بالرغم من فك الحصار الاقتصادي إلا أن التحويلات البنكية من وإلى البنوك السودانية لا زالت محظورة

08:41 AM March, 23 2017 سودانيز اون لاين
ombadda-السودان
مكتبتى
رابط مختصر
ءهبت إلى أحد البنوك المحلية في الخرطوم لتنشيط حسابي لديهم بالدولار ،بعد اوقفت نشاطي فيه قرابة ال 6 سنوات.
فوجأت بمدير الفرع يخبرني بعدم توفر iBan Number للحسابات وذلك بعد ان طالبته بتزويدي بذاك الرقم بعد موافقته على تنشيط حسابي.
وقال لي بأنهم في انتظار شهر يونيو حتى يتم فك الحظر كاملا حتى لتنساب بعدها التحاويل من وإلى السودان بلا قيود.

* المعلومة اعلاه خاصة بحسابات الأفراد العادية ولا علاقة لها بحسابات الشركات واصحاب الاعمال والاستثمار..
*أحببت ان اشارك الاخرين هذه المعلومة لعل وعسى اجد من يضيف او يصحح معلومة.
* لا زالت المواقع الامريكية على الانترنت تضع السودان تحت قائمة الحظر ولا يتم التعامل مع المقيمين في السودان.

امريكا لم تعطى السودان ال SWIFT CODE مازال السودان تحت المراقبة ؟؟؟؟

بالضبط يا حمودي هذا ما قاله مدير الفرع بالنص.
امريكا لم تزودهم بعد بال swift code.

شاكر لمرورك

شكرا للمعلومة يا دكتور

سلام يا دكتور ..

عندي بوست كتبته قبل ايام ..اعتقد موجود في اخر الصفحة الاولى وبه ان بعض البنوك كبنك فيصل والخرطوم اعتمدت مراسلين ومنحت السوبفت كود لاستقبال التحاويل ..
وقد تاكدت بنفسي من هذا الامر خاصة من السعودية عبر مراسلها هناك حيث بامكانك تحويل اي مبلغ من هناك لحسابك مباشرة بالريال السعودي او بالدولار الامريكي طالما
تمتلك حساب بهتين العملتين لديهم في بنك فيصل او الخرطوم ..

ان بعض البنوك كبنك فيصل والخرطوم اعتمدت مراسلين ومنحت السوبفت كود لاستقبال التحاويل .. وقد تاكدت بنفسي من هذا الامر خاصة من السعودية عبر مراسلها هناك حيث بامكانك تحويل اي مبلغ من هناك لحسابك مباشرة بالريال السعودي او بالدولار الامريكي طالما تمتلك حساب بهتين العملتين لديهم في بنك فيصل او الخرطوم ..





سلام يا ناذر
كلامك ده على ما اظن فيما يخص السعودية والخليج لكن اين ما يخص امريكا وكندا واوربا واستراليا ؟

سلام خالد ..

جاء في صحيفة اليوم التالي عدد اليوم ان التحاويل بالدولار من امريكا واوروبا ستبدأ في شهر أبريل باذن الله ..

عندي بوست كتبته قبل ايام ..اعتقد موجود في اخر الصفحة الاولى وبه ان بعض البنوك كبنك فيصل والخرطوم اعتمدت مراسلين ومنحت السوبفت كود لاستقبال التحاويل .. وقد تاكدت بنفسي من هذا الامر خاصة من السعودية عبر مراسلها هناك حيث بامكانك تحويل اي مبلغ من هناك لحسابك مباشرة بالريال السعودي او بالدولار الامريكي طالما تمتلك حساب بهتين العملتين لديهم في بنك فيصل او الخرطوم .. : -.html

بنك فيصل وبنك الخرطوم موجودة من زمان ما ليها علاقة بالتحويل الدولى يعنى اذا امريكا لم تزود السودان Swift Code حيكون الحال فى حاله وهذا الكود حيكون
بعد مراقبة السودان لمدة 6 شهور بعد تنفيذ شروط امريكا بندا بندا وتحياتى نادر

شاكر لمرورك يا هندسة، أيمن

وشكرا لارفادنا بالمفيد ناذر الخليفة.نفتقد قفشاتك ومواضيعة الساخرة في المنبر.كانت لك صولات وجولات في المنبر.
. الكبر حصل ول شنو؟؟الكبر بضم الكاف وأيضا يمكن نطقها بكسر الكاف وفتح الباء ههههه

التحية لك اخي امبدة ولضيوفك الاكارم .

هذا ما حصل لي لما جيت اسافر وطني الحبيب .
الكرم دا قبال ثلاثة شهور ..
لقيت البنك مرسل لي اكتر من رسالة في الايميل والموبايل !
حقيقة ما اشتغلت بالرسائل كتير بما انه كانت شديدة الحرص
علي الحضور ! كنت مشغولة وما مشيت في نفس المواعيد لاني
عليس سفر وقايلة الموضوع بخص التأمين قلت لما افضي بعد كم
يوم وامشي ليهم وزي ما تقولوا كدا عملت رايحة ههههههه . وفي
نفس الايام ضربت لي موظفة البنك وهي بتسالني ليه ما جيت بالرغم
من الرسائل قلت ليها انا علي سفر وما فاضية عندي مشوار السفارة
وكم مشوار لازمن اقضيهم . الموظفة بطريقة منفعلة شوية قالت لي :
اسسسسسسسسسسسه دي تخلي الفي يدك وتجي !!! حقيقة اندهشت
وحسيت بانه الموضوع ما تامين الموضوع اكبر واخطر من كدا بكتيير !
علي طول مشيت البنك .

دارة هذه المحادثة بين وبينها :

التأكد من اسمي وكوبي للجواز !
قالت لي : انتي ماشة السودان لشنو ؟
قلت ليها : اجازة عادية ومن حقي .
قالت لي : قلتي ماشة السفارة علاقتك شنو بالسفارة وماشة ليه ؟
قلت ليها : ما عندي اي علاقة خاصة بالسفارة غير اطلب تأشيرة دخول
لبلدي الاصل لانه ما بخلوني ادخل من غير تأشيرة لانه ما عندي جواز سوداني .
قالت لي : وهي مندهشة بشيلو كم منكم ؟
قلت ليها : 60 ايرو للفرد .
قالت لي : المبلغ دا ما كبير لمجرد تأشيرة وانتي داخلة بلدك الاصل .
قلت ليها : لو ما الظلم دا مافي شئ بجيبنا هنا .
قال لي : قالت لي عمومآ عشان انتي ما عارفة النظام الجديد الفرضتو علينا
امريكا بعدم تحويل اي عملة صعبة للسودان فنرجو منك ان تلتزمي بالنظام الجديد
ولو دايرة اي مبلغ تكليمنا نحن بنسلمه ليك في السودان لكن اياك تشيل معاك عملة
صعبة تاني ! وهددتني في عدم الالتزام حا تعمل لي بلوك للحساب !
لما جيت راجعة تاني ضربت لي لاني كنت من مكنة البنك الفي المطار سحبت قروش
قالت لي ليه سحبتي موش حذرتك ؟
قلت ليها : موش انتي قلت لي الالتزام بعد ما اجي من الاجازة ؟ وانا لسه ما مشيت !
عمومآ حاسه بيها متشددة معاي .
اها ما انسي قالت لي : بتفكي العملة الصعبة وين ؟
قلت ليها : بديها لاخوي تاجر وبسافر كتير وبفكها لي .

اها في النهاية ومن عاداتهم لو استدعوك لي اي شئ بقولوا ليك عندك سؤال ؟
سالتني وقلت ليها ممكن اعرف ليه امريكا فرضت كدا ؟
قالت لي : لانه عاملة عقاب علي الحكومة السودانية وقالت حا تزيده .

يشهد الله دا الحصل لي .

وفي النهاية اها عندكم اي سؤال قول الهولندين ؟ ههههههههههه

اها في النهاية ومن عاداتهم لو استدعوك لي اي شئ بقولوا ليك عندك سؤال ؟ سالتني وقلت ليها ممكن اعرف ليه امريكا فرضت كدا ؟ قالت لي : لانه عاملة عقاب علي الحكومة السودانية وقالت حا تزيده . يشهد الله دا الحصل لي . المصدر : l
دة كلام جرايد سوانية وما عنده اى اساس من الصحة وممكن عدم معرفتهم بالسويفت كود زاتو
ال Swift Code يعنى اى سنت يمر عبر مستر ترامب حتى ولو هو نايم يعنى كبيوتر السى اى ايه والاف بى اى يولع كله احمر ويعمل صوت انذا ر زى النجدة اذا فى حوالة جاىية
من السودان وماشى الصين او اى دولة فى العالم واقروا كلام بت عمسيب دة كويس وما ترموه واطة

دي محاوله ارسال من الويسترن يونيون

اللخبطة ليك شنو يا حمودي.
مداخلتك الأولي جيدة خربتها بالمداخلة التانية.
السويفت كود ما عنده علاقة بالحاجات القلتها دي.
السويفت كود swift code هو رمز تعريف فريد لبنك معين . فلكل بنك رمز اى سويفت كود خاص به يختلف عن اى بنك اخر و تستخدم هذه الرموز عند تحويل الأموال بين البنوك .
و يعتبر السويفت كود swift code من البيانات الهامة جدا التى قد تطلب منك فى كثير من المواقع التى تدعم التحويل البنكى فى تعاملاتها او استلام ارباحها من خلال التحويلات الدولية او International wire transfer .

ما هي دلالة رموز السويفت كود swift code ؟

رمز السويفت كود swift code هو 8 أو 11 حرفا ، تتكون من :
اربعة حروف تشير الى رمز البنك و تكون حروف فقط
حرفان تشير الى رمز البلد و تكون حروف فقط
حرفان تشير الى رمز الموقع و يكون حروف و ارقام
3 أحرف تشير الى فرع البنك و يكون حروف و ارقام
حيث السويفت كود swift code المؤلف من 8 أرقام من المفترض أنه يشير إلى المكتب الرئيسي .

ماهو الايبان IBAN :
رقم الحساب البنكي الدولي واختصار لكلمة (International Bank Account Number)،
والايبان في الأصل لتسهيل المدفوعات داخل الاتحاد الأوروبي ولكن التنسيق كان مرن كفاية ليطبق عالمياً.وهو تنظيم رقمي لحسابات العملاء في القطاع المصرفي. يعمل "آيبـان" على تسهيل معالجة العمليات المالية للعملاء وذلك لتماثل طول عدد خانات أرقام الحسابات مع بعضها البعض في أي مكان في العالم، وكذلك لسهولة قراءته والتعامل معه بشكل آلي.

يعتبر "آيبان" ذو أهمية جوهرية لتسهيل معالجة الحوالات المصرفية وتمريرها عبر الأنظمة الالكترونية، كما أنه يسهل على المصرف المرسل التأكد من صحة رقم حساب المستفيد وذلك تجنباً لعملية إعادة الحوالات ذات أرقام الحسابات الخاطئة والتي تتطلب الكثير من الجهد والوقت لتصحيحها.

وحرصاً لمواكبة أحدث أنظمة المدفوعات العالمية, فقد تم إنشاء رقم دولي موحد للحساب البنكي يعرف بآيبان لدى جميع البنوك المحلية, ويدل هذا الرقم" آيبان" على رقم حسابك البنكي, علماً بأن الآيبان لا يعتبر رقم حساب بنكي جديد.

ولن يتم استبدال رقم حسابك البنكي الحالي.وستلاحظ وجود رموز وأرقام إضافية على حسابك البنكي عند حصولك على ألآيبان الخاص بك.

والايبان هو نفس رقم الحساب البنكي الخاص بك مضافاً إليه أرقام وحروف من الطرف الأيسر, ليصل إجمالي خاناته لـ 24 خانه.
مثلاً: اذا افترضنا أن رقم حسابك في بنك ماء هو: 1234567899940
فسيكون الايبان لديك كالتالي : IBAN: SA70 2000 0001 2345 6789 9940
وهو ليس قاعدة بل على حسب البنك والدولة كما تشاهد باللون الازرق فهم متغير فحرفي SA تعني السعودية والارقام الاخرى باللون الازرق هي ارقام البنك وامور اخرى . وكلمة IBAN لاتكتب اثناء عملية تحويل اموال .
****منقول****

هلا ومرحبا معاوية حسين
ليك وحشة

كلامك مظبوط. لا زال هناك حظر على التعاملات مع السودان.
ننتظر شهر ابريل ونشوف الحاصل.
على العموم كل الدلائل تشير الى الانفراج وانسياب التحويلات عما قريب

منى عسيب
لك كل الشكر والتقدير على مساهمتك القيمة في هذا البوست.
انسياب التحاويل من وإلى السودان سيستفيد منه المقيمين في اوروبا وامريكا والخليج بشكل أكبر
مجرد رأي

ال Swift Code يرسل للبنك المركزى فى اى دولة والبنك المركزى يعطى البنوك العاملة فى هذه الدولة
كما انت ذكرت احرف وارقام لكل بنك وجميع التحويلات الدوليبة تذهب عن طريق امريكا وتراقب جميع التحويلات التى لها حظر من امريكا وهذه حقيقة والبنوك السودانية تحول حاليا
عن طريق مراسليهم فى البحرين او دبى وجميع تجار اليوم فى السودان لا يعرفون السويفت كود وهذه حقيقة

سلام يا دكتور

لا السويفت كود ولا الايبان عندهم علاقه بالحظر الامريكي ..السويفت عباره عن رمز لي اي بنك والايبان لتسريع عمليه التحويل زي ما زكرت

المشكله كلها في انو اي تحويل بالدولار للسودان ممنوع لكن اليورو والعملات التانيه متاحه باستمرار..

في رايي حتي مدير الفرع دا خارج الشبكه لانو العمله الصعبه ما شرط تكون دولار بس

مثلا السويفت كود لي بنك الخرطوم


BAKHSDKH

السويفت كود بحمل رمز البلد والمدينه والبنك

الايبان دايما بيكون رقم الحساب + كود من البنك

علي ما اظن كل البنوك العالميه رقم الحساب الشخصي بيتالف من 11 رقم . ماعدا السودان ( بنك تنميه الصادرات عدل قريب) ودي يمكن تكون عائق امام البنوك السودانيه انها تتعامل بلايبان الا لو عدلت

بنك تنميه صادرات ادخل نظام الكتروني عالمي وعدل ارقام الحساب لي 11 رقم

معاوية حسين
ما عهدناك قارئا بالاضنين.
مدير الفرع لم يقل بوجوب فتح الحساب بالدولار وما جبنا سيرة نهائي بكدة.
أنا من اخترت ان يكون حسابي بالدولار لاسباب تخصني.
وهذا تكرار لمقدمة البوست:

معليش فهمتها كدا يا دكتور ..لكن اظن في البنوك عندهم نوعين من الحساب ..حساب بالعمله الصعبه وحساب بالمحلي ..حساب العمله الصعبه ممكن يتفتح بي اي عمله تاني غير الدولار

.لكن اظن في البنوك عندهم نوعين من الحساب ..حساب بالعمله الصعبه وحساب بالمحلي ..حساب العمله الصعبه ممكن يتفتح بي اي عمله تاني غير الدولار
*****
وأنا اخترت الدولار كعملة لحسابي بالعملة الصعبة وكان بامكاني اختار حساب باليورو او الريال أو حتى الين.

القراءة بالإضنين في أزهى صورها.
أو تفسير الماء بالماء