Post: #2
Title: Re: قناة سودانية حرامية ..
Author: الامين موسى البشاري
Date: 04-03-2017, 05:07 PM
Parent: #1
هناك شكاوي كثيرة ضد قناة سودانية ومن عدة مواقع
وما تمارسه القناة في اليوتيوب لا يشرفها
عيب يا ناس سودانية
|
Post: #3
Title: Re: قناة سودانية حرامية ..
Author: علي عبدالوهاب عثمان
Date: 04-03-2017, 05:13 PM
Parent: #2
حبيبنا البشاري .. مودتي ..
شايف الصورة عندهم واضحة وإستديوهات جميلة
والزي مرتب .. مقارنة بالقنوات السودانية الاخرى ..
بشاهد فيها أقوال الصحف وبعض لقاءات أخونا التوم ..
عقبال الوضوح ده في قناة الشمالية ( ناس ضواحي الدنيا ) ..
بس المشكلة عندهم شريط الاخبار بطيء جدا جداً ..
البشاري حبيبنا .. عندهم أختراقات حقوق ؟؟
منتظرين مزيد من التوضيح ..
شكراً ..
|
Post: #4
Title: Re: قناة سودانية حرامية ..
Author: الامين موسى البشاري
Date: 04-03-2017, 05:14 PM
Parent: #2
شغالين شكاوي في خلق بلا سند أو دليل
شغالين لفح للفيديوهات .. ومن ثم تضع شعار القناة عليها
وغير دا شغالين كضب فاضح لا يليق بقناة مثل سودانية
|
Post: #5
Title: Re: قناة سودانية حرامية ..
Author: الامين موسى البشاري
Date: 04-03-2017, 05:23 PM
Parent: #4
Quote:
البشاري حبيبنا .. عندهم أختراقات حقوق ؟؟
|
سلام يا حبيبنا على عبد الوهاب
حقوق شنو؟
حقوقهم محفوظة وماف زول يتعدى عليها
هم القاعدين يطاردوا في خلق الله بشكاوي باطلة
اشتكوني في قناة الحوش السوداني لثلاث مرات شكاوي باطلة
وقد اعترضت على شكاويهم لي وتم ابطالها ..
بيننا مراسلات شخصية في الفيسبوك أتمنى أن لا اضطر الى عرضها هنا
واحد من سرقاتهم ما يعرضه الفيديو اعلاه ..
قناة كسودانية 24 تطارد الناس بالباطل وتتكسب من اليوتيوب ..
يااا للعار ....
|
Post: #6
Title: Re: قناة سودانية حرامية ..
Author: علي عبدالوهاب عثمان
Date: 04-03-2017, 05:35 PM
Parent: #5
الحبيب البشاري .. مودتي ..
الانتاج وتكلفة عالية ..
قنوات تفتح بدون تخطيط ..
صحيح غير البرامج السياسية والرياضية
ما تشعر أن في القناة بيئة سودانية ..
لو سمحت معاك كمان ترددات قناة الحوش ..
شكراً كثير .. البشاري الحبيب
|
Post: #7
Title: Re: قناة سودانية حرامية ..
Author: الامين موسى البشاري
Date: 04-04-2017, 08:43 AM
Parent: #6
Quote:
الانتاج وتكلفة عالية .. قنوات تفتح بدون تخطيط ..
صحيح غير البرامج السياسية والرياضية ما تشعر أن في القناة بيئة سودانية ..
|
سلام يا علي ..
وماف زول جبرهم على فتح القناة اذا كان ما عندهم تمويل
المصداقية والمهنية اهم حاجة ..
السؤال المطروح هو
هل هذه هي سياسة عامة للقناة ولا تصرف فردي
اعتقد سرقة حقوق الآخرين ونسبتها لأنفسهم امر ما جميل
كذلك مطاردة الناس في اليوتيوب بشكاوي كيدية لا اساس لها من الصحة
حاجة ما حلوة
|
|