Post: #1
Title: الشعب السوداني احتل المرتبه الثانية في النزاهه الشخصية
Author: الطيب عباس
Date: 03-30-2017, 11:28 AM
Parent: #0
10:28 AM March, 30 2017 سودانيز اون لاين
الطيب عباس-ناوي للبلد الامين
مكتبتى
رابط مختصر Quote: كشف تقرير للأمم المتحدة عن (قيم النزاهة الشخصية)، أن السودان احتل قائمة الدول العربية، وحل في المرتبة الثانية في قائمة (أفضل شعوب العالم من حيث الامانة الشخصية)، بعد إيرلندا التي احتلت المرتبة الأولى عالميا.
وخلت القائمة من اسم أي دولة عربية في العشرين دولة الأولى من حيث تمتع شعوبها بقيم النزاهة الفردية، إلا من السودان واليمن. وقال التقرير إن 97% من الشعب الإيرلندي يتمتعون بالنزاهة الفردية، بينما يتمتع 96% من الشعب السوداني بهذه الميزة، ثم حل البريطانيون في المرتبة الثالثة بنسبة 91%، ثم السويديون بنسبة 86%، فالاستراليون بنسبة 85%، أما الهولنديون فقد احتلوا المرتبة السادسة بنسبة 84%. في المرتبة السابعة، حل الشعب الياباني بنسبة 82%، تلاه الشعب النيبالي بنسبة 81%، ثم التشيلي بنسبة 80%، ثم الشعب الجامايكي بنسبة 79% في المرتبة العاشرة.
وتضمنت القائمة من المرتبة الحادية عشرة وحتى العشرين كلا من الشعب النرويجي بنسبة 75%، الألماني بنسبة 70%، البرازيلي بنسبة 66%، الكندي بنسبة 64%، الدنماركي بنسبة 63%، التركي بنسبة 95%، الكازاخستاني بنسبة 58%، المالي بنسبة 53%، واليمني بنسبة 46% في المرتبة العشرين. |
|
Post: #2
Title: Re: الشعب السوداني احتل المرتبه الثانية في ال
Author: الطيب عباس
Date: 03-30-2017, 12:09 PM
Parent: #1
لو مابتاعين الرقعه ال٤٪ كان جينا الاوائل 😂😂
|
Post: #3
Title: Re: الشعب السوداني احتل المرتبه الثانية في ال
Author: Deng
Date: 03-30-2017, 12:25 PM
Parent: #2
ههههههه
دي ياها الأبحاث المضروبة الحايمة في النت.
السودان من الدول التي منتشر فيها الفساد العام، فكيف تأتي في المرتبة الثانية؟؟
الفساد العام لا يتجزاء أبدا من الفساد الشخصي.
|
Post: #4
Title: Re: الشعب السوداني احتل المرتبه الثانية في ال
Author: Osama Mohammed
Date: 03-30-2017, 01:00 PM
Parent: #3
المصيبة انهم اختاروا ف المركز الاول الايرلنديين
تاريخيا كدة دة ما ممكن
حاليا برضو .
حاولت ومعي سودانيين كثيرين انو نلقا مصدر للبحث دة وما لقيت .
تخدير للسودانيين بس لا اكتر لا اقل .
|
Post: #7
Title: Re: الشعب السوداني احتل المرتبه الثانية في ال
Author: الطيب عباس
Date: 04-02-2017, 06:31 AM
Parent: #4
المقال قديم من 2016 شهر 9 ما عارف ناس مونتكارلو جابو من وين ولي في الاسبوع الفات قالو كده ؟؟
http://www.rasdnews.net/121303http://www.rasdnews.net/121303
Quote: المصيبة انهم اختاروا ف المركز الاول الايرلنديين
تاريخيا كدة دة ما ممكن
حاليا برضو .
حاولت ومعي سودانيين كثيرين انو نلقا مصدر للبحث دة وما لقيت .
تخدير للسودانيين بس لا اكتر لا اقل . |
|
Post: #5
Title: Re: الشعب السوداني احتل المرتبه الثانية في ال
Author: الطيب عباس
Date: 03-31-2017, 07:10 PM
Parent: #3
مرحب دينق انا سمعت الخبر في مونتكارلو الدولية
وفي مذيع سوداني اسمو عاطف صالح الجماعه زفو ليو التهنئة
لكن طبعا لكل موجب دوام سلبي
|
Post: #6
Title: Re: الشعب السوداني احتل المرتبه الثانية في ال
Author: Nasser Amin
Date: 03-31-2017, 07:37 PM
Parent: #5
سلام
في الفترة الاخيرة انتشرت في الفيس و الواتساب فيديوهات و مقالات تمجد السوداني
النزاهة و الكرم و المرؤة فيها الصاح و فيها الخيال ..
بعدين يعني شنو مثلاً زول لقي ليهو شنطة قروش و رجعا لسيدها او البوليس ,طيب دا الشئ الطبيعي !
الحاجة دي بتعبر عن خلل نفسي و عدم ثقة بالنفس و بحث عن امجاد بالعافية.
و القصة دي بقت سبب شهرة لاي كاتب عربي مغمور او اي شخص عايز الشهرة فقط عليه كتابة مقال او تسجيل فيديو عن الشعب السوداني و تمجيده
و تعال شوف الانتشار و الاحتفاء...
الموضوع اصبح مرضي (من مرض)
|
|