Post: #1
Title: اديك كلام
Author: عباس الدسيس
Date: 03-12-2017, 09:34 AM
08:34 AM March, 12 2017 سودانيز اون لاين
عباس الدسيس-Saudia
مكتبتى
رابط مختصر نهاية التسعينات قبل ما اشيلونا ناس الإن غاز من البنك غايتو الواحد لو بأرخ لكلامو اطلع جلكين مع الزمن الجاري
كان طوالي عندنا مشاكل في مكيفات الموية بالمكتب كل يومين ثلاثة في حالة تفتيش لفني لعمل الصيانة زولة زميلتنا جابت ود جيرانهم قالت اتعاقدو معاهو
طلع راجل ظريف ووناس مشكلتو في الونسه بعلك وازهجك بالتمتمه كل يوم الصباح بمر البنك بطلع لي في الدور التاني ادييييك كككلام أوووووووووو فففي ممممشكله احيانا بنتظر الرد واحيانا بمشي منك بدون رد
اها لاحظت عليهو كل يوم بجينا مليان فل سكرة يني بمر نهاية اليوم بتكون فكت منو بقعد بتونس معاي كان بونسني بحبيتو بت الجيران مخطوبه ليهو
طبعا أنا عملت ليهو مصلح اجتماعي ولبست ليهو جلابية مولانات قلت ليهو يا فلان ياخ الطشه كل يوم بتهلكك وبتخليك ما مركز في شغلك اصلو لو انت ما بتقدر تفارق طش يوم الخميس
بعد كم يوم جاني واعي من الصباح قعد اتونس معاي قال لي اديك كلام كلامك صاح أنا خليت الطشه كلو كلو لانو ابو البت معترض علي خطبتي قال انا زول سكير وبالسبب دا مكجني وكارهني
اديك كلام قلت القروش البصرفا علي السكر ممكن تساعدني في الزواج مر اسبوع صاحبنا عيونو بيض وتمام التمام.
يوم جاني رابط راسو بشاش وشو كلو مكرضم والعيون شراره يا شقي مالك ما قلته خليت الطشه الحاصل ليك شنو؟؟؟
أأأأديك ككككلام كانت عندنا حفلة في الحي مشيت لخطيبتي قلت ليها نمشي الحفلة امها قالت لي قبل الساعة عشرة تجو راجعين
سقتها ومشيت لقيت جماعه لعبو بي راسي والشيطان صاقرني شربت معاهم والساعة عشرة مشت وانا ما جايب خبر حاتي الرقيص مع الخطيبه
الحفلة وقت انتهت ورجعنا البيت الساعة كانت اطناشر فتحنا الباب دخلنا براحة كان القا ليك ابوها نايم في نص الحوش
من شافني تتردب قعد في نص العنقريب قلته وقت صاحي الطف الجو اسلم عليهو دنقر تحت العنقريب وشال العكاز وقع فيني هبت.
اديك كلام عمك وقع فين هبت كان ما كنت سكران ومخدر كان لميت ناس الحي بالكواريك.
طيب انت ما عندك عقل عمك وقت دنقر اشيل العكاز كان تقوم جاري؟؟؟؟
اديك كلام انا قايلو عايز اشيل الابريق
طيب انت ما قلته خليت الطشه الرجعك شنو؟؟؟؟
اديك كلام ما لقيتا ملح ياخ
|
Post: #2
Title: Re: اديك كلام
Author: أحمد الشايقي
Date: 03-12-2017, 09:39 AM
Parent: #1
أديك كلام يا دسيس
دي قصـة من بيت الكلاوي وتستاهل ترجمة لعدة لغات
ياخ الناس ال بطشموا ديل ظراف شديد وعندهم قصص
أحمد الشايقي
|
Post: #3
Title: Re: اديك كلام
Author: د.محمد حسن
Date: 03-12-2017, 09:40 AM
Parent: #1
ركس يا عيل
اها نننجييب البلمممموني ييووم الجمممعة ؟
ملح ييياااااا عمممك
|
Post: #4
Title: Re: اديك كلام
Author: عباس الدسيس
Date: 03-12-2017, 01:01 PM
Parent: #3
Quote:
أديك كلام يا دسيس دي قصـة من بيت الكلاوي وتستاهل ترجمة لعدة لغات ياخ الناس ال بطشموا ديل ظراف شديد وعندهم قصص أحمد الشايقي
|
ود الشايقي اخبارك يا حبيبنا
أديك كلام وكمان بهديها لي المولانات معاوية عبيد وادريس علم الهدي
ايام الجاهلية والميزات كان عندنا ميز سنتر شرق لينا ناس القضائية وشمالنا البياطرة والاطباء
من ما تمغرب الجماعه اتلقطو واتلملمو البياطرة غالبا ما تلقي فيهم واحد بعزف عود
لما القعده تصل قريب النهاية في واحد من الاطباء عامل لينا فيها فنان لازم كل يوم اصبنا باغنية تاور يما الريد
اها الاغنية دي لما تدور معناها الجماعه خلاس عايزين افرتقو
كانو بقولو العذابة لما تكون ماشي ميز البنك وتسمع يمة الريد ما تخش عليهم
بتاع القضائية عندو مضمون كلجة ياخ دا بعمل حلة وفسيخ وكوارع ديني النبي انا
في واحد من البياطره شفقان بجي قبل المغرب واقعد انكرش لما العشاء اقول الله اكبر هو بكون انتهي من الركعه الثانية بجلي الشفع والوتر
واقعد نقه يلا يلا نمشي امكن اكمل تقول ليهو اصبر خلي الجماعه اجو ادفعو الشير اقول ليك انا بدفع وبعدين بلقط منهم
وفي التلقيط بالله تقول كمساري لو في واحد غاب بقسم حقو اطلعو بعيد
اها عندنا زولة واحده بنمشي ليها اسمها التومة غيرا ما بنمشي اي بيت
من ندخل ليها عارفه النظام بتكب كباية فل بمسك الكباية ون قو بقوم بيها
الدكتور بسألني كيف بقول ليهو تمام بنشيل ونمشي
يوم جينا لقينا التومة ما عندها راسنا ضرب قلنا ليها دبرينا
وصفت لينا بيت تلفو بهنا وتمشو بهناك تلقو باب اخضر خشو ليهم بدوكم
قلنا ليها امكن ما اعرفونا وما ادونا امشي معانا
قالت لينا انتو امشو بس قولو ليها التومة
صاحبي داك شفقان وما قادر اصبر خلاني بتكلم وطلع
اها مشيت لحقتو وصلنا البيت حسب الوصف وهو ماشي اقول لي ما تنسي نقول ليها التومة عشان ما تكش مننا وما تدينا
دخلنا عليها قلنا ليها التومة مشت بره جابت الجركان وجات اها انا قلت ليها عليك الله قبل ما تكبي لينا اعمل كباية
كبت الكباية ورفعتها ليك ون قو كررررررررر وختيتها ليها في التربيزة وهي كانت بتعاين لي
بعد ختيت الكباية قالت لي أباس الدسيس
|
Post: #5
Title: Re: اديك كلام
Author: عباس الدسيس
Date: 03-12-2017, 01:04 PM
Parent: #4
Quote:
ركس يا عيل اها نننجييب البلمممموني ييووم الجمممعة ؟ ملح ييياااااا عمممك
|
يا دكتور اخبارك يا حبيبنا
تذكر الخلطه الشربناها في رمضان ايام الافطار الجماعي بتاع سودانيز
عملته عيد الضحية الفات اصلو ما ظبطت معاي
الملح ما بناباهو المشكله كترتو بضر ههههههههههه
|
Post: #7
Title: Re: اديك كلام
Author: أحمد الشايقي
Date: 03-12-2017, 02:49 PM
Parent: #5
... أباس الدسيس ...
ماركـة مسجلـة .. اصلي ومن بلاده
أحمد الشايقي
|
Post: #6
Title: Re: اديك كلام
Author: sadig mirghani
Date: 03-12-2017, 02:47 PM
Parent: #1
انت تعال صادي السودان
بنعزك
|
Post: #8
Title: Re: اديك كلام
Author: عباس الدسيس
Date: 03-12-2017, 03:08 PM
Parent: #6
Quote:
... أباس الدسيس ... ماركـة مسجلـة .. اصلي ومن بلاده أحمد الشايقي
|
ود الشايقي الناس الهدينا ليهم
عاملين اضان الحامل طرشا
|
Post: #9
Title: Re: اديك كلام
Author: باسط المكي
Date: 03-12-2017, 06:54 PM
Parent: #8
سلامات ياخ اتعاطفت مع الزول دة شديد
ودائما المميزين مهنتهم بكون بتاعين هوي ياليلا
|
Post: #10
Title: Re: اديك كلام
Author: عباس الدسيس
Date: 03-13-2017, 05:17 AM
Parent: #9
Quote:
انت تعال صادي السودان بنعزك
|
صديق اخبارك يا حبيبنا
قريب انشاءالله لو ربنا مد في العمر
تحياتي وتقديري
|
Post: #11
Title: Re: اديك كلام
Author: عباس الدسيس
Date: 03-13-2017, 05:55 AM
Parent: #10
Quote:
سلامات ياخ اتعاطفت مع الزول دة شديد ودائما المميزين مهنتهم بكون بتاعين هوي ياليلا
|
باسط يا حبيبنا اخبارك
وبكونو كمان ظريفين والنكته حاضره
تحياتي وتقديري
|
Post: #12
Title: Re: اديك كلام
Author: اباذر عبد العال
Date: 03-13-2017, 06:19 AM
Parent: #11
ادييييييييييك كلام
يا سيد الامنتي ليك
يا معلم
|
Post: #13
Title: Re: اديك كلام
Author: ادريس خليفة علم الهدي
Date: 03-13-2017, 06:56 AM
Parent: #12
أباس الدسيس
|
Post: #14
Title: Re: اديك كلام
Author: درديري كباشي
Date: 03-13-2017, 08:39 AM
Parent: #13
حجر الزاوية أو نقطة التحول أو المفارقة في حكاية الدسيس دي هي العبارة اللازمة (أديك كلام ) ههههههه
في ناس كتيرين عندهم في كلامهم العادي عبارة ملازماهم وتختلف حسب مستوى ثقافة الشخص
كدي تعالوا نحصي نوع هذه العبارات
نوع أنت : فاهم علي؟
وصلتك ؟
ما في شك
بالتأكيد
وكلمة ( طيب )
وأكثر عبارة ملازمة السياسيين السودانيين هي كلمة ( الحقيقة) وغالبا ينطقوها كمان ( الحغيغة)
|
Post: #15
Title: Re: اديك كلام
Author: اباذر عبد العال
Date: 03-13-2017, 11:32 AM
Parent: #14
واحدين يقولوا كدا في النقاش
خلي بالك معاي
والمسألة وما المسألة
اوكي
الان الرصه
الزيت
الزبرده
محاسن كبي نص
|
Post: #16
Title: Re: اديك كلام
Author: محمد مجيدو
Date: 03-13-2017, 12:25 PM
Parent: #1
أأباااس طشماااا ...
اديك الكلام ؟؟
انتاا زول وناااس ...
عااالم بطاالــــــــــــــــة ...
|
Post: #17
Title: Re: اديك كلام
Author: عباس الدسيس
Date: 03-13-2017, 01:01 PM
Parent: #16
Quote:
ادييييييييييك كلام يا سيد الامنتي ليك يا معلم
|
اباذر يا وجيه اخبارك
انت معلم منك نتعلم
|
Post: #18
Title: Re: اديك كلام
Author: عباس الدسيس
Date: 03-13-2017, 01:09 PM
Parent: #16
ود الناظر ادريس اخبارك يا صديق
انت زول ضكران ما زي اخونا داك
بدون اسماء وعشان البورد فيهو كبشرة.......
بحكي لي واحد من اهلكم قال جاي من كوستي علي بلدكم
اخد ليهو غشوة لي ناس الرديف الحقهم نضيف شال ليهو جركانه البتشيل جالون في عربيتو
اول دخلتو علي البلد قابلو خالو زول بتاع كباية ونص قال ليهو يا فلان ادين حق النص
قام رفعو معاهو في العربية وصلو البيت طلع الجكانه قسمها ليهو
اها زولك من الانبساطه والفرحه بالكمية المهوله فتح الباب نصو جري ونصو انكرابه
لاقتو اختو وشافت الشفقه العليهو قالت ليهو يا فلان كرعيك اطاقشن ومسرع جاي من وين وكنت مع منو
قال ليها كنت مع النبي الخضر
|
Post: #19
Title: Re: اديك كلام
Author: ادريس خليفة علم الهدي
Date: 03-13-2017, 02:19 PM
Parent: #18
يا ركس ..
واحد من الجماعة أهم حاجة عنده كباية الصباح ..جاني من الصباح قال لي عايز اطلع جنسية
اديني الفين جنيه .. قلت ليهو كيف يعني الفين جنيه دي ما بتوصلك القطينة .. صرف لي من الشوال
وقال لي يا سغيل ما تفهمها جيب حق النص ..
|
Post: #20
Title: Re: اديك كلام
Author: عباس الدسيس
Date: 03-14-2017, 02:38 PM
Parent: #19
Quote:
حجر الزاوية أو نقطة التحول أو المفارقة في حكاية الدسيس دي هي العبارة اللازمة (أديك كلام ) ههههههه في ناس كتيرين عندهم في كلامهم العادي عبارة ملازماهم وتختلف حسب مستوى ثقافة الشخص كدي تعالوا نحصي نوع هذه العبارات نوع أنت : فاهم علي؟ وصلتك ؟ ما في شك بالتأكيد وكلمة ( طيب ) وأكثر عبارة ملازمة السياسيين السودانيين هي كلمة ( الحقيقة) وغالبا ينطقوها كمان ( الحغيغة)
|
ابو الدر يا صديق اخبارك
العبارات اللازمة عندنا صديقن بشوقك للونسه
بتكلم معاك بداية الكلام اقول ليك بنهره
سامع أأأأأأ
سامع أأأأأأ
قال عندو خالتو ستونة بت احمد
اخواها واقف لمبة وراقد تحت الشجرة بالسروال والعراقي
وهي راقده تحت الحيطه تعاين ليهو ارجف كرعينو زي الترزي وإلفلف في التكه باصبعو
الطشمات طبعا انواع العرقي بمسكك في الكتف والراس
المريسه بتخليك تشغل كرعيك راجوفه ومقهي في السما وكل ما اختلف النوع اختلفت الحالات
سامع أأأأأأأ
ستونة قالت لاخوها حسي كان موتي اوصفك اقول شنو
قال ليها قولي يا حليلك العاش تك ومات تك
|
Post: #21
Title: Re: اديك كلام
Author: ادريس خليفة علم الهدي
Date: 03-14-2017, 02:49 PM
Parent: #20
يا ركس ..
اخوك بقي زي المجنون كل ما اتذكر السمبرية اضحك ..
|
Post: #22
Title: Re: اديك كلام
Author: عباس الدسيس
Date: 03-14-2017, 02:54 PM
Parent: #21
Quote:
أأباااس طشماااا ... اديك الكلام ؟؟ انتاا زول وناااس ... عااالم بطاالــــــــــــــــة ...
|
مجيدو يا حبيبنا اخبارك
انت زول لذيذ والله
شاكر ومقدر
|
Post: #23
Title: Re: اديك كلام
Author: ادريس خليفة علم الهدي
Date: 03-16-2017, 07:25 AM
Parent: #22
يا ركس ..
عندي قريبي مرتاد انادي .. اها يوم جيتوا قلت ليهوا عايز الحمار بتاعك ماشي الحلة الحدانا ..
بعد سقاية الحمار وتجهيز العلوق .. والحلف علي راتب الامام المهدي ما اضرب الحمار .ز
سرج لي الحمار واتوكلت علي بركة الله .. بعد طلعت من الحلة سرحت .. ما اشعر ليك الا
والحمار دقش ليهوا باب .. ارفع راسي علي صوت زينب .. ود الناظر جيت تعال اشرب ليك عبار ..
وكان احلي عبار شربتوا في حياتي ..
|
Post: #24
Title: Re: اديك كلام
Author: عباس الدسيس
Date: 03-16-2017, 07:54 AM
Parent: #23
من اغرب قصص النضال يا ود الناظر
وقبل ما الناس توصل الاحتجاجات للانتحار
يحيك لي زول عندو خالو زمن الاندايات
يوم جاء راكب حمارو ملان فل داخل علي الحلة واجعر بطول حسو
نزل من الحمار وطلع في سهريج الموية وقعد اجعر لمة الحلة كلها
الناس يا فلان انزل لي تحت وقل لينا مالك بتبكي
قال ليهو نزول مافي أنا عايز انتحر عبار المريسه من شلن بقي عشرة قروش
واحد من ناس الحلة قال ليهو انا بحل ليك الموضوع
طلع ليهو في السهريج فوق وقال ليهو ما الفرق الخمسه قروش كل يوم تعال شيلها مني
وانتهت مفاوضات الانتحار بسلام
المريسه قالو سكرتها عبيطه تخليك تعمل حاجات زي دي
عندنا جدنا جاي من الحواشات لقي شباب من الحلة طلعو من الانداية سكاره لط
وقعدو اعمو في الواطه متخيلنها بحر
نزل من الحمار واتفن في الواطه وقعد اقول ليهم الغريق لي قدام اختو التمساح
|
|