وداعاً sudan.net

05:07 AM April, 06 2017

سودانيز اون لاين
hassan bashir-
مكتبتى
رابط مختصر

حاولت الدخول لأحد أقدم المواقع السودانية فوجدت الرسالة التالية من مؤسسه ومالكه الخلوق معاذ عطا السيد، كاتباً بذلك نهاية حقبة جميلة جداً في حياة آلاف السودانيين والذين بدأوا حياتهم الافتراضية من ذلك الموقع وعاشوا فيه أحلى اللحظات وكونوا فيه أوثق العلاقات والتي امتد بعضها لمرحلة الزواج والمصاهرة. وداعاً sudan.net

After 20 years of operation, Sudan.Net is shutting down its door, while I negotiate a sale price for the domain Sudan.Net and the domain and operations of Sudanforum.net.
(Please send serious offers to: muaz-at-ataalsid.com) Thanks for your continued support.

Webmaster/Owner
Sudan.Net / Sudanforum.net

تحياتي حسن بشير

http://www.sudanforum.net/forumdisplay.php؟f=2http://www.sudanforum.net/forumdisplay.php؟f=2

البورد العام لا يزال يعمل

.......

وهى فرصة ان اتقدم للاخ معاذ عطا السيد بجزيل الشكر على عطائه وصبره الجميل طوال العقدين الماضيين.
الاخ معاذ قدم تجربة متميزة ورائدة للمنابر السودانية فقد كان ولايزال البورد العام بسودانت من اعلى المنابر قدرا في الحريات العامة وسقف لامحدود في ابداء الراي والراي الاخر دون تدخل من صاحب البورد
حزين على انطواء صفحته ولكن اثره اكيد باقي وتجربته وافرة للمنابر الصاعدة

تحياتنا للاخ الجميل معاذ ...اتمنى ان تصله مع الشكر الجزيل

حاتم هواري

سودانت عالم جميل جدا
عشنا فيهو اجمل اللحظات بورد كان متميز ومتنوع وشامل لكل المواضيع
تعلمنا منو الكثير... هو يعتبر اقدم منتدي سوداني

عرفنا من خلاله اخوان واخوات واصبحوا اصدقاء صداقة ممتده و....يا سلااااااااااااااام كانت لنا ايام

تحياتي الى صاحب الحوش معاذ عطا السيد
والي كل الاحباب هناك

فعلا من فترة سنه تقريبا البورد معروض للبيع ...ولكن شغال الى الان موجودين بعض الاعضاء وبوستات

خطوة عمليةفلن
كون مجلسا من البورداب ونشتري الموقع من معاذ

الأخ العزيز حاتم هواري

البورد العام لا يزال يعمل .......

أشكرك على الخبر السعيد

الاخ معاذ قدم تجربة متميزة ورائدة للمنابر السودانية فقد كان ولايزال البورد العام بسودانت من اعلى المنابر قدرا في الحريات العامة وسقف لامحدود في ابداء الراي والراي الاخر دون تدخل من صاحب البورد حزين على انطواء صفحته ولكن اثره اكيد باقي وتجربته وافرة للمنابر الصاعدة تحياتنا للاخ الجميل معاذ ...اتمنى ان تصله مع الشكر الجزيل

والله أبدعت في وصف سودان.نت فقد كان بالفعل مدرسة في الحوارات الجادة وحرية الرأي. شخصياُ، أعتقد أن أكبر فائدة أتاحها المنبر العام لسودان. نت هو التنوير بقضايا الديموقراطية والآداب والثقافة بمشاركة نخبة من أميز أبناء السودان (وجنوب السودان).

خطوة عملية فلنكون مجلسا من البورداب ونشتري الموقع من معاذ
____________________________________________________

جبت المفيد
تحياتي

سودان دوت نت ..... يااااااااااااااااااااه

حلم جميل ... وسيظل ...

له نكهته الخاصة ... وقيمه ..... وثقافته ...... ودهاليزه ... ونجماته ... ونجومه

بدأ الناس منه ... ثم ارتحلوا تدريجياً .... حتى ضاعت ملامحه ... ولكن تبقى هنالك ذكرى وشجن...

معظم الذين هم هنا ..... مروا من هناك ...

الأخ العزيز أباذر عبد العال

سودانت عالم جميل جدا عشنا فيهو اجمل اللحظات بورد كان متميز ومتنوع وشامل لكل المواضيع تعلمنا منو الكثير... هو يعتبر اقدم منتدي سوداني

بالفعل، وزي ما بيقول شعار نهاية برنامج ركن الأطفال: كانت لحظات ما أحلاها. حتى المناكفات كانت راقية وخالية من الاسفاف والابتذال

الأخ العزيز هاني عربي

فلنكون مجلسا من البورداب ونشتري الموقع من معاذ

أتوقع أن تتجاوز قيمة الموقع المادية المليون دولار

الأخ العزيز عبد العزيز محمد عمر

حلم جميل ... وسيظل ... له نكهته الخاصة ... وقيمه ..... وثقافته ...... ودهاليزه ... ونجماته ... ونجومه

الجميع هناك كانوا نجوماًُ. وللأسف ضاع جزء كبير من الأرشيف الثري لسودان.نت والذي احتوى مقالات لو تم جمعها وتحليلها وتطبيق ما جاء بها من مقترحات، لاستطعنا حل مشاكل السودان كلها

كان لنا الفخر ان نكون من اعضائه القدماء
ما اكثر ما نحتوى من ذكريات فيه
اثر على حياتى بشكل غير كثير من ما بداخلى
فلقد كان نافذتى للعالم والناس والتعامل والاختلاط
اينعم كان يحوى ايضا دروس قاسيه ومؤلمه
لكن اعطانى اكثر من ما اخذ منى
وسنح لى ان ناسس من خلاله الاعمال الخيريه الكانت الاولى ايضا فى عالم الشبكه العنكبوتيه من سنة 2002
لن اتوقف لو بدات الحديث عنه وعن مافيه
تميز بكثير من نقاط اللى حاليا نفتقدها فى العديد من مواقع التواصل الاجتماعى
كان لنا فتره كان الاحترام هى اساس تعاملنا ومصداقيه ووضوح
كان الرقى هو سمتنا
رحم الله من عرفناهم من خلاله وفارقونا
وحفظ من مازلنا نتشرف بمعرفتهم

الأخت العزيزة رانيا

وسنح لى ان ناسس من خلاله الاعمال الخيريه الكانت الاولى ايضا فى عالم الشبكه العنكبوتيه من سنة 2002

أشهد بأن ذلك العمل الخيري قد أحدث فروقاً هائلة في حياة الكثيرين بفضل الموقع الذي ضم مجموعة متميزة ونشطة جداً في العمل الإنساني والخيري.

بالفعل كانت لنا فيه اياما مجيدة
وذكريات خالدة
وأسماء لازال صداها يتردد

الأخ العزيز عبد الحافظ خضر

بالفعل كانت لنا فيه اياما مجيدة وذكريات خالدة وأسماء لازال صداها يتردد

تحياتي وأتمنى أن تظل تلك الذكريات باقية في الأذهان

سلامات اختنا الفاضلة .رانيا

لك تحياتي وسلامي..
اخبارك



معاك ابزرد

هنا علقت ليك في بوست شكلك ما عرفتينى

Quote: أتوقع أن تتجاوز قيمة الموقع المادية المليون دولار

في موقع لتقييم الصفحات و المواقع على الشبكة اسمه worthofweb . com طلّع قيمة سودان.نت بـ 2,000 دولار و سودان فورم بـ 30,000 دولار
يمكن تولز تانية تجيب تقييمات مختلفة لكنها ستكون مقاربة للتقديرات المذكورة و بأية حال لن تصل القيمة المقدرة لـ المليون دولار

الأخ العزيز محمد البشرى الخضر

قيمة سودان.نت بـ 2,000 دولار و سودان فورم بـ 30,000 دولار

سبحان الله يا محمد. رغم خبرتي المحدودة في هذه الأمور، ولكني أكاد أجزم أن الدومين نيم sudan.net يفترض يكون أغلى. أعتقد ولا أجزم أن معاذ يمتك أيضاً الدومين sudan.com.
أتذكر أول أيام الانترنت في ناس اغتنوا من مسألة المواقع دي، خاصة من سجلوا مواقع مثل بزنس دوت كوم وكذلك المواقع بأسماء المشاهير مثل الذي سجل موقع باسم جوليا روبرتس دوت كوم وباعه للنجمة التي كانت آنذاك في أوج شهرتها. الزمن داك نحن يا دوب اتعرفنا على النافيغاتور

اعتقد يا حسن التولز الفي النت بتعتمدعلى معايير معينة أحدها الحركة و تبادل البيانات وما شابه,وبما أن الصفحة الرئيسة ما عليها حركة فقط اعلان معاذ فا بالتأكيد ادت للقيمة الضعيفة دي, ممكن تقارنها بصفحة الفورم
لكن معاذ هنا عارض دومين أكثر منه موقع ودا افتكر طريقة تسعيره تختلف ولا تتم آليا بل يسعرها الخبراء أو المشترين المحتملين
يعني المشتري لـ sudan . net أكيد عارف قيمتها الأدبية للسودانيين و سيعرض سعر سوق حقيقي لكن لا اعتقد يحصل المليون دولار

ود البشرى ...

أنت كنت منجض الناس بهناك ولا شنو ..؟؟؟

ههههههههه

قيمته مفروض ما تتجاوز 50 ألف دولار بأي حال من الأحوال .. وحتى دي لا اعتقد إنه حيجيبها
أصلاً المنتديات فقدت قيمتها في عالم النت ووسائل التواصل الأخرى طغت عليها
منتديات كتيرة كانت ملء السمع والبصر وزوارها بمئات الآلاف يومياً هسة باني فيها العنكبوت
من حوالي سنة عرب ووردبريس معروض للبيع وهو الداعم الرسمي للاسكريبت الأشهر في تصميم المواقع ويملك تاريخ ذاخر من الدعم الفني منتدى ومدونة وموقع تجاري يعني مفروض إنه مربح لكل مهتم
السعر المطلوب ومعلن كان 130 ألف دولار .. حالياً شال السعر المعروض عشان تكون في مرونة في البيع لأنه من الواضح إنه مافي مشتري حتى لحظة كتابة هذه السطور

لا أعتقد أن معاذ يملك sudan.com لكنه يملك sudaneseonline.net

Quote: لا أعتقد أن معاذ يملك sudan.com

نعم يا احمد هو يملك الدومين w w w.sudan.net

أبدا يا عزيز سودان نت ما كان عندي فيه عضوية وما كنت بقرا فيه كتير
اكتر فترة تابعته ايّام جادات مدنه فرمالة وكان بجي بالفيس تحت ينطط بي لينك لبوستات كتبها هناك فيها صورتي بالغرة المزعومة و بتاع لغاية ما حظروه من هناك بطّلت اتابعه


يا احمد ممكن يجيب اكتر من 50000 إذا الحديث عن الدومين و تنافس عليه من يعرف قيمته, لكن زي ما قلت السايت و المحتوى ما بجيب

حتى الدومين ما بجيب قدر دة
السودانيين ما بالحيل على الثقافة دي
sudan.com مثلاً سجلو معاذ في التسعينات لكن أعتقد إنه باعه زمان وما فيه أي محتوى من سنين طويلة بس بقول ليك رسل عرض للشراء وخلاص
sudan.org كان حق أبو الريش وظل يعرضه لفترة طويلة هنا حتى كان مصمم ليه صورة فيها الإعلان وعاملها صورته الشخصية وما أعتقد إنه سعرو بكون وصل 10 ألف دة إذا كان اتباع أساساً
قبل كدة واحد من المواقع الشهيرة فقط الدومين بتاعه وكنت شاهد على خواجي سجلو وقال ليهم ببيعو ليكم بي 100 دولار .. الجماعة مشوا سجلوا ليهم دومين تاني بي 10 دولار وقالوا قوقل قاعد ووصاف للدروب العاوزنا بفتشنا ويلقانا

الأخوة الأعزاء محمد البشرى وأحمد محمد عمرشكراً للمعلومات المفيدة.والله فعلاً وسائل التواصل الاجتماعي دمرت أي حاجة وبقت تأكل في بعضها كمان.حتى أيام ظهور الإيميل كنا بنجري على الياهو والهوت ميل عشان كل واحد يحجز عنوان ايميل بأسمه الأصلي نلقى رسالة أنو ماخوذ سلفاً. يعني كنت تختار مثلاً mailto:[email protected]@XXXX.com تلقاه ما موجود تقوم تضطر تضيف سنة الميلاد للاسم أو آندرسكور مع اسم تاني. غايتو قدرت أعمل ايميلات بأسمي الحقيقي في مواقع ميتة زي مكتوب وماي واي، الخ..