Post: #1
Title: يا بنات المدرسة ...
Author: يحي قباني
Date: 03-28-2017, 02:20 AM
Parent: #0
01:20 AM March, 28 2017 سودانيز اون لاين
يحي قباني-فى الدنيا العجيبة
مكتبتى
رابط مختصر بنات المدرسة ...
ذلك السر العجيب ...
تراهُن بالزي المدرسي ... غير ان تراهن في أي مكان آخر ...
و كانت أسماء المدارس تعني ان بناتها حتماً جميلات ... و أسماء أخرى لا تأتي بأي منافس ... :)
في الوسطى او العام ... حينما نقول الخرطوم الأميرية ... و تلك المريولة البنية ...
سكت الكلام ...
و حينما كبرنا ... كان الزي اللبني و كانت الخرطوم الثانوية ... و الأم الثانوية ... و امدرمان الثانوية ...
ثم جاءتنا تلك المدرسة العجيبة مدرسة دار النعيم ... او كما سميناها وقتها ( نار الجحيم ) ...
مدرسة خاصة ... القبول فيها بدرجة الجمال ... :)
اما الزي الأزرق الداكن ... فكان ليس للغاشي و الماشي ان يتجرأ بالقرب من شارع النيل و نهاية المك نمر
في انتظار ملائكة السستر سكول ...
بنات المدرسة ....
حتى اعتى الفنانين تغنوا لها ...
العميد غنى لبنات المدرسة و البنية المدرسة ...
و غنى ابوالزوز ... يا بنات المدرسة ... ست بتول المدرسة ...
ما سر ذلك السحر العجيب الآتي منهن ...
|
Post: #2
Title: Re: يا بنات المدرسة ...
Author: معاوية الزبير
Date: 03-28-2017, 02:40 AM
Parent: #1
برضو nostalgia
الحاصل شنو يا عمك اليومين دي
شجن شديد
هل الشجن ترجمة صحيحة للنوستالجيا ضمن معاني أخرى؟
|
Post: #3
Title: Re: يا بنات المدرسة ...
Author: يحي قباني
Date: 03-28-2017, 02:47 AM
Parent: #2
Quote: برضو nostalgia
الحاصل شنو يا عمك اليومين دي
شجن شديد
هل الشجن ترجمة صحيحة للنوستالجيا ضمن معاني أخرى؟ |
لي متين يلازمك في هواك مر الشجن ...
المرحوم مات من الشجن ... :)
تخيل يا معاوية مرة واحد زمان في مكتبة الأغنية طلب من طلب :
قال لي ممكن يا أستاذ اغنية شجن بصوت معتز صباحي !!!
لك ان تتخيل كيف رديت ...
___________
ما علينا ...
شجن شجن ... غرامة غرامة ...
|
Post: #4
Title: Re: يا بنات المدرسة ...
Author: MOHAMMED ELSHEIKH
Date: 03-28-2017, 05:52 AM
Parent: #3
وكمان بنات الكلية
نحن عندنا كلية المعلمات بالدامر
استدعوني مرة من ذات المراير لرسم لوحة خلفية للمسرح
كان يساعدني تيم من الحسان و البقية متفرجين ( تقول بس الصلحي)
ياخي اللوحة اخدت اسبوعين امشي كل يوم العصر وارجع الساعة 10 بالليل
عند العودة للداخلية ينتظرني صف من المحبين " عشان يزوروا فوقي"
|
Post: #5
Title: Re: يا بنات المدرسة ...
Author: عبدالحفيظ ابوسن
Date: 03-28-2017, 06:27 AM
Parent: #4
شفت يا قباني زمان كنت اموت واخش مدرسة البنات
بنات العام عمرهن بكون اقلاها سنة اولي 13 سنة
الثانوي اقلاها 16 سنة
يعني عز الشباب ..
يعجبن كل ذكر بالغ راشد طبيعي الميول
قصة نتكل الصباح في الناصية لمشاهدة ذهابهن للمدارس ولا نرجاهن عند الاياب اظنها كانت صفة عامة
لكن داير امرقك من هناك لي هنا
ياخ بوصل وبرجع بناتي من الاساس والعالي بقن شفع بس
آي والله رغم الانوثة النافرة لكن تحسهن اطفال
|
Post: #6
Title: Re: يا بنات المدرسة ...
Author: ياسر السر
Date: 03-28-2017, 07:00 AM
Parent: #5
اااه ثم ااااه من بنات المدرسة وتلك الايام النضرة التي كنا فيها في فجر الصبا ذكريات واشجان كثيرة صاحبت تلك الايام الجميلة ،،،، ولي تجربة متواضعه لها علاقة بموضع هذا البوست ساسردها هنا لاعيد ماضي الذكريات ....
اذكر انني عندما تخرجت من الجامعة حاولت ان اجد حل لمسالة الخدمة الالزامية فاشار على احدهم بأن اذهب واعمل في مجال التدريس وبعدها انضم لمعسكر الخدمة الوطنية لكي تحسب لي هذه الفترة كخدمة وطنية وعرفت ان هناك نقص في معلمين اللغة الانجليزية في مدرسة العيلفون الثانوية للبنات فقررت الذهاب والتقديم للتدريس هناك فاذكر انني منذ ان وطأت قدمي حوش المدرسة حتى سمعت هرج ومرج ورايت البنات وهن يحتلقن حولي ويصرخن باصوات عالية فكان موقف مهيب جدا نسبة لعدد البنات الكبير وأن شخصي الضعيف كان الرجل الوحيد بينهن ووصلت مكتب المديرة الاستاذه سعدية محمد السيد امد الله في ايامها وهي من رائدات التعليم في العيلفون وتبادلنا السلام والتحية وجلست وشرحت لها موضوعي ومشكورة رحبت بي وافقت على الفور وطلبت مني الحضور غدا باكرا للبدء في التدريس وقد كان ، وفي اليوم التالي ذهبت باكرا للمدرسة وعلى ما اذكر اعطوني جدول حصص وكانت الحصة في ذاك اليوم للصف الثاني الثانوي ودخلت الفصل وحييت التلميذات وبدات اشرح لهم وبعد ان انتهيت من الشرح طلبت منهم ان يسالو اي سؤال يخص الدرس ففاجئوني بانهم فااااهمين ولكن لديهم طلب فقلت لهم اطلبو ما شئتم فقالو بصوت وااااحد ( بالله يا استاذ غني لينا ) فضحكت وطلبت منهم الهدؤ وعلى ما اذكر قلت لهم انني جئت هنا للتدريس وليس للغناء ولكن في اقرب فرصة سانحه ساغني لهم ما يطلبونه .. ... ومر على شهرين وانا في هذه الحالة حتى انني في النهاية قررت ان التحق بموسيقى الدفاع الجوي بامدرمان وتركت التدريس في المدرسة وكانت فترة جميلة وثرة ومازالت راسخه في زهني وذكرياتي .....
شكرا الشفيف قباني لنبشك هذا الخيط الجميل فانت دوما تثير فينا مكامن الشجن والجمال ..
تحياتي : ياسر العيلفون ......
|
Post: #12
Title: Re: يا بنات المدرسة ...
Author: يحي قباني
Date: 03-29-2017, 05:49 AM
Parent: #6
Quote: ومر على شهرين وانا في هذه الحالة حتى انني في النهاية قررت ان التحق بموسيقى الدفاع الجوي بامدرمان وتركت التدريس في المدرسة وكانت فترة جميلة وثرة ومازالت راسخه في زهني وذكرياتي .....
شكرا الشفيف قباني لنبشك هذا الخيط الجميل فانت دوما تثير فينا مكامن الشجن والجمال |
تاني تجي هههه
لكن و الله كان تغني يا فنان ...
كان تنشر الجمال يا حبيب ...
|
Post: #10
Title: Re: يا بنات المدرسة ...
Author: يحي قباني
Date: 03-29-2017, 05:36 AM
Parent: #5
Quote: شفت يا قباني زمان كنت اموت واخش مدرسة البنات
بنات العام عمرهن بكون اقلاها سنة اولي 13 سنة
الثانوي اقلاها 16 سنة
يعني عز الشباب ..
يعجبن كل ذكر بالغ راشد طبيعي الميول
قصة نتكل الصباح في الناصية لمشاهدة ذهابهن للمدارس ولا نرجاهن عند الاياب اظنها كانت صفة عامة
لكن داير امرقك من هناك لي هنا
ياخ بوصل وبرجع بناتي من الاساس والعالي بقن شفع بس
آي والله رغم الانوثة النافرة لكن تحسهن اطفال
|
حاجاتكم كلها سمحة في كوستي يا صاحبي ...
خلك من بنات مدارسكم ... :)
غايتو اخوك من سنة 1978-1985 كان بمشي كوستي بانتظام مع صاحبي إبراهيم بطري ...
احسب دي كم نظرة ... هههه
|
Post: #8
Title: Re: يا بنات المدرسة ...
Author: يحي قباني
Date: 03-28-2017, 01:38 PM
Parent: #4
Quote: كان يساعدني تيم من الحسان و البقية متفرجين ( تقول بس الصلحي)
ياخي اللوحة اخدت اسبوعين امشي كل يوم العصر وارجع الساعة 10 بالليل
عند العودة للداخلية ينتظرني صف من المحبين " عشان يزوروا فوقي" |
وين يا دفعة ...
إحساس و شعور مستحيل يكون قابلك تاني ...
دخلنا زمان مدرسة الخرطوم الأميرية بنات ما بتذكر الموضوع شنو لكن ليهو علاقة بالتشجيع و الاستعداد لامتحان الشهادة من الوسطى للثانوي ...
بالله تلاتة يوم في مدرسة البنات ... مجرد نص ساعة كل يوم ...
بالله مكوة القميص و الردا الكويتهن ... المصنع ما مرقهن كده ...
سيف المكوة يجرح ...
و المسألة لا تتعدى انو كم نظرة و كم ضحكة ...
عشنا عليهم باقي السنة الدراسية كلها ...
|
Post: #7
Title: Re: يا بنات المدرسة ...
Author: sadig mirghani
Date: 03-28-2017, 08:05 AM
Parent: #1
قالو البكا بحرروا اهلوا
|
Post: #9
Title: Re: يا بنات المدرسة ...
Author: محمد فضل الله المكى
Date: 03-29-2017, 04:55 AM
Parent: #7
.
لا .... وطبعاً لما الليل يمسى .. والقعده تحلا ... الجماعه كلهم ببقو فنانين ،
وأسهل أغنية طبعاً ( بنات المدرسة ) .. وهاك يا زعيق وعياط ..
.
يا بنات المدرسة
سِت بثينه المدرسه
يا بنات المدرسه
.
أبقى كنبه جُوَّه الفصول
أبقى حاجَّه وابيع الفول
لبنات المدرسة
.
وهكذا وهكذا ... وطبعا كل واحد عايز يرفع صوتو أعلى من التانيين
والقصة تبقى مظاهرة.... محبتي ود قباني
.
|
Post: #13
Title: Re: يا بنات المدرسة ...
Author: يحي قباني
Date: 03-29-2017, 05:57 AM
Parent: #9
Quote: لا .... وطبعاً لما الليل يمسى .. والقعده تحلا ... الجماعه كلهم ببقو فنانين ،
وأسهل أغنية طبعاً ( بنات المدرسة ) .. وهاك يا زعيق وعياط ..
.
يا بنات المدرسة
سِت بثينه المدرسه
يا بنات المدرسه
.
أبقى كنبه جُوَّه الفصول
أبقى حاجَّه وابيع الفول
لبنات المدرسة
.
وهكذا وهكذا ... وطبعا كل واحد عايز يرفع صوتو أعلى من التانيين
والقصة تبقى مظاهرة.... محبتي ود قباني
|
تحياتي يا جنرال ...
و حتى نذكركم بالأيام الخوالي ...
و التحية موصولة أيضا لي صادق ميرغني ...
|
Post: #11
Title: Re: يا بنات المدرسة ...
Author: sadig mirghani
Date: 03-29-2017, 05:41 AM
Parent: #1
ابقى شنطة شنطة كتب
وابقى....... تحت ال....
ابقى كورة كورة تنس وابقى.......
|
Post: #14
Title: Re: يا بنات المدرسة ...
Author: muntasir
Date: 03-29-2017, 06:24 AM
Parent: #11
أييييه حليلن هِن البقن حبوبات
|
Post: #15
Title: Re: يا بنات المدرسة ...
Author: يحي قباني
Date: 03-29-2017, 06:37 AM
Parent: #14
| Quote: أييييه حليلن هِن البقن حبوبات |
هههه يا مونتي ...
الكابتن صديق الصبا و رفيق الخلط و الــchــكس زمان ...
كنت مطول منو و لميت فوقه في التلفون و اجترينا الذكريات ...
و اخوك قام يسأل ... انت فلانة خبرها شنو ... تتذكر كانت لابسة شنو يوم الحفلة ... بالله اللبني الفوق الركبة داك ... تتذكروا ؟
و فلانة ... و فرتكانة ... و الكبتن اجاباته مقتضبة ...
بعد ما خلصت انفعالي ... قلت ليه مالك زي الما قاعد تشوفن و لا شنو ؟
ضحك ... و قال لي ... اشوف منو ؟ الحبوبات ديل ؟
اخوك هسي عنده مزرعة تين ... ( Teen ) ...
قاعد اربي فيهن تقول لي شنو ...
|
|