الشعب الاثيوبي اسعد من الشعب السوداني

11:29 AM March, 20 2017

سودانيز اون لاين
أيمن محمود-etganonline.com
مكتبتى
رابط مختصر

as per

WORLD HAPPINESS REPORT 2017
Editors: John Helliwell, Richard Layard, and Jeffrey Sachs Associate Editors: Jan-Emmanuel De Neve, Haifang Huang and Shun Wang

وشعوب أخرى كثيرة جدا

في نظري مسألة السعادة او "الاحساس بالسعادة" ما مسألة مرتبطة بالظروف (الاقتصادية، الاجتماعية، السياسية) المحيطة بالانسان فقط!

استعداد الانسان ذاتو للاحساس بالسعادة هو البيفرق
الرسيفر بتاع السودانيين بتاع السعادة لقطو ضعيف

شي طبيعي
لكن لو الاستفتاء كان يشمل الشعب السوداني المتكّل في أثيوبيا ح ناخد المركز الأول :)

ود البشرى خلينا نشوف الشعب السوداني بيسعدو شنو في اثيوبيا ونسعدو بيه في السودان

#سعادة-الانسان-السوداني

الماء و الخضرة و الوجه الحسن

الماء و الخضرة و الوجه الحسن
لا لا ما بتفق معاك ابدا
اعتقد ان السوداني في اثيوبيا بعيش بالحرية

سلامات ايمن و الاخوان
اتخيل لي سعادة الانسان السوداني تكمن في الجو السمح لانو بلاحظ لو الجو اتصلح شوييية او صادف غيوم او مطرة
تلقي الفيس و الواتساب كلهم بتكلموا عن الجو الفاهم و الخرافي...سماحة الجو تقود الي حاجات تانية
زي اشتهاء اكلات او مشروبات معينة

السوداني في بلاده يفكر بمنطق لسان حال المجتمع (وماذا يقول الناس ... أو ماذا سيقولون ؟) وهذا يتعلق بكل ما يكتنف أمور حياته والتي يصف لها المجتمع طرقاً معينة في الغالب صعبة المنال لتحقيقها

لذلك يحاول السعي الحثيث للوفاء بمتطلبات ما يتوقعه المجتمع .. وبالتالي يشقى كثيراً في هذا السعي

بالذات مع سوء الظروف الاقتصادية فتنشأ المفارقة بين المتطلب والممكن

وهنا مكمن قصور الإحساس بالسعادة

أحمد الشايقي

والله يا الشايقي حتة be your self بتاعة الخواجات دي مفتاح السعادة كلها، ما ممكن الزول يعيش حياتو مفصلة على مقاس آخرين
ممكن لو دققنا نلاحظ انو اي زول عايش على سجيته بكونس سعيد في الغالب ( كن غني او فقير) - وكلام كتير عن مد الرجلين اكتر من اللحافات

اتخيل لي سعادة الانسان السوداني تكمن في الجو السمح لانو بلاحظ لو الجو اتصلح شوييية او صادف غيوم او مطرة تلقي الفيس و الواتساب كلهم بتكلموا عن الجو الفاهم و الخرافي...سماحة الجو تقود الي حاجات تانية زي اشتهاء اكلات او مشروبات معينة المصدر : andlt;a href="http://sudaneseonline.com/cgi-bin/sdb/2bb.cgi؟seq=postandboard=490andmsg=1490009354andrn=7[/red" target=_selfandgt;Re: الشعب الاثيوبي اسعد من الشعب السودانيRe: الشعب الاثيوبي اسعد من الشعب السوداني]

هلا يا ناصر
والله الحر يطلع الروح عديل .. جونا كعب ياخ
يسد نفسك من اي حاجة ... الشعب ما حيرطب مع السخانة دي كلو كلو - انتاج نهي
لذلك ادو الحكومة لتوزيع مكيف لكل مواطن

!!!!!

Quote: الرسيفر بتاع السودانيين بتاع السعادة لقطو ضعيف

الأخ أيمن.

أنا زرت أثيوبيا زيارة عمل قبل حوالي عام ولمدة أسبوعين فقط. لقد تفاجئت بحالة الفقر والكثافة السكانية في أثيوبيا، ولكني تفاجئت أكثر من طبع وعادات الشعب الاثيوبي، وأنا أعتبره شعب فريد جدا. فرغم حالة الفقر التي يعيشها ولكن تجد الشعب الأثيوبي شعب مسالم ومرح جدا ويحترم الأجانب ، رغم الكثافة السكانية والزحمة في الشوارع، لكن تجدهم يقودون سياراتهم بكل زوق وأدب ولا تجد هنالك صراخ وشكل في الشوارع بين المواطنين.

في الحقيقة رغم كل المعاناة التي يعيشها المواطن الأثيوبي إلا أنني وجدتهم كيف يتمتعون بحياتهم ووقتهم، وذلك ليس في أثيوبيا فقط ولكني وجدت ذلك السلوك في عدة دول مختلفة زرتها أو عشت فيها، من بينهم السودان و الولايات المتحدة.

على الاقل بينعموا بحكم ديمقراطي لايصادر اسباب سعادتهم
عندنا التعبير عن السعادة عليها ضرائب وجبايات :))

يا دينق انا زرت اثيوبيا مرتين وهي كما قلت وأكثر - رغم الفقر الشديد عامة كده لتلقى الناس ريلاكس خاص وفي ذوق شديد
واكتر حاجة لفتت نظري مسألة انو في اي حتة تشتري منها بيدوك فاتورة فيها موضع كل التكاليف بما فيها الضريبة - محلات الشاي بيدوك فاتورة مطبوعة
الاثيوبيين بيشبهو لي الفلبينيين لحد كبير - الواحد بأقل الامكانيات بتلقاه ظبط امورو
مر سألت صاحبي: ليه رغم انو الخمور مسموحة ومتوفرة في اي مكان ما حصل لقينا واحد في الشارع بيترتع
قال لي الناس ديل بيشربو في الويكند بس وبدون عباطة

الأخ ايمن .. وضيوفك .. سلام

انا ما عارف معيار السعادة دا قاسو كيف ...؟؟

وتقريبا مافي فرق كبير بين اثيوبيا والسودان
سوى هم يتفوقو علينا بالمناخ البارد .. فقط
وهذا ليس بمقياس للسعادة ... ولا شنو ؟؟؟

تحياتي

عااالم بطاالـــــــــــــة ,,