5)


Post: #8
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-10-2017, 12:18 PM
Parent: #7

(6)


Post: #9
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-10-2017, 12:21 PM
Parent: #8

(7)


Post: #10
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-10-2017, 12:23 PM
Parent: #9

(8)


Post: #11
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-10-2017, 12:24 PM
Parent: #10

(9)


Post: #12
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-10-2017, 12:25 PM
Parent: #11

(10)


ياللا علينا جاي .

Post: #13
Title: Re: أغاني وأغاني بمنبر من لا منبر له * تعال اخ�
Author: علي عبدالوهاب عثمان
Date: 04-10-2017, 12:35 PM
Parent: #12

الملك أمبس .. ودالملوك ..
قبل يومين مصدق طه الملك كان في ضيافتنا في جدة ..

يا ملك .. أنا مما أشوف دولا ( محمد سعيد العطا) الفنان دولا
لا أستطيع ان أتحمل الشوق والحنين والطرب .. لأن دولا محتفظ بالذوق العتيق
فنانين زمان ( توللي جوم ) وبدون أي إضافة أو حداثة لأنه دارس موسيقى ..
ترتيب الباقين عايز شوية وقت ..

بطلنا الشغل ومن حظي الكفيل ما في

قادم ولن أفارق هذا البوست

Post: #14
Title: Re: أغاني وأغاني بمنبر من لا منبر له * تعال اخ�
Author: حيدر حسن ميرغني
Date: 04-10-2017, 12:53 PM
Parent: #13

هيييع
الرطانة يجمعوا هنا
_
المنبر ٤٠٪ من عضويته من عندينا

Post: #15
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-10-2017, 01:08 PM
Parent: #14

يا مراحب بالأخوين علي عبد الوهاب وحيدر حسن ميرغني في أفتتاحية البوست ..
إحتمال ذوقي في اختيار العشرة اغاني ما يتوافق مع آخرين ..
بس خلينا نقول دي محاولة لزرع روح التنافس بين الفنانين لتجويد أعمالهم اكثر وأكثر ..
مشكورين يا أحباب تصويتكم مهم .

Post: #16
Title: Re: أغاني وأغاني بمنبر من لا منبر له * تعال اخ�
Author: جمال ود القوز
Date: 04-10-2017, 02:15 PM
Parent: #15



ووو شافوود ..

دسي مسود ..
غايتو ما خلا في وصف السماحة باقي ..
تسلم ملكـ أمبس ..


Post: #17
Title: Re: أغاني وأغاني بمنبر من لا منبر له * تعال اخ�
Author: معاوية الزبير
Date: 04-10-2017, 02:33 PM
Parent: #16

هلا مولانا ود الملك
بوستاتك نادرة وما بخليك تفتح بوست إلا الشديد القوي
والشديد القوي ممكن تثيره نغمة طاشة
أو نسمة
زي حقت مبارك بشير و وردي
يا نسمة جايه من الوطن

حظك جميل دائما تسافري
بلا تصاريح للسفر
و تعودي عبر المستحيل
نديانه زي صدف البحر

نسمع ونقول راينا في الألحان والأصوات

Post: #18
Title: Re: أغاني وأغاني بمنبر من لا منبر له * تعال اخ�
Author: علي عبدالوهاب عثمان
Date: 04-10-2017, 03:36 PM
Parent: #17

الملك امبس .. شكراً على هذا الاثراء
كما قلت سابقاً .. الاغنية بطريقة تقليدية كما سمعناها هي أغنية دولا ( 10 ) بالنسبة لي هي الافضل
ثم عثمان حميدة ( 4)
ثم حسن هولندا (3)
ثم سلميوي حمامقي (8)
ثم شافا (6)

الملك بصراحة .. الاغنية النوبية على قواعدها عند دولا .. الرمية والكلمات العميقة
وبعده يكون عثمان حميده أصالة الصوت وحسن الاداء .. وكمان حسن هولندا

ولكن باقي الشباب حاولوا يعملوا تجديد أفتكر هم متأثرين بالحوت محمود عبدالعزيز ( الحواته ) مع أنه دنقلاوي من جهة والدته جاءت لنا في جدة وكرمناها كمان
من عاضمة الملك ( إيماني ) مكان قصر جدك حمد الملك .. الشباب أضافوا نوع من التحديث لا يصلح مع الاغنية النوبية ..

بعدين الساقية والمراكب مصورة في جزيرتنا أرتقاشا ..

رائع جداً يا ملك ..

راحات اليوم الكفيل وبوستك جاء في الجرح

Post: #19
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-10-2017, 04:47 PM
Parent: #18

سلا مات يا ود القوز ..شايفك اكتفيت برقم (5) بس ..
إن شاء الله تكون عندك طلة تانية علينا ..
مشكور يا الحبيب.

Post: #20
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-10-2017, 04:59 PM
Parent: #19

هلا بيك يا ود الزبير كيف العضام أن شاء الله اترمن ؤرجعن بمب ..
والله النسمة حاصلة..
قبل اسبوعين كان عرس أخوي في البلد ورسلو لي الفيديوهات أعاين والعبرة خانقاني ..
صبحت دمعتنا وسادتنا كدى حاول اعرف لينا خلاص ..
ينعل ابو الغربة ذاتا.

Post: #21
Title: Re: أغاني وأغاني بمنبر من لا منبر له * تعال اخ�
Author: Ahmed Yassin
Date: 04-10-2017, 06:29 PM
Parent: #20

2 ، 3 ، 5 ، 6 ، 10
نبدأ من وين من خليقة (الكِيسر) او ما يعرف بالعربي
(الطنبور) وحكايات الاغاني ونوستالجيا (الليركس)
والغناء هنا ليهو عمق وجداني عجيب
الايقاع الاهم والقديم هو الايقاع الرئيسي الاسمو (أُولِّلي) وبالعربي الصفقة ودا بطىء نسبيا
غير ايقاعات اخرى هي اسرع في الرقص سنحاول ان نتطرق ليها بشىء من الايجاز

وايقاع ( الجابودي ) ودا صورو لينا الطيب صالح في موسم الهجرة للشمال لمن اللوري كسر مسمار
والايقاع الثالث هو (الرتوتي) في صفة وصيغة الغناء الجماعي.

Post: #22
Title: Re: أغاني وأغاني بمنبر من لا منبر له * تعال اخ�
Author: فيصل محمد خليل
Date: 04-10-2017, 06:57 PM
Parent: #21

كلٌ جميل و عذب
و لكن وقع اختياري في
شافا (6)

Post: #23
Title: Re: أغاني وأغاني بمنبر من لا منبر له * تعال اخ�
Author: Nasser Amin
Date: 04-10-2017, 07:38 PM
Parent: #22


سلام مولانا الملك ولضيوفك الكرام
(1) 5
(2) 3
(3) 2
(4) 10
(5) 9

Post: #24
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-10-2017, 08:39 PM
Parent: #23

يا سلام يا أستاذ علي عبد الوهاب ..
كما توقعت ترشيحاتك مالت للتراثية دون أن تهمل التحديث ..
أول مرة أعرف أن والدة الفنان الشاب محمود عبد العزيز رحمه الله من إندينا ..
متعها الله بالصحة وآجرها في فقيدها وفقيد الفن والوطن...
تصدق أعنية عبد المتعال بقة ذكرتني باستايل المرحوم في الأداء بدون أعرف..
مشكور يا الحبيب .

Post: #25
Title: Re: أغاني وأغاني بمنبر من لا منبر له * تعال اخ�
Author: عباس محمود
Date: 04-10-2017, 09:02 PM
Parent: #24

مولانا الملك .. سرن آقمي 4 ، 5 ، 7 ، 8 ، 10أستضفنا قبل أشهر قليلة عثمان حميدة Hameeda في النادي السوداني بالعين بواسطة قروب الدناقلة بالأمارات ولاحظت ان له حضور طاغي جدا علي المسرح .

مشكور مولانا الملك

Post: #26
Title: Re: أغاني وأغاني بمنبر من لا منبر له * تعال اخ�
Author: جمال ود القوز
Date: 04-10-2017, 09:31 PM
Parent: #24






Post: #27
Title: Re: أغاني وأغاني بمنبر من لا منبر له * تعال اخ�
Author: حمد إبراهيم محمد
Date: 04-10-2017, 11:36 PM
Parent: #26


السلام عليكم
مولانا وليد حمد الملك...
اولا: يا اخوي مافي طريقة لتعلم اللغة النوبية ، يقال ان الراحل المقيم استاذنا محمد نور الدين
عمل حروف ابجدية للنوبية - هل هذا صحيح بمعنى ان النوبية ممكن تدرس ..؟

ثانيا/ ارجو من يختار الاغاني ان يشرح لنا سبب اختياره لهذه الاغاني الخمسة .
اما انا فاخترت (2 - 3 - 4 - 6 - 7) وهناك صفات تجمع هذه الاغاني ، ساكت عنها
لاحقا باذن الله.

تحياتي لك وللمتابعين .




Post: #28
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-11-2017, 01:57 AM
Parent: #27

الإخوة الأحباب برجع ليكم واحد واحد ..
ختينا الكود البسمح للمشاركة من الفيس أن شاء الله تنجح المحاولة ..






href="أغاني وأغاني بمنبر من لا منبر له * تعال اختار*
/seq=msgandboard=490andmsg=1491821927andrn=1 num_posts="10andquot; width="500">






Post: #29
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-11-2017, 02:03 AM
Parent: #28

مصدر بكري الفرضو جبرا دا كرهنا الاقتباس ..محاولة أخرى ..












مافيش فايدة البعرف يخت لينا كود الفيس .

Post: #30
Title: Re: أغاني وأغاني بمنبر من لا منبر له * تعال اخ�
Author: الفاتح ميرغني
Date: 04-11-2017, 02:23 AM
Parent: #29

عزيزنا مولانا محمد على طه الملك
تحية ليك ولضيوفك الافاضل
مرور على سبيل التحية ريثما نسمع ونجي نختارو نصوت.



محبتي

Post: #31
Title: Re: أغاني وأغاني بمنبر من لا منبر له * تعال اخ�
Author: درديري كباشي
Date: 04-11-2017, 06:23 AM
Parent: #22

من لا منبر له

مؤلمة جدا يا ملك

فعلا ملاحظة أنه أكثر فن وتراث و فلكلور مهضوم حقه في السودان إعلاميا هو فن الدناقلة تحديدا

يمكن باقي القبائل النوبية المحس والحلفاويين فرضوا فنهم بزعامة وردي

لا أذكر حضرت سهرة في التلفزيون خصصت لتراث وفن الدناقلة


Post: #32
Title: Re: أغاني وأغاني بمنبر من لا منبر له * تعال اخ�
Author: علي عبدالوهاب عثمان
Date: 04-11-2017, 07:38 AM

التحية حبيبنا درديري ..
هناك قناة الشمالية تبث 24 ساعة عن كل مناطق الشمال
وكانت هناك لقاءات مع دولا وكذلك مع زكي عبدالكريم عدة مرات
الفن النوبي لا إختلاف فيه تكاد تكون نفس الالحان ونحن في دنقلا نطرب أكثر لأغاني
حلفا وسكوت والمحس ( وخاصة وردي ) العملاق الافريقي ..
منذ شهرين إذاعة الشمالية تبث كل الفن النوبي وكذلك فن أهلنا الشايقية الجميلين
بصراحة لا يوجد أي تهميش إعلامي .. خلاص المشكلة إتحلت بعد قناة الشمالية من دنقلا

مودتي وتحياتي ..

Post: #33
Title: Re: أغاني وأغاني بمنبر من لا منبر له * تعال اخ�
Author: بابكر قدور
Date: 04-11-2017, 08:48 AM
Parent: #32

أخي محمد علي طه الملكلك الود التحايا الطيباتأولاً: سببت لنا حرجاً كبيراً بتضييق الفرصةثانياً: الأغنية رقم (9) خارج الموضوع خالصخالص فقد أبكتني صدق أو لا تصدق.ثالثاً: كما تريد:23567مجبراً لا مختاراً - ياخي 9 دي عجيبة ....

Post: #34
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-11-2017, 12:59 PM
Parent: #33

واااو وااو وااو ..
تصدق يا أحمد يسين من فكرت في البوست دا أنت في بالي ..
قلت ياريت لو في طريقة انسق معاك بحكم أنك زول دراس وعارف ومتابع في المجال ..
أنا سعيد جدا بحضورك وأكيد تحليلاتك مهمة جدا وتزيد البوست إثراء وتفتح لينا أذهانا لنوعية الايقاعات والألحان والأصوات ..
البوست حقك يا الحبيب كلما تلقى فسحة اتحفنا بتحليل .

Post: #35
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-11-2017, 01:03 PM
Parent: #34

وين ناس ود البشرى ؟ أكان ما داير يرشح يجي يفتح لينا صفحة الفيس .

Post: #36
Title: Re: أغاني وأغاني بمنبر من لا منبر له * تعال اخ�
Author: walid taha
Date: 04-11-2017, 01:20 PM
Parent: #1

أوو مهمد
واللاهى ميلّن دسن فنجري

Post: #37
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-11-2017, 02:00 PM
Parent: #36

هلا وحلا بفيصلنا ..
قلت مزاجك رابط مع رقم 6 يبقى مزاجك مزاج سيرة كان احمد يسين ما غالتني..
فعلا الأغنية رائعة وحصدت مشاهدة عالية .

Post: #38
Title: Re: أغاني وأغاني بمنبر من لا منبر له * تعال اخ�
Author: Ahmed Yassin
Date: 04-11-2017, 03:14 PM
Parent: #37

مولانا محمد علي الملك وشركاه
والله انت زول جميل بشكل ...
والانسان ابن بيئته
النوبة الكوشيون وحضارتهم الغنية والضاربة في اعماق التاريخ التليد
النوبة قبل كل شىء دوزنو الطمبور (الكيسر) على تنغيم الخماسي
ولزماتو وجملتو الموسيقية البديعة … وهذا الابداع المتناهي وفيهو توافق
للجمل اللحنية والموازير المشبوبة بالعاطفة الغنائية لم يترك أي مجال لـ (الهارب)
وهي آلة فرعونية اشتهرت في حضارة نبتة ومروي وهذه الازاحة جعلته يختفي نهائيا عن الساحة
ولكنه تسرب ببطء واستوطن على نحو ما في غرب السودان

Post: #39
Title: Re: أغاني وأغاني بمنبر من لا منبر له * تعال اخ�
Author: Ahmed Yassin
Date: 04-11-2017, 03:37 PM
Parent: #38

(الكيسر) بالعربي هو (القيثارة)
النوبة ليهم حوالي (12) ايقاع .... وكلها نابعة من بيئة خصبة تحاكي الجمال
وصوت الامواج وحفيف النخيل وضرب امواج النيل لحافة المركب الخشبي
وحركة الطيور وهفهفة سنابل القمح واصوات الساقية والمحاريث والحصاد
ومع كل الايقاعات المتنوعة دي والمختلفة في مستوى الضرب ما بنلقى
ولا ايقاع واحد (للحرب) ... يعني النوبة كلهم ليس لهم ولا يشملهم
مصطلح (دقت طبول الحرب) لانهم لم يستعملوا أي موسيقى او ايقاع في الحروب
والتاريخ يقول انهم كانوا يشعلوا (الدخان الملون) بدلا عن الموسيقى
قلنا اشهر الايقاعات دي هو (الجابودي) ودا ضرب 4/4
وكل الجمال دا مستلهم من الطبيعة الخلابة
والملاحظ في كل الغناء والشعر النوبي انه خالي تماما من الوصف الحسي للمرأة
ويبعد عن وصف (مفاتن) المرأة ووبعيد عن (التبرج) العام
ودا نتاج العادات والقيم السمحة والتقاليد والعفاف والنقاء الانساني والوجداني يجعل
الغزل الحسي شىء منبوذ في الثقافة
وكل الابيات محاطة بنوع من (العفة) ولها دلالات عميقة



Post: #40
Title: Re: أغاني وأغاني بمنبر من لا منبر له * تعال اخ�
Author: علي عبدالوهاب عثمان
Date: 04-11-2017, 04:09 PM
Parent: #39

الملك امبس .. شكراً يا أصيل فتحت نافذه للموسيقي الرائع إبن بنا البار أحمد
يا سلام يا أحمد على الكلام المأصل .. الله الله ..
هذه هي البيئة التي جاءت بوردي وخليل فرح
يا أحمد يا الحبيب زمان ( أكثر من نصف قرن ) عندما ندور بالساقية ( أروتي )
كنا نردد السلاد وتماماً كما يفعل الفنانين الآن ننتظر نغم الساقية ذلك الصوت الذي
يصدر من قاعدة الحلقة الكبيرة ( أرقديه )
زي صوت ( الكمان ) ( إييييييييييييييييييييييييييي ) وفي نهاية النغم نواصل ( السلاد )
وكانت أعمارنا ما بين 6 إلى 13 سنو تقريباً ..
تناغم ما بين الساقية والاروتي تماماً مثل ( فنان وأوركسترا )
وقمة النشوة كانت عندما تسمع تدفق المياه من القواديس يصوت ( شششششششش )
.. والسلاد الثاني كان مع أيقاع ( الواسو ) أو ( الواسوق ) .. نغمة ( صلوا عليه )
كورس .. وقائد السلاد في المقدمة
كان في تناغم مع الإنحاءة والاعتدال ( زي الركوع في الصلاة ) ولكن مع إيقاع
الواسوق .. وهذا الحادي كان مهم جداً في أي فزع أو نفير وخاصة في حش القمح
.. وفي الاستراحة ( قرعة دكاي ) عشان الصوت يكون صافي وجميل ..
شكراً الملك ... شكراً فنانا الجميل أحمد ياسين ..
شكراً أهلنا في بنا أهدونا هذه القامات النوبية السامقة ..
أحمد حبيبنا .. حاول تتواصل مع قناة الشمالية .. كلامك درر وفيه وتوثيق علمي


Post: #41
Title: Re: أغاني وأغاني بمنبر من لا منبر له * تعال اخ�
Author: علاء سيداحمد
Date: 04-11-2017, 04:13 PM
Parent: #38

ياسلااااااااام يا ود الملوك بوست فى السلك
3- الاغنية تتحدث عن مضمون اجتماعى جميل وهو اتمام نصف الدين - الزواج - والاستعداد والتحضير له . لذلك ستكون فى المرتبة الاولى
8- سلموى حمامقى - ياريت صاحب الشريحة يقوم بتعديل كلمة اغانى رطانة الى اغانى نوبية لان رطانة تعنى فى معاجم اللغة العربية لـغة غير مفهومة ولغتنا النوبية لغة مفهومة . والغنّاي السودانى يقول : خلت الابكم رطــن
-10
-4
-7
تعديل رقم

Post: #42
Title: Re: أغاني وأغاني بمنبر من لا منبر له * تعال اخ�
Author: Ahmed Yassin
Date: 04-11-2017, 04:40 PM
Parent: #41

استاذنا علي عبدالوهاب عثمان
والله كلامك دا عبارة عن مشهد حي في الفزعات والمناسبات.ودا بالضبط
ما قصدناه ان الساقية لعبت دور كبير وعميق في الحياة
ودا الخلى عمر الطيب الدوش يقول
(صوت القواديس ... والمياه)
وبصوت حمدالريح والاداء المذهل المعبر
وانت اصلا مثال حي للانسان النوبي الاصيل اصالة المنطقة والتاريخ
والجغرافيا واللسان
وللغناء النوبي خصوصية شديدة وليهو تراث عجيب وحتى ايقاعاته
ظلت محتفظة بالخصوصية رغم التمدد والتعدد في تطور الموسيقى عموما
مع ان اللحن النوبي ممكن يؤدى بالصفقة والطار والطنبور والاورج والاوركسترا الكاملة
والرقص النوبي هو بتميز عن جميع الرقصات الاخرى الموجودة في الكون
بانه الرجال والنساء يراقص بعضهم بعضا .. ليس في الاختلاط فقط
ولكن نوعية الرقص نفسه... وهو رقص رشيق و فيه متعة ودلالات

Post: #43
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-11-2017, 07:59 PM
Parent: #42

يا سلام عليك يا ناصر ..
ترشيحاتك في السلك ..
كمان انت أول واحد يخت الأغنية رقم 9 ضمن ترشيحاتو ..
مشكور يالحبيب ..
خليك متابع لمعرفة الترشيحات الفائزة .

Post: #44
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-12-2017, 03:09 AM
Parent: #43

عباس محمود تود كيفك يالحبيب ..
مشكور على المساهمة والترشيحات ..
عثمان حميدة فنان متألق ربنا يحفظه ويوفقه في مشواره الفني ..
في مدينة العين يقيم عمنا الأنيق زبير محمد زبير بأسرته وأظنه من أوائل المغتربين في تلك البلاد ..
إن كنت من سكانها بلغه تحاياي القلبية الحارة.

Post: #45
Title: Re: أغاني وأغاني بمنبر من لا منبر له * تعال اخ�
Author: محمد محمد قاضي
Date: 04-12-2017, 06:04 AM
Parent: #1

سلام وتحية ومحبة للجميع
بوست في السلك يا مولانا زي ما قال أخونا علاء

بعد كلام الأساتذة علي وأحمد يسن ما في كلام تاني بتقال ... نسمع بس

إختيارك للأغنية الأولي موفق جدا لأنو فيها وصف للطبيعة والبيئة
بصورة مدهشة وده طبعا برجع الإنسان النوبي لأيام الرعي في البرود
البهايم .. السواقي ... اللعب مع البنات ... المراكب ... العوم .... القش
صيد السمك في الدميرة ... الأفراح وحتي الأحزان ... في براءة وتناغم
وتعايش مع كل من حولك ... طيار إنبك ايقي اندي نقومن ايبلدي بُجوري

جميع أغاني الفنان الجميل دولا عطا بدون إستثناء روعة وإبداع وركز
مع أغنية كنتو ومسكة وإعادة توزيعه لإغنية سهريري لقمة فناني النوبة
ذكي عبد الكريم ولا تنسي كذلك أغاني المرحوم إدريس إبراهيم خاصة
أغنية منيكون وطيار إنبك

غايتو أنا بختار الأغنية رقم 7 رغم إنو في التسجيل المبدع عثمان ما تم
الأغنية وهي أغنية عتاب لطيف من أب مكافح لإبنه الصغير ... إذا أنتا
والد وسمعتها بي رواقة وسرحت شوية في البلد وعيونك ما دمعت ...

Post: #46
Title: Re: أغاني وأغاني بمنبر من لا منبر له * تعال اخ�
Author: بابكر قدور
Date: 04-12-2017, 06:49 AM
Parent: #45

قلنا اشهر الايقاعات دي هو (الجابودي) ودا ضرب 4/4
_________________________________________
والتاريخ يقول انهم كانوا يشعلوا (الدخان الملون) بدلا عن الموسيقى
______________________________________________

أخي الأستاذ أحمد يس
لك الود والتحايا الطيبات
لفت إنتباهي في مداخلتك هاتين العبارتين وقد أوجزت فيهما كثيراً فرجاءً
أأمل أن تقابله استجابة أن تحدد إسم الإيقاع في كل أغنية من هذه الأغاني
والإشارة إليها بالأرقام مع التركيز على إيقاع الجابودي .... ومن ناحية أخرى
أرجو توضيح إشعال الدخان الملون لأني أول مرة أسمع بها عند النوبة في
السودان وهي تتقاطع مع معلومات كثيرة في ذهني وخاصة مع الطبل
كناقل للرسالة في عموم أفريقيا ومن بينها منطقة النوبة. مع التحيات لك
وللصديق محمد على الملك ....

Post: #47
Title: Re: أغاني وأغاني بمنبر من لا منبر له * تعال اخ�
Author: جمال ود القوز
Date: 04-12-2017, 06:55 AM
Parent: #45


Post: #48
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-12-2017, 10:34 AM
Parent: #47

يا سلام ياحمد والله اسمك وزيارتك غالين علينا ..
ترشيحاتك جميلة واثمن مقترحك للمشاركين إذا ما كان صعب عليهم ..
بالنسبة لسؤالك ايوه نعم وضعت حروف لكتابة اللغة النوبية ..
ايضا الأخ السقير منان عنده كتاب في نفس الاتجاه أعلن عنه قبل فترة في بوست هنا ..
الفيديو المرفق فيهو كلمات الأغنية كتبت برسم الحروف اللاتينية القديمة ..
أظن اختيار رسم الحرف اللاتيني لسهولة ضبط صوت اللفظ من ناحية ..
وربما كان هذا الحرف مستخدم في الممالك النوبية القديمة..
يهمني جدا عودتك كما وعدت برؤيتك وتحليلاتك .
تنبيه : الفيديو دا بره المنافسة

Post: #49
Title: Re: أغاني وأغاني بمنبر من لا منبر له * تعال اخ�
Author: Ahmed Alim
Date: 04-12-2017, 11:23 AM
Parent: #48

زي ما بقولوا المثقفين:
سأعود لاحقاً للتعقيب والإنتخاب
هههههههههههه

فكرة سمحة يا ملك.

Post: #50
Title: Re: أغاني وأغاني بمنبر من لا منبر له * تعال اخ�
Author: بدر الدين الأمير
Date: 04-12-2017, 12:00 PM
Parent: #49

ياود الملك
بمناسبة عدم التركيز على نصوص الاغانى اعلاه
مرة كان اصدقايى الدناقلا جابو ليهم فنان دنقلاوى
مشهور صوته جميل وكان الحفل بمركز اصدقاء
البيئة بالدوحة وكنت من المعزمين بع بعض العروب
وكان المشرف على الحفل اخونا وصديقنا عوض انقى
وهو عريف الحفل قام قدم الحفل بالغة الدنقلاوية .....
وفي نهاية الفاصل الاول سالت عوض وبنفعال ياخى
عرفنا الغنا ماداير ترجمة بس احترا لنا نحن كضيوف
مفروض تكرر المقدمة بالعربى يعنى تترجما لينا قام
ضحك وقال نحن لمن نجى ضيوف على حفلاتكم انتو
بتترجمو لينا حاجة ههههههه

Post: #52
Title: Re: أغاني وأغاني بمنبر من لا منبر له * تعال اخ�
Author: علي عبدالوهاب عثمان
Date: 04-12-2017, 12:30 PM
Parent: #50

الملك أمبس ..
عن إذنك أحي هذا الامير الرائع بدرالدين حبيبنا
عوض أنقي معاه حق يا بدر يا جميل ..
مرات في جدة موجودين في الحفل والواحد ما فاهم أي شيء ..
شعر الحماسة وخاصة أشعار أهلنا ناس البطانة ..
وأغاني الحماسة نقوم نعرض لكن أطرش في الزفة ..
مودتي يا أمير ..

Post: #51
Title: Re: أغاني وأغاني بمنبر من لا منبر له * تعال اخ�
Author: الفاتح ميرغني
Date: 04-12-2017, 12:15 PM
Parent: #49

عزيزنا مولانا الملك
الأغنية رقم 10 جميلة جداً وفيها احساس صوفي، يمكن لأنه ايقاعها قريب من النوبة. وكمان عجبتي جداً:
(10-7-5-4)
شكرأ ليك على هذه النافذة التعريفية الجميلة.

Quote: بطلنا الشغل ومن حظي الكفيل ما في


عزيزنا علي عبد الوهاب عثمان.
شفافيتك اوسكار!


محبتي

Post: #53
Title: Re: أغاني وأغاني بمنبر من لا منبر له * تعال اخ�
Author: Ahmed Yassin
Date: 04-12-2017, 12:57 PM
Parent: #51

الغناء في لغة الدناقلة اسمو (او) (O ) مشتقة من (اونج) يبكي
وهناك الفرح ( قورّ) يفرح والكلمة الدنقلاوية دي زاتا بتتكون من مقطعين
( قو ) بمعنى القلب و... (اورّ ) بمعنى يتاجج .. يشتعل .. يبتهج)
اظن المعنى واضح (ابتهاج القلب(.
اغاني الشايقية وايقاع الدليب اصلا مستمد من النوبة وبنلقى الايقاع دا في الشايقية
اسرع من ايقاع الدناقلة العندهم ابطأ شوية وتم تعريبه في منطقة الشايقية
وبنلقى الرقص مشابه من ناحية حركة الرجلين والصفقة وخاصة للراقصة
التي تدخل (الدارة) كالفرس او (المهرة) وتضرب برجلها برشاقة وتقف وترفع صدرها
وعنقها يكون مستقيما وراسها الى اعلى .. وتتبختر برجليها وتحرك جسدها الرشيق
رمز العزة والقوة في الاتجاهات المختلفة في محاكاة للفرس .. وهي ترمى (الشبال)
هنا اتذكر شيخنا محمد ودالرضي الذي انسجم وانفعل مع احدى الراقصات الحسان
ومن شدة الانسجام والانبساط قام دخل الدارة لعله يحظي بـ (شبال) قال:ـ
الكتوف واقعة
والعيون يا ناس مويتن ناقعة
الوجن قادحات في الظلام فاقعة
راجي شبالة وراضي بي صاقعة

Post: #54
Title: Re: أغاني وأغاني بمنبر من لا منبر له * تعال اخ�
Author: خالد حاكم
Date: 04-12-2017, 01:49 PM
Parent: #53

سلام يا الملك
شكرا على البوست وعلى الاغانى المختارة
كان فى اغانى طمبور لعبداللطيف عبدالفراج وحسع شايف مافى تسجيلات محفوظة ليه
الاغانى عندى بالترتيب
6
8
3
4
2

Post: #55
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-12-2017, 04:22 PM
Parent: #53

يا أحمد أخونا بابكر قدور بستفسرك فوق أظنك ما لاحظت ذلك.

Post: #56
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-12-2017, 04:24 PM
Parent: #55

حبيبنا الفاتح ميرغني ..
حضورك انت بالذات ..
كذلك الأحباب معاوية الزبير وحمد والدرديري وامير السودانيين في قطر وكل الإخوة الغير ناطقين بها لهذا البوست .. مهم جدا جدا لإنو ترشيحاتهم بتكون محايدة ..
ومنطلقة من رهافة آذانكم الموسيقية بمعزل عن صندوق اللغة..
لذلك اثمن حضورهم وترشيحاتهم ..
وأرجو من الإخوة الذين لم يسعهم الوقت للاستماع والترشيح ..
العودة بترشيحاتهم لاهميتها القصوى..
مشكور على عودتك بهذه الترشيحات الجميلة ..
ؤ زي ما تفضلت بالفعل رقم عشرة من الرتم النوبي وهي تراثية ..
ومعانيها في نفس سياق ما يعرف بأغاني (البنينة ) في الأعراس ..
أيقاعها كما نوهت أظنه أيقاع الطار ممكن أخونا أحمد يسين ينورنا أكتر ..
محبتي.

Post: #57
Title: Re: أغاني وأغاني بمنبر من لا منبر له * تعال اخ�
Author: عمر التاج
Date: 04-12-2017, 05:39 PM
Parent: #1

مولانا وفاتح اغاني رطانة
متعة كبيرة لكن
بالأول نستمع ونستمتع باللحن
والتقييم ملحوق
مليون تحية ياملك
وقبل ما نسمع نفتح نافذة الهوي قدامنا
وقدام وان شاء محل ماتقع تنفع







Post: #58
Title: Re: أغاني وأغاني بمنبر من لا منبر له * تعال اخ�
Author: وضاحة
Date: 04-12-2017, 06:07 PM
Parent: #57

الرطانة الوهم
ماعدا مولانا الملك
وفيثل خليل
وعزام ابو الراكذ
انا عاوزة ارخصكم جعليين

دى الاغنية الوحيدة العاجبانى وحافظها برغم انى ما فاهماها تصدق
اكثر شي عاجبنى فيها الاولاد ولبسن وجريهم على النخيل




Post: #59
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-12-2017, 06:09 PM
Parent: #57

اعقو لي ترتيب الردود المرة دي بس يا أحباب ..
لإنو ود التاج الالمعي دا فتح لي الفيس ..
صوتي بح وأنا أطلب فتح النافذة مشكور يا هندسة ..
ياخي مولانا دي جننوني بيها الزملا مع إني سبت القضاء برضو ملاحقاني ..
صحيح ما جيتنا ايدك فاضية إلا ترشيحاتك مهمة بعد تسمع ..
محبتي.

Post: #60
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-12-2017, 07:38 PM
Parent: #59

هلا وغلا بأديبنا الروائي الدرديري ..
برضو رؤيتك ما خاتيه الصواب لو نظرنا ليها من زاوية نسبة الفرص المتاحة للاطراف قوميا ..
زي ما قلت للأخ الفاتح حضوركم وترشيحاتكم في البوست مهمة جدا فلا تبخل بها علينا ..
محبتي.


Post: #61
Title: Re: أغاني وأغاني بمنبر من لا منبر له * تعال اخ�
Author: حمد إبراهيم محمد
Date: 04-12-2017, 10:59 PM
Parent: #60


السلام عليكم
مولانا ود حمد الملك ..
قبل ما اقول راي لماذا اخترت هذه الاغاني الخمسة، دعني استرجع هذا الحديث الذي دار بيني وابن خالي عبد المجيد "الشكري"،
هو مقاول معظم نشاطه في حلفا الجديدة، له علاقات توطدت بالصدق والاحترام بين كثير من تعامل معهم.
هذه العلاقات توطدت باقترانه باحدى بنات اسرة "نوبية" كريمة.
في جلسة بينا قلت له يا اخوي قدرت كيف تخلي –النوبة- يزوجو ليهم، كما يقول البعض "عريبي"؟.
ضحك ضحكة لها ما بعدها، وقال لي: تقصد ما يشاع عن "عنصرية النوبة"، واعتزازهم باثنيتهم وما يحويه تراثهم؟
> قلت: بالضيط.
< قال: يا اخوي الناس لا عنصريين ولا حاجة، لكنهم بياخدوا بمعني الحديث الشريف: من رضيتم دينه وخلقه فزوجوه، ثانيا السودانيين رجال ونساء
تعلموا وكثير منهم تخلوا عن الاشياء هذه.
> قلت: التقاليد واللغة وطبائع البشر...؟
< قال: المدام حسنة، متعلمة وعلى الرغم من تعليمها واختلاطي بمجتمعهم رجال ونساء، وجدت انهم رؤفين وحنينين- خاصة النساء- لدرجة تبكيك.
وزاد مرات تجي حسنة لوالدتك وتشكي ليها في لوعة: يا مامة حاجة نعمة، انا حاولت اتعامل مع فلانة جارتنا لكن ما قدرت، طبعها صعب شديد.
الحمد لله ابن خالي وحسنة خلفوا صبيان وبنات، منهم من تخرج وتزوج.
******

طيب، من الخلفية تلك، نجي لاختياري للخمسة اغاني.
أولا/ في ظني تنسج أصوات المغنين خيط رفيع شفيف ينظم ويوشي معظم الاغاني النوبية وهو الحزن والحنين.
هل هو حب وحنين لماضي اصبح وراء الواقع ام نعيشه فعلا، يجتره المغني فتثقف صوته وهمس رقة ولووفة تتبعتها ماقينا المحنبكة
لزرف ما خزنته من حبيبات تعاطف دافئة حد المقالدة الانسانية؟ .
ثانيا/ انا متلقي لم ادرس الموسيقى والاصوات، وهذا مجال استاذنا أحمد ياسين (من العشم... اعتب عليه، فياما مافي السجون من مظاليم؟)،
لكني اجد التناغم والانسجام بين الصفقة الراتبة والموسيقى المعبرة تحفها زغاريد الحراير في المناسبات، الى جانب اداء المغني،
هذا كله يعطننا داخل بحيرة عطر من مشاعر انسانية وارفة تلهمنا فرح يعتقه حزنا نبيلا.
ثالثا/ الحزن النبيل نجده في منلوج مقدمة أغنية "غربة"، فتعب الناس وهم يسوقون "الشادوف" لجب الماء لري الزرع، الحركة المسرحية للمشاركين،
تفاعل الاطفال مع ايقاعات الموسيقى وحركة الجمهور،
لذلك فعلى الرغم من الرهق وعرق الجسد لكنهم يبتسمون، لانهم فاعلون كتيم اجتماعي واحد يجلب خير الارض لبني الانسان.
رابعا/ لاحظوا هذا الفرح في اغنية "حلاوة ماكنتوش" برغم الانحشار في سيارة اللوري، هناك صوت المغني وما تصدره نغمات اوتار الطنبور
التي ترجع وجداننا الى ايام الطفولة متناسيين رهق السفر – يخيل لي اننا نتحدى هذه المصاعب –
يعني اضرب الكره بالفرح- لنبقى ونعمر الارض.
خامسا/ ما اجملته في مقدمة حديثي، تعيده أغنية "افراح كودي" الحزينة نوعا ما، لكن مع الفن الحديث والكلمات المموسقة، وحنية صوت المؤدي
والتجاوب الحركي مع الجمهور، يفرخ لنا فرح البعيد العاد.
لا استطيع ان اتوقف وانا اشاهد التراث المجتمعي يتجمع في هذه الاغاني ليثري وجداننا.
لكن مافي اليد حيلة لقد ادرك شهرزاد الصباح، ولم تتوقف لان الكلام عن الفن النوبي ليس بالكلام المباح.

حمد


Post: #62
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-13-2017, 01:15 PM
Parent: #61

حبيبنا بابكر ود قدور ..
معليش ياصديق بس قلنا ما نثقل على الناس بكثرة الترشيحات ..
رقم 9 اداء الفنان الشاب عبد المتعال بقة ..
اعتقد يمتلك صوت جيد لكن كما قال الأخ علي عبد الوهاب تأثير أداء الفنان المرحوم محمود عبد العزيز علي الشباب لا تخطؤه الأذن..
الأغنية فعلا كلماتها مؤثرة وحنينة ..
مشكور على المشاركة و الترشيحات الجميلة ..
لكن ما عارف ليه استبعدت رقم 9 من ترشيحاتك ؟
مودتي.

Post: #63
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-13-2017, 01:19 PM
Parent: #62

معقول بس أصحاب الآذان الموسيقية المرهفة زي مولانا محمد المرتضى والمهندس قباني واستاذ كبر وثلة من المتخصصين ما شافو البوست دا؟

Post: #64
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-13-2017, 01:57 PM
Parent: #63

يا وليد طه أنت وحيدر ميرغني انا مخاصمكم ..
معقول تزورو ايديكم فاضية من اي ترشيح؟

Post: #65
Title: Re: أغاني وأغاني بمنبر من لا منبر له * تعال اخ�
Author: Ahmed Yassin
Date: 04-13-2017, 10:58 PM
Parent: #64

استاذنا العزيز بابكر قدور
عذرا .. لم الاحظ السؤال
مقدمة بسيطة .. ايقاع الطار .. ايقاع معقد جدا بالمناسبة ويعتبر هو الاصل
وهو ايقاع (ثلاثي) في الاساس
واذا تكلمنا في الواقع معظم الاغاني النوبية في الزمن دا (اتشوهت) ضمنيا وتاريخيا
لدخول (الاورغ) طبعا مفروض نطلق عليهو اسم (المخزن) لان كل شىء تحت بالازرار
واكيد مهما تطور .. صعب جدا يطلع منه صوت (الطار)
كل النماذج ما عدا:
رقم (1) دون ايقاع طمبور فقط وللاسف المطرب صوته (فلات) .. سطحي
وبغني سطحي (ويكفي كدة)
ارقام (2 ، 4 ، 6 ، 8) دا يعتبر وممكن نقول عليهو (سيرة ) او عرضة
ارقام (3 ، 5 ، 7 ، 9 ، 10) دي ممكن نقول عليها ايقاع نوبي دليب و (ريش ) وجابودي
واحيانا ايقاع قديم جدا يسمى (نقشبندي)

Post: #66
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-14-2017, 10:27 AM
Parent: #65

يا جماعة أعفوا لي من أمبارح اللاب معصلج ..
هسع خاشي عادي بالجلكسي زي ود المدير وصحابو ..
انت يا ود المدير ماليك في الربة دي يا قول ود أب سن ول الغناوي ما عجبنك ؟

:
علاء سيد احمد كيفك يا الحبيب ..
ملاحظتك بخصوص عنوان الفيديو في محلها ياريت يتم تعديلها ..
مشكور على الترشيحات الحلوة ..
مودتي.

Post: #67
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-14-2017, 08:33 PM
Parent: #66

وووا قادنتود ارسي سرن أقروا ..
مشكور على المداخلة الشارحة ..
كونك تشير لأغنية الطنبور رقم واحد دا معنا تو انت خبرة في ألحان الطنبور ...
الاغنية دي مع جمال معاني كلماتها برضو المغني مَجِيدٌ في العزف على الطنبور مع الوضع في الاعتبار صعوبة اللحن ..
فقط للأسف صوتوا مش ولابد زي ما قال الأخ احمد يسين ..
يخيل لي الاغنية لو أداها زول صوتو جميل وكان هو العازف كانت نالت قبول الكثيرين ..
تصق رغم ضعف الأداء انا شايفا جيدة بسبب إتقان العزف وجمال اللحن ..
شايفك وقفت بنمرة سبعة ياريت تعود لينا بترشيحات زيادة ..
محبتي

Post: #68
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-15-2017, 10:57 AM
Parent: #67

احمد سآتي كيفك الحبيب ..
مشكور على الطلة وننتظر ترشيحاتك ..
مودتي.

Post: #69
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-15-2017, 11:52 AM
Parent: #68

أميرنا الامير ..
التحية لك ولانقي وعموم الجالية بقطر ..
ياخي انت قايل لغتنا دي ساهلا ول ساهلا ..
عندي صاحبي كان بحضر دكتوراه في الفيزيا ..
هسع محاضر في ايرلندا ..
طلبو منو يسمي الرسالة بتاعتو ..
قال قدر ما ينحت مخه ويختار اسم السوبر فايزر يرفضو ..
قال لي شوف لي اسم من لغتكم دي..
قلت ليهو ( اونتي) يعني القمرة ..
بعد فترة اتصل علي قال لي تصدق اونتي قاشرة في مجلات البحوث من الصين الى أمريكا ..
تقول لي يترجمو ليك ؟
والله طلتك أسعدتني على الرغم من انك لم ترشح ..
ياريت اسمع منك تاني ..
مودتي.

Post: #70
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-16-2017, 08:30 AM
Parent: #69

خالد حاكم كيفك يا قريبي ..
صحيح العديد من اغاني الطنبور الممتعة ما عندها تسجيل ..
حقو شبابنا العندهم إمكانية ينتبهوا لذلك ..
مشكور على الزيارة والترشيحات الحلوة ..
مودتي.

Post: #71
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-16-2017, 09:01 AM
Parent: #70

بت المك عروس خيلن يجن عركوس..
وضاحة ربنا يديك ألفي مرادك ..
بس انت بالذات مفروض ما تقولي بغم بخصوص الرطانة ..
قلت ليك قبال كده جدك حامد اب عصا وإدريس ود الأرباب المحسي ولاد خالات ..
شفت العرق دساس كيف؟ هسع إعجابك بالملك محمد نمير قايلا ساي ..
مشكورة على الطلة والفيديو الجميل بس لازما ترجعي تاني لينا بترشيحات ..
مودتي.

Post: #72
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-16-2017, 07:59 PM
Parent: #71

يا حمد والله مداخلتك الملانه دي جرتني لذكريات وعلاقة ودودة جمعتني بأساتذتي مولانا حمد أب سن ..
ومولانا رانفي محمد ابراهيم ..
ذكريات محفوفة بالتقدير والاحترام والمحبة تقصر هذه المساحة المحدودة عن تفصيلها ..
لهم مني التحية والتقدير أينما كانوا..
تحليلاتك للأغاني جميلة ولكن تصدق الاغنية رقم سبعة المعنونة بأفراح كودي دي من تلاتينات القرن الماضي ..
يعني كانوا آباءنا بتغنو بيها ..ء
مرة اخرى مشكور هذه على المداخلة الشحمانة..
مودتي.

Post: #73
Title: Re: أغاني وأغاني بمنبر من لا منبر له * تعال اخ�
Author: Ahmed Yassin
Date: 04-17-2017, 12:55 PM
Parent: #72

استاذنا علي عبدالوهاب عثمان
انا لميت في كتاب اسمه (ترف الزاهدين) لشاعر جميل ومؤلف اسمه محمدعبدالوهاب عثمان ولقبه (ارتقاشة)
انا من الاسم قلت دا اخوك لانه متعمق في اللغة النوبية والتراث والغناء النوبي مثلك تماما
وهو توثيق مبذول فيهو جهد مقدر لمسيرة الغناء الموبي وفناني النوبة العظام زي الرائد (حسين لالا)
وبرضو نذكر الفنان (دهب) و (خليل معروف)

Post: #74
Title: Re: أغاني وأغاني بمنبر من لا منبر له * تعال اخ�
Author: علي عبدالوهاب عثمان
Date: 04-17-2017, 01:09 PM
Parent: #73

انا لميت في كتاب اسمه (ترف الزاهدين) لشاعر جميل ومؤلف اسمه محمدعبدالوهاب عثمان ولقبه (ارتقاشة)

==============================================
أحمد الحبيب .. ووو بناوي مس ..
نعم هو أخي الاصغر محمد عبدالوهاب ( شاعر وملحن وعازف طنبور ماهر جداً )
لديه الكثير من الاغاني النوبية للفنانين الشباب ..
وله مؤلفات كثيرة جداً ..
شكراً أحمد الفنان الراقي


والتحية للملك على هذا البوست الجميل
الفنان دولا لديه أغنية إسمها (( بتولا )) لم أستطيع إنزالها
لأن مقدراتي التكنولوجية ضعيفة جداً .. تربال ..
أغنية تذكر الواحد الزمن القديم
تماماً مثل ( آمنه بروشوت ) بس باللحن القديم

شكراً يا الملك على هذه الاتكاءة الجميلة ..
ضل نخلة .. وفارشين جريد ..

Post: #75
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-17-2017, 05:51 PM
Parent: #74

الاخوة والأخوات..
يبدو اننا بلغنا خاتمة الترشيحات ..
لعل الهدف من البوست بدا في ظاهره تنافسيا غير ان الغاية كانت في حقيقتها تعريفية ..
النتائج أظهرت تقارب شديد بين الأمزجة فكانت النتيجة اشتراكات في المرتبة بين الأغنيات ..

(١) أغنيات المرتبة الاولى :
نالت ثلاثة أغنيات بالاشتراك المرتبة الاولى ..
وهي الأغنيات رقم ٣/ ٦/ ٧ جاءت الأصوات بشأنها متساوية..
الأغنيتين ٣ و ٦ للفنان النوبي المهاجر حسن صالح الشهير بحسن هولندا ..
وقد نالت تسجيلاته باليوتيوب قبول وتعليقات عالمية حسنة فله الشكر على جهوده ..
الملفت للانتباه ان الاغنية رقم ٧ وهي من اداء الفنان عثمان حميدة ..
تعتبر من أغنيات الثلاثينيات مع ذلك نالت قبول الجيل الحديث ..
مبلغ ظني ربما كانت هذه الاغنية من حيث الإيقاع ..
من اغاني الجابودي الرائعة ويمكن للأخ احمد التصيح ..

(٢) أغنيات المرتبة الثانية :
نالت كل من الاغنية رقم ٤ ورقم ٥ المرتبة الثانية ..
الاغنية رقم ٤ من اداء الفنان عثمان حميدة ..
وهي تحكي في مضمونها عن مرارة الهجرة والبعد عن الوطن وحلم العودة..
اما الاغنية رقم ٥ فهي تتميز بأداء رائع وصوت قوى ولحن جميل وإيقاع سريع ..
وأظنه إيقاع الدليب او الريش ويمكن للأخ احمد تنويرنا اكثر..

(٣) أغنيات المرتبة الثالثة :
الأغنيتين رقم ٢ و رقم ١٠ نالتا المرتبة الثالثة ..
الاغنية رقم ٢ اداء الفنان عثمان حميدة وأظنها ملحنة على إيقاع السيرة او العرضة اذا لم يكن للأخ احمد رأي اخر..
وهي من الأغنيات ذات المعاني الجميلة حيث يظهر فيها الشاعر لوعته على فراق حبيبته بزواجها من اخر غيره ..
اما الاغنية رقم عشرة وأظنها على إيقاع الطار فهي من اداء الفنان الرائع دولا او دولة كما الشائع في كتابة هذا الاسم النوبي..
وتعتبر الاغنية من اغاني التراث وهي في مضمونها تمضي في سياق اغاني البنية في الأعراس السودانية ..

(٤) المرتبة الرابعة:
نالتها الاغنية رقم ٨ وهي من اداء الفنان الشاب فيصل عبده..
وهي تعتبر من الأغنيات الحديثة وأظنها تقع ضمن حيز أغنيات العرضة ..
أداها أيضاً الفنان البداوي الشهير سيدي دوشكا فأجاد ..

(٥) المرتبة الخامسة:
نالتها الاغنية رقم ٩..
وهي من اداء الفنان الشاب عبد المتعال بقة ..
وهو من الفنانين الذين يتميزون بصوت حاد وجهين ومموسق ..
ولكن يعاب عليه محاولته تقليد اداء المرحوم الحوت بالنسبة لنهايات مقاطع ابيات الاغنية..
فيما عدا ذلك الغنية لحنها جميل .

(٦) المرتبة السادسة ..
نالتها الاغنية رقم واحد وهي من أغنيات الطنبور ذات اللحن الجميل والصعب في ان واحد ..
أداها شعارها وملحنيها الفنان نور كنة وهو عازف طمبور وشاعر مَجِيدٌ ..
ولكن صوته لا يناسب جمال معاني ولحن الاغنية وان كان عزفه متمكن ورائع جداً ..
أظن الاغنية أيضاً إيقاعها جابودي اذا لم يكن للأخ احمد رأي اخر ..

ختاما لا يسعني سوى الشكر انزله لكل من ساهم وساهمت في هذا البوست ..
ولقد اثريتموه بمداخل آتكم المتعددة القيمة فلكم كل التقدير والمحبة..
تعليق اخير قبل ان أغادر نبه اليه الأخ حمد ابراهيم وهو سمة الحزن والحنية المشتركة في الأغاني ..
في تقديري هذه سمة تكاد تكون مشتركة بين أهالي الشمال عموما ..
ولعل تعرض إنسان المنطقة للتهجير القسري والهجرة الطوعية داخليا وخارجيا ..
منذ أزمان بعيدة اثره في مسحة الحزن والحنين الطاغي ..
فآل نوبيون يعتبرون من أوائل السودانيين الذين ألفوا الهجرة الداخلية والغربة الخارجية.
مرة اخرى لكم محبتي.

Post: #76
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-17-2017, 10:42 PM
Parent: #75

يا جماعة دابي استلمت اللاب بتاعي ..
أعتقد الاخطاء في المداخلة السابقة لا تخطؤها فطنتكم ..
مثال / الفنان البجاوي بدلا من البداوي ..
المصحح التلقائي متعب لإنو بعتبر طريقة كتابتنا لعاميتنا خطأ ويقوم بتصحيحها لأقرب كلمة عربية صحيحة ..
الأخ علي عبد الوهاب لعلك تقصد الأغنية دي..

مودتي .

Post: #77
Title: Re: أغاني وأغاني بمنبر من لا منبر له * تعال اخ�
Author: Hassan Farah
Date: 04-21-2017, 10:26 AM
Parent: #1

محمد على طه الملك هاك اسمع الشافع دا


Post: #78
Title: Re: أغاني وأغاني بمنبر من لا منبر له * تعال اخ�
Author: مني عمسيب
Date: 04-21-2017, 12:14 PM
Parent: #77


صباح الجمال والابداع .. صباحكم يا مولاي الملك وصحابه .


برشح الاغنية رقم اتنين بما اني فاهماها فقط بي احساسي
واحساسي لايكذب .. بوست مجييييييييه كجيهة سيده الملك .

متابعة فقط للمتعة .

ودمتم .

Post: #79
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-21-2017, 09:49 PM
Parent: #78

يا سلالام يا حسن ..
دا اداء روحي عميق ورائع مشكور ياخي ..
تضدق برضو من الألحان التي شدّت اتنباهي وما كنت متوقع ابدا يكون عندها تلازم مع الالحان الاثيوبية ..
أغاني الأماريغ المغاربة ..
شوف الفيديو دا واحكم براك ..




Post: #80
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-21-2017, 09:54 PM
Parent: #79

هلا وغلا يا بت عمسيب ..
أهم شيء الاحساس دا الفهم يطير ..
مشكورة على الطلة والاختيار الجميل .

Post: #81
Title: Re: أغاني وأغاني بمنبر من لا منبر له * تعال اخ�
Author: Hassan Farah
Date: 04-22-2017, 10:38 AM
Parent: #1

الاخ محمد على طه الملك نهارك سعيد
غناء الامازيغ ليس بغريب على فقد عملت بجامعة عبدالحميد بن باديس بالغرب الجزائرى لما يقرب من ال 12 عاما رفقة احد ابناء منطقتكم دكتور عبدالله محمد عثمان الموجود الآن باستراليا وقد كان عبد الله مهتما جدا بالفن الامازيغى وله مقارنات منها ان السلم الموسيقى عند الامازيغ هو السلم الخماسى المنتشر فى السودان وبلاد القرن الافريقى وكذلك رقصاتهم تشبه الى حد كبير رقصات الاثيوبيين(هزة الاكتاف) ام لبس الرجال فيذكرك بطوابير شباب الختمية فى الخمسينات والستينات

Post: #82
Title: Re: أغاني وأغاني بمنبر من لا منبر له * تعال اخ�
Author: Kabar
Date: 04-23-2017, 06:42 AM
Parent: #81


بداية خاطرة كتبتها في 12 ابريل 2017 ولم اتمكن من اكمالها ،

استاذي وصديقي محمد على طه الملك..حبابك
وحباب الأصدقاء هنا ، وممن يتابع هذا الخيط من على البعد ،

وكتر خيرك على معلومة استاذنا عادل مسلم في خيط اخر ، وناوي اعاود كن ربنا هون..

يبدو في حالات مثل هذه الوضعية ، اراء من هم خارج بيئة الإنتاج ، بتكون هي الأراء الأهم ..يعني رأينا اهم واحد..ههههههههههههه..!

اولا.. كل الأغاني دي جميلة ومتميزة: لأنها بلغة خاصة ، ايقاعات خاصة ، انغام خاصة ، طريقة اداء خاصة..
المشكلة الوحيدة هي غياب المرأة فيها (سواءا مغنية أو راقصة)..انتو صحي كده ليه ما في فنانة من هناك؟..

اما حكاية المفاضلة ، ح اشتغل بنظرية حبوبتنا واحدة: والنظرية بتقوم على حكمة انو في واحدة حبوبتنا من البقارة ، ود بتها كان محتار عشان يختار عروستو.. فقالت ليهو: ما تختار من البوش/ الحفلة ، وانما امشي الخلاء وكت البنات يفزعن للحطب واتفرج فيهن واعزل عروستك..!!
المنطق في الحكوة: أنو في البوش/ الحفلة الناس بتكون مصنوعة (مجيهة ومهتمة بالمظهر والأتكيت ) وفي الخلاء بتكون طبيعية وتلقائية للغاية..

معي بعض الصديقات والأصدقاء (اجانب تماما) اشركتهم في الفكرة وكنا بحاول استشف لمن يسمعوا ويشوفوا بيكون بيفتشوا لي شنو بالضبط..

كل الأصدقاء دول (خواجات ، هنود ، باكستان، بنغاله، اثيوبيا ، سنغال ، كينية ، زامبية ، واحد من باربادوس)..اتفقوا في انو أي شغل فيهو كيبورد بره حسابهم..

بعد داك عندهم: طريقة الأداء ، اللبس ، الألات ، الريتم..والموقع التم فيهو تصوير الغنية..

كلهم اتفقوا على غنية نور كنه (1) واسبابهم:

الألة المستخدمة وطريقة توظيفها ( مثلا صديقنا الخواجة تود هيندريكس مندهش انو زول يستخدم الة واحدة غير كهربائية ويوظفها هارب وجيتار اكوسيتك وجيتار بيز وباركشن..!!) ايضا كلهم انتبهوا لطريقة عزف نور كنه ، وانو اصابع اليد الشمال مرات بتشتغل شغل الريشة ..ايضا مكان التصوير وغياب المايكرفون ، يعني صوت حقيقي من غير رتوش..

الإتفاق الثاني ، الغنية (3)/حسن صالح:



باقي الخاطرة راح والفكرة ذاتها راحت..متذكرها منها طشاش طشاش..انو الجابودي ظاهر في غنية الفنان دولا..

وسوف اعود مرة اخرى..


كبر


Post: #83
Title: Re: أغاني وأغاني بمنبر من لا منبر له * تعال اخ�
Author: محمد على طه الملك
Date: 04-23-2017, 12:03 PM
Parent: #82

أوووو حبيبنا أستاذ كبر ..
وين ياخي من زمان بنادي فيك ..
ياخي انت عملت بحث راسو عديل ياسلام ..
أيوة مهم جدا راي الناس خارج المنطقة وخارج صندوق اللغة ..
الأغنية رقم واحد دي تعتبر من أغاني النوتة لأي عازف طمبور ..
ملاحظتك حول دور أصابع اليد اليسرى ..
ملاحظة في غاية الأهمية لإنو شغل الأصابع دا هو الشغل البميزو بيهو مهارة العازف على الطمبور ..
يعني نور دا ممكن يعزف ليك أغنية كاملة بأصابعو بدون يستعمل الريشة ..
ونوعية العازفين ديل الآن نادرين جدا ..
الأغنية نفسها لحنها مبني على طريقة العزف بالاصابع لذا ليس من السهل على أي عازف غير متمكن يعزفها ..
بالنسبة لاغنية حسن صالح نمرة 3 ..
شوف تعليق الأسكتلندي دا في اليوتيوب قال شنو ..
This is fantastic music. I have been lucky enough to bring an African choir to my community, and to be honest,
If I could get this musician to my region I would be delighted.
However the North of Scotland is a long way from Sudan. Thank-you for the brilliant video though. 
طبعا أنت عارف موسيقى قومية السلت الزول دا زي العايز يقول الموسيقى دي ماشى مع ذوقنا ..
افتكر أخونا حسن أجاد في اختيار اللحن والموسيقى المناسبة ..
ووظف آلة حديثة لتعطي إلى حد كبير نفس روح اللحن المحلي..
مشكور على المداخلة والرؤية الرائعة ..
ودا متوقع منك..
محبتي.