الله واحد والحلو واحد.... دايرين نحكم.

08:54 AM March, 28 2017

سودانيز اون لاين
أيمن نواى على-USA
مكتبتى
رابط مختصر

يا جماعة دايرين نحكم دى فيها حاجة ؟

مافيها اييييييييييييييي حاجة
حق مشروع لجميع المواطنين

مع ودي

الاخ ياسر منصور
من ما قلنا دايرين نحكم الناس دى كآبة الجرسة شئ سوخاى و شئ سخل وجداد مالى الحوش .... وتصدير حمير لدفع نفقات السوخاى ..... قلنا ليهم تعالوا نقعدوا فى الواطة ستين سنة تتبادول فى الحكم عسكر وحرامية ما سالناكم والبلد ماشية لى وراء ..... لمن نقول دايرين نحكم القيامة تقوم ......انحنا يانحكم نفسنا يا نحكم السودان كله .
بالله يا منصور فى زول يأبى الحلو !

السودان يسع الجميع يا ايمن اخوي

مافي ناس ممكن يقولوا نحن أسياد البلد دي

أكتر من أهلنا في جبال النوبة ...

وأهلنا النوبة في الشمال ...

بس ياخي حكاية تقرير المصير دي انا ماااااااا باقية لي

أغلب الدماء الإفريقية التي تجري في عروق ناس الشمال والوسط

هي دماء نوبة أهلنا في الجبال ...

ف شنو

مرحبا بأي رئيس نوباوي لكل السودان

ولا وألف لا لأي انفصال لجبال النوبة ...

لأنو عملياً ما ببقى ...

ووجدانياً ما ببقى ....

الاخ عبدالباقى الجيلى
مشكور على كلمة الحق كلنا أهل.....وثانيا السيادة لله كل أهل السودان أسياد بلد مافى فرق بين جديد او قديم فى السودان...... لو النفوس أطايبت العنقريب يشيل مية..... لو ما الشديد القوى ما كنا اخترنا تقرير المصير ...
.الاصرار على حرب الإبادة هو الذى جعلنا ان نختار القرار الصعب حقنا للدماء وتأكيد على جدية المفاوضات اذا كان هناك تفاوض مرة اخرى.

الاخ ايمن نواي .... تحياتي
من حقك انت قبل الحلو ان تحكم ومن حق اي سوداني ان يحكم ..
والنوبة هم اهل السودان الاصليين ..

لكن برواقة كده يا نواي
حكومة المؤتمر اللاوطني عملوا حوار الوثبة والذين شاركوا اقروا بمخرجاته .
يعني علي من لم يشاركوا عليهم الالتحاق بقطار الوثبة .
الحركة الشعبية لا تعترف بحوار الوثبة من اساسه .
طبعا النظام ما بقول للحلو تعال انحنا اتنازلنا ليك وتعال احكم .
هناك خيارين
اما ان يلتحق الحلو بقطار الوثبة وياتي للحكم عن طريق صناديق الانتخابات .
اما ان يطالب بانفصال النيل الازرق وجبال النوبة وهذا يعني استمرار الدمار والقتل .
والخيار الصعب ان تستولي قوات الحلو علي الخرطوم ويحكم الحلو السودان .
اذا كان هناك خيارات خلاف هذه الحقنا بيها ..

ما يهمنا كشعوب مسحوقة ان تظل الحركة الشعبية تحت رئاسة اي شخص متماسكة لانها صمام الامان ..

من قبل كانت النيل الازرق وجبال النوبة تحت وصاية الحركة الشعبية فماذا حدث ؟
اذا كان سقف طموحات الحلو نفس المنطقة فمن رأي ان يلتحق بقطار الوثبة ..
ما تمخض عن مخرجات حوار الوثبة بالنسبة للمؤتمر اللاوطني اصبح من الثوابت التي لن يتزحزحوا عنها ..
خلاف ذلك في اكثر من مناسبة صرح البشير بعدم تنازلهم للسلطة لاي كائن كان وهذا امر محسوم ..

يعني هسع دي لو فتحت عيني في الصباح الباكر
ولقيتك إنت ولا الحلو ولا عقار ولا عرمان
ولا أي واحد حاكم السودان
مش أحسن لي ألف مرة من الديكتاتور عمر البشير ؟؟؟؟

ديك الديكتاتورية لو سقطتها وقعدت في مكانها
فيا ألف مرحب
وحتي لا نقول لك أذهب أنت وربك وقاتلا
منذ اليوم الاول للديكتاتورية والشعب السوداني
مدور معارضة للديكتاتورية
وزي ما أسقط ديكتاتوريتين قبلها حيسقط دي
آي صحي أخدت معانا زمن
لكن في إنتفاضة سبتمبر القريبة قدم الشعب السوداني
أكثر من 200 شهيد فدا للحرية والديمقراطية
وهسع دي السجون مليانة بالمعارضين
(شباب العصيان في مقدمتهم)

فيا أيمن
إذا صحينا الصباح ولقيناك حاكم
بنفرح بيك
وإذا ارجعت الحكم لإسياده
وهم الشعب السوداني
حنفرح بيك أكتر
أما إذا جيت بديكتاتورية فبنقاوم

وسلمية حتي النهاية

الاخ عبدالباقي
الغشاك وقاليك النوبة / النوبيين
اصل السودان منو والكلام دا استندت علي شنو فيه مثلاً
النوبة/ النوبيين سودانيين زيهم زي غيرهم لكن مافي حاجة اسمها اصل السودان
السودان دا كلو اصل واي قبيلة فيه اصيلة
مش موضوع غتغته وكدا
لا شغل علمي عديل وادلة وبراهيين
لو حسبناها بالتاريخ بنلقى في ناس اخر شي جوا السودان قبل الرشايدة بشوية
اما الباقي سياسة وان ما بتلزمني كتير خصوصا في موضوع الانفصال دا
انا كسوداني رافض انفصال اي شبر فيه واطالب بالوحده مع الجنوب
لكن لست انا من اقرر ولا صاحب حق اهل المنطقة هم من يملكون القرار
تحياتي

سلام وتحية الارو ايمن نواى
عبرك التحية لاهلنا فى جبال النوبة
التحية للقائد البطل المؤتمن عبدالعزيز ادم العلو ورفاقه النشامى
نؤيد بكل قوة القرارات التصحيحية لمجلس التحرير فى جبال النوبة
والحق المشروع فى تقرير المصير لتحقيق تطلعات شعب النوبة فى
حق الحياة والسلام والاستقرار فى ارضه وجباله والانعتاق من العبودية
وعنصرية المركز العربى الاسلامى .

سلام وتحية الارو ايمن نواى
عبرك التحية لاهلنا فى جبال النوبة
التحية للقائد البطل المؤتمن عبدالعزيز ادم العلو ورفاقه النشامى
نؤيد بكل قوة القرارات التصحيحية لمجلس التحرير فى جبال النوبة
والحق المشروع فى تقرير المصير لتحقيق تطلعات شعب النوبة فى
حق الحياة والسلام والاستقرار فى ارضه وجباله والانعتاق من العبودية
وعنصرية المركز العربى الاسلامى .

الاخ عارف
انت عارف ستين سنة والناس دى تدور حول نفسها حورات مفاوضات و تواليات توازيات وتقاطعات واخيرا مخالفات كل الاشكال الهندسية كملوها ..... والحال ياهو ذاتو الحال بل الانحدار إلى الاسواء بسرعة ااالصاروخ.....وشهد شاهد من أهله كتابات عبدالوهاب الأفندي خير دليل لذلك الانحدار نحو الهاوية وما أدراك ما الهاوية.
النظام الخالف فاشل بل هو تكريس للفشل الجماعى الممتاز...... الحرباء هى الحرباء حتى لو تغير لونها ...... النجاح ليس فى وضع الدساتير واللوائح والقوانين او القفز بالزانة (الوثبة) فوق الحقائق...... بل هو تغيير داخل الإنسان نحو الفصائل أولا وهذا ما يفقده مجموعة الخوالف .
اذا أرادوا نجاح الوثبة يجعلوننا على قمتها ويصبروا بعدها سوف يكتب لها النجاح...

الاخ ايمن
عزيزي ان مخرجات حوار الوثبة تكريس لحكم المؤتمر اللاوطني ..
الناس ديل بالعربي كده ما عايزين اي مكونات اخري تشاركهم السلطة وكما صرحوا في العديد من المناسبات العايز يحكم يجي يقلعهم ..
يعني ليست هناك حلول لوصول الحلو او غيره لرأس الهرم ..
امام الحلو خيارات ذكرتها في مداخلاتي السابقة لم تعقب عليها وفي انتظار تعقيبك ..

هل قضية من يحكم السودان هى القضية التى يقاتل من اجلها الحركة الشعبية اخ ايمن ؟
يعنى طلاب سلطة ؟
السنين دى كلها انا مفتكر الحركة الشعبية بتقاتل من اجل كيف يحكم السودان ؟
شكرا على التنوير والمعلومة يا اخ ايمن

الاخ ناصر
سوف نفرح جميعا بحكومة ديمقراطيةبكامل الحرية للشعب ..... الشعب هو الأساس..... لكن نحتاج الى عمل دؤب متواصل واحترام متبادل وثقة متوفرة ...... لذا نرجو ان لاتحكموا علينا قبل ان نحكم معكم سويا ايد على ايد تجدع بعيد.

الاخ عبدالله الشم الأصلى
نحنا اتجاوزنا مسألة إصلى وما أصلى...... حتى الصينى مالى البلد ..... لكن خيار تقرير المصير هو حق معترف به عالميا حتى دولة السودان موقعة على هذه الاتفاقية .... ما فى شخص يقدر ينزع هذا الحق ..... نحن لا يمكن أن نظل مكتوفى الايادى ثرواتنا تنهب واطفالنا يقذفون بالانتنوف من أجل سواد وحدة السودان...... باي منطق تطلبوا منا ان نربع أيادينا ونتفرج ..... ماهى الجريمة التى ارتكبناها؟ عشان قلنا نحكم مثلنا ومثل غيرنا..... هل هذه جريمة؟
اعرف الحق تعرف أهله كما قال صديقنا فى المنبر.

مسكاجرو أرو فقيرى
بنجد أسل كاق نركيتو ...... إركن فقيري فدتر .... دري دري
كيفك يا ملك ..... نعمل شنو صابرين مع الانتنوف .

الاخ عارف
نحنا خيارنا الحلو .....الله لا جاب الدواس..... لا نلجاء لى ألمر الا للشديد القوى .....نحنا فى حالة دفاع...... نحنا دايرينها بى اخوى واخوك ..... واذا ربنا قال ليها كونى بتكون ما تسبقوا الأحداث ..... ربنا قال نداولها الدور جاينا ما تستعجلوا شيلوا الصبر .

الاخ خالد حاكم
انت ادرى الناس بالحركة ودستور الحركة ..... من قبل طالبنا ان يكون فى القيادة من الشمال تأكيدا للقومية ونكران للذات النوبى داخل الحركة بشرط أن يكون القائد مؤهل ومستقيم غير خائن وجبان وجشع .... وإلا ان تأتى النتائج عكسية .... وحدث ما توقعناهو واصبح واقع يجب التعامل معه بدلا من البكاء على اللبن المسكوب ..... المفروض ان تقدموا نموزج مشرف للإنسان الشمالى الوطنى فى صفوف الحركة الشعبية وليس الخائن المخادع ..... و المفروض ان ترفضوهوا أنتم أولا قبل الآخرين.

Quote: دايرين نحكم

غايتو الباقين ما بعرفهم لكن إنت بي سطحيتك دي كورة نسائية ناشئين تحت 10 سنة ما تحكمها

ود البشرى
أسى كتنكن وليقن توبرن.

همبو وريقى نوركرى.

هههههههه
بالنسبة لعرمان...
كاشل تنجي, دقرلقن كسي

أمّا بالنسبة لقصة (دايرين نحكم) فا...
ملتي دلن با نيمو

ود البشرى
بالنسبة لى ياسر ...... سابكى شكريكن بمقستى.

بالنسبة لى دايرين نحكم ..... سرى قاول ميللي نالمون.
ههههههههههههه

دايرين تحكمو!! ههه
أبدى بونقون أريق توبيل

أمّا ياسر فا...
دنقرن دار قوشكا غالين :)

الأخ عبدالله

أنا قلت ...

"مافي ناس ممكن يقولوا نحن أسياد البلد دي أكتر من أهلنا في جبال النوبة ... وأهلنا النوبة في الشمال ... "


وأنا قلت "أكتر"

لأنو حسب علمي أن أقدم المجموعات البشرية الثابت وجودها على أرض السودان هم نوبة الشمال

وحسب علمي أيضاً أن نوبة الجبال هم مجموعات من نوبة الشمال نزحت في فترة ما ...

سمعت كذلك عن إنسان سنجة ... لكن ليس هناك ما يؤكد انتماء أي المجموعات البشرية الحالية له ..

إذا كان هناك رأي "علمي" غير ذلك فأرجو أن تتحفنا به ...

مباراة في كرة القدم ما يدوك فرصة تحكمها

البجة كيف اخي عبدالله

من حقكم تحكموا البلد اخي ايمن نواي دون منه احد .

اصالة النوبة والنوبيين في السودان لا تناقش بالاساس لكنهم ليس وحدهم الاصيليين فكل السودان بقبائله اصيلة الا ما ندر منها
اما بخصوص هجرتهم من الشمال فهذا غير حقيقي بل هم اصلاء في جبالهم
ربما كانت الهجرة عكسية من الغرب للنيل

تحياتي

اتنينا اوسن شحوتاي
مدجاي بليميين بجا
يقيمون بين النيل والبحر وجنوب مصر

تحياتي

دايرين نحكم ...... كلمه جرل تنكنسى هملينتنى.

ياسر فا..... كاسركى كاسل ملى اوقج من .

دبايوا ... ادم شحوتاى
اهل الثقر الباسم
ادروب ما تحكم ..... كوكو ما تحكم ..... منو تانى يحكم

الاخ عثمان
خليك من كرة القدم ..... هم ما عندهم حق النزع والعطاء للحكم .....نفخة كضابة .......دا كلام جهلاء ........ دا شغل حمدوا فى بطنوا ...... ما بقدروا عليها ...... فرعون الكبير غلبوا الشغل دا قبل كده ..... وانت حا تشوف براك...... باعوضة ما بقدروا يدوها او يسلبوا منها شئ ..... خليك من الحكم.

انت ادرى الناس بالحركة ودستور الحركة ..... من قبل طالبنا ان يكون فى القيادة من الشمال تأكيدا للقومية ونكران للذات النوبى داخل الحركة بشرط أن يكون القائد مؤهل ومستقيم غير خائن وجبان وجشع .... وإلا ان تأتى النتائج عكسية .... وحدث ما توقعناهو واصبح واقع يجب التعامل معه بدلا من البكاء على اللبن المسكوب ..... المفروض ان تقدموا نموزج مشرف للإنسان الشمالى الوطنى فى صفوف الحركة الشعبية وليس الخائن المخادع ..... و المفروض ان ترفضوهوا أنتم أولا قبل الآخرين.



ايمن يا اخ ارجوك وضح
انت قلت دايرين نحكم وانا سالتك هل هدف الحركة الشعبية من حمل السلاح هو بسبب من يحكم ؟
انا بقبل بردك الفوق ده لو انت بتقصد بعبارة ( دايرين نحكم ) انو قيادة الحركة ترجع لابناء النوبة
هل انت تقصد ذلك وانا اكون فهمتك غلط ؟

شكرا خالد حاكم
للتوضيح وإزالة اللبس ... كما تعلم بان المعنى اصبح ينفرد بالقرارات ..... ويتحكم بالاموال على كيفوا ..... انتفخ انتفاخة الهر يحلكى صولة الاسد ..... دبوس واحد جاب اجلة ..... اما باقى الفضائح لو عرفتو تجلدوا.

مالو لو حكمنا البلد زينا وذى بقية الناس. ...... ما عارف الناس خايفين من شنو ؟

تحكم ومافى زول خايف من حكمك
لكن مشكلة البلد مافى من يحكم ؟
كده خلينا اول نصل للصيغة بتاعت كيف نحكم ؟ وبعدين من يحكم ؟ ده بيجى وساهل
الاجابة على السؤال الاول بتجاوب لينا على السؤال الثانى بكل ارتياح
العقبة فى الاول وهو الاهم يا اخى

الاخ خالد حاكم
كيف يحكم السودان لقد تم الإجابة عليه فى اتفاق نيفاشا..... نريد ان نخرج من الحلقة الدائرية ...... إلى من هو ينفذ ما تم الإتفاق عليه.

نعم تم الاجابة عليه فى نيفاشا لكن على الورق ..
هل انت شايف فى اتفاقية نفذت على ارض الواقع غير قسمة السلطة والثروة وفى نهاية المطاف تقرير المصير وده بضغوطات من المجتمع الدولى وكل ما تم من تنفيذ كان اصلا للجنوبين
وبالنسبة للسلطة سلطتهم كانت اسمية فيما يخص مشاركتهم فى سلطة المركز وباقى الاقاليم لانو الحاكم الفعلى للمركز والاقاليم الاخرى كان المؤتمر الوطنى وبسياساته التى لا علاقة لها باتفاقية نيفاشا ومازال هذا الحكم قائم وبنفس سياساته ولم يطبق دستور 2005 الذى ولد بموجب نيفاشا غير البنود التى تخدم سياسة المؤتمر الوطنى وفى النهاية وبعد تقرير المصير تم تعديل وحذف كثير من البنود فيه بواسطة المؤتمر الوطنى ولمصلحته !
هل تريد ان تاتى وتحكم بالوضع الذى نحن فيه الان ؟
عندما اقول لك الاجابة على سؤال كيف نحكم اقصد الاجابة عليه ان يكون على ارض الواقع يعنى يكون واقع معاش وليس حبر على ورق !

المطلوب مننا إن نطبق الدستور واللوائح والقوانين المكدسة فى المكاتب.

كفى حكم المستعربين الجدد
الاستعمار الجديد

فعلا المستعمرين الجدد ..... ماهو وزن ياسر او عقار حتى يحكموننا .....واين دور مجلس التحرير اسماء مكتوبة بالحبر على ورق .....لا تسمن ولا تغنى......لا وجود لهم على أرض الواقع الا فى خيالهم المريض ..... نحن قررنا ان نحكم أنفسنا.....