يمنع دخول الحساسين والحساسات ويفضل دخول ناس الستينات والخمسينات الموضوع يتناول ذكريات ذات شجون
محمد بن حطمان- سبق- الحرجة: عاود القمل مؤخراً الانتشار، بعد أن مضى على اختفائه عقود من الزمن، وخاصة بين طلاب وطالبات المدارس، مما أثار مخاوف أولياء الأمور من انتشار بعض الأمراض بسببه؛ لكونه حشرة طفيلية تتغذى على دم الإنسان وينتقل من شخص لآخر، بعد أن لاحظوه في رؤوس أطفالهم، في عدة مناطق ولم تفلح محاولاتهم للقضاء عليه أو معرفة سبب انتشاره، رغم وجود منظفات الشعر والجسم الحديثة.
وتُعتبر العدوى عاملاً أساسياً في انتشاره، وذلك عن طريق الاقتراب من الشخص المصاب أو استخدام أدوات تسريح الشعر الخاصة به، كما أن أغلب أولياء الأمور لا يستطيعون الحديث فيه أو الذهاب للمستشفى؛ خوفاً من نظرة المجتمع لهم أو نعتهم بعدم النظافة.
تقول إحدى معلمات التعليم العام -فضَّلت عدم ذكر اسمها- إن القمل منتشر بين الطالبات منذ عدة أشهر، ولم تعد ملاحظته تحتاج إلى تدقيق، ففي بعض الأحيان تجد القمل يتجوَّل فوق الشعر أو على الجبهة.
وأوضحت المعلمة أن المدرسة حصرت الطالبات المصابات، ووفَّرت لهن حقيبة تحتوي على "شامبو" وأدوات تسريح الشعر في سرية تامة، حتى لا تتغير نظرة زميلاتهن لهن.
وقال أحد أولياء الأمور إن "الشامبو" لم يُفلح في القضاء على القمل المنتشر في رأس ابنه، مما اضطره لحلقه بشفرة الحلاقة، حتى تم القضاء على بيئته تماماً، ومن ثم القضاء عليه، حتى لا ينتشر بين أفراد العائلة، بعد تحذير الطبيب له.
وعمَّمت بعض إدارات التربية في وقت سابق على مدارسها نشرات صحية؛ للتوعية الصحية عن ظاهرة القمل، وطرق العدوى والأعراض، وسبل الوقاية منه. المصدر https://sabq.org/gkVfdehttps://sabq.org/gkVfde
Post: #2 Title: Re: عودة القمل بعد طول غياب _ حليل المحَنَة را� Author: عبدالله ود البوش Date: 04-02-2017, 11:10 AM Parent: #1
في اثناء كتابتي للموضوع دا جاء زميل مصري قعد جنبي قلت الخمو مني شوية قلت ليهو القمل جاكم تاني يا مصريين قال لي معلومة خطيرة جدا قال لي القمل بطول الشعر كيف ؟ قال لي لمن يقرص في فروة الراس بستفز حويصلات الشعر ويحرك جمدوها وعشان كدا بطول الشعر غايتو حيرني لكن اخدت معلومتو اجابة ونشوف
Post: #3 Title: Re: عودة القمل بعد طول غياب _ حليل المحَنَة را� Author: عبدالله ود البوش Date: 04-02-2017, 11:12 AM Parent: #2
القمل هين كعب الحانكلو اب حكا حلو
Post: #4 Title: Re: عودة القمل بعد طول غياب _ حليل المحَنَة را� Author: عبدالحفيظ ابوسن Date: 04-02-2017, 11:12 AM Parent: #1
مقملين براكم سنوات ما شفت الصباب في راس زول حاشية مع اني مفروض ما اخش البوست حسب التنويه خشيت شلاقة ساي تعرف الصباب
Post: #5 Title: Re: عودة القمل بعد طول غياب _ حليل المحَنَة را� Author: عبدالله ود البوش Date: 04-02-2017, 11:25 AM Parent: #4
خشيت شلاقة ساي --------------------------- سنة ول اموت انا ؟ بختك يا البخيت قملك رجع ليك بعد كدا تتحكحك سااااكت تحمد سيدك . . قمل الزمن الجميل عندو حركات لذيذة
Post: #6 Title: Re: عودة القمل بعد طول غياب _ حليل المحَنَة را� Author: kamal omer Date: 04-02-2017, 11:29 AM Parent: #5
يا ود البوش سمعت الرسالة الصوتية الرسلتها ( إمرأة ) الأعمال الدقوسها المغاربة و استوردت قمل منهم و لحسوا ريالاتها ، و تم حجز القمل في مطار جدة ؟
Post: #7 Title: Re: عودة القمل بعد طول غياب _ حليل المحَنَة را� Author: kamal omer Date: 04-02-2017, 11:30 AM Parent: #6
و بالمناسبة أنا سيم سيم زي ود أبو سن هههه
Post: #9 Title: Re: عودة القمل بعد طول غياب _ حليل المحَنَة را� Author: عبدالحفيظ ابوسن Date: 04-02-2017, 11:36 AM Parent: #7
القمل بقا يتباع بالواحدة يطول ويغذي الشعر قبل سنة سنتين واحد جاب بوست زي دة الحنكلو والكرو والقوب
Post: #10 Title: Re: عودة القمل بعد طول غياب _ حليل المحَنَة را� Author: عبدالله ود البوش Date: 04-02-2017, 11:39 AM Parent: #6
سمعت الرسالة الصوتية الرسلتها ( إمرأة ) الأعمال الدقوسها المغاربة و استوردت قمل منهم و لحسوا ريالاتها ، و تم حجز القمل في مطار جدة ؟ -------------------------------------- ههههههههههههههههههه لا والله ما سمعت بيها لو حريف نزلها لينا هنا وهي رجلة الاعمال دي دايرة بيهو شنو ؟ . . يا حليلك يا القمل الضيعناك بالصقعي . . تصدق يا كمال انا من لحظة كتابة هذا البوست وحتى الان انكرش مرة اكرش في الراس ومرة تحت الكمر هههههههههه نفسيات بس واتذكرت الزمن الجميل . . غايتو يا ناس الستينات لذيذين
Post: #8 Title: Re: عودة القمل بعد طول غياب _ حليل المحَنَة را� Author: sadig mirghani Date: 04-02-2017, 11:35 AM Parent: #1
والكشكة كيف
Post: #11 Title: Re: عودة القمل بعد طول غياب _ حليل المحَنَة را� Author: عبدالحفيظ ابوسن Date: 04-02-2017, 11:46 AM Parent: #8
يا كمال عمك ودالبوش دة قايلنا قدرو هو قمل ساي كعب الهيم
Post: #25 Title: Re: عودة القمل بعد طول غياب _ حليل المحَنَة را� Author: عبدالله ود البوش Date: 04-03-2017, 12:03 PM Parent: #11
هو قمل ساي كعب الهيم ---------------------------- ما تخلبت الاختصاصات يا حاج الهيم دا حق الجداد هههههههههههههه والله لمن قربت انساها قال مواليد ستينات قال هههههههههه
Post: #12 Title: Re: عودة القمل بعد طول غياب _ حليل المحَنَة را� Author: عبدالله ود البوش Date: 04-02-2017, 12:12 PM Parent: #8
الكشكة كيف ----------------- الكشكشة حقت عمك ود اب سن لكن انا حقتي الطرطشة
Post: #13 Title: Re: عودة القمل بعد طول غياب _ حليل المحَنَة را� Author: علي عبدالوهاب عثمان Date: 04-02-2017, 12:47 PM Parent: #12
حبيبنا ود البوش .. مودتي ,, موضوع جميل .. كنت قد كتبت قبل فترة طويلة خواطر عن القمل ليعرف الشباب ذلك الزمن الجميل حتى مع القمل .. وخاصة عندنا في اقصى الشمال حيث الشتاء البارد ..
سوف أبحث عن هذه الخواطر .. شكراً .. يا الحبيب ..
Post: #14 Title: Re: عودة القمل بعد طول غياب _ حليل المحَنَة را� Author: عبد العزيز محمد عمر Date: 04-02-2017, 01:16 PM Parent: #13
القمل هين .... كعب القوب...
Post: #15 Title: Re: عودة القمل بعد طول غياب _ حليل المحَنَة را� Author: عبدالمنعم الطيب حسن Date: 04-02-2017, 02:03 PM Parent: #14
الصباب
اسمو الصُواب؛ وهو بيض القملة قبل ان يفقس نميلة صغيرة وجميلة وحلاتا...
سلام لو ابسن ومثله لود البوش؛ وتلات لكل من تورط في قراءة هذه المداخلة حتى وصل هنا؛
Post: #16 Title: Re: عودة القمل بعد طول غياب _ حليل المحَنَة را� Author: عبد العزيز محمد عمر Date: 04-02-2017, 02:18 PM Parent: #15
Quote: لا والله ما سمعت بيها
ناس ضهاري الرياض .... ياخي دي كانت أيقونة المجالس قبل فترة
طيب هاك ليها ..... استمتع ...
Post: #29 Title: Re: عودة القمل بعد طول غياب _ حليل المحَنَة را� Author: عبدالله ود البوش Date: 04-03-2017, 12:19 PM Parent: #16
تسجيل مبالغة يا الشغيل لاتعرف تضحك لاتعرف تبكي لاتعرف تعمل شنو ذاتو مبالغات ناس الخليج شكرا لهذا التسجيل الرائع . . قالت قمل اصلي قرصتو حراقة هههههههههههه يا حليل قملنا زمان وحليل الحشن ذاتو ههههههههههههه
Post: #17 Title: Re: عودة القمل بعد طول غياب _ حليل المحَنَة را� Author: عباس الدسيس Date: 04-02-2017, 02:24 PM Parent: #15
سلام ود البوش انت ماشي بعيد مالك عذابة السعودية لو صاقراتهم تملي بيتك مرقوت انا كنت ما مصدق الموضوع دا الي بعد تجربة حقيقيه قعدته مع عذابه اكثر من ثلاثة ساعات قعدته انكرش زي الجربان شلاقتي كلمة المدام بقي السؤال من الباب كان كنت مع عذابة بملص الهدوم من بره القوب مسكني بدري في خلوة سيدنا ادم بموردة الحطب الدباغه علاجو الزيت الراجع بتاع العربات انا برضو زي ابوسن جابني الطريق قلته اخش اجاملك
Post: #18 Title: Re: عودة القمل بعد طول غياب _ حليل المحَنَة را� Author: عبد الباقي الجيلي Date: 04-02-2017, 02:46 PM
غايتو يا ود البوش دي بالَغ فوكّا دُت كِي
قمل وصواب وحانكلو؟؟؟
وبعد داك جابت ليها قوب ومرقوت؟؟؟
غايتو نحن زمان كانت الكشكة دي ملازمانا ...
تزورنا في كل شتاء ...
لكن حكاية الصواب دي كان أساتذة الابتدائي ومنهم والدي حفظه الله
في التفتيش الصباحي بعملوا فينا عمايل ...
شي ينكشوا شعرك بالقلم ..
وشي يكشحوا شوية موية في رقبتك ويدعكوها بيدهم
ولو طلع منك شوية وسخ الله قال بي قولك ...
وتفتيش ما تحت الكمر ...
كنا في عز الشتاء نستحم حي ووب
والله الواحد تسمع شهقتو تقول مات
بس الما قدرنا عليها الكشكة دي ...
والله دمك يسيل عادي ...
هههههههههههههههههه
مالك علينا يا ود البوش ياخ
Post: #19 Title: Re: عودة القمل بعد طول غياب _ حليل المحَنَة را� Author: حامد بدري Date: 04-02-2017, 03:02 PM Parent: #18
هههههههههههههههههههههههههه كاااااك مسا الخير ناس الزمن الجميل
بمناسبة الكاروشة استاذ محمد يوسف كان بلكد التكة بي كالود في التفتيش الصباحي عاطف وقدوم بريم وهاشم ابو الروس كلو يوم جالدنهم
Post: #20 Title: Re: عودة القمل بعد طول غياب _ حليل المحَنَة را� Author: أحمد الشايقي Date: 04-02-2017, 03:26 PM Parent: #19
هلا ود البوش
أيام القمل كانت أيام لها إيقاع
احمد الشايقي
Post: #21 Title: Re: عودة القمل بعد طول غياب _ حليل المحَنَة را� Author: ابوحراز Date: 04-03-2017, 06:49 AM Parent: #20
حينما كنا طلاب كنا نشتغل اي شغل يغنيك عن سؤال والدك اشتغلنا مرة في حملة ( سم الفار ) ضقنا طعم القروش اشتغلنا السنة اللي بعدها في حملة الجمكسين حيث يطلب من اهل القرى اخراج كل مالديهم من اواني وعناقريب ومراتب وكانت رائحته قوية ونفاذة وكان اهل القرى التي نمر عليها يتكفلون باطعامنا حتى تنتهي الحملة بعدين المرقوت بعد لحظات تجده انتحر انتحار جماعي هسي ياكافي البلاء ( المرقوته ) تفتح خشمها وتكب ليها الجمكسين جوة في حلقها وبرضو تقوم جارية !!!! المهم مشينا لاحدى القرى المشكلة لم تكن في المرقوت بل في القمل في رؤووس الشفع الصغار الشفع وابواتهم قالوا الا يرشوهم هم ذاتم بالجمكسين ياجماعة الحاجة دي حطيرة وصعبة عليكم وفيها ضرر جانا عمك كبير قال قبل كده رشونا المهم الشافع يغمض عيونو ويمد ليك راسه وانت تشغل الطرمبة بتاعت الرش رشتين والبعدو والله واحد بحكي لينا قال الحلة 5 شهور مافيها ولا قملة حايمة
اها يا ود البوش عندي استاذ قريبنا ومعاه اثنين نقلوهم لواحدة من هذه القرى المهم ركبوا البص وتاني لوري وتاني كارو حصان عشان يصلوا الحلة وبتاع الكارو نزلهم قريب العشاء في ديوان والظاهر مشى عشان يعمل ليهم عشاء جماعتك تعبانين رقدوا والمرقوت لم فيهم قرص شديد قام استاذنا قال ليهم كدي نشق الحلة دي لي جوة يمكن نلقى ديوان كويس ماشين قابلوا واحد وقالوا ليهو نحن مدرسين وعاوزين ديوان نبيت فيه زولك من زقاق لزقاق ومن شارع لي شارع لحدت مالقوا نفسهم في نفس الديوان بتاع المرقوت ياهو الديوان واحد لاشريك له بتاع الحلة كلها
Post: #22 Title: Re: عودة القمل بعد طول غياب _ حليل المحَنَة را� Author: عمر التاج Date: 04-03-2017, 08:25 AM Parent: #21
سلامات صديقي الظريف ود البوش القمل في القرون الماضية كان دلالة على الفلس يقولون هذا رجل مقمل يعني عدمان حق المشط البحت القمل ثم مرت بالناس سنوات بترول نظفت رؤوسهم وهمومهم من القمل والصواب والان وقد عاد القمل فهذا يعني عودة الفقر والحضيري من جديد والله يستر من القراد والصهيب.
Post: #23 Title: Re: عودة القمل بعد طول غياب _ حليل المحَنَة را� Author: احمد الشيخ Date: 04-03-2017, 08:41 AM Parent: #22
الله يستر من شر السراويل في الحر ههههه
Post: #24 Title: Re: عودة القمل بعد طول غياب _ حليل المحَنَة را� Author: عمار عبدالله عبدالرحمن Date: 04-03-2017, 09:24 AM Parent: #23
النبي نوح انا الجابني الحل دي شنو ,,,,
Post: #39 Title: Re: عودة القمل بعد طول غياب _ حليل المحَنَة را� Author: عبدالله ود البوش Date: 04-03-2017, 01:14 PM Parent: #24
النبي نوح انا الجابني الحل دي شنو ,,,, ------------------------------------------- قملة في هدومك معناها حقتك .... مثل تأليف مكوجي . . يا اخوي اقعد انكرش زي اخوانك ديل ... يا سلام الدنيا قمل وصباب يا سلام مرحبا عمار
Post: #38 Title: Re: عودة القمل بعد طول غياب _ حليل المحَنَة را� Author: عبدالله ود البوش Date: 04-03-2017, 01:10 PM Parent: #23
الله يستر من شر السراويل في الحر ههههه --------------------------------------- يا سلااااااااااااام يا احمد الشيخ ياخ دا من اجمل المناظر ابوك ول جدك يقوليك شوف القمل كان مات حتو وجيب لي سروالي دا انقوم امشي الحلة القدامية
Post: #36 Title: Re: عودة القمل بعد طول غياب _ حليل المحَنَة را� Author: عبدالله ود البوش Date: 04-03-2017, 12:59 PM Parent: #22
القمل في القرون الماضية كان دلالة على الفلس ثم مرت بالناس سنوات بترول نظفت رؤوسهم وهمومهم من القمل والصواب ------------------------------------- كل دور اذا ما تم ينقلب اسع بشتروهو الناس النضاف بالقروش شفت المفارقات دي كيف يا صديقي الجميل عمر التاج ؟ تحياتي
Post: #34 Title: Re: عودة القمل بعد طول غياب _ حليل المحَنَة را� Author: عبدالله ود البوش Date: 04-03-2017, 12:53 PM Parent: #21
اووووووووو ابو حراز الزول الوناس حملة ( سم الفار ) حملة الجمكسين ----------------------------- يا سلام كانت غالبا في حر وقهبونة شديدة خلاس . . عمي حبيب الله ود سكين الجوع ضرب بيتو رملة حمرا وطوالي بعد كدا ناس الجبكسين جو قاليهو يا اما تضربو الرملة جت جبكسين ولا ما بخليكم تشخبطوها ساكت داير يكون جبكسين وجير هههههههههههه لكن حمالتك علي جبطك جبطك شخبطوها وفاتو ... وحتى الان هذا المنظر في ذاكرتي وشكل الحيطة ذاتو بعد الشخبطة لسع عالق في الذاكرة لانو عمي حبيب الله دور فيهو شكلة للسما اللحمر . . شكرا اب حراز يا جميل على الاضافة الثرة والممتعة
Post: #33 Title: Re: عودة القمل بعد طول غياب _ حليل المحَنَة را� Author: عبدالله ود البوش Date: 04-03-2017, 12:44 PM Parent: #20
أيام القمل كانت أيام لها إيقاع --------------------------------- اها جاتك تارة الايقاعات الجميلة دي العرب شكارين الميت . . حباب مولانا احمد الشايقي
Post: #32 Title: Re: عودة القمل بعد طول غياب _ حليل المحَنَة را� Author: عبدالله ود البوش Date: 04-03-2017, 12:41 PM Parent: #19
حامد بدري يا فقري كان بلكد التكة بي كالود في التفتيش الصباحي ------------------------------------------------ فتاشة في شوال عيش ههههههههههههه مبالغات
Post: #31 Title: Re: عودة القمل بعد طول غياب _ حليل المحَنَة را� Author: عبدالله ود البوش Date: 04-03-2017, 12:38 PM Parent: #18
لكن حكاية الصواب دي كان أساتذة الابتدائي ومنهم والدي حفظه الله ---------------------------------------------------------------- من الله خلقك نضيييييف وبستحم كل يوم ماك ود مدرس تحمد سيدك وود راحات لكن نحن كنا بنغش المدرسين بالشطيف ساكت هههههههه الغريبة ما كنا بنحب النضافة والزول النضيف وبلمع بشوفو زنقد زنقد ههههههههههههههه علي الجزيمة يوم صحيت مع الصباح وانا في اولى ابتدائي لقيت امي مسحت لي كرعي بزيت صحيت اكورك زي المجنون ممساحني لشنو واشيل التراب واكبو في كرعي هههههههه حتى بعد داك اتشطفت عشان ما امشي المدرسة لامع شيخي عبدالباقي ود شيخي الجيلي انت دفعتي لكن دخلت بشهادة الميلاد ههههههه
Post: #30 Title: Re: عودة القمل بعد طول غياب _ حليل المحَنَة را� Author: عبدالله ود البوش Date: 04-03-2017, 12:30 PM
عباس الدسيس الزول اللذيذ عاين لي جاي يا اخوي السعودية ملانة مرقوت من زمان وحتى الان لكن عودة القمل للمدارس بعد اجازة طويلة هو المحير قالوا تم بالاستيراد والتجارة فيهو وتوجد مزارع للقمل الاصلي القملة الاصلية وقرصتا حراقة بعشرة ريال شفت الجن دا كيف ؟ زمان قملتنا مجان ساكت شفت النعمة الكنا فيها ؟ قريص ساااكت مجان لاقرش لا تعريفة
Post: #28 Title: Re: عودة القمل بعد طول غياب _ حليل المحَنَة را� Author: عبدالله ود البوش Date: 04-03-2017, 12:15 PM Parent: #15
الصباب اسمو الصُواب؛ ----------------------- كل منطقة ولها اسمها وتقريبا تبديل حروف فقط نحن بنقول الصباب . . الاموات بدعن بيهو لمن صوتك يكون منخفض تقوليك ما تنيص ... تنيص قمل وصباب ههههههههههههههههههه نميلة صغيرة وجميلة وحلاتا... ------------------------- مبالغة وحلات الدردرة فيها ههههههههههههههههه . . شكرا عبدالمنعم لاضافة البسمة
Post: #27 Title: Re: عودة القمل بعد طول غياب _ حليل المحَنَة را� Author: عبدالله ود البوش Date: 04-03-2017, 12:10 PM Parent: #14
Post: #40 Title: Re: عودة القمل بعد طول غياب _ حليل المحَنَة را� Author: الزاكى المغيرة Date: 04-03-2017, 04:18 PM Parent: #37
يا ود البوشى اخبارك
الدعوبة فى محل الكوافير ياود البوش بالشى الفلانى اكان مليت لى فتيل احوم ليك زيل الحلبية على كوافير دول الخليج البيع بالعملة الصعبة يمكن يكون بزنس نفتح شركة نسميها ( بوش زيكو للدعوب ) اكان نتفكا من دى الغربة
Post: #41 Title: Re: عودة القمل بعد طول غياب _ حليل المحَنَة را� Author: الزاكى المغيرة Date: 04-03-2017, 04:22 PM Parent: #37
يا ود البوشى اخبارك
الدعوبة فى محل الكوافير ياود البوش بالشى الفلانى اكان مليت لى فتيل احوم ليك زيل الحلبية على كوافير دول الخليج البيع بالعملة الصعبة يمكن يكون بزنس نفتح شركة نسميها ( بوش زيكو للدعوب ) اكان نتفكا من دى الغربة
Post: #42 Title: Re: عودة القمل بعد طول غياب _ حليل المحَنَة را� Author: وضاحة Date: 04-03-2017, 04:47 PM Parent: #41
ود البوش مشتااااقين شكيت محنك القمل دا في كندا لو لقوا في راس زول بكرتنوا طووووالى يا حليلك زكرتنى زمان عندى ود اختى المرحومة كان عمروا 11 سنة وامى ربتوا معانا فى البيت بعد وفاة اختي الله يرحمة قاموا جوء كندا من الدوحة قعدو فترة قام الولد مرض كان عندوا لحمية قام الدكتور قرر يعمل لى عملية المهم يوم العملية بجهزو في قبل دخول العملية جات الممرضة تعمل لي جيك اب من ضمنو فتشت شعرو لو عندو قمل لانوا مرات بكون منتشر في المدارس ههههه الولد اموا كان شعرها سمح الله يرحمة و ابوه قطرى شعرو سمح مدفق فوق كتفو الحكاية دى زعلت امى زعل شديد وقامت بالعربي شتمت ليك الممرضة ههههههه قالت ليها القمل ان شاء الله يحميك النوم هسي دا زول شكلوا عندو قمل ههههههههههههههههه قعدنا نضحك قلت ليها يا امى دى اجراءات عادية بتحصل لى كل زول المهم الممرضة فى النهاية اتكيفت من شعر الولد وشكرتوا
Post: #43 Title: Re: عودة القمل بعد طول غياب _ حليل المحَنَة را� Author: عبدالحفيظ ابوسن Date: 04-03-2017, 04:49 PM Parent: #41
القمل اظنو تلاتة انواع قمل الشعر وقمل حزة السروال والقمل داك بتذكر فلي الشعر حقت امهاتنا . تلقاها قاعدة فوق العنقريب . ومادة كرعينها بي فوق العنقريب . والمشاطة خاته بنبرها فوق العنقريب . تمشط وتصقع في القملة بي اظافر الابهام لامن تسمع صوتها طج القمل يغسلو ليك راسك بالجاز الابيض . لكن المشكلة في الصباب بعنكش في الشعرة وبفقس الحل يحلقو ليك نمرة واحد صلعة
Post: #44 Title: Re: عودة القمل بعد طول غياب _ حليل المحَنَة را� Author: عبدالحفيظ ابوسن Date: 04-03-2017, 04:50 PM Parent: #41
القمل اظنو تلاتة انواع قمل الشعر وقمل حزة السروال والقمل داك بتذكر فلي الشعر حقت امهاتنا . تلقاها قاعدة فوق العنقريب . ومادة كرعينها بي فوق العنقريب . والمشاطة خاته بنبرها فوق العنقريب . تمشط وتصقع في القملة بي اظافر الابهام لامن تسمع صوتها طج القمل يغسلو ليك راسك بالجاز الابيض . لكن المشكلة في الصباب بعنكش في الشعرة وبفقس الحل يحلقو ليك نمرة واحد صلعة
Post: #45 Title: Re: عودة القمل بعد طول غياب _ حليل المحَنَة را� Author: عمر أبوعاقلة Date: 04-03-2017, 05:10 PM Parent: #1
غايتو انا شكلي دخلت بالغلط لكن يا قريبي والله ما بمرق ساي
كدي واحد حريف ينزل الفيديو دا وشوف جنس البزنس دا كيف وحاتك مزرعة قمل ولا في الأحلام
