Post: #1
Title: شنو الحاصل في الهلال يا جماعة ..
Author: طلحة عبدالله
Date: 03-28-2017, 08:14 PM
Parent: #0
07:14 PM March, 28 2017 سودانيز اون لاين
طلحة عبدالله-
مكتبتى
رابط مختصر
بمناسبة الحاجات ال ( غريبة) المدورة الأيام دي في وعن السودان
الحاصل في الهلال شنو ؟؟
إشاعات عن :هروب الصحفي خالد عز الدين إلى جهة غير معلومة
و
ايقاف تلاتة موظفين هلالاب بادارة المخاطبات في وزارة الخارجية
وتحويلهم للتحقيق الفوري .
و
ضرب وخبت ولبع وسب وشتيمة في صفرة الأكل بين شيبون وعمر النقي ..
وعماد الطيب يتدخل ويلوم النقي .. والنقي يقول ليهو الهلال دا خليتو ليك
اتا وفاطنة، والديبة يتضامن مع النقي لأنهم أولاد فريق واحد مارنجان مدني ..
الخ الخ الخ ..
الكلام دي صحي يا هلالاب ؟؟؟
|
Post: #2
Title: Re: شنو الحاصل في الهلال يا جماعة ..
Author: aosman
Date: 03-29-2017, 04:48 AM
Parent: #1
أضغاث أحلام وما نحن بتأويل الأحلام بعالمين
يجب عليك أن تنفث عن يسارك ثلاث مرات ولتتعوذ بالله من شرها
|
Post: #3
Title: Re: شنو الحاصل في الهلال يا جماعة ..
Author: بدر المعارف محمد المساعد
Date: 03-29-2017, 06:17 AM
Parent: #2
أخى طلحة نحن في انتظار الكثير المثير عن اخبار الاخبار
يقال فطولة قامت بإقالة الديبة،،،
يقال خالد عزالدين متهم بتزويد خطاب من اجل خلق بلبلة في المريخ بشأن سحب جنسية اللاعب الايفواري باسكال.
اصبح الهلال تديره فاطمة الصادق و هي الآن تتصرف بالانابة عن الرئيس كردنه.
فريق كرة القدم اصبح لا يقوى الصمود امام اندية ود نوباوي وابوروف وام بدة
|
Post: #4
Title: Re: شنو الحاصل في الهلال يا جماعة ..
Author: درديري كباشي
Date: 03-29-2017, 06:24 AM
Parent: #3
نحن هلالنا هو هلال الأبيض
بتاع أم درمان دا خليهم يشبعوا بيه
|
Post: #5
Title: Re: شنو الحاصل في الهلال يا جماعة ..
Author: طلحة عبدالله
Date: 03-29-2017, 08:28 AM
Parent: #4
خخخخخخخ
والله حاجة محزنة بالجد
ما عجبتني للزواطين الجواطين
|
Post: #6
Title: Re: شنو الحاصل في الهلال يا جماعة ..
Author: ياسر منصور عثمان
Date: 03-29-2017, 09:01 AM
Parent: #1
هههههههههههههه
قول شنو الحاصل في نجمة المسالمة يا طلحة اخوي....
ضربت وبلنجات في التمارين
بجري المدينة ادى ليك سامر واخوه بلنجات لمن امنوا
غرزةة وابنه انتوني جلدوا جبرة
تزوير في اوراق رسمية
باسكال مش هو باسكال وهو جعان
و...
و...
كفاك والا نزيد؟؟
خخخخخخخخخخخخخخ
|
Post: #7
Title: Re: شنو الحاصل في الهلال يا جماعة ..
Author: طلحة عبدالله
Date: 03-29-2017, 09:08 AM
Parent: #6
لا زيد يا أبو اليسر
في كل الاحوال أنا شمتان عشان سبق وحذرت من الفوضي
الضاربة في الوسط الرياضي بسبب صحافة المدرجات والتهريج
وما في زول سمع .
|
Post: #8
Title: Re: شنو الحاصل في الهلال يا جماعة ..
Author: محمد البشرى الخضر
Date: 03-29-2017, 09:11 AM
يا شيخ الهلال ما حاصلة فيه حاجة
الحاصل في واتسابك طال عمرك
|
Post: #9
Title: Re: شنو الحاصل في الهلال يا جماعة ..
Author: بهاء بكري
Date: 03-29-2017, 09:11 AM
في كل الاحوال أنا شمتان عشان سبق وحذرت من الفوضي الضاربة في الوسط الرياضي بسبب صحافة المدرجات والتهريج وما في زول سمع .
|
Post: #10
Title: Re: شنو الحاصل في الهلال يا جماعة ..
Author: طلحة عبدالله
Date: 03-29-2017, 09:21 AM
Parent: #9
ما حاصل كيف يا جرجير ؟؟؟؟؟
نادي طول وعرض تبرطع فيهو حاجة إسمها
فاطنة الصديق واللا منو ما معارف وتقول لي
ما حاصل فيهو حاجة ؟؟؟
خليك من الكلام الفوق دا اذا كان إشاعة ساي .
وصلتوا مرحلة متأخرة من الاستسلام والهوان يا شيخ .
خخخخخخخخخخ
.........................
بهاء بكري سلام عليك ورحمة الله .
|
Post: #12
Title: Re: شنو الحاصل في الهلال يا جماعة ..
Author: محمد البشرى الخضر
Date: 03-29-2017, 09:57 AM
Parent: #10
في موضوع فاطمة و برطعتها معاك حق لكن الحمد لله زي الكنبوها بعد ابعادها من منصب المنسقة الإعلامية لنائب مدير القناة
أمس كتبت في صفحتها الهلال يقيل الديبة! في حين كان الديبة نشر رسالة راقية جدا على صفحته عن انتهاء فترة تكليفه وانه من اول يوم تعاقد الهلال مع الكوكي طلب اعفاؤه ليتيح للمدير الفني الجديد اختيار مساعديه لكن طلبت منه الإدارة الإستمرار لفترة و انقضت
ثم جاء تصريح الأمين العام على الموقع الرسمي بنفس الفهم يشكر الديبة على الفترة التي قضاها بطلب من الإدارة و يعلن انهاء تكليفه
المهم من التصريحات و الصياغات المختلفة اعلاه واضح نهاية حقبة هذه الثعبانة و سيطرتها على الشأن الإعلامي الهلالي
أمّا بالنسبة لباقي الترهات فا زي ما قلت ليك دي هجايص واتساب ساي طال عمرك ما تشتريها بتعريفة وخليك في تنظيرك البتعرفه :)
|
Post: #11
Title: Re: شنو الحاصل في الهلال يا جماعة ..
Author: ياسر منصور عثمان
Date: 03-29-2017, 09:56 AM
Parent: #1
الحاصل في الهلال:
جوهرة زرقاء تسر الناظرين
مجلس منتخب ما زي ناس التعيين
اما الباقي ..ارجع لخالد ود عز الدين
|
Post: #14
Title: Re: شنو الحاصل في الهلال يا جماعة ..
Author: عماد قريش
Date: 03-29-2017, 09:59 AM
Parent: #11
مايحصل فى الهلال والمريخ وكل الانديه نموذج مصغر لمايحدث فى عموم السودان
عدم منهجية وخلافات حول أبسط الامور وعدم إحتمال وتقبل الاخر والإدارة بنظام رزق اليوم باليوم
|
Post: #13
Title: Re: شنو الحاصل في الهلال يا جماعة ..
Author: ياسر منصور عثمان
Date: 03-29-2017, 09:59 AM
Parent: #1
خالد عز الدين
الليلة كتب بدون حجاب من مخبأه السري
خطير يا نقد
هههههههههههههه
|
Post: #15
Title: Re: شنو الحاصل في الهلال يا جماعة ..
Author: طلحة عبدالله
Date: 03-29-2017, 10:07 AM
Parent: #13
اتا يا ياسر فرحان عشان خالد كتب
واللا عشان كتب من مخباه السري ؟؟؟
خخخخخ
..................
جرجير لسة نفس الحاجة دي موجود
الهلال البعرفو أنا ( ما هلالك اتا وياسر منصور)
أكبر كتير من ان تدخلو حاجة زي الاسمها فاطنة الصديق دي
دا هلال ود عبدالله وطه البشير وقاهر الظلام وعمر علي حسن
والكوراتي ... معقولة بس ؟
............
عماد قريش غايتو أنا مما جيت المنبر دا قاعد أحذر
الناس من مغبة التهريج والفوضى .. ناس الوسط
الرياضي ديل رأسم قوي ودمهم تقيل ياخ .
|
Post: #16
Title: Re: شنو الحاصل في الهلال يا جماعة ..
Author: وهبه الشبلي احمد
Date: 03-29-2017, 10:33 AM
Parent: #15
التفاصيل المسكوت عنها !!!
كان لاعبي الهلال يتناولون وجبه الغداء فاذا بعمر النقي يقول لي شيبوب الماشفته في بيت ابوك بخلعك ... السمك والكباب ده كان بتقراهو قرايه في المطاعم ويمكن زاتك ما بتعرف تقرا
تجي تقولي تديني راتبك
وراتبك زاتو حرام تاخده وانت قاعد عاله علي الفريق .. من صفره لي صفره ومعديها نوم اكن اصبر ايامك قربت
فهاج شرف شيبوب في عمر النقي وقام برمي قارورات مويه الصحه وحاول الاعتدا عليه بعد ان شتمه بالفاظ قبيحه
وتدخل بشه وقام بصفع شيبوب وقال له بانه قليل الادب
فقام شيبوب برد الصفعه لي شيبوب وحاول ضرب بشه باحد الكراسي الا ان مكسيم تدخل في الوقت المناسب ومسك الكرسي من شيبوب
تحول قاعه الطعام الي ساحه معركه وتناثرت الماكولات والفاكهه علي الارض
فحضر مسرعا عماد الطيب واخذ معه شرف شيبوب
وعاد مره لصاله الطعام وعرف تفاصيل المشكله كلها
قام عماد بتوبيخ عمر النقي امام اللاعبين بحده
فقال النقي الهلال ده خليتو ليكم انت واشرف وفاطمه
والاجوا متوتره حتي الان بالنادي الازرق في انتظار كردنه وفطومه
وتضامن الديبة مع عمر النقي لانهم اولاد فريق واحد مارنجان مدني
|
Post: #17
Title: Re: شنو الحاصل في الهلال يا جماعة ..
Author: طلحة عبدالله
Date: 03-29-2017, 10:42 AM
Parent: #16
يا وهبة
جرجير قال ليك دي اشاعات واتسابية ساي .
|
Post: #18
Title: Re: شنو الحاصل في الهلال يا جماعة ..
Author: محمد البشرى الخضر
Date: 03-29-2017, 10:51 AM
Parent: #17
قلت لي "إدارة المخاطبات" في وزارة الخارجية هههههههههه
|
Post: #23
Title: Re: شنو الحاصل في الهلال يا جماعة ..
Author: Maawya Hussein
Date: 03-29-2017, 12:12 PM
Parent: #16
فقام شيبوب برد الصفعه لي شيبوب
_______
القصه الفوق دي بتزكرني بي قصص المغامرون الخمسه ناس تختخ ومنو كدا ماعارف
فعلا المريخ عالم جميل
|
Post: #19
Title: Re: شنو الحاصل في الهلال يا جماعة ..
Author: ياسر منصور عثمان
Date: 03-29-2017, 10:58 AM
Parent: #1
يا اخي نادي طويل عريض زي المريخ
يدار بالتعيين من سنتين؟؟
دي في رابطة جاميسكا ما بتحصل
وتقولي شنو وتقولي منو
|
Post: #20
Title: Re: شنو الحاصل في الهلال يا جماعة ..
Author: طلحة عبدالله
Date: 03-29-2017, 11:19 AM
Parent: #19
يا ياسر منصور غلط البحدث في المريخ ودا
كلام قلتو أنا هنا في المنبر دا وكررتو كتير
والبحدث في الهلال أكتر غلط ..
اتا مالك يا خوي معلقا معاك كدا هههههههههه
أوع تكون عايز تلعب معاي سك سك خخخخ.
|
Post: #21
Title: Re: شنو الحاصل في الهلال يا جماعة ..
Author: ياسر منصور عثمان
Date: 03-29-2017, 11:48 AM
Parent: #20
لا سك سك لا سكج بكج
انت جيت برااااااك هبشت الهلال
وبي كلام ما صحيح كمان
قلت لي خالد مالو؟؟
خخخخخخخخخخخخ
اقرعوا باسكال
خلكم من خالد
|
Post: #22
Title: Re: شنو الحاصل في الهلال يا جماعة ..
Author: طلحة عبدالله
Date: 03-29-2017, 12:07 PM
Parent: #21
أنا موافقك في انو البحدث في المريخ
غلط وأي حاجة .. ما تزعل شديد كدا .
وين المشكلة كونو أهبش الهلال ؟؟؟
الهلال رمة والمريخ رمة والكورة
السودانية عبارة عن جبل متراكم من الرمم
وطبعا انتي موافق انو أقول رأيي بغض
النظر عن صحتو أو غلطو
|
Post: #24
Title: Re: شنو الحاصل في الهلال يا جماعة ..
Author: طلحة عبدالله
Date: 03-29-2017, 12:16 PM
Parent: #22
أبدا يا معاوية المريخ ما عالم جميل ولا أية حاجة
والهلال برضو ما عالم جميل ولا شاف الجمال
بعينو .
|
Post: #25
Title: Re: شنو الحاصل في الهلال يا جماعة ..
Author: Maawya Hussein
Date: 03-29-2017, 12:47 PM
Parent: #24
يا طلحه الشغله طلها فوضي في فوضي لكن البحصل في اعلامنا دا ما اظن بحصل في دوله تاتيه ..غياب تام للرغابه الصحفيه ومرات بحس انو جهاز الامن بيتحكم في اتجاهات الكتاب ..دايرين يخلو الناس يكونوعايشين دايما في اكشن وغلاط ونبز واساءات ويفرضو اشخاص معينين علي الرياضه زي ناس فاطمه ومزمل وغيروم
|
Post: #26
Title: Re: شنو الحاصل في الهلال يا جماعة ..
Author: طلحة عبدالله
Date: 03-29-2017, 01:09 PM
Parent: #25
بح صوتنا والله يا معاوية ..
طول ما بسمعوا الكلام ح تظل كورتنا
مسخرة وملطشة للبسوى وما الما بسوى
وح نظل ظول العمر عائشين في خفرة المحلية
وح نعفن فيها .
|
Post: #27
Title: Re: شنو الحاصل في الهلال يا جماعة ..
Author: عثمان الأمام
Date: 03-30-2017, 06:10 AM
Parent: #26
سلامات الخبير طلحة
أنديتنا في حاجتين مرجعاهم لي وراء ولو ما إجتثوهم ما بنصلح الحال
الصحافة الرياضية ورجال الأعمال وديل للاسف عماد الرياضة حاليا"
في السودان رجال الأعمال بدفعوا والصحافة أهو بتخلق أحداث ودرامات
من مافي !! فكل الفي يد الهلالاب والمريخاب يستفيدوا من الناس ديل بقدر
الإمكان لحد ما يجي الزمن البنقرض فيهو جيل الستينات والسبعينات والثمانينات
والتسعينات زاتم هههه وتجي الفرصة للجيل الجديد ده نشوفو بعمل شنو.
نحن كهلالاب الفترة الحالية دي بس عاوزين ينتهي الموضوع بتاع الجوهرة الزرقاء
وده أكبر مكسب وشغل كبيير جدا" ونلقى لينا صدفة كده نشيل الأبطال بعد داك مافي مشكلة
هههههه
|
Post: #28
Title: Re: شنو الحاصل في الهلال يا جماعة ..
Author: طلحة عبدالله
Date: 03-30-2017, 04:51 PM
Parent: #27
هلا يا عثمان الامام
عليك الله كلم معاك ياسر منصور الفوق دا
لأنو شايفو ماخد الحكاية جد ومتعصب في حاجة
ما منها أية فائدة لا ماضي ولا حاضر ولا مستقبل ..
أنا بضيف إلى جانب صحافة المدرجات وتجار السوق
المشجعين ذاتم زي ناس ياسر منصور وجرجير الفوق ديل
لأنهم ما عايزين زول يقول الحقيقة ..
كل ما واحد يقول الهلال أو المريخ سجم رماد ينطوا ليهو
في حلقو..خخخخخخخخخخ
بس أنا مستمتع بالحركات دي والله .
|
Post: #29
Title: Re: شنو الحاصل في المريخ يا جماعة ..
Author: Maawya Hussein
Date: 03-31-2017, 11:09 AM
Parent: #28
يا طلحه شكلو حا تكون في هجمه مرتده في البوست دا
شنو الحاصل في المريخ يا جماعة ..؟
|
Post: #30
Title: Re: شنو الحاصل في المريخ يا جماعة ..
Author: Maawya Hussein
Date: 03-31-2017, 11:11 AM
Parent: #29
بعد البوست بتاعك دا مشيت قلب شويه في الاخبار لقيت انو المريخ في وضع لايحسد عليه في قضيه شايكه ممكن تكلفو الموسم كلو
|
Post: #31
Title: Re: شنو الحاصل في المريخ يا جماعة ..
Author: Maawya Hussein
Date: 03-31-2017, 11:13 AM
Parent: #30
|
Post: #32
Title: Re: شنو الحاصل في المريخ يا جماعة ..
Author: Maawya Hussein
Date: 03-31-2017, 11:15 AM
Parent: #31
|
Post: #34
Title: Re: شنو الحاصل في المريخ يا جماعة ..
Author: Maawya Hussein
Date: 03-31-2017, 11:21 AM
Parent: #32
المريخ قام بتسجيل اللاعب باسكال واوا في خانات الوطنين بعد ان طالب بسحب جنسيته السودانيه في عام 2014 ووافقت السلطات علي طلب المريخ
المريخ سعي وبحسب علاقاته بلملمه الفضيحه باستخراج رقم وطني بعد ان تقدم هلال كادوقلي بشكوي في اشراك اللاعب ولكن السلطات تعنتت في الطلب ..الي ان وصل ملف القضيه الي يد الاعلام وتحديدا الاعلامي (الهارب :)) خالد عزالدين
ولمها بقي صعب
|
Post: #33
Title: Re: شنو الحاصل في المريخ يا جماعة ..
Author: طلحة عبدالله
Date: 03-31-2017, 11:16 AM
Parent: #30
هههههههههه
هجمة مرتدة كيف يا معاوية ؟؟ المسألة بالنسبة
لي ما هلال مريخ أبدا والله العظيم ..
متوقع والله كل يوم تكون في مصيبة
من المريخ أو الهلال ..
يا معاوية العالم ديل مهرجين وفوضويين
لأبعد درجة ممكن الزول يتخليها ..
الكورة السودانية في ظل العقلية المسيطرة
حاليا صدقني غير تغتس زيادة ما يحصل
ليها حاجة ..
|
Post: #35
Title: Re: شنو الحاصل في المريخ يا جماعة ..
Author: Maawya Hussein
Date: 03-31-2017, 11:25 AM
Parent: #33
كدي يا طلحه بحسب خبرتك وعلاقاتك ومعرفتك ادينا رايك في القضيه دي
موقف المريخ حا يتاثر افريقيا اذا ثبت انو المريخ سجل باسكال في خانه ما بستحقها ؟
محليا انا علي قناعه انها بتتباصر :)
|
Post: #36
Title: Re: شنو الحاصل في المريخ يا جماعة ..
Author: قلقو
Date: 03-31-2017, 11:48 AM
Parent: #35
البيشوف ويسمع كل هذه الضجة والهيلمانة الفارغة يعتقد أن لدينا كورة .
|
Post: #37
Title: Re: شنو الحاصل في المريخ يا جماعة ..
Author: طلحة عبدالله
Date: 03-31-2017, 11:49 AM
Parent: #35
طبعا يا معاوية اذا كان في تلاعب لازم يتأثر اذا فريق اشتكي
مية في المية تخصم نقاط المريخ في البطولة
ويتم ايقاف اللاعب افريقيا وتشمل العقوبة النادي نفسه
|
Post: #38
Title: Re: شنو الحاصل في المريخ يا جماعة ..
Author: طلحة عبدالله
Date: 03-31-2017, 11:54 AM
Parent: #37
دا الكلام القاعدين نقول فيهو لينا شرطمية سنة
يا قلقو
|
Post: #39
Title: Re: شنو الحاصل في المريخ يا جماعة ..
Author: حمزاوي
Date: 03-31-2017, 12:43 PM
Parent: #38
الست فطومة كشفت الحقيقة وظهرت المستور
النقي والديبة الى الميناء البري
احي انا منك يا ستي فطومة
|
|