ما في أي زووووط ولا أية حركة ؟

06:10 PM April, 08 2017

سودانيز اون لاين
طلحة عبدالله-
مكتبتى
رابط مختصر

طيب الحمدلله
يا رب المريخ دائما يتقدم ويغلب في النهاية
بس عشان مزامير مساكين الهلال دي ما تحمينا القعدة
في المنبر .
وبالمناسبة انتو شنو حكاية مجموعة المنظرين الفي
استديو المباراة ديل ؟؟ منو البختارم وعلى أي أساس ؟؟؟
وطلال مدثر من متين بقي بتاع كورة ؟ عرفناهو كابو
العارف أية حاحة في أية حاجة .
شغلة جايطة هنا وهناك ولا عزاء للكورة السودانية
المنكوبة أبدا
يتبع ان الله هون .

أول مرة منذ سنوات أحضر مباراة للغمة السودانية ..خخخخخ .

اتعشت أم حجاز

أه ...
ودّية ساي

خخخخخخ
تعرف يا جرجير لو أديتك احساسي
وتقديراتي وتوقعاتي دي ح تكره الناس
البورد.. تجي قبل كل مباراة تفتح بوست بى قلب
قوي وتقول الغالب منو أو الكورة درون .. خخخخخ.

أصلا ما كنت عارف في كورة .. بقلب في القنوات
عترت فيها وكنت ح أفوت فيها لكن لفت نظري لعبة
كدا فقمت تابعت .. أول خمس دقائق عرفت انو
المريخ ح يغلب وكنت والله عايز أجي أفتح بوست
بالكلام دا لكن إنشغلت .. وأول ما فضيت طوالي فتحت
البوست وأنا على يقين انو المريخ غالب غالب ..
............
ودية ساي دي ما تشرب موية في كورة هلال مريخ
ما تكضب عليك ساي .. خخخخخخ

اكبر غلطه ارتكبا الكاردينال (كلو غلط) انو فرط في بكري المدينه للمريخ ..بكري شايل المريخ في تلات مواسم ..لاعب موهوب ومكانو بره السودان لو عندو ثقافه احترافيه

زمان كنا بنشيل الود

إنتصار جا في وقتو ..ما أحوج المريخ لمثل هذا الإنتصار
فرص الهلال كانت أكثر وأخطر لكن خبرة ترجمة الفرص لأهداف سجلت تفوق للمريخ
شيبون دا لو لقا لياقة حيكون خطير
جماهيرنا لا زالت غير متمدنة ولمتين نلقى قيادات كورة جماهيرية في المساطب الشعبية خاصة تغير ثقافة التعبير عن الغضب بحصف الملعب والحكام
الحكاية دي بقت متكررة وحتة اللعيبة بشاركوا في تشجيع السلوك دا
المباراة في النهاية ودية ومهمة للمدربين لمعالجة الثغرات وهما مقبلين على مباريات هامة
في رأي الخاص أنه مستوى الأداء بيأشر على تطور في مستوى الكرة السودانية رغم هزيمة الأزرق

الأخ طلحة سلام عليك وعلي ضيوفك

نحن إنهزمنا قاصدين لان الكأس المقدم من صندوق دعم الطلاب
ما عاوزين حاجة من الكيزان ديل تدخل علينا في آخر عمرنا
أصلا المريخاب متعودين بيلغفو في قروش الكيزان من سنين

يا طلحه متوقع ليك واحد هلالابي يقول ليك اتهزمنا . .
قال ودية قال . .

هسي عليك الله في حاجة يقولوا ليها زووط في المباراة دي؟

سيبك من طلال مدثر ..

والله يا طلحة ياخوي انا شايف الفي ميدان كلهم عندهم علاقة بالكورة ..

إلا اللاعبين

اصحاب الحلاقيم الكبيرة انزووا....

سلام شباب وشياب ( كل واحد عارف نفسو ) خخخخخ

يا معاوية حسين يا حبيب الكاردينال بتاع غرفة
المخدرات ومعاهو فاطنة شاش أقل حاجة ممكن يعملوها
لهلالكم دا انو يبعدوا منو أهلو ويكرهوا فيهو الصديق
قبل العدو خليك من انكساراتو نكباتو على المستوي الميداني..
يا حليل الهلال الهلا ياخ .

محمد الشيخ اتا هلال واللا مريخ حدد عشان أرجع أرد
ليك .

يا عبد الصمد أنا حضرت المباراة وشفت لعب غير
الانت قلتو دا المريخ كان أفضل وأوفر فرص ..
أما حتة الجماهير الفوضوية دي بتفق معاك فيها مع استغرابي
كونك أكتشفتها هسة .

يا عادل عبد الباهي يا خوي كان تغلبوا أول وتشيلو
الكأس تدوهوا للمريخاب لأن التاريخ ما بعرف ليك
كلام زي دا .. التاريخ بسجل والحسابة بتحسب.. ياخ
لسة ( جوبا مالك علي ) مدورة فيكم .. تقول لي كيزان
وأباريق ؟؟ خخخخخ

يا عمر سعد والله صدقني ما عايزنهم يقولوا بس
ينقطونا بساكتهم وعدم ازعاجم لما الصدفة تقودم
للفوز على الزعيم .. هههههه .. كدا كيف معاك ؟

سامر دوشة يا حبيب مرخب بيك في المنبر
أنا حمدت الله انو أبو الهل ما غلب عشان المنبر
ما يتملي زوطات وكلام من دا .. يعني ما قلتا
زووط ..خخخخخخ

عبد العزيز أصحاب الحلاقيم الكبيرة المفروض
ينزوا دائما ما نسمع ليهو حس لكن ما بنقدر نتحكم
في قوة العين ... نسأل معاك كما سأل كبيرهم الغائب
الحاضر : أين القطط .. خخخخخخخ

لكن للأمانة عجبني مانشيت صحيفة الأسياد قبل المباراة:
الهلال سالي سيفو .. والعايز يهرب على كيفو .. خخخ
والله يا مساكين أبو الهل تعرفون الحكي على قولة
صديقي الخليجي .. خخخخخخ


أين القطط ؟

ديل زوووطين يا معلم ..

زوط سوداني ...

وزوط مصري ..

بمستوي الهلال اشفناهو امس دا ..اتوقع تدحرج الهلال لفرق الوسط في الممتاز

فريق كلو مواسير ..ولا يوجد بة نجم واحد..!!!

اما المجموعات الافريقية ديك ..عيييك الله يحلهم بس.

قصة حقيقية....منقوول من الفيس
------------------------
قضيت ليلة البارحة فى مستشفى بحرى . . فبعد ان سجل عاشور الادهم هدف المريخ الثانى . . إذا بطرقات قوية على باب دارى . . فتحت الباب فوجدت جارتنا علوية التى بادرتنى . . حاج الباقر ازيك ابو حسن دا الضغط ارتفع عليهو دايرنك توديهو المستشفى . . فقلت لها حاضر ياحاجة اجيب العربية بس . . احضرت سيارتى امام باب جار ى ودخلت عليه فوجدته ممدآ على السرير مع اعوجاج طفيف بفمه . . من متين الحالة دى يا علوية . . فاجابت مما حاشور جاب التانى . . اردت ان اصححها ولكنى عدلت فالمعنى واحد عاشور ولا حاشور . .
لا ادرى لماذ يصر الناس على تشجيع مثل هذه الفرق التى تمرضهم وتعذبهم ؟ لماذا لا يشجعون الفرق القوية التى تفرحهم وتجعل من حياتهم عالم جميل ملئ بالفرح والاحتفالات . . بعد ان فتح ابو حسن عينيه بعد ان اخذ الحقنة . . صاح بصوت واهن االيهودى دا االجابو هنا شنو ؟ فردت علوية مستنكرة اليهودى منو ؟ حاج الباقر .. جنيت يا راجل . . اكان ما حاج الباقر ما كنت مت . . ساعة رماك حاشور انا جريتلو .جا طوالى معاى . . انت يا ابو حسن ما تشجع الناس المعاهم حاشور دا . . مالك ومال ناس دقت فى العراضة . . ديل عوارض ساكت . .
😁😁😁😁😁😁

يا وهبة
متعك الله بتشجيع المريخ الأعظم
أنا من زمان مستغرب في المساكين القاعدين يشجعوا الهلال
وبرشلونة والحاجات دي .. خخخخخخخخخ
تحياتي يا الحبيب