Post: #1 Title: رجاءً يا عمر دفع الله Author: سيف الدين محجوب Date: 03-17-2017, 03:49 AM Parent: #0
02:49 AM March, 17 2017 سودانيز اون لاين سيف الدين محجوب- مكتبتى رابط مختصرارجو شاكراً وحفاظاً على مكانة سمو الشيخة موزا وتقديراً لما قدمته لوطننا العزيز من خدمات جليلة أرجو تحرى الدقة والموضوعية والجدية في رسوماتك الكركتيرية في كل ما يتعلق بسموها الكاركتير الموجود في أعلى صفحة اليوم فكرته سخيفة ويفتقر إلى الموضوعية رجاءً ثم رجاءً أخى عمر خليك موضوعي ولا داعي لمثل هذا الهبل والسخف
والله من وراء القصد
Post: #2 Title: Re: رجاءً يا عمر دفع الله Author: أبوبكر عباس Date: 03-17-2017, 04:04 AM Parent: #1
يا سيف، القطريين أصبحوا يمارسون سياسة عديل كدا، وطالعين لشنو كدا والتلاف مسألة يسبوهم ويشكروهم أصبحت بنفس النسبة وقصة سمو وشنو كدا دي، لا وجود لها في السياسة فشنو لا تحجر على عمر الشين دا شخبطاتو يا أخي، دا ساكي ليهو واحد في قوالة ليها ٣٣ سنة
Post: #3 Title: Re: رجاءً يا عمر دفع الله Author: زهير عثمان حمد Date: 03-17-2017, 04:15 AM Parent: #2
حريم البشير كتمة من امها وردحي بالطريقة الصاح
طبعا انتو عارفين الشيخة موزا في الخرطوم لإقامة بعض المشاريع الخيرية وكدا ولمن وصلت استقبلتها الشيخة وداد رفرف قلب عمك اها فاطمة خالد ما عندها خبر قاعدة في التلفزيون كان تشوف ليك موزا ومعاها وداد الحمتا النوم والرقاد طوالي تاني يوم من الصباح لفحت ليك توبا ومشت لقت ليك الشيختين طالعين ماشين البجراوية وقبلت ليك علي وداد قالت ليها انتي كل زول جاي البلد دي عايزة تستقبليه واي مشروع دايرة تفتتحيه ما تهجسي شوية قامت وداد قالت هوي يا فاطمة دول التعاون الخليجي دي تخصصي لإني صفراء فاقع لوني بسر الناظرين وانت تستقبلي الأفارقة عشان انت سوداء او قصدي سمراء سوداء انا يا فاسخة يا جالخة يا شلابة يا كضابة قامت وداد اتفتحت ليك وقالت ليها هوي يا فاطمة انا ما فاسخة الشعر ربيعي واللون طبيعي وعمر انا ما شلبته انا بس عجبته ..... وهم وعدم فهم قامت الشيخة موزا حلاوة الجوزة قالت ليهم يا جماعة الخير ما يصير هادا انتو أخوات اتلفتت عليها فاطمة وقالت ليها انت يا موزا بت ناصر ما عارفة الحاصل دي معروفة حياتها كلها لهط وتلقط زي حمام الحرم ما تسمعي مشاريع تعليمية وشمال كردفان وموية طريق مستشفي والله دي روضة ما تعملها خليها المدارس دي رصتها وانا عارفة قصتها قامت وداد قالت ليها الكلام دا ابقي قدره و لمن يصل بشة فاطمة قالت ليها قلته وانا سته وبتحمل مسؤوليته اها في اللحظة دي عمك سمع بالكتمة وجاء يجري اها وداد من شافته مشت عليه وهاك يا بكاء وقالت وفعلت وتركت قام بشة قال ليها لا لا يا فاطمة ما ليك حق نحن متفقين من زمان دول الخليج تبع وداد وانت عندك افريقيا كلها من سيكافا للكنفدرالية تذكري لمن جاء موغابي ومرته استقبلتيهم وزوجة عمر قيلي ودبي وديسالين لمن قلتي لي فترت من المساسقة للمطار وبعدين ارض الخير افريقيا مكاني وانتي زوجة أسد افريقيا وانت الأولي والوراك مجهولة طبعا دي معاها غمزة سريعة لوداد وبعدين موزا صفراء ووداد صفراء ودي خلقة ربنا والصفار راحة بال andand انتو يا اخوانا حكومة بكوري خبرها شنو ££
تراجي سوي رجيم!!!
موزا ملا كانت ظريفة معنا !؟# وكمان الرسم ماعيب لا تحجروا علي المبدعيين حقهم في التعبير أرسم يا عمر دفع ما يعن عليك أنها أشراقات الفن قد نغيب ولا يولد الفن وتكون ضجر أذا حجب الفنان فنه متعك ربي بالعافية يا صديقي
Post: #4 Title: Re: رجاءً يا عمر دفع الله Author: سيف الدين محجوب Date: 03-17-2017, 09:26 AM Parent: #3
الأخوة المتداخلين السياسة شئ وما جاء في شخبطة عمر أعلاه من سخف شئ آخر فعلاً شخبطات وتفتقر للإبداع شخبطات ليس لها إي علاقة بالإبداع لا من قريب ولا من بعيد بعدين منو عمر دفع الله عشان يُقيم السياسة القطرية السودانية أيش فهمو هو في هذا المجال ،،، وهو غير مؤهل لهذا الأمر ،،، خليهو مع الركشات والطبالي والمجاري ..... إلخ
أما صاحبة السمو ،،، فهى أرفع أن تكتب حتى إسمها ياعمر ،،، خليك من ترسم صورتها بهذه الشخابيط
العلاقة السودانية القطرية أرفع وأسمى وليس له حق كل من هب ودب وكل من يمتلك باسوورد في التطرق لها
هناك بعض الناس لا يريدون الخير لسوداننا الحبيب وهم لا يدرون بأن مثل هذه التوافه قد تُعكر صفو الآخرين
شخبط ما شئت يا عمر ،،، ولكن هناك خطوط حمراء يقف عدم تعديها
آل إبداع آل قومو لفو ،،،، بلا يخمكم
Post: #5 Title: Re: رجاءً يا عمر دفع الله Author: طلحة عبدالله Date: 03-17-2017, 10:02 AM Parent: #4
هذه هي مشكلة أخونا عمر دا الابتذال وشخصنة القضايا لدرجة تشعر معها بأن اللخو دا عندو تار شخصي مع الوطن وأهلو وليس الحكومة . لماذا هذا الحقد يا عبدالله ؟؟؟؟؟؟
Post: #6 Title: Re: رجاءً يا عمر دفع الله Author: عمر دفع الله Date: 03-17-2017, 10:47 AM Parent: #4
https://www.0zz0.com
يا المستنير انت قصتك معاي شنو؟ ولاّ عايز تحل محل ودالباوقة ؟
برضو حتقول مفروض اوكامبو يكشف عن الادلة العندو ! الاخلاق هي الاخلاق ، كتلة واحدة لا تقبل القسمة على اتنين والمبادئ ليست ( كجبة الدرويش ، تضاجع كل الالوان ) .
لا استغرب لموقف صاحب البوست الذى يكيل لي الشتائم والتهديد بكل بساطة واجزم لو انني اجتمعت معه في مجلس واحد ، لن يتورع في ان يلحق بي الاذى الجسدى نعم لا استغرب فقديما قال الشاعر : رايت الناس قد مالوا ... الى من عنده مال و من لا عنده مال ... فعنه الناس قد مالوا ر ايت الناس قد ذهبوا ... الى من عنده الذهب و من لا عنده ذهب ... فعنه الناس قد ذهبوا رايت الناس منفضة ... الى من عنده فضة و من لا عنده فضة ... فعنه الناس منفضة .
يهددني صاحب البوست من ان هناك خطوطا حمراء ولم يقل لي عن العقوبة التى تنتظرني في حالة تجاوزي لتلك الخطوط التى اسماها بالحمراء .
الصورة اعلاه تكشف ازدواجية المعايير عند الشيخة الزائرة فهي لا تستطيع ان تستقبل ، المطلوب للقضاء الدولي ، السيد هارون في حفلة تجمعه بمسؤولين اوروبيين . تماما كما فعلت دولة الامارات في عيدها الوطني لان وجود البشير في يوم العيد الوطنى مع الزوار الاوربيين قد يسبب لها حرجا عظيما .
الصورة اعلاه ينظر اليها الضحايا في دارفور وجبال النوبة بأنها لا تليق بمقام الزائرة الكريمة وتشكك في حيادية بلادها المعروفة اصلا بدعم جماعات الاخوان المسلمين .
لماذا كل هذا الاهتمام من دول الخليج بالسودان دون غيره من بلاد العرب ؟ الاجابة ببساطة ان السودان في عهد الاخوان اصبح مصدرا لتجارة الرقيق ، لتغذية الحرب في اليمن ومرتعا لشركات الاستثمار العربية في شراء الاراضى الهاملة .
لا شئ يردعنى ما دامت بلادى تباع في سوق الله اكبر وما دام ابناء بلادى يباعون في سوق النخاسة ، كالمانجو والليمون وما اقوم به هو اضعف الايمان ، فيا لبؤسكم ويا لعاركم ....
يا شبه النجيمة الحايرة .....يا بلادى .... لله درك يا عاطف خيرى
Post: #7 Title: Re: رجاءً يا عمر دفع الله Author: أبوبكر عباس Date: 03-17-2017, 10:53 AM Parent: #6
يا عموري، أنا واقف مع حقك في التعبير في هذا البوست
شخبطات وشين ديل عرابين صداقة ساكت
Post: #8 Title: Re: رجاءً يا عمر دفع الله Author: عمر دفع الله Date: 03-17-2017, 11:05 AM Parent: #7
يا حبيبى يا ابوبكر عقبال عند ودالبشرى ..... بالمناسبة الزول صاحب البوست دا بتعرفو يا بكور ؟ ياخي دا زول دمو تقيل خلاس ..... يا اريت لو ودالباوقة يوزع جزء من ظرفه على جماعتو ديل ...
Post: #9 Title: Re: رجاءً يا عمر دفع الله Author: Yasir Elsharif Date: 03-17-2017, 11:22 AM
شكرا يا أمجد
Post: #10 Title: Re: رجاءً يا عمر دفع الله Author: Amjad ibrahim Date: 03-17-2017, 11:34 AM Parent: #9
