Post: #1
Title: قدر شوية التصليح والعمار الحاصل في السودان حاصل بي مجهود الشعب ما مجهود الحكومة
Author: Osman Musa
Date: 03-24-2017, 12:56 PM
11:56 AM March, 24 2017 سودانيز اون لاين
Osman Musa-
مكتبتى
رابط مختصر ماشاءالله عليك يا شعب أهو بتعافر ليل نهار وأهو الشوارع بين جوه وبين المواني مزحومة بي شاحنات البرسيم المجفف وغنم بوادي الكبابيش للتصدير وأهو سواقين كراكات الدهب كملوا الفول في مطاعم عطبرة . الشعب يصلح ومستشفي مكة يليس في عيون المساكين . وزي ماقال الرباطابي ( العمليات بدون بنج والشربوت بدون تلج ) لكن الله في ومازالت كدباس عامره بالزاكرين ومازال سوق ليبيا مستف درداقات . ومازال علي ابراهيم اللحو ينم . وما زالت السباتة مفروشة والعروس الصبية تترتر .
|
Post: #2
Title: Re: قدر شوية التصليح والعمار الحاصل في السود�
Author: Nasr
Date: 03-24-2017, 06:39 PM
Parent: #1
مصداقا لما قلت
الحكومة ما تعمر ولا تصلح
ولا أي حاجة
الحكومة تخلي الناس في حالها
-بمعني توقف الجبايات والضرائب الكثيرة ومسيخة
والتي لا تعود علي الناس بإي فايدة -
والسودان بيعمر
كما في خيرا من الحكومة التكفيهم شرها
|
Post: #3
Title: Re: قدر شوية التصليح والعمار الحاصل في السود�
Author: مني عمسيب
Date: 03-25-2017, 10:00 AM
Parent: #2
سلام يغشاكم .. اخوتي .. ود عمي موسي وناصر .
يا عصمان ؟
ومازالت كدباس عامره بالزاكرين ومازال سوق ليبيا مستف درداقات
وياريت لو خالنهم في حالهم ! اطفال الدرداقات هم اكتر فئة
بتعاني ! بالرغم من عملهم ببدأ بعد نهاية يومهم الدراسي !
لعنة الله علي حكومة لابتساعد الناس ولا بتخلي الناس في
حالها تساعد نفسها !
اللهم نشكوهم اليك وفوضنا امرنا فيهم عليك .
امييين .
ولكم وللوطن والشعب السلام ,,,
|
|