محتك عبد القادر الكتيابي مصطفي سيد أحمد لمحتك وقلت بر أمن بديت احلم الملم قدرتي الباقية واشد ساعد علي المجداف تلوح لي مدن عينيك وترفع لي منارة بسمتك سارية بديت احلم كلما الريح تطارد الموج ازيد اصرار واحلف بيك اغير سكة التيار اقول يا أنت يا اغرق تلوح لي مدن عينيك اخاف الصفه ترجع بيك قبل الحق اخاف غيم المني الشايل تسوقوا الريح ويتفرق اخاف .. اخاف .. اخاف واشد ساعد علي المجداف واجيك بي قدري الباقية حطام انسان موسم بشقي الدنيا مقسم قلبو في الاحزان اجيك فنان اشد اوتاري واحكي ليك حكاية انسان وهب لي سكتك نفسو رسم صورتك علي حسو ربط ساعد علي المجداف وقال يا انت يا اغرق اخاف غيم المني الشايل تسوقوا الريح ويتفرق والاقيك يا أماني سراب مواهبي عليه تدفق اخاف .. اخاف .. أخاف
Post: #2 Title: Re: لمحتك . الكتيابي يمصر عصير الكلام Author: Osman Musa Date: 03-19-2017, 02:23 PM Parent: #1
ارجو التكرم بوضع الاغنية
Post: #3 Title: Re: لمحتك . الكتيابي يمصر عصير الكلام Author: اسماعيل عبد الله محمد Date: 03-20-2017, 07:23 AM Parent: #2
الاستاذ عبد القادر الكتيابي شاعر ذا عبقرية فريدة له التحية و لابي السيد الرحمة و المغفرة..
Post: #4 Title: Re: لمحتك . الكتيابي يمصر عصير الكلام Author: Osman Musa Date: 03-20-2017, 12:56 PM Parent: #3
الأخ الزول الفنان اسماعيل سلامات وبارك الله فيك ياخ علي الدفق الرهيب . عصير الكلام في وصف اللمحة التاريخية , والظن الحسن في أمان ضفة البر المفقودة . يا الله ..