بصراحة عمر دفع الله او مغادرة المنبر ي بكرى ابوبكر(صور)

04:33 AM April, 01 2017 سودانيز اون لاين
معاوية عبيد الصائم-
مكتبتى
رابط مختصر

المواطن عمر دفع خبير فى رفع ضغط وكثافة كيزان وعنصريو المنبر ماظهر منهم وما بطن .
..ما تحرفن منهم وتفنن .ما تجمل منهم وتبشتن شكرا
المواطن المبدع عمر جنا دفع الله

لا لمصادرة الرأي

اذا كان الراي فيه مساس بحرية الاخرين واهانة لهم يجب ان يُوقف ؟؟؟ الم اليس كذلك يا رجل السياسة والديمقراطية ؟؟؟؟
ما الفرق بين الكاركاتير وحكومة الاخوان التي تعارضها كليهما ينتهك في حقوق الشعب السوداني

يوم لاقيت الرقيب (ع) في السوق،بعد السلام والذي منو دخلنا في الأخبار والشمارات..
قالي:الأيام دي جونا الناس الغيروهم من السعودية،عاملين لينا إزعاج وحفّروا لينا الميادين كلها...
سألتو:كيف يعني؟
قالي :الماإشترى عربية إشترى موتر..

في رأيي أهم سمة أنتجت مشاكلنا المتأزمة هي :وفرة القبائل المقاتلة...
بقولوا محمد علي جا للعبيد،أبدا الكلام دا ماصحيح،محمد جا للمقاتلين البدائين..
في كتب الخواجات عن السودان،قدر مايذكروا قبيلة يكتبوا بين قوسين (وهي قبيلة مولعة بالقتال)...

اعتقد يومنا النزهج من القتال دا،مشاكلنا بتنتهي ،وماأظن ح ننتظر كتير،قربنا نكمل بعدا...
تحياتي للضيوف دون صاحب البوست

كلامك دا يا عليش، قراءة عميقة للتاريخ،
مصر في تلك الحقبة كانت تحكمها موازنة الولاءات
محمد علي بعد حريق القلعة، كان ببحث عن مقاتلين من خارج المعادلة يحفظوا ليهو ملكو

أعتقد إنّو المك نمر هو من أخلّ بهذا الحلم وزعزع الثقة

شكرا لهذه الزاوية

سلامي أيضا للجميع دون صاحب البوست

بعدين عمر دفع الله "ساقط" تاريخ
محمد علي بعد فتح السودان دخل في حرب ضد إستانبول

تحياي معاوية
وضيوفه
نعم محمد علي جاء للرجال وكما درسونا المقاتلين
لكن
هل خت تربيزة وطلب منهم التسجيل وعرض عليهم الراتب والمخصصات
برضو يعني لو جات دولة وساقت عساكرنا لانهم رجال مقاتلين مافيها حاجة ولا كيف
هل مجرد القتال يجعلك نبيلا
ام القضية

التعليق المثالي للكراكتير على لسان الباشا:
التاريخ يعيد نفسه

هل مجرد القتال يجعلك نبيلا
ـــــــــــــــــــــــــ
من تحدث عن النبل؟

أكيد المستنير..

مرحب عليش
وحبابك
نبيل حتي يتم تصنيفه مقاتل ام مرتزق
صاحب قضية او طالب مال او مجبر
حسب فهمي قديما تقوم الحروب للحصول علي مقاتلين اقويا في الصفوف الامامية

عليش ياحبيب
عبد الله بن ابي السرح برضو وقع اتفاق بموجبه سلموه مقاتلين ( تقرا عبيد)
العثمانيين قالعونا عدييييل
بلدنا دي طالما رجالها مكملين الرجالة لي حدها ليه مايحتلوا العالم :))
_

مرحب عليش
وحبابك
نبيل حتي يتم تصنيفه مقاتل ام مرتزق
صاحب قضية او طالب مال او مجبر
حسب فهمي قديما تقوم الحروب للحصول علي مقاتلين اقويا في الصفوف الامامية
ــــــــــــــــــــــــــ
هي نان يا أبسن الكلام دا أنا ماعنيتو ولا لمحتليهو ومابهمني في البوست دا أصلا..
فما بصحليك تكوكرني في هكذا حُفر..

ياحيدرونا..
ليه المسلمون وقعوا اتفاقية مع جدودنا،رغم إنهم هزموا أكبر امبراطورتين في ذلك الوقت ودخلوها حمرة عين..
وإنت ماقايل إنو السودانيين احتلوا العالم ،أو حاولوا يحتلوهوا قبل كدا؟
يا أخوانا دا مجالي ماتغالطوني فيهو،هس المستنير برضى غلطاكم ليهو في الاستنارة والإبل؟
وتيييب؟

المهم أنا قاصد إنو لو مابنحب القتال،كان صنعنا لينا وسائل مدنية لمكافحة حكام السوء..
وكان كسبنا زمنا ..يعني أنا بذم في حبنا للقتال،مابمدح فيهو..
دا كل الفهم

وإذا مددنا سؤالك دا للحاضر يا حيدر
لماذا يرضى هذا الشعب ذو التاريخ القتالي المجيد
بهذا الذل والاحتقار والمهانة من الحكام الكيزان؟

اي واحد يساند عمر دفع الله في قرفو البعمل فيهو ده

نصيحتي ليهو يشوف ليهو جنسية تانية

والسودان لن يتشرف بأن يحمل هويته

مثل عمر دفع الله والساقطين معه.

معاوية عبيد
دار جعل
وابن عمي
تحياتي

المحرية فيك أكبر من كده مهما اختلفت مع النظام

الاعزاء
حيدر حسن ميرغني

البرنس ود عطبرة
عبدالحفيظ ابوسن
معاوية الزبير
عبد اللطيف السيدح
sadig mirghani
مني عمسيب
Nasser Amin
Amira Hussien
Haytham Ghaly
معاوية المدير
عمار عبدالله عبدالرحمن
علاء سيداحمد
فرح الطاهر ابو روضة
Hassan Farah

شكرا لكم ..ومعا من اجل حرية الراى والتعبير
ودوما شكرا المبدع عمر دفع الله.....

السيد ح
جنسية امريكية ظريفة معاي شديد

مبروكة عليك

إلا مع ترمب ده

تشمها قدحة.

يامعاوية الزبير..
النزعة القتالية المجيدة هي التي أسست خرتمائة (ماعارف العدد الصحيح) حركة مقاتلة ضد الحكومة...
بعضها انتصر ويعضها مازال في الطريق...
إنت بالنسبة ليك العدد كلو ماكافي ؟وللا بتتحدث عن ليه ماانتصرت الحركات على الحكومة؟

السيد ح
ياخ زمان يونس دا كان بشتم الناس دي جنس
شتيم في الرادي من الصباح
يقعد يردح زي........ ايها الشعب السوداني الفضل
ماخلا سعودية مصر
أحلال على بلابل الدوح
حرام على الطير من كل جنس

التحية لكم ايها المواطنين .


فعلآ مستعبدين !
لانه الببيع نفسه لي امثال هولاء التماثيل الملطعة بالفلوس
فعلآ عبد !
الشئ التاني !!! والمحيييييييييييييييييييييييييييييييييير !
اين قوة الجيش السوداني البلوكوا فيها دي !!؟
طيب وقت بلدو محتلة !!!!!!!!!!!!!!!!!!! اين ذهبت
قوته ؟
واخيرآ اي جيش يعتدي علي ابناء بلده مثل الجيش
السوداني يعتبر اجبن جيش !

واخيرآ التحية للفنان المبدع عمر دفع الله .....

نجي لي حكاية عب ورقيق والذي منو...

سئل الرسول صلى الله عليه وسلم : من أكرم الناس؟
قال:يوسف..نبي بن نبي بن نبي بن نبي...

أها...أكرم الناس اُسترق وبقى عب...
طيب الفهم شنو؟
كونو تقع عليك ظروف تجبرك على العبودية...دي مامسئوليتك ولا مؤاخذ عليها...
الطباع التي تُفرض فرض على المسترقين(حسب الضغوط عليهم)،لو حاولت تتجنبا في فترة استرقاقك تكون إنت كدا ...
ولو غلبك تب ،لاتثريب عليك برضو...
لكن المسألة في لو رُفع عنك الاسترقاق مفروض تحاول جادي تتجنب تلك الصفات...
يعني تبقى سيد نفسك حقيقة وتفرض على الناس كدا ولو أبوا تلجأ للوسائل البتحقق ليك هدفك...
يعني ماتستهون القضية

المسلمون الغزاة وقعوا الاتفاقية عشان وجدوا جدودنا خطرين ومابتغلبوا بالساهل

اتخيل لي الفنان عمر دفع الله لجأ اخيرا في رسوماته لاسلوب الصدمة و الاستفزاز بعد ما لمس
روح الانهزامية و الاستسلام.

(يا معاوية الزبير..
النزعة القتالية المجيدة هي التي أسست خرتمائة (ماعارف العدد الصحيح) حركة مقاتلة ضد الحكومة...
بعضها انتصر ويعضها مازال في الطريق...
إنت بالنسبة ليك العدد كلو ماكافي ؟وللا بتتحدث عن ليه ماانتصرت الحركات على الحكومة؟)
يا عليش أنا كلامي إنو لماذا هذا الشعب بكل تاريخه الأبي الذي يأبى الظلم والحقارة
رضيَ بمهانة وذل هؤلاء الكيزان كل هذه السنين
أم أنه انقطع عن تاريخه؟ أم أن تاريخه مزيف ساكت؟
الحركات خليها، لها غباين مفهومة ومبررة

هسع عليك الله أحر يا عبيد بتاعت الغريب
أم
يا شحادين بتاعت ذوي القرى؟!

من زمن فقد فن الكار كتير فى السودان بريقه وبقى دمو تقيل وماسخ ما فيهم الا نزيهة . تشعر بكل الاعمال معسمة والشخصيات باردة لا توحى بشئ اذكر الفنان عز الدين عثمان الذى كانت اعمالو مكتملة من كل ناحية لو نظرت الى الرسوم حتى قبل قراءة التعليق لفهمت المقصود وضحكت حتى الثمالة وكل رسم لشخصية مدعاة للتأمل والمراقبة اذ تكاد الشخصيات تتحرك

سؤال لمرور الكريم ؟

هل الجيش السوداني مرتزق ولا لا ؟

أظن يا منى أخونا ناصر قاصد بالانهزامية إنو المتلقين قلبهم مات
عشان كدا عايز يديهم في التقيل

الصديق العزيز ... ود الزبير لك الاشواق ..

فعلآ .
أظن يا منى أخونا ناصر قاصد بالانهزامية إنو
المتلقين قلبهم مات عشان كدا عايز يديهم في التقيل
كلامك سليم الاخ امين بقصد كلامك دا والدليل انه رجل
مواقفه نضيفة .. لكن تقول شنو علي الدخول في لحظات
الذروة النفسية هههههههههه .

ولك الشكر علي التنبيه ويجب الحذف فورآ .

تصدق يا معاوية الزبير كانت في طرف لساني .لكن قلت دة ترهيل ومط ساي .. ما تم وصفنا به من قبل حكامنا اشد وانكأ
شذاذ آفاق
متبطلين
شحادين
عملاء
وهو اشد مضاضة كون انهم من يحكمنا وراتبهم من عرق جبيننا
الناس شغالة سخرة للحكومة مطاردين بالرسوم والجبايات ولو داير تفتح بلاغ تجيب ورق الفلوسكاب وتدفع رسوم

صباح النور بت عمسيب
الظاهر فهمتيني غلط...الانهزامية و الاستسلام ليس المعني بها عمر دفع الله..
عنيت الروح الانهزامية و الاستسلام الكامل و عدم المبالاة و سط الشعب السوداني
وكلامي الكتبتو و اقتبستيهو تبرير للرسم من وجهة نظري يمكن صاح و يمكن خطأ
تحياتي

لو سلمنا انو محمد علي باشا جا للمحاربين

اها بن ابي السرح بتاع اتفاقية البغط دا حا تتصرفو معاهو كيف

الحقايق مافي ليها تبرير الا الاعتراف بها

العزيز الكلس .. ود الامين .

لك اعتذاراتي الخجولة لعدم الفهم من ناحيتي !
الظاهر فهمتيني غلط...الانهزامية و الاستسلام ليس المعني
بها عمر دفع الله.. عنيت الروح الانهزامية و الاستسلام الكامل
و عدم المبالاة و سط الشعب السوداني وكلامي الكتبتو و اقتبستيهو
تبرير للرسم من وجهة نظري يمكن صاح و يمكن خطأ

ما عندي اي مبرر لفهمك غلط للاسف ! وبعتبرك من الشرفاء
الجديرين بالدقة في ابعاد ردودك التي اكدت لي انها لا تخيب للظن .
وللاسف اعتذر مع تحملي الكامل لسوء الفهم ..

ودمت يا كلس ..

الحقايق مافي ليها تبرير الا الاعتراف بها
ـــــــــــــــــــــــــــــــــــــــــــــــــــــــــــــــــ
ياهيثم جلي
تصرفات البشر مابتقاس بالحقائق...بتقاس بالنسبية...
الحقائق دي في الفيزياء والكيمياء

يا عليش انا قاصد الحقائق التاريخية
واظن اتفاقية البغط حقيقة تاريخية واضحة


بالمناسبة هل انت شقيق هشام الريدة

لا ياهيثم ليس لدي شقيق يدعى هشام وليس حتى من معارفي...
تحياتي

Quote: مثل عمر دفع الله والساقطين معه.

الزول دا قطع شك قاصد عمر البشير والساقطين من حوله ...

استفذني الكركتير جدا

يا عليش أنا كلامي إنو لماذا هذا الشعب بكل تاريخه الأبي الذي يأبى الظلم والحقارة
رضيَ بمهانة وذل هؤلاء الكيزان كل هذه السنين
أم أنه انقطع عن تاريخه؟ أم أن تاريخه مزيف ساكت؟
الحركات خليها، لها غباين مفهومة ومبررة
ــــــــــــــــــــــــــــــــــــــــــــــــــــــــــــــــــ
(رضى) دي يامعاوية انطباعك إنت ،وهو انطباع عاطفي طبعا..
بعدين ليه فاصل الحركات من الشعب؟

"يسألونك عن الانفال"
الارتزاق من الحرب سلوك انساني قديم
حاليا السودانيين يرتزقون من حرب اليمن وحروب أمريكا حول العالم
هذه أرزاق ساقها الله لكم
وكلما كنت مجوّد زاد رزقك
للراجل سهم وللفارس ثلاثة اسهم

الصورة معبرة جداً وتحكى عن :
حال الجندى السودانى مابين الجبر والرق في الماضى والارتزاق في الحاضر
ودون ان يكون للجندى السودانى حرية اختيار ورغبة في ذلك .
نظرتى للصورة : مابين الجبر والارتزاق

والفن بشكل عام رسالته تنحصر في تسليط الضوء على قضايا المجتمع وهناك جهات متخصصة تقوم بمعالجة تلك القضايا .
وعلى هذا لابد للفنان من حرية كاملة غير منقوصة للتعبير عن قضايا المجتمع بشفافية .

ليست المرة الأولى ولن تكون الأخيرة ان يطالب البعض بسحب بعض صور الفنان الكبير عمر دفع الله .
يا بكرى يا هندسة اعمل نايم في مثل هذه المطالبات لانها تكون خصما من الحرية المتاحة في البورد .

لا لمصادرة حرية التعبير نعم للفكرة التي تصرع بالفكرة
توقيع حضور
وبصمة بالعشرة
التحية للمبدع عمر دفع الله

عمر دفع الله اراد ان يَنكَأ الكيزان لكنه وقع فى خطيئة كبرى وبدون ان يدرى غرز خنجره السام فى قلب الشعب السودانى وتاريخه النضالى المجيد وسلم المصاورة كرتا رابحا سوف يرفعونه فى وجهنا كل ما تعكرت الأجواء...هذه حماقة تدل على السطحية والجهل

داير تغادر
في 60 يا أخي
قشة ما تعتر ليك
ويا ريت لو جريت معاك عمر بتاعك دا
قرف يقرفكم الإثنين

عمر دفع الله نسي يرسم السوط في يد الملك سلمان

لا تشتـر العبـد إلا والعصا معـه
أن العبيـد لأنـجاس مناكيــد

مع احترامي لعمر دفع الله الا ان هذا الكاريكاتير ليس ضد الكيزان بل ضد السودان
شنو البخلي الكاريكاتير دا "يرفع ضغط" الكيزان براهم دون باقي الشعب
لو كان يلمح لأنه السعودية تحاول شراء الكيزان بالمال ما في داعي لاستجرار تاريخ محمد علي الذي كان يحاول استعباد كل الشعب دون تفريق بين حكام وغيرهم

سلامات الحضور

للاسف الشديد أصبحت معاكنا السياسية والعسكرية تُقاد مستخدمتا المواطن البريء المغلوب على امره ؛ ما ذنب شعب بكامله ان يوصف ب(العبيد) وب(المرتزقة) لمجرد ان الحكومة أرسلت قوات لليمين لا يتجاوز عددها العشرة ألف ؟؟؟ اذا كان استقاط الحكومة باهانة كبيراء المواطن فاليذهب من يفكر باسقاط الحكومة بهذه الطريقة للجحيم !!!! كلنا جلوس في الخارج او اغلبنا والمواطن وحده من يدفع في فواتير الحكومة الباهظة الثمن سواء مع او ضد لوحده ؟؟؟ الم يفكر راسم هذا الكاركتير ان مثل هذا الرسم قد يحبط المواطن ويدخله في مزيد من دوامات الاستسلام والخضوع ؟؟؟ هكذا تفعل الحكومة تستفز في الشعب ليل نهار فلا نبقى عليها نحن والحكومة !!! اتركوا الشعب يكافح لوحده في لقمة العيش ان تستطيعوا ان تخدموه دون جرح مشاعرة واستفزازه

الأخت منى سلامات

هل الجيش الامريكي مُرتزق ؟؟؟ وهل حلف النيتوا عندما دخل في حروب الشرق الاوسط كان مُرتزق ؟؟؟؟
هذه الجيوش لخدمة البلاد وبرامجها ومناهجها وسياساتها وكما تدخلت تلك الجيوش من قبل في الشرق الاوسط لحماية مصالحها وحماية مصالح حلفائها من حق الجيش السوداني كاي جيش ان يتدخل لحماية مصالحه ومصالح الحلفاء ؛ لماذا تصفون الجيش السوداني بالمرتزق ولم تصفوا النيتوا والجيش الامريكي بالارتزاق عندما يتدخل لحماية حلفاءه او مصالحه ؟؟؟؟ لماذا حلال عليهم وحرام علينا ؟؟؟ ام ان البشير وحكومته لا تحكم تلك الدول ؟؟؟؟ انا اكثر كُرها لسياسات الدولة ومتغرب خارج السودان وادفع اكثر من اي شخص له جواز اجنبي الضرائب والجبايات واستفز ليل نهار ؛ لكن هذا لا يمنحني الحق بمحاربة الحكومة بواسطة الشعب المغلوب على امره ؛ وهذا لا يجعلني استفز الشعب من اجل البشير وحكومته

لايك للبرنس ود عطبرة