Post: #2 Title: Re: سؤال للرجال فقط ؟ وحا اوريكم سبب السؤال لا Author: sadig mirghani Date: 03-30-2017, 12:48 PM Parent: #1
منى ازيك البكا أنواع الايامات دي في بكا في المنبر شديد خاصة من جيل الستينيات ولا ورا المهم أنا حساس شديد وببكي في الحاجات العاطفية ولو فتحت فيلم هندي بقعد ابكي لو جا مشهد خرافي يعني بالعربي كده زيرنا ملان لكن ماسكنو بالصنقيع خمسيك فل
Post: #3 Title: Re: سؤال للرجال فقط ؟ وحا اوريكم سبب السؤال لا Author: مني عمسيب Date: 03-30-2017, 12:55 PM Parent: #2
صادق لك التحية والشكر علي المرور ..
صادق انا والله جادة في السؤال وحا اعمل فيه دراسة . الايامات دي في بكا في المنبر شديد المصدر : تصدق يا صادق سالت لي كم رجل من جنسيات مختلفة كانت النتائج غير الاتوقعتها ! عشان كدا اصريت اسالكم انتوا وحا اوريك لاحقآ الجنسيات والردود المختلفة .
عذرآ حا اكرر ليك السؤال تاني . اخر مرة بكيت فيها انت وكان السبب شنو ؟
ومشكور علي المشاركة .
Post: #4 Title: Re: سؤال للرجال فقط ؟ وحا اوريكم سبب السؤال لا Author: طه جعفر Date: 03-30-2017, 12:59 PM Parent: #1
سلام يا مني عمسيب
ابكي كثيراً عندما اسمع الغنا السوداني و ابكي في حالة نشوب أجواءعاطفية تثير الذكريات عن الوطن و الناس يعني مثلاً لمّة سودانيين في عزاء مر في الغربة البطالة تترقق المشاعر فيعني لو الآن فتحت أغنية عصافير الخريف مثلاً سأبكي علي وردي و نفسي و علي الوطن و علي الأصدقاء و لا اغنية بتتعلم من الأيام و الحب و الظروف لمحمد الامين وكثير من الأغاني تبكيني بمرارة مثلاً جيناكي زي وزين لعبد القادر سالم و أحياناً مجرد تذكر الأصدقاء و الأهل يبكيني بمرارة
Post: #6 Title: Re: سؤال للرجال فقط ؟ وحا اوريكم سبب السؤال لا Author: عبدالوهاب احمد صالح Date: 03-30-2017, 01:08 PM Parent: #4
تحياتي استاذه مني
اخر مره بكيت وانا بودع ابنتي الوحيده بعد ان ادخلتها داخلية جامعة الجزيره في مدني وكانت اول مره ليها تطلع من البيت للحياه العامه وده كان شهر اكتوبر 2016 .
Post: #5 Title: Re: سؤال للرجال فقط ؟ وحا اوريكم سبب السؤال لا Author: sadig mirghani Date: 03-30-2017, 01:03 PM Parent: #1
والله جادي معاك بكيت مرة قريب لي فراق احد الاقارب وبكيت لما اكتشفت اني سوف ارزق بولد وبكيت في موقف تلفزيوني اتأثرت بيهو وعشت اللحظة وبس
Post: #7 Title: Re: سؤال للرجال فقط ؟ وحا اوريكم سبب السؤال لا Author: معاوية المدير Date: 03-30-2017, 01:12 PM
سلآمات يا بت عمسيب .
آخر مرّة بكيت قبل يومين بسبب هذا الفيديو، وصلني عبر الوآت سآب ...
Post: #9 Title: Re: سؤال للرجال فقط ؟ وحا اوريكم سبب السؤال لا Author: حيدر حسن ميرغني Date: 03-30-2017, 01:20 PM Parent: #7
بكاء من ماتوا من العزيزين والعزيزات في حياتنا شيء طبيعي وما اظنك بتقصديه يا منى اما غير كده المبكيات كثيرة
Post: #36 Title: Re: سؤال للرجال فقط ؟ وحا اوريكم سبب السؤال لا Author: مني عمسيب Date: 04-01-2017, 11:55 AM Parent: #9
حيدرنا .. صباح الرضا .
بالضبط يا حيدرنا . بكاء من ماتوا من العزيزين والعزيزات في حياتنا شيء طبيعي وما اظنك بتقصديه يا منى اما غير كده المبكيات كثيرة البموتوا ديل كل ممكن تكون فترتهم بعييييييييييدة من بعض عشان كدا ما حا نركز فيهم شديد . دايرين مواقف متقاربة عشان نقيس درجة التأثير القوي بتعبير الدموع ..
ولك الشكر ,,,
Post: #35 Title: Re: سؤال للرجال فقط ؟ وحا اوريكم سبب السؤال لا Author: مني عمسيب Date: 04-01-2017, 11:42 AM Parent: #7
ود المدير حبابك يا صاحب .. ولعلك طيبة ؟
بأمانة عم عبد الرحيم ما مفروض يضبح الغنماية عشان ضيوف جايين لي عمل خير ! لكن في النهاية هو حر . آخر مرّة بكيت قبل يومين بسبب هذا الفيديو، وصلني عبر الوآت سآب معناته انت بتكبي حتي للمواقف النادرة زي دي ؟ وبكيت قريب قبال كم يوم كمان ؟ دا المطلوب في السؤال يا ود المدير تحديد الوقت دا . ومشكور علي الحضور والفيديو والمثالية الفيه في زمن شبه ان تتلاشي فيه حتي التعامل الطبيعي بين البشر !
ودمت يا صديق .
Post: #8 Title: Re: سؤال للرجال فقط ؟ وحا اوريكم سبب السؤال لا Author: مني عمسيب Date: 03-30-2017, 01:17 PM
الصديق الغالي .. طاهو .. لكم التحية والاشوووق ..
يا سلام يا طاهو ! ابكي كثيراً عندما اسمع الغنا السوداني و ابكي في حالة نشوب أجواءعاطفية تثير الذكريات عن الوطن و الناس شئ طبيعي يكون دا ردك يا صديقي الوفي ... لانه انسان زيك مفعم بالجمال البأكد صدق الذات والمشاعر والاحاسيس الصادقةالنبيلة ... فالبكاء بسهولة حتمآ من مزاياك العاطفية تجاه كل ماهويستحق البكاء !!! احساسك دا حا اربطه باحساس زميلي الهولندي الرقيق .. ( جيفري ) لما سالته عن متي بكيت قال لي امبارح ! قلت ليه السبب قال لي في فلم مؤثر ما قدرت اتمالك نفسي !
دموع الرجال مرتبطة بصدقهم في كل شئ .
ولك الشكر يا صدقي العزيز .
Post: #11 Title: Re: سؤال للرجال فقط ؟ وحا اوريكم سبب السؤال لا Author: مني عمسيب Date: 03-30-2017, 01:27 PM Parent: #8
تسلم يا اخي الفاضل .. عبد الوهاب ..
واشكرك علي الرد القدر السؤال واللهو المطلوب . تحديد الزمن . اخر مره بكيت وانا بودع ابنتي الوحيده بعد ان ادخلتها داخلية جامعة الجزيره في مدني وكانت اول مره ليها تطلع من البيت للحياه العامه وده كان شهر اكتوبر 2016 . ربنا يحفظ ليك بنوتك الجميلة ويوفقها ليك ويجمعكم في ساعة خير ... يعني تقصد من التاريخ دا اللهو اكتوبر 2016 تاني .. تاني ما بكيت ؟
ما محتاج رد آخر الاجابة تكفي عن السؤال وسؤالي التاني يكفي عن اجابتك ..
ولك الشكر ,,,
Post: #10 Title: Re: سؤال للرجال فقط ؟ وحا اوريكم سبب السؤال لا Author: عمر التاج Date: 03-30-2017, 01:25 PM
تحيات ود وشوق لك ياعزيزة على المستوى الشخصي أعتقد بأني شرس جدا ، عنيف لأبعد الحدود أحب المخاطر وأعشق الصعاب وأمتهن مواجهة الشجعان ودموعي لا تخرج الا على جثة دمي ورغم ذلك .. ببكي في اليوم على الأقل خمس مرات وكان سمعت غنية حنينة ساكت أو شاهدت موقف مؤثر أو قرأت قصة دافئة تاني بطانية ما بتنشف دموعي. أسع الحقيني بالفاين 😭😭😭😭😭😭😭😭
Post: #12 Title: Re: سؤال للرجال فقط ؟ وحا اوريكم سبب السؤال لا Author: مني عمسيب Date: 03-30-2017, 01:33 PM Parent: #10
اخي صادق سلام وتقدير ..
يا ريت لو تحدد الفترة البكيت فيها ؟ دا المهم بالنسبة للبوست . والله جادي معاك بكيت مرة قريب لي فراق احد الاقارب وبكيت لما اكتشفت اني سوف ارزق بولد وبكيت في موقف تلفزيوني اتأثرت بيهو وعشت اللحظة وبس البركة فيكم وان شاء الله اخر الاحزان . والف مبروك المولود الجديد بالرغم من ما عارفه حضر ولا لسه وفي الحالتين الاف التبريكات .. اها دا الدايرين نعرفو متين الموقف التلفزيوني ؟
ولك الشكر ,,,
Post: #13 Title: Re: سؤال للرجال فقط ؟ وحا اوريكم سبب السؤال لا Author: مني عمسيب Date: 03-30-2017, 01:45 PM Parent: #12
الدموع اصدق تعابير للاحساس . وما اجملها بكل احاسيسها ايجابية فرح كانت ام سلبية كره !
لي عودة .
ولكم وافر الشكر علي المشاركة .
Post: #15 Title: Re: سؤال للرجال فقط ؟ وحا اوريكم سبب السؤال لا Author: Omer Abdalla Omer Date: 03-30-2017, 01:54 PM Parent: #13
والله يوميا أبكي في اليوم أكثر من مرة.. أنا في بلاد تلفها الحرب في ركن منسي من الأرض.. أبكي عندما أري أطفالا يلتحفون الفضاء و بطون جائعة.. أبكي عندما ينتشلون فتاة أو فتى من تحت أنقاض القصف الجوي الذي لا يميز واقول كان مفروض تكون دي لمة في عرسهم لكن هاهي لمة لإنتشال جثثهم.. والله أبكي عندما ياتيني أطفال صغار تعلوا وجوهم براءة و إبتسامات و يقولون لي بصوت خفيض.. يا عمو أنا جاوع.. أقسم لك ارى في الوجوه صورة طفلي و لا أتمالك البكاء.. أقسم لك أبكي في اليوم أكثر من مرة..
Post: #49 Title: Re: سؤال للرجال فقط ؟ وحا اوريكم سبب السؤال لا Author: مني عمسيب Date: 04-04-2017, 09:56 AM Parent: #15
صباح الرضا .. اخي الفاضل عمر عبد الله .
وليك الحق المطلق في البكاء في مثل هذه الحالات الصعيبة ! وفعلآ صدقآ لي كلامك انا جاتني القرحة عشان مناظر الحروبات دي . والله يوميا أبكي في اليوم أكثر من مرة.. أنا في بلاد تلفها الحرب في ركن منسي من الأرض.. أبكي عندما أري أطفالا يلتحفون الفضاء و بطون جائعة.
ولك الشكر .. مع اصدق دعواتنا بغدآ مشرق يرضي الجميع .
Post: #14 Title: Re: سؤال للرجال فقط ؟ وحا اوريكم سبب السؤال لا Author: عمار قسم الله Date: 03-30-2017, 01:51 PM Parent: #12
سلا بت عمسيب دموع الرجال عادة غالية - ولا تتساقط اٍلا لمواقف عميقة تهز النفس والروح معا .... العيون تبكي من خشية الله - وتبكي اٍن أحبت - فارقت - أو حزنت ولكني ... أيضا بكيت (بحرقة) من ظلم وقع من صديق - وبدون ذكر - للتفاصيل - غبت عنه فترة وأنا أعمل علي تحضير مفاجأة له تسعده في أعماله - حبا واكراما له - وعندما التقينا (وكنت قد أنجزت ما نويت اهداءه له)) - قابلته بحرارة وقابلني ببرود - وعلمت أن فتح ضدي بلاغ لدي الشرطة لم تهمني الشرطة - ولكن بكيت علي نفسي (( وحسن ظني به - مقابل سوء ظنه فيّ)) .-- بكيت بحرقة - بطريقة لم لم أعهدها في نفسي .
Post: #16 Title: Re: سؤال للرجال فقط ؟ وحا اوريكم سبب السؤال لا Author: عبدالحفيظ ابوسن Date: 03-30-2017, 02:08 PM Parent: #14
Post: #51 Title: Re: سؤال للرجال فقط ؟ وحا اوريكم سبب السؤال لا Author: مني عمسيب Date: 04-04-2017, 10:11 AM Parent: #16
الكلس الحبيب .. ود ابو سن .ز سلام يغشاك .
قلت لي بقينا علي جنس دا ؟ ههههههه انا الخمجان جليس الردفولا عقودا اها اقولك كلام آآآآلخمجان والله الخمج المن غير بكاء دا موهو خمج ولا كرم ! وبالمناسبة مفورض يكون في عرفنا اكتر الرجال بكاء هم الكرماء والخمجانيين . لانه السخاء لا يتجزأ .
ولك الشكر آآآآلحبيب .
Post: #17 Title: Re: سؤال للرجال فقط ؟ وحا اوريكم سبب السؤال لا Author: عبدالمنعم الطيب حسن Date: 03-30-2017, 02:18 PM Parent: #14
دموعي اقرب من حبل الوريد قد تمتليء عيناي وترقرق بالدموع لمجرد كلمة حلوة صادقة من وحيدتي فاطنة القصب اللحمر أو ظلم وقع على شخص اعرفه أو ذكرى صديق حبيب على القلب والخاطر
انتحب لذكرى أمي حالما انفرد بالهاي وي وانا في طريقي لعميل بعيد أو في طريق العودة منه
ابكي لموت اَي شخص اعرفه لو كنت حاضرا الوفاة
ابكي لموت من أحب من الأصدقاء والمعارف والأقارب ولو كنت بعيدا
دموعي قريبة والماسي سنة
Post: #52 Title: Re: سؤال للرجال فقط ؟ وحا اوريكم سبب السؤال لا Author: مني عمسيب Date: 04-04-2017, 10:15 AM Parent: #17
اخي الحبيب ,,, عبد المنعم ود عمي الطيب .
ما شكيت لحظة تكون دي مواصفاتك . لانه الانسان البنضح بالكم الهائل من الوطنية امثالك ممكن يكون نموذج عاطفي وبهذه المواصفات . دموعي اقرب من حبل الوريد قد تمتليء عيناي وترقرق بالدموع
ولك الشكر يا منعم .
Post: #18 Title: Re: سؤال للرجال فقط ؟ وحا اوريكم سبب السؤال لا Author: Nasser Amin Date: 03-30-2017, 02:20 PM Parent: #14
سلامات بت عمسيب اكتر شئ عند فقدان شخص عزيز , للمواقف الانسانية . عند الغضب الشديد عند الفرح الشديد. نحن شعب بكاي و عاطفي بس بنتظاهر ساي و نبكي بالدس غايتو بعتبرا رحمة و تنفيس للحزن و الغضب ترددت كتير في الاجابة عشان تعرفي ثقافتنا كيف بتتعامل مع موضوع بكا الرجال
Post: #19 Title: Re: سؤال للرجال فقط ؟ وحا اوريكم سبب السؤال لا Author: علاء سيداحمد Date: 03-30-2017, 02:51 PM Parent: #18
سلام الكنداكة منى عمسيب
ابكى في المواقف الإنسانية آخر مرة بكيت فيها قبل يومين لوفاة صديق عزيز جدا
وسبب بكاهم لعدم حصولهم على الركوب وحمل الامتعة والأسلحة للجهاد .. وصدق دموعهم في انهم يريدون الذهاب الى الجهاد ولايجدون الركاب ,
Post: #20 Title: Re: سؤال للرجال فقط ؟ وحا اوريكم سبب السؤال لا Author: khaleel Date: 03-30-2017, 03:02 PM Parent: #19
لا باس ان نبكي قليلا ربما قهرنا البكاء
اكيد عندما يغني الحاضر الغائب زيدان ابراهيم يكون الدمع حاضرا
ونبكي مع فقد كل عزيز
Post: #21 Title: Re: سؤال للرجال فقط ؟ وحا اوريكم سبب السؤال لا Author: اباذر عبد العال Date: 03-30-2017, 03:28 PM Parent: #20
تحياتي
كل المواقف المؤثره تنزل الدموع
اخر مره بكيت قبل عشرة ايام عندما مرضت ابنتي الصغيره اختفت بسمتها لعدة ايام والان الحمد لله شفيت وبقت تمام
Post: #60 Title: Re: سؤال للرجال فقط ؟ وحا اوريكم سبب السؤال لا Author: مني عمسيب Date: 04-08-2017, 09:33 AM Parent: #20
الأخ العزيز .. khaleel لك التحية والتقدير ..
يعني نعرف انك متيم بفن المبدع الراحل المقيم زيدان ؟ اكيد عندما يغني الحاضر الغائب زيدان ابراهيم يكون الدمع حاضرا ونبكي مع فقد كل عزيز فعلآ الببكي في الغناء بكون دموعه حاضرة لاي موقف مؤثر . نعرف من كدا دموعك قريبة والحمد لله .
Post: #59 Title: Re: سؤال للرجال فقط ؟ وحا اوريكم سبب السؤال لا Author: مني عمسيب Date: 04-08-2017, 09:14 AM Parent: #19
لك التحية اخي الفاضل .. علاء سيد احمد .
مشكور علي المداخلة الواضحة : ابكى في المواقف الإنسانية آخر مرة بكيت فيها قبل يومين لوفاة صديق عزيز جدا فعلآ المواقف الانسانية هي المحرك الاساسي للبكاء والبركة فيكم في صديقك وربنا يتقبله ويجعل مثواه الجنة فعلآ فقد عزيز لديك دي بتهز الكيان قبل الدموع .
ولك الشكر ,,,
Post: #58 Title: Re: سؤال للرجال فقط ؟ وحا اوريكم سبب السؤال لا Author: مني عمسيب Date: 04-08-2017, 09:04 AM Parent: #18
صباحك خير .. اخي العزيز ناصر امين .
اما بعد : نحن شعب بكاي و عاطفي بس بنتظاهر ساي و نبكي بالدس طيب موش مفروض تحدد لي متين بكيت والسبب شنو ؟ عشان دا كان عنوان البوست .
ولك الشكر يا فاضل .
Post: #50 Title: Re: سؤال للرجال فقط ؟ وحا اوريكم سبب السؤال لا Author: مني عمسيب Date: 04-04-2017, 10:04 AM Parent: #14
السلام عليكم اخي عمار ..
اكتر ما احزني في ردك ظلم الصديق !!! دموع الرجال عادة غالية - ولا تتساقط اٍلا لمواقف عميقة تهز النفس والروح معا .... العيون تبكي من خشية الله - وتبكي اٍن أحبت - فارقت - أو حزنت ولكني ... أيضا بكيت (بحرقة) من ظلم وقع من صديق فعلآ اري رجالآ يبكون من خشية الله في لحظات الخشوع واذا فارقت ... وما اعظمها دموع في ظلم صديق لك !!
ولك وافر الشكر علي الصراحة .. وربنا يعوضك بخير منه .
Post: #37 Title: Re: سؤال للرجال فقط ؟ وحا اوريكم سبب السؤال لا Author: مني عمسيب Date: 04-01-2017, 12:06 PM Parent: #10
ود التاج سلام يغشاك .
الشئ العرفته انك زول عنيف . ولكن ! على المستوى الشخصي أعتقد بأني شرس جدا ، عنيف لأبعد الحدود أحب المخاطر وأعشق الصعاب وأمتهن مواجهة الشجعان ودموعي لا تخرج الا على جثة دمي ورغم ذلك .. ببكي في اليوم على الأقل خمس مرات وكان سمعت غنية حنينة ساكت أو شاهدت موقف مؤثر أو قرأت قصة دافئة تاني بطانية ما بتنشف دموعي. أسع الحقيني بالفاين يعني نعرف من كدا ممكن تبكي بسهولة بالرغم من صفاتك المذكورة ؟ تصدق يا ود التاج بعض مرات بتشوف ناس صعبين لدرجة تحس بيهم ما عندهم احساس كفاية للمواقف المحزنة لكن بفاجئوك انهم بكايين !!! طيب مالك اسه بتبكي يا مستهبل ولا عشان ذكرناك البكاء ؟ هههههههه ما عندي فاين ولا حاجة امسح دموعك بقميصك ههههه .
مشكور يا حبيب .
Post: #22 Title: Re: سؤال للرجال فقط ؟ وحا اوريكم سبب السؤال لا Author: أبوذر بابكر Date: 03-30-2017, 04:35 PM Parent: #1
ازيك يا منى
انا ما بعرف ابكى اطلاقا
أعتقد أنه خلل بيولوجي اكتر من أنه خلل نفسى
حتى فى موت وفقد اعز الناس ابوى واختى الصغيرة و ود عمى توام روحى كنت اكتر زول حزين فى الكون وحسيت انى بموت والله لكين ما عرفت ابكى والله
المرة الوحيدة النزله منى دموع كتيرة
لما سمعت حسين بازرعة بحكى فى جزء معين من تاريخ حياته
بكيت والله
اول وآخر مره
Post: #23 Title: Re: سؤال للرجال فقط ؟ وحا اوريكم سبب السؤال لا Author: عبدالعزيز الفاضلابى Date: 03-30-2017, 04:53 PM Parent: #22
امس وانا فى القطار عائد من المكتب ,, ليس بكاءاً ولكنها مقدمات البكاء ترقرقت عيناى مع قشعريرة.
Post: #24 Title: Re: سؤال للرجال فقط ؟ وحا اوريكم سبب السؤال لا Author: محمود سيد أحمد Date: 03-30-2017, 05:55 PM Parent: #23
سلام لصاحبة البوست والمرور الكرام
أعتقد أني من الفصيلة التي ذكرها الشاعر العربي:
يُبكى علينا ولا نبكي على أحدٍ $$ ونحن أغلظ أكباداً من الإبلِ
ههههههه
Post: #25 Title: Re: سؤال للرجال فقط ؟ وحا اوريكم سبب السؤال لا Author: Hani Arabi Mohamed Date: 03-30-2017, 06:02 PM Parent: #1
الليلة الصباح تشتقت لحبوبتي الله يرحمها
Post: #26 Title: Re: سؤال للرجال فقط ؟ وحا اوريكم سبب السؤال لا Author: حمد عبد الغفار عمر Date: 03-30-2017, 07:05 PM Parent: #25
سلام يا منى
أنا شخصيا بحزن جدا أحيانا لدرجة البكاء لما أشوف صورة أي شخص قُتل غدرا ولم ينل قاتله العقاب
بس البكاء مرتبط عندي بحادثة حدثت عندما توفى أخي الأصغر (عليه الرحمة) وترك طفلين دون الخامسة من عمرهم وكان الحزن عميقا عليه بعد الفراش باسبوع ركبت الحافلة وماشي سوق امدرمان بتاع الحافلة كان مشغل شريط مصطفى سيد أحمد ولسوء الخظ جات اغنية يا سر مكتوم لما وصل لحتة : وتشيلا تروح والدنيا تنوح على قمرا مات في مطر الليل يتّم نجمات غطاها السيل دخلت في نوبة بكاء هستيري لحد ما الناس اتفاجأت بي في الحافلة بعدها نزلت ركبت تاكسي ورجعت البيت
المسالة دي بقت ملازمة لي كل ما اسمع مصطفى سيد أحمد خصوصا صورة وصوت حتى اختلط علي الأمر ايهما ابكي اخي أم مصطفى أم كلاهما لذلك توقفت لفترة طويلة من سماع مصطفى سيد أحمد إلا لماما ومعاها بكاء طبعا إلى الآن
Post: #27 Title: Re: سؤال للرجال فقط ؟ وحا اوريكم سبب السؤال لا Author: Basamat Alsheikh Date: 03-30-2017, 07:26 PM Parent: #26
عزيزتنا الغالية منى
ما دام سمحتي لينا بالتعليق جيناكي للتعليق:
بيقولو اغلى الدموع هي دموع الرجال .
وسألت ودموع النساء؟ فقالوا دموع النساء ما غالية لان المرأة دموعها في طرف عيونها وتبكي لأقل سبب
وبدون سبب.
وقرأت مرة ان الرجل لا يبكي إلا لسبب قوي وقاهر او سبب عاطفي بحت.. وان الرجل يبكي لفراق أمه ويبكي
لحالات انسانية لم يمر بها من قبل.. ويقول الأطباء ان الرجل الذي يبكي ويفرج عن همومه لا يصيبه امراض ضغط الدم والسكري
والرجل الذي يكتم الزعل والغضب ويحبس الدموع بيكون عرضة لأمراض الضغط والقلب ..
وسؤالك مهم وحنتابع الاجابات
مع وافر التحيات امتثال
Post: #28 Title: Re: سؤال للرجال فقط ؟ وحا اوريكم سبب السؤال لا Author: Ahmed Yassin Date: 03-30-2017, 11:56 PM Parent: #27
منى عمسيب وشركاها بكيت بكاء طويل ومر .... قبل ساعات قليلة جدا بسبب المنبر دا عارفة يا منى بكيت على منو .. ووالله حتى اللحظة انا ابكي بكيت على اخونا (دينق) انا لا اعرفه الا من خلال هذا المنبر أي والله .... بكيت عليهو بى حرقة واظن الاساءة الاتوجهت ليهو ... ولى اسرته وامه وابيه واخوته .... كبيرة اساءة بالغة من صلاح شكوكو ... والله العظيم الرحيم .. يقشعر لها البدن لا اعرف كيف يجرؤ الانسان الضعيف الذي لا يعرف هل ستطلع عليه شمس الغد او لا ...ليكيل كل هذا الالم لاخيه الانسان
Post: #29 Title: Re: سؤال للرجال فقط ؟ وحا اوريكم سبب السؤال لا Author: Hassan Farah Date: 03-31-2017, 10:20 AM Parent: #1
بت عمسيب سلام هاكى شوفى البنية دى كتبت شنو....كلام بسيط لكنه صادق يعكس عمق المحبة بين البنية وابوها ...قرأت هذه السطور فسالت دموعى -----------------------------------
انا ابوي سواق امجاد واليوم كلو بيكون واقف في المحطه منتظر رزقو والصيف دخل علينا ورمضان جااي 💔 فكرتا اذا كل زول فيكم حفظ رقمو ولمن يحتاج مشوار يدق عليهو عشان مايقيف كتير في الشمس خصوصا مناطق الحلفايا والصافيه وشمبات وماعشان ابوي والله بس هو أطيب راجل في الدنيا وصبور واميين (يااااما زباين بينسو حاجاتهم في الامجاد وبيرجعها ليهم ) يعني حتركبو معاهو وانتو مرتاحيين ومتطمنين😍😍 ياريت ترفعو لي البوست امكن تكوني سبب في رزق ليهو ولينا وده رقمو 0922292316 #منقول
Post: #30 Title: Re: سؤال للرجال فقط ؟ وحا اوريكم سبب السؤال لا Author: خالد العبيد Date: 03-31-2017, 01:48 PM Parent: #29
رحلت امي يوم عشرة شهر عشرة السنة الفاتت بكيتها بكاءا مريرا وحدي وانا بين اربعة محيطات لم يمر يوم لم اتذكرها . ولم يمر اسبوع دون ان ابكيها رغم فصاحة قلمي غلبي اكتب فيها حرف واحد ..
تحياتي يا منى
Post: #31 Title: Re: سؤال للرجال فقط ؟ وحا اوريكم سبب السؤال لا Author: محمد حيدر المشرف Date: 03-31-2017, 02:08 PM Parent: #1
الموت يا منى .. أبكي عند فقد الاهل والاحباب ..
بكيت ايام مظاهرات سبتمبر 2013 .. لا اذكر جيدا ولكن عند مشاهدتي لفيديو خروج مظاهرة في ودنباوي شارع الدومة .. وكنت قلقا من ان حجم المظاهرات لن يكون كبيرا ولكني فوجئت بالالاف تههدر في الشوارع بالهتاف .. واين ؟!! .. في امدرمان ... والهتاف: حرية سلام وعدالة .. والثورة خيار الشعب ..
بكيت غربتي يومها يا منى .. وبكيت امام عظمة الشعب السوداني ..
بكيت عند سماعي نبأ موت محجوب شريف .. بكيت وحيدا بحرقة .. منزويا في طرف قصي من صالوني .. تكومت في ذلك الطرف وبكيت.
مناسبات كهذه يا منى ..
Post: #32 Title: Re: سؤال للرجال فقط ؟ وحا اوريكم سبب السؤال لا Author: الطيب عباس Date: 03-31-2017, 02:16 PM Parent: #1
تحياتي والله آخر مره بكيت وبشده وبدون ما اشعر جاتني اشاعه موت شخص عزيز والله كنت جاكي وبتريض وببكي هههههه الحمد لله طلعت اشاعه 😂 والزول حي مامات
Post: #33 Title: Re: سؤال للرجال فقط ؟ وحا اوريكم سبب السؤال لا Author: محمد فضل الله المكى Date: 03-31-2017, 03:00 PM Parent: #32
. عودتها البكا والنواح والناس يقولو علينا إيه . تبكي بس . الماجدة بت عمسيب والله كل الأحبة الذين فقدتهم أسالوا دمعتي .. وآخرهم الحاجة نصرة بت احمد خوجلي النزَّلت نعيها في المنبر قبل أيام . . لاكين يا بت ابوي ألذ بكية بكيته ... في بواكير الشباب في بنية كتلت قلبي مرَّه واحدة.. ومشوا خطبوها لي ( في الثورة الحارة السا ته ) .. والله يا منى أدتني شاكوش لي هسع واجعني في راسي ... أها أنقري من الزعل ما بكيت ؟ لأنو كل الأمور كانت في صالحي .. في تمهيد وفي استلطاف متبادل وفي وعود متبادلة ... أتاري يا منى في واحد مغترب جا عمل لي مقص .. ولمن انتهت اجازتو ورجع كان أعلن خطوبته على واحدة تانية !!!! . آهاااااااا بعد أيام كِده من شاكوش المغترب ، جو اخوات المذكورة عندنا يباركو ، واليوم التاني جات أمها تعلن الموافقة ........... هيع أخوك يا بت عمسيب على اليمين أديته ليك شاكوش آمن جاته صدمة .. الشاكوش بالشاكوش والبادي أظلم . . أخوك آآآآآ بت عمسيب
Post: #34 Title: Re: سؤال للرجال فقط ؟ وحا اوريكم سبب السؤال لا Author: محمد فضل الله المكى Date: 04-01-2017, 03:30 AM Parent: #33
. بعد الشكوش الحار داك آآآآ بت عمسيب أجي من الشغل راسي مسخن ، وديك يا الأوضة الطرفانية ... ما داير مفاهمة مع أيُّها زول ... وحردان الأكل إلا الوالدة لمن تجي الكلام كِمِل .. الأيام ديك ما أيام المسجل .. مسجلي فاتح اليوم كله وأغنيتي واااااحدة : . ضيعوك ودروك إتَّ ما بتعرف صليحك من عدوك استغلوا الطيبه في قلبك وبي اسم العواطف خدعوك ( الله ياخُد ليك حقوقك .. ويجازي الظلمووووووووك ) ........... وانا اعيط ... . الإستجابه كانت سريعة خلاص ...... شاكوش المغترب ريحني بلحيل بعد الضربة القاضية الأدتني ليها دي دايرة ترجع المياه لمجاريه .. بالله أخوك آآآآ بت عمسيب ... قلت كدي وخبتـَّها ليك شاكوش .... تحسبو لِعِب
Post: #38 Title: Re: سؤال للرجال فقط ؟ وحا اوريكم سبب السؤال لا Author: محمد عبد الله الحسين Date: 04-01-2017, 12:07 PM Parent: #34
الاخت بت عمسيب نعم دموع الرجال غالية لكن نحن البكا ده ما حقنا لما نحن نبكي نخلي ليكم انتو شنو؟ و لو حصل و بكيت ..ما حاكلم زول ..لأنه عيب و عيب كبير لا يليق بالرجال..... ..............العايز يبكي اليبكي ما في زول مانعه ....لكن أنا ما منهم.. يا زولة مالك مُصِرّة تبكينا؟ كسرة: لازم سباحة عكس التيار و كده.... تحياتي
Post: #39 Title: Re: سؤال للرجال فقط ؟ وحا اوريكم سبب السؤال لا Author: ياسر السر Date: 04-02-2017, 07:13 AM Parent: #38
ابكي لفقد عزيز او قريب او لفقد انسان عرفته حتى ولو لبرهة صغيرة وابكي لموقف انساني يهزني او موقف عاطفي يشدني وابكي عندما اشعر بالظلم حتى ولو وقع هذا الظلم على انسان اخر ... فالبكاء يخفف عن الانسان هذه الشحنات التي قد تتسبب في ضرر بالغ ... على العموم احسب نفسي انسان شفيف ورهيف لذلك كثيرا ما ابكي وانتحب بحرقة من اجل الاسباب التي ذكرتها اعلاه ... وللغربة بكاء خاص اختي بت عمسيب ولا شنو فنحن سافرنا وبعدنا وما عرفنا هواك بعدنا وابكي لحال البلد وما اصابه وابكي على الماضي العشاناه واصبح ذكرى نعيش عليها .... الخ غايتو يا بت عمسيب فتحتي علينا نفاج صعب اغلاقه ...
تحياتي : ياسر العيلفون .....
Post: #40 Title: Re: سؤال للرجال فقط ؟ وحا اوريكم سبب السؤال لا Author: عثمان حسن عثمان Date: 04-02-2017, 08:42 AM Parent: #39
صراحة دموعي قريبة جداً و أبكي في حالات الفرح الشديد و الحزن و قد تبكيني قصة مؤثرة في كتاب و أبكي عندما أشاهد صورة طفل بائس
Post: #41 Title: Re: سؤال للرجال فقط ؟ وحا اوريكم سبب السؤال لا Author: سامر دوشه Date: 04-02-2017, 09:18 AM Parent: #1
في الحج .. بكينا و تباكينا .. و في أغاني الحنين للبلد أيضاً .. ..
والأخيرة دي بالذات لازم أكون براي لزوم انفراد الاحساس و بتحصل كتير أثناء القيادة.
تحياتي ليكي و لجميع البكايين ..
Post: #42 Title: Re: سؤال للرجال فقط ؟ وحا اوريكم سبب السؤال لا Author: عماد الدين الطيب عمر Date: 04-02-2017, 09:27 AM Parent: #1
بت عمسيب وينك مشتاقون
و الله يا حبيبة قاعد ابكي لاقل سبب عاطفي
همسة منتظرك
Post: #43 Title: Re: سؤال للرجال فقط ؟ وحا اوريكم سبب السؤال لا Author: أمير محمد أحمد أبيض Date: 04-02-2017, 09:57 AM Parent: #42
ورا البسمات كتمت دموع بكيت من غير تحس بيه
Post: #44 Title: Re: سؤال للرجال فقط ؟ وحا اوريكم سبب السؤال لا Author: Adam Youssif Date: 04-02-2017, 01:55 PM Parent: #1
العزيزة منى لكيك وحشة بكيت قبل 10 أيام لما مات ابن خالتي رحمة الله عليه
Post: #45 Title: Re: سؤال للرجال فقط ؟ وحا اوريكم سبب السؤال لا Author: ياسر منصور عثمان Date: 04-03-2017, 07:48 AM Parent: #1
حسب طبيعتنا بكى الرجال عيب...
بكيت الاسبوع الماضي (من غير دموع)... عندما كنا في مشوار يخص امر دنيا ... وشاهدت طفلة سورية جميلة كالوردة في الاشارة وهي تغسل قزار العربات عشان تاخد ريال واحد.. بالجد شعرت بتفاهتي وتفاهة ما نجري خلفه....
Post: #46 Title: Re: سؤال للرجال فقط ؟ وحا اوريكم سبب السؤال لا Author: أحمد الشايقي Date: 04-03-2017, 09:28 AM Parent: #45
شكراا يا أخت منى
بكيت بحرقة وأنا اشاهد اطلاق النار على مظاهرات طلاب المدارس في سبتمبر 2013
وبكيت وبكيت من عمايل الإنقاذ في أهالينا بالجريف وبغيرها
أحمد الشايقي
Post: #48 Title: Re: سؤال للرجال فقط ؟ وحا اوريكم سبب السؤال لا Author: حسن محمد عمر Date: 04-04-2017, 09:52 AM Parent: #46
تحية طيبة لكل البكايين ولست البوست( بيت البكا) أنا شخصياً مفتون بحب مدينتى كسلا الوريفة بشوف جبل توتيل من على البعد وأنا داخل المدينة أسكب الدمع السخين ولا أبالى حتى وأنا فى البص المتجه لكسلا . عند نزول المطر أدعو بأدعية كثيرة وتنهمر الدموع بدون ماأشعر بنفسى وغالباً ماأكون فى الطريق خاصة الأيام الماضية كانت ممطرة هنا فى الرياض
Post: #47 Title: Re: سؤال للرجال فقط ؟ وحا اوريكم سبب السؤال لا Author: الصادق عز الدين Date: 04-04-2017, 09:49 AM Parent: #1
قد أكون مختلفا من الصعوبة علي البكاء لا أدري لماذا غالبا أضحك عند النوائب فقط عند دفن أي جثمان تمتلئ عيوني بالدموع
Post: #53 Title: Re: سؤال للرجال فقط ؟ وحا اوريكم سبب السؤال لا Author: مني عمسيب Date: 04-04-2017, 10:21 AM Parent: #47
استراحة احترامآ للبكاء . لجميع الاحبة الحضور .
أرَاكَ عَصِيَّ الدّمعِ شِيمَتُكَ الصّبرُ، أما للهوى نهيٌّ عليكَ ولا أمرُ ؟ بلى أنا مشتاقٌ وعنديَ لوعة ٌ ، ولكنَّ مثلي لا يذاعُ لهُ سرُّ ! إذا الليلُ أضواني بسطتُ يدَ الهوى وأذللتُ دمعاً منْ خلائقهُ الكبرُ
Post: #54 Title: Re: سؤال للرجال فقط ؟ وحا اوريكم سبب السؤال لا Author: عمار قسم الله Date: 04-05-2017, 07:55 AM Parent: #53
يابت عمسيب - سلام - ولضيوفك ** كفاية كدة عرفتي أسباب (( جعري)) الرجال ..!!! حقوا كمان تقلبي الصفحة وتورينا أسباب (( ولولة )) النساء ...!!!
Post: #55 Title: Re: سؤال للرجال فقط ؟ وحا اوريكم سبب السؤال لا Author: ابراهيم تون Date: 04-05-2017, 08:17 AM Parent: #54
الاخت مني سلام اخر مرة بكيت وقت قلت راي بكل صراحة في موضوع العصيان وكتب في صفحتك وقلت راي بكل صراحة حزفتي مداخلتي من عندك وعلقتي علي في صفحت الاخ صلاح جادات بي كلام ليس جميل صراحة بكيت من تصرفك لاني حسيت من حزف مداخلتي لك ليست جميلة بما انو ده راي . تحياتي
Post: #56 Title: Re: سؤال للرجال فقط ؟ وحا اوريكم سبب السؤال لا Author: بله محمد الفاضل Date: 04-05-2017, 08:38 AM Parent: #55
وهل تمر ساعة على المرء دون بكاء يا منى في هذا العالم شديد الغرابة، كثير التمزق والظلم...
نبكي ونبكي ونبكي والبكاء حيلة العاجز ورصاصته في مواجهة الكون..
Post: #57 Title: Re: سؤال للرجال فقط ؟ وحا اوريكم سبب السؤال لا Author: عبدالعزيز الفاضلابى Date: 04-05-2017, 04:06 PM Parent: #56
Quote: وحا اوريكم سبب السؤال
هذه الاجابات على السؤال ,, فى انتظار سبب السؤال كما وعدت كاتبة البوست.
Post: #61 Title: Re: سؤال للرجال فقط ؟ وحا اوريكم سبب السؤال لا Author: بابكر قدور Date: 04-10-2017, 06:49 AM Parent: #57
منى عمسيب .... كتر خيرك وبارك الله فيك .. والله قريت أي تعليق في البوست وقلت الحمدلله مابراي القاعد أبكي العالم دي كلها ببكيها الجمال والحاجة السمحة .. وإجابة سؤالك ده آخر مرة بكيت فيها في بوستيك ده لما اكتشفت الناس بتبكي ليه في الجمال .. قبل البوست ده صديقي ورفيق الدرب الدرديري حسن ساتي رسل لي تسجيل لأغنية حسن عطية يحيا الحب دام صفانا وعاش النيل الروانا .. تسجيل صوتي للأغنية كاملة بصوت هدى عربي .. وأكتشفت كم هائل من الجمال يتعلق بكل كلمة في هذه الأغنية .. واكتشفت هدى عربي .. وبكيت كما لم أبك من قبل .. تحياتي لك ولكل من سكب الدموع هنا ....
Post: #62 Title: Re: سؤال للرجال فقط ؟ وحا اوريكم سبب السؤال لا Author: عبدالوهاب احمد صالح Date: 04-10-2017, 08:16 AM Parent: #61
سلامات مره تانيه استاذه مني قبل ايام قلائل كنت اشاهد في برنامج في النيل الازرق بتقدم فيهو نسرين النمر وهي طبعا نحن نقدر لها انا قدمت لينا الراحل حميد في توثيق نادر وباحترام شديد ليهو . البرنامج كان بمناسبة ذكري رحيل حميد وغني محمد النصري (ست الدار ) وغني الراحل المقيم مصطفي سيد احمد (عم عبدالرحيم)بكيت بحرقه شديده لكن ما عارف عشان اتذكرت مصطفي وحميد ولا عشان الصور الماساويه الفي الاغنيتين . لكن الشاهد اني بكيت وبحرقه كما لم ابكي من قبل (طبعا لحدي الان ما قادر اصور الحياه بدون مصطفي وحميد ومحجوب شريف ).