الحزب الشيوعي يفصل 22 عضواً كانوا قد تقدموا باستقالاتهم في اكتوبر من العام الماضي

01:01 AM March, 26 2017

سودانيز اون لاين
زهير عثمان حمد-السودان الخرطوم
مكتبتى
رابط مختصر

أعلنت اللجنة المركزية للحزب الشيوعي السوداني فصل 22 عضوا من قطاع الأطباء كانوا قد تقدموا بإستقالاتهم في اكتوبر من العام الماضي.

وأدانت اللجنة المركزية في بيان أمس طالعته “خرطوم بوست”، الأطباء بتهمة التكتل بعد أن قاموا بالتوقيع على مذكرة استقالة نشرت في وسائل الإعلام، قبل توصيلها للهيئات الحزبية، مما يتعارض مع دستور الحزب، بحسب البيان.

وكان الأطباء قد دفعوا باستقالة جماعية الجماعية العام الماضي، وسببوها بما سموه سياسية الإقصاء والتسلط من قبل اللجنة المركزية للحزب، والتي قالوا إنها تُخضع الحزب وقراره السياسي لتقديرات كادر محصور العدد، وأن مجموعة محصورة العدد في الحزب الشيوعي أصبحت تتسلط على أعضاء الحزب كأنها تمتلك المعرفة الكلية، والحكمة المطلقة مستعينة بسيطرتها على قنوات التواصل الداخلية في الحزب، لتمارس أعتى آليات التغييب والتجهيل المتعمد والتبشيع بالرأي الآخر، بحسب ما جاء في بيان المجموعة حينها.

الذين شملهم قرار اللجنة المركزية هم:
مصطفى خوجلي
احمد بابكر تلب وعبدالمنعم الطيب
نجيب نجم الدين
نعمات خضر
مامون علي صالح، وابوذر محمد علي
ربيع الجاك
امجد فريد
مجدي الجزولي
مرتضى التهامي
هند ابراهيم عبدالرحمن
خالد عثمان طوكر
نهلة جعفر
محمد الحسن عثمان
اسماعيل عزالدين ابوجلابية
جبارة عبد اللطيف
محمد مصطفى
عثمان ابراهيم
محمد عثمان الشايقي.

كل يوم تتأكد لينا الأزمة المستفحلة في الحزب الشيوعي السوداني
إنت حتفصل زول إستقال كيف؟؟؟؟؟
يا تبقي حزب ناس محترمين وتقول للذين واللاتي قدموا إستقالات
خلاص قبلنا إستقالاتكم
عليكم يسهل وعلينا يمهل
لكن أن تفصل المستقيل ما هو إلا لؤم لا يشبه الشيوعيين
زمان الديكتاتور نميري ما كان بيسمح لوزير يستقيل
إلا يفصلك هو
والحركة دي بتشبه ديكتاتورية نميري
حذوك النعل بالنعل

وكلما ما نقول أن الحزب تتقوي فيه الإتجاهات الشمولية
علي حساب الديمقراطية
ما بتصدقوا
أها أتفرجوا

مامون علي صالح خسارة كبيرة . زول قدم عصارة عمره في خدمة ما يؤمن به أيام طلاب الطب والفكر النوابغ محمد جعفر وأمال عباس والصادق حسن

يا حرااااام
ديل لو طلعو من الحزب في السبعينات كانو قالو عليهم "اتفنسو"(كتاب احمد سليمان المحامي ومشيناها خطا كتبت علينا ) من مصطلحات الحزب الشيوعي السوداني وايضا عندهم اغتيال الشخصية بنعتهم للمنشق بي (الكوديانة..)
وسبب
حستو او الجبهة المعادية للاستعمار او الحزب الشيوعي السوداني
كيان لقيط نشا في حاضنة القوميين العرب وماخور عبدالناصر الكبير..وجاء السودان يهين الرموز الوطنية والديمقراطية والمهدية والانصار والختمية والجنوبيين زمان ومطالبهم بالفدرالية وتماها مع الضباط الاحرار ورجل المخابرات الصاغ صلاح سالم..وادخل بدعة الانقلابات المصرية وضيع السودان وعلم السودان وما خفي اعظم
ومن اسسه لحدي ما انتهى الان لم يحقق جماهرية حقيقية ذى الحركة الشعبية مثلا
10 داوئر استهبال"الخريجين في انتخابات 1965
2 دائرتين في انتخابات 1986
طبعا انا بكتب حقائق ..كلاب الحر الما عايزة حتى تتصالح مع تاريخ ونشات الحزب وممراسات عضويتهم..حيزوغو من البوست طوالي
وهسة بقو جزء من ديكور المركز ومهرجاناته المهببة والكورال وقاعة الصداقة
ما الفرق الاساسي بين
الحركة الشعبية والحزب الشيوعي السوداني ؟؟
بالمناسبة علي عثما ده فاز في دائرة جغرافية حقيقية في انتخابات 1986 يعني ما بروز




وجون قرنق دخل 3000000 جنوبي دائرة الديمقراطية والانتخابات..والجماعة جرو وخلو الانتخابات وانفصل الجنوب

انتو بتنفخوا ليكم في قربة مقدردة


هل يوجد حزب شيوعي على الارض

لا اعتقد ذلك

؟؟؟؟؟؟

يوجد في السودان يا ود الباوقة لكن في البورد ده الله اعلم

يوجد يا باوقة لكن من تقاليده عدم عمل قيمة لما لا قيمة له

يوجد يا باوقة لكن من تقاليده عدم عمل قيمة لما لا قيمة له

***************
النرجسية وطواحين الهواء
مقعدين بس اخر انتخابات 1986
اعراض موت ام حياة
ما هي انجازات الحزب الشيوعي عبر حستو =الجبهة المعادية للاستعمار= الحزب الشيوعي السوداني ..مع "النخبة السودانية وادمان الفشل ..من 1934-2017
ويا ود الباوقة انت ينتطبق عليك المثل السيوداني غلفا وشايلة موسا تتطهر ..الاخوان امسلمين انتهو في رابعة العدوية في 30 يونيو 2013
والحزب الشيوعي وحزب المؤتمر الوطني ...بروز وقسموهو بي خيت =بضاعة مصربة ذليلة ..مشوهة ..لا وجود جماهيري لها حقيقي في السودان
والبركة في الحركة الشعبية الغزالة الفوق في السلم وقيامة الساحة الخضراء لي جون قرنق السمح الفات الكبار والقدرو
البعض بكون ربع دماغ وما عارف تفسه ساكت ..وتعظم في عينه الصغائر
وقطيعة تقطع مصر الصدرت لينا البضاعة المخستكة دي ويا ريت لو السودان كان جنب بوكينا فاسو..

يعيش نضال الشيوعيين البوركينو فاسيين

The Committees for the Defense of the Revolution (French: Comités de Défense de la Révolution, CDRs) were a system of local revolutionary cells, established in Burkina Faso by the Marxist-Leninist and pan-Africanist leader Thomas Sankara, President of the country from 1983 until his assassination in 1987. Committees were established in each workplace. They were inspired by the Committees for the Defense of the Revolution in Cuba, and functioned as "organs of political and social control

حزب العدالة الصحية ---بقلم أمل هباني


حزب العدالة الصحية أمل هباني *تداولت موقع التواصل الاجتماعي على نطاق واسع يوم أمس قبول استقالة أو فصل 22 طبيبا من منتسبي الحزب الشيوعي كانوا قد تقدموا باستقالة جماعية ابان اضراب الاطباء في سبتمبر /نوفمبر الماضي احتجاجا على نقابة المنشأة داخل الحزب كما اوضحوا حينها ….والغريب في بيان الحزب أنه اورد قبول استقالتهم في فقرة ، وفصلهم بسبب الاستقالة في موقع آخر في ذات البيان . *وأن كنت ضمن هؤلاء الاطباء لعملت بنظرية (الفاتك فوتوا) وترفعت عن اهدار كمية من الوقت والجهد غير المفيد في الهتر والنقاشات المتخندقة في العصبية الحزبية والتي لاتقل تنعيرا عن العصبية الجهوية أو القبلية بطريقة (أنا مع غزية) لمن يظنون أن حزبهم على حق لأن من يتبعون رأي الحزب لن يقتنعوا ومن تقدموا باستقالاتهم لا اظن أنهم … *ولشرعت مباشرة في دراسة فكرة تأسيس (حزب العدالة الصحية) ..ليكون حزب مواكبا لما يحتاجه السودان في متاهته الآنية وهو صناعة دولة الحقوق المدنية والحريات والتي يأتي على رأسها الحق في التعليم والصحة .. وذلك لن يتأتى الا بالنظر الى الامام والبحث عن صناعة المستقبل بدلا من مناكفة الماضي والتي لم ينجو منها احد .فكل الشعب السوداني كمن يمشي الى الامام ورأسه خلفه في الفن في الثقافة في السياسة في كل شيء، لم ننفك من اسر الماضي اما اعجابا أو ذما .وما أن يتعلق الأمر بالبناء المستقبلي الذي يحتاج كثير صبر والتزام ورؤية واضحة الا وجدنا انفسنا لا نمتلك أي مهارة أو مقدرة على فعل ذلك . *وفي اعتقادي أن الاوان قد آن للتفكير في ماذا سيحدث اكثر من ماذا حدث؟ لأن كل السودان الآن كالسفينة التي تتهاوى لتغرق في عرض البحر لو انشغل ركابها بملاومة بعضهم عن من المسؤول ستغرق بهم السفينة ولو اتفقوا على البحث عن مخرج قبل الغرق قد ينجحوا في النجاة بأنفسهم . *الاحزاب السياسية القديمة في معظمها تتعاطى السياسة من اعلى الى أسفل ،وموغلة في الاهتمام بالقضايا السياسية الصرفة مهملة التوغل في قضايا الحقوق والخدمات التي تشكل ايقاع الفرد والمجتمع .. *لذلك قيام احزاب جديدة بطريق حملات المناصرة والضغط ، يجمع بين اعضاءها حد ادنى من الوعي والالتزام بقضية واحدة مث ل الصحة يمكنها أن تحدث تغييرا واختراقا كبيرا في هذه القضية ..فهؤلاء الاطباء المستقيلين يجمع بينهم ايمان فكر اشتراكي يؤمن بالحق في الصحة للجميع أي أنه ليس بينهم من يؤمن بسياسات تحرير الصحة ..شعروا في لحظة ما أن انتماءهم لمهنتم وقضيتهم كاطباء اكبر من انتماءهم لحزبهم لدرجة أنهم استقالوا من الحزب المظلة العامة لصالح المظلة الاكثر تخصصا ..وهذه اسباب كافية لمثل هذه المجموعة المتجانسة لصناعة حزب جديد يبحث عن عدالة الصحة ويبتدىء من حيث انتهى الآخرون .

والقيادي صديق يوسف يصرح
بأنهم في القيادة قبلوا إستقالات الأطباء الشيوعيين
وما جاب سيرة فصل !!!
هسع نصدق منو؟

سلام

لما شخص يقدم استقالة من جهة ما ويتم قبولها
هذا يعقبه إجراء إداري كالشطب من الكشوفات وايقاف التعامل والتجريد من صلاحيات وتكاليف قد تكون ممنوحة له .
وهذا يمكن أن يسمى فصلا أو ايقافا

سمعت بالمثل البقول
"الجفلن خلهن أقرع الواقفات" ؟؟؟؟
الفات دا ما أصله قلع إيده
كان رفدته ولا قبلت إستقالته
كله واحد
الإستقال دا إحترم حزبه بإنه إستقال
وكتب السبب مفصلا
من باب حفظ العشرة
تقول ليه مع السلامة إستقالتك مقبولة
(حتي ولو كان تكتلا لناقشتهم محاولة لإقناعهم
ولو لم يقتنعوا تحمد له أنهم لم ينشقوا ويسموا ليهم
حزب شيوعي تاني كما فعل المنقسمين من قبلهم)

حفظ العشرة دا المقصود بيه
أقرع الواقفات
يعني ناس الحزب القاعديين لسه ديل
يعرفوا أنهم في إتحاد طوعي لمناضلين
إنت محترم فيه وإنت محترم خارجه
وبداهة حتي ولو إختلفت مع الحزب
منهجا او قيادات

غايتو
جاتهم فرصة صراع فكري في محلهم
ورفضوها (تماما كما يفعل الستالينون الأقحاح)
لكن هو ذاته البصارع بالفكر منو؟
يوسف حسين ؟؟؟؟
إظنه هو بطنه طامة
وناس التآمر ديل كان ما خجلانين ساكت
كانوا فصلوه لحقوه ناس الشفيع وتلب وحاتم
شالوه من منصب الناطق الرسمي
وأدوها لزول فرتق ليه كم شهر من السودان
وما عارفنه جاي متين
والناطق الرسمي مافي (شوف ليك جنس محن)
البيمنع صديق يوسف من التصريح شنو؟؟؟
وكمال الجزولي لقادر علي الصراع
لكن هو ذاته ما عارفنه إستقال من اللجنة المركزية
ولا فصل
ولو صارع في الحالة حتيقي عليه حكاية زود الطير عن مر الشجر

الديمقراطية في الأحزاب السودانية
قديمها وجديدها في محنة حقيقية