ليس لموقف سياسي او وطني او غيره وانما لأنني شعرت ااني مسؤول عن سلامة المنتجات التي يأكلها او يشربها اولادي .. .. دلل زميلي زميلتي في المنبر على وعيك الأبوي والامومي وامتنع عن شراء المنتجات الغذائية المصرية ..
... كمان لو شجعت سد النهضة بكون احسن ذاتو ؟!!!!!!!!
Post: #2 Title: Re: لقد إمتنعت عن شراء أي منتج غذائي مصري .. Author: محمد حيدر المشرف Date: 03-19-2017, 09:52 PM Parent: #1
اكتر حاجة فرقت معاي الملوخية والبامية .. قدر ما فتشت في اسواق قطر عن ملوخية او بامية غير مصرية ما لقيت .. ..
انتو مافي مصنع سوداني للخضروات المجمدة ؟! على بالحلال يصدر منتجاتو للخليج الايام دي يكسب دهب ..
Post: #3 Title: Re: لقد إمتنعت عن شراء أي منتج غذائي مصري .. Author: محمد حيدر المشرف Date: 03-19-2017, 09:55 PM Parent: #1
والبطاطس كذلك ..
Post: #4 Title: Re: لقد إمتنعت عن شراء أي منتج غذائي مصري .. Author: محمد حيدر المشرف Date: 03-19-2017, 09:58 PM Parent: #1
ما كنت اعيبه على الدولة المصرية هو التعامل بالذهنية المخابراتية مع السودان ..
تكشف لي الآن أن داخل اي ذهن مصري جهاز مخابرات صغير !!!
Post: #5 Title: Re: لقد إمتنعت عن شراء أي منتج غذائي مصري .. Author: Elsanosi Badr Date: 03-19-2017, 10:26 PM Parent: #4
سلام يا دكتور
انا لم اشتري منتج مصري منذ زمن طويل جدا
ولم اشتري تذاكر سفري عبر الخطوط المصرية ولا امر بالاجواء المصرية منذ زمن طويل جدا
ليس لان بيني وبين الشعب المصري الغلبان عداوة لا سمح الله
انما هناك جفوة متاصلة بيننا وبين النخب المصرية اليمينية واليسارية واللبرالية
فجوة عميقة عمق التاريخ ولا يستطيع اي من الشعبين تجاوزها
النخب المصرية لا تفوت اي فرصة او مناسبة دون الاساءة الي الشعب السوداني دون وجه حق
جلست مع نخب مصرية ولم اجد الفرق الا لماما عندما يتعلق الامر بالسودان او السودانيين
بعض من السودانيين - وهم اقلية- يحاولون وضع السودان تحت كعب ومداس الدولة المصرية ونخبتها ذات العقلية الاستخبارتية
كثير من هؤلاء الهم هم من يجمعون المعلومات ويمدون مخابرات مصر بها
Post: #6 Title: Re: لقد إمتنعت عن شراء أي منتج غذائي مصري .. Author: سيف النصر محي الدين Date: 03-19-2017, 11:12 PM Parent: #5
اما انا في منفاي البعيد فاذهب كل كم اسبوع لدكاكين العرب لشراء الفول المصري المعلب و الملوخية و البامية المجمدة وارد بر مصر.
Post: #8 Title: Re: لقد إمتنعت عن شراء أي منتج غذائي مصري .. Author: محمد حيدر المشرف Date: 03-19-2017, 11:32 PM Parent: #6
حظك يا سيف يا عزيزي لسه مستمتع بالملوخية والبامية وارد بر مصر ..
غايتو ابعد من المربى
Post: #7 Title: Re: لقد إمتنعت عن شراء أي منتج غذائي مصري .. Author: محمد حيدر المشرف Date: 03-19-2017, 11:29 PM Parent: #1
شكرا يا بروف .. شمول عظيم دونما شك ونظرة عميقة جدا
انما هناك جفوة متاصلة بيننا وبين النخب المصرية اليمينية واليسارية واللبرالية فجوة عميقة عمق التاريخ ولا يستطيع اي من الشعبين تجاوزها المصدر :
Post: #9 Title: Re: لقد إمتنعت عن شراء أي منتج غذائي مصري .. Author: محمد حيدر المشرف Date: 03-19-2017, 11:35 PM Parent: #1
في جبنة مصرية اسمها جبنة خزين ... اهو دي الواحد حيفقدها جدا ..
Post: #10 Title: Re: لقد إمتنعت عن شراء أي منتج غذائي مصري .. Author: يحي قباني Date: 03-20-2017, 04:30 AM Parent: #9
Quote: اكتر حاجة فرقت معاي الملوخية والبامية .. قدر ما فتشت في اسواق قطر عن ملوخية او بامية غير مصرية ما لقيت .. ..
كلو الا البامية يا ود المشرف ...
البامية خط احمر يا صديقي ... مش السيسي ...
البامية الزي عقلة الخنصر دي ( حقة الطبيخ مش الكبيرة حقتنا حقة المفروكة ديك ... )
لو جبتها مفرزنة ماركة مونتانا ما بتعمل ليكم حاجة .. :)
مع ضاني او عجالي صغير ... ( و كسرة بايتة ) ...
اكلها و اتوكل ... سجن سجن مجاري مجاري ...
Post: #11 Title: Re: لقد إمتنعت عن شراء أي منتج غذائي مصري .. Author: Mohammed Alhasan Mohammed Date: 03-20-2017, 05:10 AM Parent: #10
تحياتى يادكتور..
هل السبب يعود الى افتراء وطولة لسان الاعلام المصرى وخصوصا الحملة الاعلامية الاخيرة ..؟
ام الى عدم الثقة فى المنتج المصرى وخصوصا بعد ماانتشر اخيرا من صور وفديوهات سالبة عن المنتجات المصرية من مواد غذائية وخضروات وفواكه وخلافه ؟؟ ..
Post: #12 Title: Re: لقد إمتنعت عن شراء أي منتج غذائي مصري .. Author: محمد البشرى الخضر Date: 03-20-2017, 05:31 AM Parent: #11
الملوخية المشكلة يا دوك, البامية لقينا غيرها لكن الملوخية نهائي ماف غير المصرية, حتى في نوع لقيت عليه مكتوب انتاج العين قلت خلاص بس دا زولي زاتو دققت لقيت تعبئة ساكت و الأصل مصري غايتو بس اتوكّلت واحوقلت و اشتريته نسوّي شنو! الرز ما بتّاكل بدون الملوخية ابدا وهي زاتها الشريفة لا يعلى عليها :)
Post: #13 Title: Re: لقد إمتنعت عن شراء أي منتج غذائي مصري .. Author: muntasir Date: 03-20-2017, 05:35 AM Parent: #11
الله ما يرميك في يدي واقف قدام الرغيف الساخن كان ما أصورك وأرسلها لي ملاسي عشان يتأملك بالمناسبة لو المعسل منتج غذائي أنا ما معاك بل مع حبوبة غريبة وليذهب فرانكنشتاين الي الجحيم
Post: #14 Title: Re: لقد إمتنعت عن شراء أي منتج غذائي مصري .. Author: عادل الباهي عبدالرازق Date: 03-20-2017, 06:02 AM Parent: #13
ود المشرف تحياتي ليك ولضيوفك الاكارم
تأخرت كثيرا في هذا القرار ههههههه أنا وقفت من ظهرت اول فيديوهات لا بامية ولا ملوخية مجمدة ولا عصائر مصرية أو اي شيء اشوف مكتوب فيهو صنع في مصر وعندي فلسفة كدة براي من زمان اي مطعم كنت ادخلو بنظرة سريعة لو لقيت احد العاملين وسخان بتخارج طوالي والمصريين الوحد فيهم لو فتح الفم بتاعو قدامك بطنك تقلب . زول وسخان في جسمو وهندامو يعني حيهتم بالحاجة الحيقدما لي
في 2011 ذهبنا بالوالدة الله يطول في عمرها للقاهرة للعلاج وذهبنا لطبيب معروف بواسطة طبيب زميل عمل معه بالمملكة وبعد الفحوصات قال عملية ودعامة امريكية وووو أنا وافقت ولكن الحاجة رفضت ورجعت السودان بعد شهر جبتها علي هولندا وبعد الفحوصات الطبيب اعطاها فقط حبوب ونوع واحد والي الان الحمد الله عال العال و اعطيتو تقارير القاهرة بعد مسافة قال لي أنت متأكد الزول الكتب التقرير دا درس طب من هنا عرفت نحن السودانيين ديل مخمومين في الاطباء المصريين ساي .
Post: #15 Title: Re: لقد إمتنعت عن شراء أي منتج غذائي مصري .. Author: Mohamed Adam Date: 03-20-2017, 06:22 AM Parent: #13
يا دكتور دا نعتبرو إعتراف ضمني انو مصر أحسن مننا، في إنتاج الباميه والملوخيه!!!.
Post: #16 Title: Re: لقد إمتنعت عن شراء أي منتج غذائي مصري .. Author: عبد العزيز محمد عمر Date: 03-20-2017, 06:29 AM Parent: #15
Quote: انتو مافي مصنع سوداني للخضروات المجمدة ؟!
يازول نحن وقفناها من زمن طويل....
وبالنسبة لناسنا الأفاضل في السودان.... ما عندهم فهم تجاري أصلا ... عاملنها لينا كلها ضرائب ورسوم ...
ليس فيهم رجل رشيد ... صدقني ...
Post: #17 Title: Re: لقد إمتنعت عن شراء أي منتج غذائي مصري .. Author: محمد محمد قاضي Date: 03-20-2017, 06:51 AM Parent: #1
هلا يا دكتور وتحية وسلام لضيوف البوست الكرام
والله يا دكتور إنت إتأخرت كتير في المقاطعة الخضراوتية المصرية
بعدين مالك ومال المجمد يا زول أقع المحلي الطازج وبس بامية ملوخية سبانج جرير كرافس بصل طماطم بيض دواجن قطري أو سعودي وأفضل إنتاج الهنود والبطيخ اليومين ديل أحمااااااار سوداني واللحوم سودانية وبس
يا منتصر الرغيف الساخن بيعتبر إنتاج محلي وبصراحة ما بتفات وناس حماية المستهلك قعدييين ما بيهظرو - إنضباط ونظام ما زي ناسنا
Post: #18 Title: Re: لقد إمتنعت عن شراء أي منتج غذائي مصري .. Author: عبدالحفيظ ابوسن Date: 03-20-2017, 07:00 AM Parent: #17
تحياتي مشرف وضيوفه حتي منتجاتنا المحلية لا تنجو من اللوم المطاط والمبيدات المبيد ريحتو طاقة من برة . واحد قال لي والله دفقنا ملاح الشرموط بي حلتو الفواكه لا طعم لها الطماطم برة حمرا وجوة خدرة وطعمها عجور بس شراء الخضروات هنا يحتاج الاستعانة بصديق عن المنتجات المصرية الحلاوي ما تديك الدرب من شلاتين الصوابين ومعجون الاسنان لاحظت شلاتين دي يعني تجار بشتروا من الحدود لتوقيف ذلك نحتاج اكثر من قرار
Post: #19 Title: Re: لقد إمتنعت عن شراء أي منتج غذائي مصري .. Author: محمد عبد الله الحسين Date: 03-20-2017, 07:11 AM Parent: #18
أنا بشتري الخضروات المجمدة المصرية :الفراولة و الملوخية و البامية..ليس لسبب اجتماعي أو سياسي أو محاباة أو عداوة أو غيره لأني أمارس ذلك من زمن في قطر. لأنه الأغذية الأخرى خاصة المستوردة من الغرب غير مضمونة لأني أعرف أن هناك شركات أجنبية تنتج أغذية و خضروات مهجنة جينيا و نقلت كذا موضوع عن هذه المسألة و مقتنع بها جدا. ثم أن قطر و دول الخليج أحرص مننا على سلامة المنتجات التي تدخل اراضيهم و هي أحرص منا بمراحل بصحة مواطنيها لذلك أنا أشتري و أتناول هذه الأأعذية و أنا مطمئن و لا ألقي بالا لما ينشر في الفيديوهات. أرجو أنو لايفسر سلوكي تفسيرا آخر ..الكلام واضح.
Post: #20 Title: Re: لقد إمتنعت عن شراء أي منتج غذائي مصري .. Author: singawi Date: 03-20-2017, 07:32 AM Parent: #19
تحياتي يا باشا
وأنا قبلك من الممتنعييييين لدات الأسباب
لكن يعلم الله فرقت معاي الفراولة المصرية .. بقيت اشم فيها ريحة عديييييل كدا
Post: #21 Title: Re: لقد إمتنعت عن شراء أي منتج غذائي مصري .. Author: حماد الطاهر عبدالله Date: 03-20-2017, 07:42 AM Parent: #20
Quote: لقد إمتنعت عن شراء أي منتج غذائي مصري
خيرا فعلت.........
Post: #22 Title: Re: لقد إمتنعت عن شراء أي منتج غذائي مصري .. Author: singawi Date: 03-20-2017, 07:57 AM Parent: #21
Post: #23 Title: Re: لقد إمتنعت عن شراء أي منتج غذائي مصري .. Author: محمد مجيدو Date: 03-20-2017, 08:09 AM Parent: #1
دكتور مشرف .. وضيوفك .. سلام
قبل كم شهر كنت في مصر بعد غيبة طويلة منها .. وقضيت اربعين يوم كانت ممتع للغاية ... كنا ننزل انا والحجه سوق الخضار نشتري الملوخية والبامية والكوسة والطماطم وكل الخضروات والفواكه الطازجة والاسماك والدجاج باسعار زهيدة جدا مقارنة باسعار الخرطوم او الرياض ولها طعم خاص لذيذ يختلف عما ناكله في الخليج ... المهم ... الحرب الاعلامية بخصوص المنتجات المصرية اعتبرها زوبعة في فنجان سوف تنقشع قريبا ... حتى المصرين انفسهم تضرروا من ذلك .. وهناك تحقيقات لكل من شارك في الاضرار بصحة الانسان المصري اولا .. والمستهلك الخارجي ثانياً .. مرة كنت راكب مع سواق تاكسي وبقينا نتكلم في السياسة .. وهو من انصار السيسي واخذ يمدح في الحكومه .. ولما بقى يتكلم عن السودان بالسوء ونحنا بندعم الاخوان .. وقعد يشتم ويلبخ ... قلت ليه انتا بتعرف شنو عن السودان ...؟؟؟ وطلع الراجل جاهل كما توقعته .. وكما بقية القطيع .. لا يعلمون عن السودان غير مشاكل دارفور والجنوب .. وقبلت عليه واديتو ..انتو .. وانتو ... وقعدت انبز ليهو في مصر طوالي وقف التكسي .. وقال لي انزل ... قلت ليه ما بنزل .. ... انزل .. ما بنزل ... المهم دور تاني وكمل المشوار ... وقال لي اشتم اي حد على كيفك ...الا تشتم مصر ...
وحكينا القصة دي ليه ... عشان نعرف قيمة الوطن .. وهو الباقي .. وكل الحكومات والافراد للزوال ..
عـــالم بطااالــــــــــــــــــــــــة
Post: #24 Title: Re: لقد إمتنعت عن شراء أي منتج غذائي مصري .. Author: ابراهيم تون Date: 03-20-2017, 08:44 AM
عااااااااااااااااااااااقل
Post: #25 Title: Re: لقد إمتنعت عن شراء أي منتج غذائي مصري .. Author: طلحة عبدالله Date: 03-20-2017, 08:59 AM Parent: #24
أيوة كدا كفاءة يا دكتور .. اعتقد أن علاقتي معاك سترجع كما كانت أول مرة وأحسن .. ههههههههه ............................ يا شباب ما تنسوا المنتجات الاعلامية كمان قنوات، جرايد، كتب الخ الخ .. ممكن بس تتابعوا البرامج بتاعت الأسئلة اللي بعملوها في الشارع القاعدين يمسخروا فيها الشعب المصري الغلبان ويخلوهوا عريان ميطي .. خخخخخخخ
Post: #26 Title: Re: لقد إمتنعت عن شراء أي منتج غذائي مصري .. Author: sadig mirghani Date: 03-20-2017, 09:25 AM Parent: #1
بقيت من انصار "الصريح" خخخخ
Post: #27 Title: Re: لقد إمتنعت عن شراء أي منتج غذائي مصري .. Author: Osman Musa Date: 03-20-2017, 11:01 AM Parent: #26
سلامات يا دكتور والله أي شي موجود وناجح في بطن بلدنا ز بس مافي سياسة صادر كاربة . العندنا ما عن أي يلد في العالم . في السودان الحلة بصل وفي مصر الحلة سماد هههههها . أي خضار نجح في السودان . عليك الله لو جيت أجدع تلفون عشان أوريك منقة الزيداب الأسمها شندي 2 . تعال شوف الرمان عندنا .. مبالغة . الرمانة في أمريكا بي 3 دولار . و ال 3 دولار في السودان تجيب ليك نص شوال رمان فاكهة الملوك . مصر مافيها التدعك . ربنا يصلح حالنا و حالهم يارب
Post: #28 Title: Re: لقد إمتنعت عن شراء أي منتج غذائي مصري .. Author: محمد حيدر المشرف Date: 03-24-2017, 08:42 PM Parent: #1
شكرا لكل الاصدقاء هنا .. أعتذر عن الانقطاع ..
مشهد اول: حكيت لمحدثتي وهي من حناكيش الزمن الجميل عن مقاطعتي للبضائع المصرية. فردت بدهشة حقيقية: وهل كنت تشتريها أصلا ؟!!!!
مشهد ثاني: قال لي محدثي: عدت يا محمد حيدر كفرانكلي فرددت عليه بلامبالاة: حتى الساعة المعطوبة تكون صحيحة في مناسبتين يوميا ..
اعتقد ن الفرق الوحيد انها اكثر دقة من فرانكلي بكثير
