زمان الواحد يفتح المنبر .. يفرح جدا لمن يلقى صورة صندوق البريد المفتوح ورسالة متدلدلة منو ومكتوب جنبها لديك رسالة في بريدك الوارد او لديك 5 رسائل في صندوق الوارد ..
كانت نوع من التواصل الحميم جدا بين اعضاء المنبر .. طبعا الكلام دا قبل وسائل التواصل الحديثة الظهرت دي لدرجة اني ما عارف الماسنجر شغال ولا لا ؟!!
يا شباب القدامى والجدد .. يا ريت بس تدوني من زمنكم شوية كدة .. خاصة الزملاء البيقرو المنبر وما بيشاركو بالكتابة .. داير بس منكم رسائل سلام وتحية او حتى شمارات في الماسنجر بتاعي الواحد يتذكر ايام زمان ويتواصل مع الزملاء خاصة الماعندي معاهم تواصل تاني خارج المنبر ..
دي دعوة لتفعيل الماسنجرات وعودة الالفة والحميمية في منبرنا دا ..
يديكم العافية
Post: #2 Title: Re: تصدقو وتامنو بالله أكتر من سنتين تقريبا م� Author: walid taha Date: 03-16-2017, 09:04 AM Parent: #1
قال لى The recipient is unknown :))
Post: #3 Title: Re: تصدقو وتامنو بالله أكتر من سنتين تقريبا م� Author: ناذر محمد الخليفة Date: 03-16-2017, 09:56 AM Parent: #1
سلام وليد
كيفن يعني يقوليك كدي !!
كيف يعني ان نوون ؟!!
والله نوون وعارفني زي جوع بطنو كمان ..
بس الظاهر عشان طول ما جاتو حاجة اظن حرد وقفل نفسو !!!
يا بكري بالله عليك شوف لي حل للماسنجر دا !!
Post: #4 Title: Re: تصدقو وتامنو بالله أكتر من سنتين تقريبا م� Author: ناذر محمد الخليفة Date: 03-16-2017, 03:21 PM Parent: #1
يا وليد ..
الحمد لله الرسائل بقت تجيني وارة ورررررررر
شكلك طبزت حاجة عندك ..
حاول مرة اخرى ولا تيأس ههههه
Post: #5 Title: Re: تصدقو وتامنو بالله أكتر من سنتين تقريبا م� Author: ناذر محمد الخليفة Date: 03-18-2017, 09:40 AM Parent: #1
يا سلام ياخ
والله انا سعيد جدا بالرسائل المنهمرة في الانبوكس من ناس والله طولت منهم ومن تواصلم الجميل ..
وكمان اشكر جدا الكتير من الاعضاء الجدد الراسلوني وبعضهم ما شفت اسمهم الا عندي في الماسنجر ..
تسلمو كتير واتنمى يدوم التواصل ..
Post: #6 Title: Re: تصدقو وتامنو بالله أكتر من سنتين تقريبا م� Author: Kabar Date: 03-18-2017, 10:46 AM Parent: #5
ماسنجر بتاع فنلتك على قول صديقنا كيكي..رد الله غربته...!!
نفرين يا صاحب ، في هذا العالم ، نفرين بيعزفوا الة العود وهم واقفين..والعود اختراع سوداني ،وعليك الله يا ناذر ما تعصر علي في الحتة دي..!
نفرين.. بيعزفوا الة العود وهم واقفين: واحد اسمو ناذر محمد الخليفة ، والتاني..عضو في فرقة يهودية ، بتشتغل غنية حبيبة اسمها (القمر بيضوي ، انا شن بلاني بالنجوم..!!)
والبيان بالعمل ، الفيديوهات المرفقة بعد اذنك...!
قلت لي ماسنجر؟؟؟!
ماسنجر بتاع فنلتك..!!
فتش يا صاحب ، كل النت الحايم..نفرين فقط: بيعزفوا العود وهم واقفين ..واحد اسمو ناذر الخليفة ، والتاني ما عارف اسمو..!!
ماسنجر بتاع فنلتك..!!
كبر
Post: #7 Title: Re: تصدقو وتامنو بالله أكتر من سنتين تقريبا م� Author: ابوحراز Date: 03-18-2017, 11:30 AM Parent: #6
والله الماسنجر بتاعي انا ماعرفناهو ذاتو .. ماسنجر وللا صيوان بكاء كل ما افتحه القى الرسائل من رجاااااال !!!! عشان كده اصبحت ماشغال بيهو نهائي
Post: #8 Title: Re: تصدقو وتامنو بالله أكتر من سنتين تقريبا م� Author: ناذر محمد الخليفة Date: 03-18-2017, 09:28 PM Parent: #1
هلا هلا كبر ..
شرفت البوست والله .. كيف اخبارك .. نعلك طيب ؟!
كدي قبل اي شي بسأل من ود ابا بريمة ..
الراجل دا وين وأخبارو شنو ؟!
بالله لو عندك معاو تواصل اغريه الكثير من سلامي واشواقي ..
Quote: ماسنجر بتاع فنلتك على قول صديقنا كيكي..رد الله غربته...!!
نفرين يا صاحب ، في هذا العالم ، نفرين بيعزفوا الة العود وهم واقفين..والعود اختراع سوداني ،وعليك الله يا ناذر ما تعصر علي في الحتة دي..!
ههههههههه وبالله كيكي دا زاتو غاتس وين .. الناس اختفت عديل ..
شلة الدوحة كيكي وخليل وزميل الهند تمساح .. يا سلااام ياخ !!!
غايتو فعلا ما حا اعصر عليك عشان خاطر الفيديوهات الجميلة الجبتها دي .. ياخ الاسرائيلي ولا اليهودي دا عذب الالة ونجضا نجاض قبورة ..
غايتو الشكل شكل عود كهربائي وطريقة العزف هي نفسها .. بس ما قادر اعرف اذا كانت الاوتار دي اوتار عود ولا مندلين ولا حاجة بين الاتنين ..!!
بتدي احساس عجيب جدا ...
Quote: فتش يا صاحب ، كل النت الحايم..نفرين فقط: بيعزفوا العود وهم واقفين ..واحد اسمو ناذر الخليفة ، والتاني ما عارف اسمو..!!
هم غايتو أكيد ما نفرين .. لكن احساس العزف بالعود وقافي انا بستمتع بيهو جدا هههه
Quote: ماسنجر بتاع فنلتك..!!
بشتكيك لي كيكي بعد دا أو بشة هههههه
Post: #9 Title: Re: تصدقو وتامنو بالله أكتر من سنتين تقريبا م� Author: ناذر محمد الخليفة Date: 03-18-2017, 09:32 PM Parent: #1
حبيبنا ابو حراز ..
كيفك أبوي .. نعلك طيب ..
Quote: والله الماسنجر بتاعي انا ماعرفناهو ذاتو .. ماسنجر وللا صيوان بكاء كل ما افتحه القى الرسائل من رجاااااال !!!! عشان كده اصبحت ماشغال بيهو نهائي
هههههههههههههههههههههه
دا من عيوب التطور التقني ووسائل الاتصال التانية .. المارجال اقنع منهم شردو لي حاجات تانية اسهل واسرع ..
لي متين يقعدن يطقطقن في الكيبورد والماسنجر وفي النهاية يا مشت يا قال ليك ريسيبت أن نون زي ما حصلت مع وليد طه هههه
صنفرة علي خفيف :
جاتني كم رسالة في الماسنجر من الما رجال ديل .. أها شد حيلك وانكرب هههههه
Post: #10 Title: Re: تصدقو وتامنو بالله أكتر من سنتين تقريبا م� Author: ناذر محمد الخليفة Date: 03-22-2017, 08:54 PM Parent: #1