Post: #1
Title: حكم قرقوش -نظامي برتبة ملازم يمنع مواطنين من الجلوس أمام منازلهم بالخرطوم..
Author: زهير عثمان حمد
Date: 03-20-2017, 03:55 AM
Parent: #0
02:55 AM March, 20 2017 سودانيز اون لاين
زهير عثمان حمد-السودان الخرطوم
مكتبتى
رابط مختصر لخرطوم: حاج موسى إبراهيم
عبّر مواطنون بالخرطوم (3)، عن استيائهم نتيجة منعهم من الجلوس بالشارع ليلاً أمام منازلهم من قبل نظاميين، وقال المواطن محمد الفاتح مجذوب إنّه تعوّد على الجلوس بالقرب من منزله في المساء بحي الخرطوم (3) بالقرب من نادي الأسرة رفقة بعض الجيران، وأكّد أنّه تلقى تهديداً من قبل نظامي برتبة ملازم كان برفقة آخرين، حيث منعه من الجلوس بتلك الطريقة، وقال له: "تاني لو لقيتك قاعد هنا برفعك"، وتكرر الأمر أكثر من مرّتين، وتساءل المواطن مجذوب عن سبب منعه من الجلوس قائلاً "هل الدستور يمنعني كمواطن من الجلوس أمام منزلي ليلاً؟ ومضى: إذا كان ذلك ممنوعاً فإنني سأغادر هذا البلد"، وقال إنّ سبب جلوسهم في الحي ليلاً هو المُراقبة نسبةً لتعرضهم لسرقات مُتكرِّرة في أوقات مُبكِّرة.
|
Post: #2
Title: Re: حكم قرقوش -نظامي برتبة ملازم يمنع مواطنين
Author: معتصم سليمان
Date: 03-20-2017, 05:52 AM
Parent: #1
تحية طيبة
المنطق بيقول أنو مافي أحد يحجر على آخر
مسألة أنو يقعد قدام بيتو ليلاً أو نهارا
أهاااااااااااااا
نجي للجانب الخفي في كثير من حاجاتنا
شنو الحاصل بالضبط ؟؟؟؟
شنو الدفع بالنظامي ده وعلى مرتين أن يوجه هذا
التحذير ..!!!!!
في حاجات لو ما إتناولناه بمنظور عقلي وعقلاني
بنكون لافين في فراغ ساي
|
Post: #3
Title: Re: حكم قرقوش -نظامي برتبة ملازم يمنع مواطنين
Author: سيف الدين محجوب
Date: 03-21-2017, 08:21 AM
Parent: #2
أخونا محمد الفاتح
مشوار قريب آخر الشارع للقسم الجنوبي
تقابل مدير القسم وتسأل مدير الفسم عن الموضوع دا
وبتلقى عندو الخبر اليقين
أنا شخصيًا بعتقد مافي حاجة ذي دي
سؤال بالجنبة كدا ؟
الملازم دا لما منعك كانت الساعة كم ؟
لانه وقت العقدة مهم جداً وبيفرق من وقت لوقت
لانو من غير المعقول أجي ماري في الثالثة صباحاً وألقى واحد قاعد في الشارع حتى لو قدام بيتو
بعدين البراقب الحرامية ما بخت كرسي ويقعد عيني عينك ،،، لازم يكون متخفي
ولاَّ شنو يا أبو الزوز ؟
|
Post: #4
Title: Re: حكم قرقوش -نظامي برتبة ملازم يمنع مواطنين
Author: nour tawir
Date: 03-22-2017, 00:59 AM
Parent: #3
حاجة عجيبة...
بقوا يحددوا اقامة المواطنين خلاص ؟
و على فكرة..
يوجد داخل نادى الاسرة مكاتب للامن..
الظاهر و الله أعلم..
هم خايفين الناس الفى الشارع يكشفوهم..
و الحرامى فى راسه ريشة..
|
Post: #5
Title: Re: حكم قرقوش -نظامي برتبة ملازم يمنع مواطنين
Author: أحمد الشايقي
Date: 03-23-2017, 10:52 AM
في سودانيز أون لاين لو كتب أحدهـم
رأيت مواطناً يذبـح
يجي أحد الزملاء لتبرير الأمر
ويقول ليك خلينا نشوف السبب شنو للذبح دا ... مش ممكن يكون دي مسرحية أو بروفة فلــم
من أين تطلع الشمــس ؟؟؟؟
أحمد الشايقي
|
Post: #6
Title: Re: حكم قرقوش -نظامي برتبة ملازم يمنع مواطنين
Author: سيف الدين محجوب
Date: 03-25-2017, 03:50 AM
Parent: #5
ود الشايقي
أيوة لازم يكون في سبب للمنع
لآنو من غير المعقول أكون قاعد قدام بيتي ويجي أي كان يقول لي ما تقعد
سألنا سؤال ولم نجد الإجابة من المتظلم ( لما كنت قاعد وجاك الملازم كانت الساعة كم ؟؟؟ )
من حق الملازم كضابط أمن وأثناء مروره في دورية عادية أن يسأل شخص جالس في الشارع في الثالثة صباحاً عن سبب جلوسه في ذلك الوقت
واذا لم يجد الرد المقنع من حقه أن يمنعه الجلوس وممكن ياخدو على القسم للتحري
أنا لا بعرف المتظلم ولا بعرف الملازم
لكن القصة واضحة وما دايرة ليها درس عصر
ولاَّ شنو يا حبيب ؟
إحترامي سيدي
|
|