إقتراح بالتصويت للحد من صلاحيات بكري أبوبكر رئيس منبر سودانيزأونلاين ..

10:10 AM April, 01 2017

سودانيز اون لاين
Ali Abdalla Hassan-UK
مكتبتى
رابط مختصر

أنا أقترح أن يكون هنالك تصويت بين أعضاء المنبر للحد من صلاحيات بكري أبوبكر رئيس منبر سودانيزأونلاين ..

فكونه مالكاً للموقع ومديراً عاماً للمنبر لا يعني إنه من حقه فعل أي شئ في المنبر .. وفرض بوستات لا يرضاها أعضاء المنبر .. على سبيل المثال هذا الكاريكاتير المقزز والمغالط للحقائق التاريخية ..

نعم إستعمر الأتراك السودان .. ولكن لم يكن السودانيون في يوم من الأيام عبيداً للأتراك .. فمن أين أستقى الكاريكاتيرست عمر دفع الله معلوماته أن السودانيين كانوا عبيداً للأتراك ويأخذونهم مجاناً إلى تركيا؟

لابد أن يكون هنالك أخلاقيات مهنية لكل فناني الكاريكاتير في هذا المنبر .. ولابد أن تكون هنالك آلية تسمح لأعضاء المنبر بحذف أي كاريكاتير مخالف للأخلاق والمعايير الإجتماعية والذوق العام ..

وبجانب الكاريكاتيرات هنالك أيضاً بعض البوستات المقززة والتي لا يرضاها غالبية الأعضاء ولكن لا يستطيعون فعل أي شئ لأن بكري أبوبكر هو رئيس المنبر ومن صلاحياته فرض أي بوست في المنبر رغم أنف أعضاء المنبر ..

نموذج من البوستات المقززة .. هذا البوست الذي كتبه واحد عنصري وجاهل بأصول القبائل السودانية:

رئاسة الحزب الشعبي حصرياً علي السودانين من اصول تشادية

هذا إلى جانب أن بكري أبوبكر أحياناً لا يحترم طلبات ورغبات أعضاء المنبر .. على سبيل المثال كنت قبل ثلاثة أسابيع طلبت منه أن يغير إسمي من الإنجليزية إلى العربية .. إلا إنه رفض .. مع إني وضحت له السبب في أن بعض أصدقائي ومعارفي يصعب عليهم قراءة وكتابة إسمي باللغة الإنجليزية ولذلك أرى أن أكتبه باللغة العربية ..

وبناءاً على ما ذكرته آنفاً .. فإنني أهيب بأعضاء منبر سودانيزأونلاين للتصويت للحد من صلاحيات وديكتاتورية بكري أبوبكر رئيس منبر سودانيزأونلاين .. فإذا كان الكاريكاتير أو البوست مخالفاً للأخلاق والمعايير المهنية والذوق العام ومخالفاً أيضاً لعاداتنا وتقاليدنا السودانية ..فمن حق الأعضاء حذف هذا الكاريكاتير أو البوست ..

ضد هذا الاقتراح جملة و تفصيلا.

الحوش حق بكري وهو من صاغ بمساعدة او بلا مساعدة الاعضاء لوائح البورد و يتحمل المسئوليىة عن استمرار الموقع.

لولا اختلاف المواقف لبارت البوستات. بوست تشادية علي الحاج رددنا عليه فهرب صاحبه.

الما عجبو اي بوست ما يواصل قراءته
او
يفند ما كتب
او

ينتقل الى موقع يرتاح اليه.


الحوش زي سوق ام دفسو، شوف العاجبك. و لا تحجر على الآخرين انهم يشوفوا ما يعجبهم. البورد ليس حزبا شموليا.

قبال طاشر سنة كانت في البورد حملة قوية من بعض الاعضاء للمساهمة المالية لتطوير سودانيز اون لاينحجتهم في ذلك ان السوفتوير قديم و هنالك مشاكل تواجه الشركة المنتجة و لان الانتقال الى سوفتوير افضل خدمة و ما الى ذلك يحتاج مالا فعلى بكري ان يفتح باب الاشتراك او التبرعات لدعم الموقع.

بكري راجل حصيف فاعتذر بلباقة عن قبول سائر العروض .

تخيل معي ان بكري قبل تلك العروض و تم دعم الموقع من ناس يعارضون الحكومة و آخرون يعارضون المعارضة ثم بعد بضعسنين تغيرت قناعات بعض المساهمين كما عايشنا.

البعض من كراهية للانقاذ تحولوا 180 درجة و كذلك بعض الانقاذيين عكسوا الاتجاه

و سيبدا كل واحد ( دافع قروش ) ينادي بكتم حرية الآخر المختلف معه طالما هو صاحب حق اصيل في هذا الموقع.

و ستبدأ حملات التخلص من بكري او تحجيم صلاحياته كل مجموعة و هواها.

بأى حق ؟

هسع لو صوتنا للحد من صلاحيات فاقد الشرعية البشير الذي تؤيده حاتقعد تزمزغ
جد ماعندك سالفة

عشان يحصل شنو مثلاً؟
الكاريكاتور الما عاجبك دا, عاجب ناس كتار جداَ.
وانت عايز صلاحيات عشان تحذفه... اذاً انت ديكتاتور
بامكانك فتح اي كمية من البوستات ضد الكاريكاتور و يمكنك
ان تنتقد عمر دفع الله و ما تخلي ليهو فرضا ناقص مافي زول منعك .
حالياَ في بوستات مؤيدة و اخري معارضة
المشكلة شنو؟ ووين؟!

Quote: الحوش حق بكري وهو من صاغ بمساعدة او بلا مساعدة

على الرغم من أن العبارة دي بتذكرني بسئ الذكر نافع على نافع
الا اني اصوت ضد قرار سحب صلاحيات الريس بكري بتاع البورد
واتمنى ان تزداد رتبه في البورد لتعادل صلاحية الريس بكري بتاع الوزراء
اغتنم الفرصة لأوجه التصويت ضد الاخ دينق
لأنه سمعنا تحت تحت عنده نفس صلاحيات بكري

ده منبر خاص، وصاحبه شخص واحد فقط، وهو بكري أبوبكر.

أنا لو كان عندي أي صلاحية في المنبر ده كان شلت(شلوت) الكيزان كلهم، ومن قبلهم طبعا العنصريين.

قصة دينق عندو حق الأدمن وعلان عندو حق الأدمن ده كلام فارغ ولا أساس له من الصحة.

بكري هو الوحيد الذي يملك هذه الصلاحيات.

فتكم عافية.

..هههههههههههه
cheers البرادعي شايل B52

انا ابيت الاقتراح وما ورد من حيثيات ضعيفة جدا

يا زول واحد

Quote: ضد هذا الاقتراح جملة و تفصيلا. الحوش حق بكري وهو من صاغ بمساعدة او بلا مساعدة الاعضاء لوائح البورد و يتحمل المسئوليىة عن استمرار الموقع.

الحوش حق بكري؟
نعم الحوش حقو ..لكن هل هذا يعطيه الحق ان يفرض علينا كاريكاتيرات تسئ إلى الشعب السوداني؟ وتدوس شرف وكرامة الشعب السوداني بإسم الفن؟ وبإسم حرية التعبير؟

لا أبداً .. كرامة الشعب السوداني فوق كل شئ ..

فالشعب السوداني شعب عظيم بتاريخه وعاداته وقيمه الدينية والإجتماعية ..

ولن نسمح لأي كائن .. أن يمس كرامة وشرف هذا الشعب العظيم .. مهما كانت المبررات ..

ياخ اقتراحك ده سقط بنسبة مية في المية
فادخل الضل يا على عبدالله
قبل ما نقترح تقليص مشاركاتك لعدد مشاركة واحدة يوميا
ما دام الاقتراحات دي بقت قاعدة في السهلة ساكت

سؤال لصلاح زبير

ما فهمنا المثل الكتبته وهو البرادعي شايل B52

وبنعرف ال B52 طائرة امريكية حربية ضخمة ...لكن مين البرادعي ؟

مع وافر التحيات
امتثال

الأخ Ali Abdalla Hassan

ومع وافر التقدير والاحترام..

لكن انت منو النصبك متحدث باسم الشعب السوداني ؟؟

Quote: ضد هذا الاقتراح جملة و تفصيلا. الحوش حق بكري وهو من صاغ بمساعدة او بلا مساعدة الاعضاء لوائح البورد و يتحمل المسئوليىة عن استمرار الموقع. لولا اختلاف المواقف لبارت البوستات. بوست تشادية علي الحاج رددنا عليه فهرب صاحبه. الما عجبو اي بوست ما يواصل قراءته او يفند ما كتب او ينتقل الى موقع يرتاح اليه. الحوش زي سوق ام دفسو، شوف العاجبك. و لا تحجر على الآخرين انهم يشوفوا ما يعجبهم. البورد ليس حزبا شموليا.

you are absolutely right my friend
well put

كونه رفض يغير إسمك من الإنجليزي للعربي دي أنا أقترح فيها إيقاف بكري لمدة ستة أشهر فكيف يرفض طلب ل مستر VIP المنبر

"نموذج من البوستات المقززة"

علي عبد الله حسن.

أنت رجل منافق من الدرجة الأولى، لأنك من المساهمين في هذه البوستات والكتابات "المقززة"

لو داير الأرشيف موجود وأنا مستعد.

علشان كده، من الأفضل أن لا تعمل للناس هنا أنت من المناهضين للعنصرية.

أنت من أبناء الهامش وأنت أيضا عنصري وقح.

المنبر عام ..
فيه كل الأطياف ..
مؤيدين و معارضين ..
شيل كاركتير عمر دفع الله دا ..
و افتح بيهو بوست نقد ..
و خلي النقاش يكون مدجج بالتاريخ ..
سواءاً بتأييد الفكرة أو معارضتها ..
صدقني بتطلع بي بوست إيجابي في النهاية ..
عمر دفع الله ليس بكاتب .. ممكن بريشته يكتب تاريخ كامل ..
و يدينا استنتاجو الشخصي في كاركتير واحد ..
قابل للنقد من جميع النواحي بالإرتكاز على التاريخ ..

--
ضد إقتراحك جملة و تفصيلا ..
تحياتي للجميع

Quote: نعم الحوش حقو ..لكن هل هذا يعطيه الحق ان يفرض علينا كاريكاتيرات تسئ إلى الشعب السوداني؟ وتدوس شرف وكرامة الشعب السوداني بإسم الفن؟ وبإسم حرية التعبير؟

انا محتار في فارضو علينا دي وقبل كدى سمعتها من ناس اخرين

يعني بكري جراك من اضانك عشان تدخل البورد؟
ولا البورد حق عام لكل السودانين عشان الأسم؟

انا شخصيا الكاريكاتور ماعاجبني واعتقد فيه تزييف غير مبرر لجزء من التاريخ لكن باي حق اطالب بسحب صلاحيات صاحب البورد؟

معتصم الطاهر يتساءل :

Quote: بأى حق ؟ Ÿ

بحق الدفاع عن أخلاقنا وقيمنا وكرامتنا وشرفنا وتاريخنا العظيم..

بالله يا معتصم يرضيك واحد يجي يقول ليك السودانيين ديل عبيد .. وأجدادهم عبيد؟ وأن محمد علي باشا كان يجر العبيد السودانيين من أضانهم إلى إستانبول؟

هذه إهانة للشعب السوداني .. وتهجم غير مبرر على كرمه وشرفه .. وتزوير غير مبرر لتاريخه العظيم ..

أنا مع عدم الخروج على صاحب المنبر سلفية دوت كوم

الأخ حسن حيدر ميرغني يقول

Quote: هسع لو صوتنا للحد من صلاحيات فاقد الشرعية البشير الذي تؤيده حاتقعد تزمزغ جد ماعندك سالفة

يا أخوي أنا لا أؤيد عمر البشير ولا نظام الإنقاذ الحاكم في السودان .. بالله صحح معلوماتك عني ..

أنا أؤيد وأموت في الشعب الإسمو ( الشعب السوداني )

وأموت في البلد الإسمها ( السودان)

هذا البوست من أجل ( السودان) ومن أجل ( الشعب السوداني) .. من أجل الدفاع عن كرامة الشعب السوداني ضد الذين يتهمون هذا الشعب الأبي ظلماً وعدواناً بأنه شعب عبيد منذ التاريخ ..

كلا .. وحاشا ..

الشعب السوداني شعب حر عزيز مكرم منذ فجر التاريخ وحتى الآن ..

حتى تحت الإستعمار كنا شعب حر وعزيز ومكرم .. ولم يعاملنا أي مستعمر كعبيد .. رغم أنف عمر دفع الله الساقط في التاريخ ..

بعتذر ياحبيب لو اتهمتك بالكوزنة
ولازلت ارى ان مطلبك رأي برضو ونحترمه رغم عدم اتفاقي معك فيه
زول وفر لينا نفاج بقى جزء من حياتنا كيف نجي نحدد صلاحياتو ..
مشكور على ردك الهادىء واعذرني لو تحاملت عليك

أنا شخصيا ضد اقتراحك جملة وتفصيلا
ماعندك أي موضوع
وعايز تضيع زمن الناس في فتنة ليس لها داعي
زي ماقال ليك أحد المشاركين يجب ان تهتم بأصل الموضوع
يعني لو شايف في الكاريكاتير أي انتقاد من ناحيتك ، أعمل
ليهو كوبي ونزلو في بوست منفصل لكل تتم مناقشته
بعدين الكاريكاتير دا رسمو الباشمهندس بكري شخصيا ؟
اذا كان فهمك كدا توجد مواضيع بالمنبر ليس للباشهندس
بكري أي صلة بيها وقد لاتعنبر عن توجهاته الشحصية ولا
يمكن أن يحاسب عليها لأنها تعبر عن أصحابها ودا قانون
ثابت هنا في المنبر العام ....
شوف ليك موضوع غيرو ياحبيب

أنا مع عدم الخروج على صاحب المنبر سلفية دوت كوم
هههههههههههههههههه
ود عطبرة
الذ زول