Post: #1
Title: هل الصورة دي فوتوشوب ولا حقيقة ؟ سؤال للمتخصصين في سلبيات مصر !!!
Author: مني عمسيب
Date: 03-20-2017, 07:45 PM
Parent: #0
06:45 PM March, 20 2017 سودانيز اون لاين
مني عمسيب- هولندا
مكتبتى
رابط مختصر
هل الصورة دي حقيقة ؟
|
Post: #2
Title: Re: هل الصورة دي فوتوشوب ولا حقيقة ؟ سؤال للمت
Author: مني عمسيب
Date: 03-20-2017, 07:46 PM
Parent: #1
بتمني من المتخصصين في شئون السلبيات المصرية
يدوني رد شجاااااااااااااااااع .
|
Post: #3
Title: Re: هل الصورة دي فوتوشوب ولا حقيقة ؟ سؤال للمت
Author: سيف النصر محي الدين
Date: 03-20-2017, 07:50 PM
Parent: #2
يتخيل لي الصورة دي في مصر يا منى.
شايف لي فراولية ملوثة في الخلفية ههههههههز
ربنا يكون في عون ابناءنا و بنياتنا و املنا فيهم كبير لبناء غد افضل رغم معانتهم و معانتهن,
|
Post: #4
Title: Re: هل الصورة دي فوتوشوب ولا حقيقة ؟ سؤال للمت
Author: مني عمسيب
Date: 03-20-2017, 07:53 PM
Parent: #3
مساء الخير يا دكتور ..
الموالين للحكومة عندهم المناظر دي عادي طبعآ !
يتخيل لي الصورة دي في مصر يا منى.
طبعآ المتخصصين في السلبيات المصرية ومشجعين
سلبيات هذا الوضع في بلدهم المنكوب ! ما حا يجوا !
|
Post: #5
Title: Re: هل الصورة دي فوتوشوب ولا حقيقة ؟ سؤال للمت
Author: مني عمسيب
Date: 03-20-2017, 08:09 PM
Parent: #4
تصدقوا الصورة البتهز الكيان دي من طلبة في
لحظة امتحان شهادة ؟
هل يعقل !!!!!!!!!!!!!؟
|
Post: #6
Title: Re: هل الصورة دي فوتوشوب ولا حقيقة ؟ سؤال للمت
Author: مني عمسيب
Date: 03-20-2017, 08:13 PM
Parent: #5
ودي المدرسة الكانت سبب في رحيل الاستاذة
الشهيدة عليها رحمة الله ..
شوفوا مدارسنا في السودان !!!
|
Post: #7
Title: Re: هل الصورة دي فوتوشوب ولا حقيقة ؟ سؤال للمت
Author: محمد جبره
Date: 03-20-2017, 10:48 PM
Parent: #6
سلام بت عمسيب
كان عندي مشروع صغيروني سميته الحصة وطنية ....بقلع من الشباب ثمن سبورة ونجمعها و نرسلها السودان لعمل سبورات للمدارس المحتاجة
معانا واحد اخونا طلوع القرش منه بيمرضو عديل ......قبل يومين رسل لي رسالة قال لي ....الشيحة موزة في السودان صرحت انها حتبني مدارس مجهزة من كل شيء
كنب ..سبابير ...طباشير ...مستراحات ...اي حاجة ,,,,,فبعد دا انت اطلع منها ولم سبابيرك عليك ....
.....
انتو ذاتكم اطلعوا منها ... وارجو موزة في الكريبة
|
Post: #8
Title: Re: هل الصورة دي فوتوشوب ولا حقيقة ؟ سؤال للمت
Author: Abdo Mustafa
Date: 03-20-2017, 11:11 PM
Parent: #7
الصورة الفوق ديييييك
فتوشوب
لان هناك واقع اسوأ من ذلك بكثير
|
Post: #9
Title: Re: هل الصورة دي فوتوشوب ولا حقيقة ؟ سؤال للمت
Author: Arif Nashed
Date: 03-21-2017, 11:06 AM
Parent: #8
الصورة تعكس واقع مرير لتردي التعليم في زمن الكيزان ..
ولكنها ايضا صورة مشرقة لاصرار الانسان السوداني علي التعليم رغم قساوة الظروف ..
|
Post: #10
Title: Re: هل الصورة دي فوتوشوب ولا حقيقة ؟ سؤال للمت
Author: ياسر منصور عثمان
Date: 03-21-2017, 11:14 AM
Parent: #1
اختي بت عسميب سلام
والله قدر ما اجتهدت ما فهمت القصد من البوست
معليش ...يرجى التوضيح
مع ودي
|
Post: #11
Title: Re: هل الصورة دي فوتوشوب ولا حقيقة ؟ سؤال للمت
Author: مني عمسيب
Date: 03-21-2017, 12:12 PM
Parent: #10
التحية لك اخي الفاضل .. ياسر منصور ..
التوضيح !!!
والله قدر ما اجتهدت ما فهمت القصد من البوست معليش ...يرجى التوضيح
التوضيح الفيك بدربو والعليك اتناسي يا ود منصور !
ممكن نعرف نحن مصر بتهمنا بشنو عشان نردح الردحي
دا كله ؟ بعدين من منو من الموالين لنظام ما اقل فساد
ولا انحطاط من الوضع في مصر ! خلاس عرفنا مصر
ولا في الحقيقة عارفنها من زمااااااااااااان قبال ما يوشحو
المصرين رئيس الحيرة حقنا عارفين مصر بلد منفلتة في
كل شئ بدون فرز ! ومن ضمنها العرفناه اكتر في الايام
الاخيرة من تلوث عام ! واتفقنا المقاطعة وبالرغم من الحكومة
ما ماخدة الموضوع ماخذ الجد لانها ما بهمها المواطن وهذه
الصورة تؤكد ما نقول !!!
التوضيح ماذا وجب ؟ نعالج مشاكلنا الما اقل من المصريين
وعلي الاقل المصريين عندهم اعلام ممكن ينشر ما زينا كله
تحت طاولة الامن وممنوع نشر اي شئ !! ولا نقعد نشوف
عوجة الغير ورقابنا لي روحها معوجة !!!!؟
ان شاء الله التوضيح واضح .
ولك الشكر ,,,
|
Post: #12
Title: Re: هل الصورة دي فوتوشوب ولا حقيقة ؟ سؤال للمت
Author: ياسر منصور عثمان
Date: 03-21-2017, 12:17 PM
Parent: #11
مشكورة على التوضيح
لكن دعيني اختلف معك قليلاً واسأل:
هل علينا الصمت تجاه ما يحدث من مصر او غيرها من الدول بدعوى معارضتنا للنظام او موالاتنا له؟؟؟
مع ودي
|
Post: #14
Title: Re: هل الصورة دي فوتوشوب ولا حقيقة ؟ سؤال للمت
Author: مني عمسيب
Date: 03-21-2017, 12:33 PM
Parent: #12
لك التحية .
سؤال وجيه .
هل علينا الصمت تجاه ما يحدث من مصر او غيرها
من الدول بدعوى معارضتنا للنظام او موالاتنا له؟؟؟ م
انت عارف يا ود المنصور مشكلتنا شنو ؟
دائمآ بنظاهر بهتافات هادرة في الاقل من الحدث العظيم !
لما انفصل الجنوب كانت مساتنا اكبر الشئ الطبيعي نكون
كلنا في الشارع لانه الانفصال مصيبة من مصائب الوطن !
والتو بنعلي الهتافات ضد مواد غذائية والمصرين محتلين
جزء من السودان ! اها عرفنا المواد الغذائية فاسدة والمجتمع
المصري بأسره فاسد ما يخصنا ؟ هل الاهتمام بسلبيات مصر
بضاري عورة فسادنا نحن السودانيين بنظامه ؟ قبل كم اسبوع
اناس اصابهم العمي في مستشفي يعتبر تخصصي ! كم بوست
فتح للادانة ممكن تمشي تحسبهم يعني صحة المصرين بتهمكم
اكتر من صحة السودانيين ؟ بتمني الناس تسلط الاضواء علي
فساد بلدها عشان نقدر نتطور لو اساسآ بنعرف معني التطور !
بعدين دايرة اقول ليك يا اخي ياسر .... لو دايرين نباروي مهاترات
الاعلام المصري الموالي للنظام حا يتحسب علينا لانهم دا مستواهم
الاعلامي والاخلاقي حتي مع بعضهم البعض ! يعني نبقي زيهم !؟
واللهم نسالك ان تصلح حالنا .
ولك الشكر ,,,
|
Post: #18
Title: Re: هل الصورة دي فوتوشوب ولا حقيقة ؟ سؤال للمت
Author: Hassan Farah
Date: 03-21-2017, 05:49 PM
Parent: #11
((ممكن نعرف نحن مصر بتهمنا بشنو عشان نردح الردحي دا كله ؟))
المصدر : http://sudaneseonline.com/board/490/msg/%d9%87%d9%84-%d8%a7%d9%84%d8%b5%d9%88%d8%b1%d8%a9-%d8%af%d9%8a-%d9%81%d9%88%d8%aa%d9%88%d8%b4%d9%88%...1%21-1490035551.html
--------------------------------------------------------------------------------------------------------
بت عمسيب عساكى بخير
والله اقولك مصر زين بتهمنا...خليكى من ما حصل فى الزمن المضى من تركية سابقة وتركية لاحقة وما قبلهما.....الحاصل فى البلد منذ ان رفعنا علمنا الاول الصممته خالتى السريرة بنت الصوفى والتخبط والتخلف الملازم بلدنا دا والمشاكل التى لا حصر لها لمصر بصمتها ويدها الفعالة فيه
ولنبدأ بعلم خالتى السريرة ماذا كان مصيره؟ الم يستبدل بعلم القومية العربية بإيحاء من المصريين وعملائهم ؟
انقلاب النميرى الم تكن قيادته فى معظمها من القوميين العرب؟ وقبله محاولة انقلاب شنان ثم الكيزان المتحكمين فينا ل28 سنة فكرتهم بتاعة الأسلام هو الحل جابوها من فين؟؟ يعنى باختصار يا ست البنات الخراب الحاصل دا كله للمصريين يد فيه ....
ثم يا بت عمسيب المصريين شافونا منبطحين فزادوا من التعالى علينا ...قلعوا اراضينا ونحن ساكتين سرقوا مويتنا ونحن ساكتين اغرقوا اراضينا وتاريخنا ونحن ساكتين وهسع وصلت بيهم الجرأة ان صاروا يشتمونا امام العالم كله باقذع الاوصاف ....برضو نسكت ليهم؟ لا يا ست البنات نحن سنحارب فى جبهتين : ضد الكيزان وضد المصريين ..وحقو الناس يستوعبوا خطورة ما يواجه البلد
|
Post: #13
Title: Re: هل الصورة دي فوتوشوب ولا حقيقة ؟ سؤال للمت
Author: محمد مجيدو
Date: 03-21-2017, 12:25 PM
Parent: #1
العزيزة منى ... سلام ليك ولضيوفك ..
نعم الصورة صحيحه
وداالامتحان التجريبي للصف الثامن بمدرسة ابوزيقة بنات ولاية شمال دارفور...
علما بان تمن كلاشنكوف واحد .. كان ممكن يشتري بيهو طاولات وكراسي للمدرسة كلها ..
والله المستعان ,,,
عاالم بطااالـــــــــــــــــــة ,,
|
Post: #15
Title: Re: هل الصورة دي فوتوشوب ولا حقيقة ؟ سؤال للمت
Author: مني عمسيب
Date: 03-21-2017, 12:45 PM
Parent: #13
لكم التحية .. اخوتي المرور .
لي عودة .
|
Post: #16
Title: Re: هل الصورة دي فوتوشوب ولا حقيقة ؟ سؤال للمت
Author: Yousuf Taha
Date: 03-21-2017, 12:47 PM
Parent: #13
استاذة منى كيفنك
ورد فيما كتبتي اعلاه
(يعني صحة المصرين بتهمكم اكتر من صحة السودانيين ؟)
احب انبهك الناس ماداقة جرس عشان خاطر عيون المصريين واللا عشان صحتهم بتهمهم
الناس داقة جرس كرد فعل لقلة ادب اعلامهم وصفحاتهم في الفيس بوك .
فيما يختص بالصورة الفي البوست في اكعب من ديل بكتييير
وربنا يرفع البلاء
|
Post: #17
Title: Re: هل الصورة دي فوتوشوب ولا حقيقة ؟ سؤال للمت
Author: معاوية المدير
Date: 03-21-2017, 12:52 PM
Parent: #13
Quote: كان عندي مشروع صغيروني سميته الحصة وطنية ....
بقلع من الشباب ثمن سبورة ونجمعها و نرسلها السودان لعمل سبورات للمدارس المحتاجة |
سلآمات محمد جبرة ؤ بت عمسيب .
عندنا مشروع لدعم المدارس في السودان الآن شغال
وسأقوم بفتح بوست للتنوير بهذا الشأن إن شاء الله .
ترقبونا ...
|
|