لا لهذا الرسم يا عمر دفع الله

09:00 AM March, 18 2017

سودانيز اون لاين
علي الكرار هاشم-الرياض
مكتبتى
رابط مختصر

هذا الكاريكاكتير لا يمثل شعب السودان
نعم
رحبا بالشيخه موزة
ونرحب بالزوار والمستثمرين
لكننا لسنا دولة شحادين
اتق الله يا عمر

رحبنا بالشيخة موزة
وقد ظلت دولة قطر تدعم الشعب في دارفور
والواقع يشهد بذلك
ثم دعمت قطر الآثار
من هنا ننرحب بها
زائرة كريمة
وامراة تستحق التقدير
وهو ما فعله الشعب فى كردفان وغيرها
نحن لا ننكر الجميل
لكننا لا نمد القرع

Quote: وقد ظلت دولة قطر تدعم الشعب في دارفور

سلآمات يا قريبي .
إنت جادي !؟، ممكن صورة من الدعم دا .
ثمّ يا علي نحن لسنا شعب شحاد ولا دولتنا دولة شحدة،
لكن هذه الحكومة جُبِلت علي التسوّل وأصبح ديدنناً لها ...

الدليل على دعم قطر لدارفور هو:
إقامة الوفود الدارفورية والحكومية المفاوضة وأسرهم بالفنادق القطرية لأكثر من عامين
وحتى بالإمارة هناك مواليد سودانيين أطلق عليهم:
موزا
جاسم
حمد
القعقاع
وحصّة

أكان كدي يا مستنير
ما قصروا تب ...

اختلف معه في فكرة الكاريكاتير ولكنه يظل يملك حرية التعبير

سلآمات يا قريبي .
إنت جادي !؟، ممكن صورة من الدعم دا .


مرحبا أخي ود المدير

نعم أنا جادي جدا جدا
ودور قطر لا ينكره الا مكابر
خلينى اشوف ليك الصور اذا كان الموضوع اثبات

تحياتي لك أخي علي الكرار
ولولا إحترامي لك لما تداخلت في هذا البوست
وحسناً أنك أنتقدت دون التهجم الشخصي على الأخ عمر
وهذا من حقك .
ولكن من وجهة نظري أن عمر لا ينتقد الشيخ موزا في شخصها وانما ينتقد نظام بريشة فنان
وكلما كان لهذه الريشة صداها هنا النجاح .
عمر دفع الله ناقد وصورة تغني أحيانا عن الف كلمة .
فلنحترم حرية التعبير وإن إختلفنا معها
مع خالص ودي وتقديري

الاستاذ الفنان الكاريكاريست الرائع عمر دفع الله..
انا بايد علي الكرار هاشم في وجهة نظره بان شعب
السودان ليس بالشعب الذي يشحد ...وكان ممكن انتقادك
للنظام الحاكم يكون بطريقة افضل وهي ان ترسم رموز النظام
وهم شايلين القرع في استقبال الشيخة موزا....لانهم هم البشحدوا
لجيوبهم الخاصة....
اما شعب السودان فهو شعب ابي ذو مروءة ويعطي ويهب دون من ولا اذى
ودمت بالف خير

الاستاذ الفنان الكاريكاريست الرائع عمر دفع الله.. انا بايد علي الكرار هاشم في وجهة نظره بان شعب السودان ليس بالشعب الذي يشحد ...وكان ممكن انتقادك للنظام الحاكم يكون بطريقة افضل وهي ان ترسم رموز النظام وهم شايلين القرع في استقبال الشيخة موزا....لانهم هم البشحدوا لجيوبهم الخاصة.... اما شعب السودان فهو شعب ابي ذو مروءة ويعطي ويهب دون من ولا اذى ودمت بالف خير

بسمات الشيخ
=============================================

وين الشعب السودلني ؟؟؟؟؟

عمر دفع الله ما رسم الشعب السوداني و بالتأكيد هو لا يقصد الشعب السوداني
بل يقصد النظام الذي لم يبق في وجهه مزعة لحم.
ثم لما مصطفى عثمان و للا منو داك وصف الشعب بالشحادين لم نسمع
من مؤيدي النظام سوى محاولات التبرير الساذجة التي لا تقنع دجاجة.

عزيزي الفاضل
زول واحد..
افتكرت انه بيقصد شعب السودان....لان النسوان الثلاثة الواقفات
ومادات القرع للشحدة ما شفن واحدة فيهن من رموز النظام....
والقرع الممدودة في الواطة ما فيها اشارة انها من رموز النظام..
والله انا من المعجبات جدا برسومات الفنان الكاريكاريست عمر
دفع الله وهو بيعبر في رسمة كاريكاتير مبسطة انتقاد لهذه الحكومة
التي تمص دماء الشعب المغلوب على امره ما لا يستطيع ان يعبر عنه
احد ولو كتب مقال من مائة صفحة...ولم اعترض ابدا على انتقاده
لنظام السجم والرماد ..ولكن فقط ان لا يمس شعب السودان...
واذا هو لا يقصد شعب السودان..فارجو ان يتقبل الاستاذ عمر اعتذاري
الشديد...
وانا اخترتك يا زول واحد للرد عليك لاني عارفة انك ما حتمسني بشتيمة
....ودمت بالف خير وصحة وعافية

ود الكرار
ما قلنا الكلام دا زمان في بوست ( رجاءً يا عمر )
وما هببتو لينا
الحمد لله الذي هداكم لكلمو الحق
وكان المنى أن تكون كلمتنا واحدة وفي بوست واحد
عموماً ،،، تُشكر لهذا البوست
وعلى الله الجماعة ديل يحاولوا يبرزوا إبداعاتهم ( إن وُجدت ) في مواضيع أُخرى تعود على سوداننا بالخير
وخلونا من ناس خالف تُعرف ديل

عالم مُتخلفة وبتحب تشذ وتغرد خارج السرب دوماً

الشكر كل الشكر لصاحبة السمو في قدمته لسوداننا الحبيب
وليخسأ من يقول غير ذلك

إحترامي سيدي

شكرا لكل المتداخلين

تبقي معزة السودان