كشف المدير العام للهيئة السودانية للمواصفات والمقاييس د.عوض محمد أحمد سكراب معلومات لاول مرة بشان اجراءات قرار حظر الحكومة استيراد جميع الخضر والفاكهة والأسماك من مصر مؤقتا منذ سبتمبر الماضي.
و قال سكراب ان الهيئة اكملت فحص العينات وقامت بتسليم النتائج المعملية لمجلس الوزراء ووزارة التجارة وهي ملتزمة الآن بقرار منع المنتجات المصرية وأضاف سكراب في (حوار مفتوح) بقناة النيل الازرق ان الهيئة تعمل على فحص المواصفات من دولة المنشاء تفادياً لوصولها الى البلاد وهي غير مطابقة للمواصفات بما يكلف الدولة إما الابادة والإضرار بالبيئة او الارجاع وهذا مكلف جداً حسب الاتفاقيات مشيراً الى الاتفاق الذي تم مع الصين بإعتبار ان لديها سلع متدنية الجودة ان تتم المواصفة مع الصين حسب المواصفات السودانية وتقييمها عبر علماء عن مدى تأثيرها .
واكد مديرالمواصفات أن الهيئة قادرة على فرض سيطرتها ورقابتها على السلع الواردة من المواد الغذائية وعلى المواد الانشائية المنتجة محلياً ذلك من خلال إنشاء معامل ومختبرات بمواصفات فنية عالية وأنها الجهة الحكومية الوحيدة التي يعتمد على نتائجها .. وأشار سكراب أن الشائعات في وسائل التواصل الاجتماعي تلعب دوراً في التهويل والحديث عن السلع الغذائية وعدم مطابقتها للمواصفات ، مؤكداً ان كل السلع الغذائية الموجودة مطابقة للمواصفات إلا أن سوء الاستخدام وأحياناً سوء التخزين يعرضها للتلف وقال ان رقابة الاغذية والأطعمة هي مسؤولية وزارة الصحة إلا أن الهيئة تقوم دورياً بحملات على الأسواق المحلية للوقوف ميدانياً على المنتجات و حفاظاً على سلامة المواطن .. وأكد ان الهيئة تعمل وفق ثلاث قوانيين للمواصفات والمقاييس والمعادن والاحجار النفيسة والقياس والمعايرة .
= التيار =
Post: #2 Title: Re: نتائج فحص الفواكهة المصرية سلمت لمجلس الو Author: ahmedona Date: 03-11-2017, 10:55 AM Parent: #1
الخضار والفواكه المصرية ملوثة ....
ويتم ريها بواسطة مياه الصرف الصحي....
دي حقيقة ما محتاجة الى مزايدة...
Post: #3 Title: Re: نتائج فحص الفواكهة المصرية سلمت لمجلس الو Author: جمال ود القوز Date: 03-11-2017, 11:17 AM Parent: #2
أغلب الفوكه والخضروات المصرية .. يتم ريها بماء الصرف الصحي .. ولا محتاجه فحص ولا يحزنون .. كلها أمراض وبلاوي .. فليتم ايقافها بلا أي تردد .. المصيبة الشغلة دي قديمة .. هسه جماعتنا عملوا نفسهم اكتشفوا الذرة . لان المسألة أصبحت سياسية .. قاموا وقفوها .. فحكومتنا دي لا هماها صحة الشعب ولا حاجتين .. فالشغلة خسرانة معاك من الناحيتين يا غريبة .. شوف ليك كرت رابح .. دي قضية منفسة ساي ..
Post: #4 Title: Re: نتائج فحص الفواكهة المصرية سلمت لمجلس الو Author: Haytham Ghaly Date: 03-11-2017, 11:24 AM Parent: #2
صلاح غريبة اخجل شوية ياخ
معقولة تطبل للمصريين حتى على حساب صحة المواطن السوداني
والاسماك في مصر وبالادلة دا معناها (اسكراب) ومعملو الاتنين
هم الما مطابقين للمواصفات
Post: #5 Title: Re: نتائج فحص الفواكهة المصرية سلمت لمجلس الو Author: Hassan Farah Date: 03-11-2017, 12:29 PM Parent: #4
صلاح غريبة اخجل شوية ياخ معقولة تطبل للمصريين حتى على حساب صحة المواطن السوداني فيديوهات ومقالات وبرامج كتيرة اثبتت تلوث الانتاج الزراعي والاسماك في مصر وبالادلة دا معناها (اسكراب) ومعملو الاتنين هم الما مطابقين للمواصفات --------------------------------------------------------------------------------- الأخ هيثم غالى لك التحية يا اخى صلاح غريبة عميل مدفوع الأجر لا تهمه صحة انسان السودان فى اى بلد تحترم نفسها زى صلاح غريبة دا تنزع منه الجنسية ولو جاء داخل يحاكم و ويزج به فى السجن لأن ما يقوم به من ترويج لأغذية فاسدة تهدد صحة الأنسان بأمراض كألتهاب الكبد الوبائى حيث ان 25 % من المصريين مصابون بالتهاب الكبد الوبائي "C"..وتعتبر النسبة الأعلى في العالم https://www.alarabiya.net/articles/2012/01/09/187293.html اليست هذه جريمة أخطر من تجارة المخدرات مصدر الخبر قناة العربية وهى قناة موالية لمصر
Post: #6 Title: Re: نتائج فحص الفواكهة المصرية سلمت لمجلس الو Author: منتصر عبد الباسط Date: 03-11-2017, 12:42 PM Parent: #5
الحل هو في زيادة إنتاج الفواكه في السودان وتشجيع المزارعين لزيادة الرقع الزراعية التي تمارس فيها عملية البستنة وزراعة الخضر والفاكهة واستزراع الأسماك ونحو ذلك وبذلك ستفقد المنتجات المصرية البستانية القدرة على المنافسة في السوق السودانية و على قول المصريين أنفسهم يا دار ما دخلك شر وبدون الدخول في أزمات بين الشعوب والحكومات نكون حلينا الإشكال على المدي المعقول الذي لا يتجاوز أربعة سنوات
Post: #7 Title: Re: نتائج فحص الفواكهة المصرية سلمت لمجلس الو Author: ghariba Date: 03-11-2017, 03:14 PM Parent: #1
طبعا فات على الطير الفوق ديل بان الخبر منقول من سونا ثم انا وكل افراد الجالية السودانية بمصر ( كلهم من حملة الجنسية السودانية ) ناكل نفس الفواكه ونتعالج في نفس المستشفيات من سفيرنا وحتى غفيرنا ... الخ والحمد لله صحتنا تمام التمام .... الخ
Post: #8 Title: Re: نتائج فحص الفواكهة المصرية سلمت لمجلس الو Author: Frankly Date: 03-11-2017, 03:31 PM Parent: #7
يا غريبة يبدو أنك لم تقرأ الخبر الذي أتيت به فهو يؤكد اسjمرار الحظر والإلتزام به
Quote: و قال سكراب ان الهيئة اكملت فحص العينات وقامت بتسليم النتائج المعملية لمجلس الوزراء ووزارة التجارة وهي ملتزمة الآن بقرار منع المنتجات المصرية
ما يؤكد أن الفحص أثبت أنّ الفاكهة المصرية ملوثة وهذا بديهي لأنّ المصريين أنفسهم يؤكدون تلوث منتجاتهم الزراعية المروية بمياه الصرف الصحي
وهو ما ادى لتفشي مرض الكبد الوبائي في مصر
Post: #9 Title: Re: نتائج فحص الفواكهة المصرية سلمت لمجلس الو Author: Hassan Farah Date: 03-11-2017, 04:42 PM Parent: #7
طبعا فات على الطير الفوق ديل بان الخبر منقول من سونا ثم انا وكل افراد الجالية السودانية بمصر ( كلهم من حملة الجنسية السودانية ) ناكل نفس الفواكه ونتعالج في نفس المستشفيات من سفيرنا وحتى غفيرنا ... الخ والحمد لله صحتنا تمام التمام .... الخ ---------------------------------------------------------------------- طير يا عميل يا رخيص....اصبر... ليك يوم يا منافق....
Post: #10 Title: Re: نتائج فحص الفواكهة المصرية سلمت لمجلس الو Author: Hassan Farah Date: 03-11-2017, 04:46 PM Parent: #1
Post: #11 Title: Re: نتائج فحص الفواكهة المصرية سلمت لمجلس الو Author: Haytham Ghaly Date: 03-11-2017, 05:07 PM Parent: #10
والله مافي طيرة الا انت والشبهك
بعدين وينا صحتك الفل الفل دي
انت ما شايف صورة بروفايلك دا وللا شنو
انت قايل الصحة كبر جضوم وكروش ودلاديل وللا شنو
قال صحتنا قال
Post: #12 Title: Re: نتائج فحص الفواكهة المصرية سلمت لمجلس الو Author: Frankly Date: 03-11-2017, 07:22 PM Parent: #1
يا غريبة منظرك بايخ جداً وانت بتنفي شيء عن مصر بينما كل مصري يقر به
بتستفيد شنو بنشر الكذب؟
Post: #13 Title: Re: نتائج فحص الفواكهة المصرية سلمت لمجلس الو Author: Mirghani Taitawi Date: 03-11-2017, 07:45 PM Parent: #12
طبعا فات على الطير الفوق ديل بان الخبر منقول من سونا ثم انا وكل افراد الجالية السودانية بمصر ( كلهم من حملة الجنسية السودانية ) ناكل نفس الفواكه ونتعالج في نفس المستشفيات من سفيرنا وحتى غفيرنا ... الخ والحمد لله صحتنا تمام التمام .... الخ
ـــــــــــــــــــــــــــــــــــــــــــــ يا كشوش .. ما طير الا كاتب الكلام الفوق دا.
Post: #15 Title: Re: نتائج فحص الفواكهة المصرية سلمت لمجلس الو Author: جمال ود القوز Date: 03-11-2017, 08:40 PM Parent: #13
Quote: طبعا فات على الطير الفوق ديل
ما عصرت علينا عليك الله يا سيد غريبة بي حكمكـ (الغريب) زيكـ ده .. كدي خليك من خبرك بتاع سونا ده .. إذا كان الفلاحين المصريين البيزرعوا الفواكة والخضروات دي .. معترفين أنهم بيسقوها من مياه الصرف الصحي الملوثة .. والمليئة بالحيوانات النافقة واللي بتم صرف مياه المصانع وكل مراحيض البلد فيها .. وليتها كانت مياه مُعالجة دي مياه صرف صحي خام راساً من المراحيض .. تجي سعادتك تقول انت بتاكل من المنتجات الملوثة دي .. ومعاك ناس الجالية السودانية وصحتكم تمام تمام .. ده اسمه كلام ده يا غريبة !!! .. هل انت شايف إنه السودانيين مجبرين ياكلوا من الفواكه والخضروات الملوثة دي .. ليه يعني .. وعشان شنو ؟ .. ثم هل عشان انتوا كجالية ارتضيتو تشاركوا المصريين وتاكلوا منها ! .. نحن كمان لازم ناكلها .. ده منطق شنو ده .. ؟!! .. قليلاً من العقل لا يضير يأخ .. بعدين حتى لو كانت لك اجندة سياسية بتخليك تؤيد كلام فاضي زي ده .. فكّر شوية في الزول البيقرا كلامكـ الفارغ ده .. حيكون حكمه عليك شنو .. طبعاً أنا عارف جلدك جلد تمساح ولا بيحوّق فيكـ .. لكن كمان ما للدرجة دي يأخ .. خلي الشغلة مبلوغة شوية .. وحسّ شوية ..
في ذمتك الطيره منو .. ههههه ..
Post: #14 Title: Re: نتائج فحص الفواكهة المصرية سلمت لمجلس الو Author: Nasr Date: 03-11-2017, 08:15 PM Parent: #12
أقترح أيقاف أستيراد الفواكة نهائيا ومن أي بلد في العالم وذلك للأسباب التالية :
السودان بلد ما لاقي عملة صعبة لإستيراد المهم والضروري من الأدوية من وين بجيب عملة صعبة لإستيراد الفواكه؟؟؟
في السودان ما يكفي من الفواكه من برتقال ومنقة وموز وجوافه وبطيخ وشمام وتمور عييك ما تعدش بيكمل الوجبة الغذائية ويزيد
بدلا من دعم المزارع السوداني وحمايته (كما تفعل كل دول العالم شرقا وغربا شمالا وجنوبا) نقوم نعرضه لكل هذه المافسة غير الشريفة ؟؟؟ ولمصلحة منو؟ شوية تجار وشوية مترفين ؟؟؟؟
ثم أن بلدا غالب شعبها عندو سؤ تغذية لا يتحصل علي الأساسي من الطعام (حتي صارت موية الفول هي وجبة أساسية كانو في الستينات والسبعينات بيدفقوها مع موية الجبنة) بلد زي دي تقوم تستورد فواكه من مصر ولبنان وفرنسا ؟؟؟ معقولة بس مترفين السودان ما عندهم إحساس لدرجة إستيراد تفاح من فرنسا ؟؟؟؟؟
السودانيين عموما ما ناس فواكه التفاح في بلدنا دي رخيص (أرخص من العنكوليب في سنار) ومع ذلك تشتري 4 تفاحات يقعدن لامن يعفنن ما في زول بيقربهن الفلهمة شنو في إستيراد التفاح ؟؟؟؟؟
ما عندنا في السودان أجهزة فحص ولا فنيين كفاية لفحص كل هذا المستورد من فواكه ففي داعي مواردنا المتواضعة دي من معامل وفنيين نضيعها لمصلحة شوية مترفين مصرين ياكلوا فواكه ولو من مصر.....؟؟؟؟
مية المجاري وما تسببه من إنتقال إلتهاب الكبد الفيروسي حاجة خطرة شديد ومكافحتها والعلاج منها بتكلف كثير في بلد فقير زي السودان دي براها مفروض تكون سبب كاف لمنع إستيراد الفوكه المصرية
معقولة بس !!!! بلد شبابها بيموتوا بالعشرات غرقا في البحر الأبيض المتوسط هربا منها وهجرة لاوربا تستورد فوكه من مصر ولبنان وأوربا ؟؟؟؟
يعني لو ناس اليونيسيف دايرين يجمعوا تبرعات من الأوربين لمصلحة أطفال السودان المصابيين بسؤ التغذية مش ممكن الأوربين يقولوا ليهم ناس السودان بيستوردوا فواكه من عندينا سؤ التغذية جاهم من وين ؟؟؟؟؟؟
Post: #16 Title: Re: نتائج فحص الفواكهة المصرية سلمت لمجلس الو Author: جمال ود القوز Date: 03-11-2017, 08:57 PM Parent: #14
Post: #17 Title: Re: نتائج فحص الفواكهة المصرية سلمت لمجلس الو Author: مصطفى الجيلي Date: 03-11-2017, 10:28 PM Parent: #16
أنا أتساءل: هل الاستخفاف بالعقول يبلغ هذه الدرجة؟؟ دا ذات نفسه، إهانة عجيبة!! ولكن، هي نمطية المصريين..
Post: #18 Title: Re: نتائج فحص الفواكهة المصرية سلمت لمجلس الو Author: مصطفى الجيلي Date: 03-11-2017, 10:30 PM Parent: #17
Post: #19 Title: Re: نتائج فحص الفواكهة المصرية سلمت لمجلس الو Author: مصطفى الجيلي Date: 03-11-2017, 10:35 PM Parent: #18
Post: #20 Title: Re: نتائج فحص الفواكهة المصرية سلمت لمجلس الو Author: مصطفى الجيلي Date: 03-11-2017, 10:46 PM Parent: #19
Post: #21 Title: Re: نتائج فحص الفواكهة المصرية سلمت لمجلس الو Author: مصطفى الجيلي Date: 03-11-2017, 10:51 PM Parent: #20
أرجو ألا تستخف بعقول القراء!!
Post: #22 Title: Re: نتائج فحص الفواكهة المصرية سلمت لمجلس الو Author: Frankly Date: 03-12-2017, 12:53 PM
الخطر كل الخطر هو في استيراد الماد الخام المصرية للصناعات الغذائية في السودان
مثل:
معجون الطماطم
مركزات العصائر
يجب مققاطعة أي مصنع سوداني يستورد مواد خام من مصر في المجال الغذائي والدوائي
لا مجاملة على صحة إنسان السودان ولا دفن للرؤوس في الرمال
والسودان أولاً أحبك يا سودان
هذه هي المواد الخام لصناعة الصلصة والكاتشيب
وهذه هي مواد خام مركزات العصائر المصرية
Post: #23 Title: Re: نتائج فحص الفواكهة المصرية سلمت لمجلس الو Author: ghariba Date: 03-12-2017, 11:22 PM Parent: #1
فرانكلى شايفك تقود حملة منظمة ضد مصر
تاكد بان هذذه الحملة ستضر الجالية بمصر
لا تقول لي منتجات مصرية وكلام فارغ
فنحن هنا ناكل الفواكه المصرية والصلصة وغيره
العملية كلها انها حملة منظمة ونحن الاعلاميين بمصر ضد هذه الحملة
وانت رغم البوستات الكثيرة التي فتحتها للمقاطعة
تنشر لنا مقاطع فيديو لحالات معينة ومحددة ومعروفة لدنا وتتم معالجتها في وقتها
Post: #24 Title: Re: نتائج فحص الفواكهة المصرية سلمت لمجلس الو Author: Arif Nashed Date: 03-12-2017, 11:49 PM Parent: #23
Quote: فرانكلى شايفك تقود حملة منظمة ضد مصر تاكد بان هذذه الحملة ستضر الجالية بمصر لا تقول لي منتجات مصرية وكلام فارغ فنحن هنا ناكل الفواكه المصرية والصلصة وغيره العملية كلها انها حملة منظمة ونحن الاعلاميين بمصر ضد هذه الحملة وانت رغم البوستات الكثيرة التي فتحتها للمقاطعة تنشر لنا مقاطع فيديو لحالات معينة ومحددة ومعروفة لدنا وتتم معالجتها في وقتها
عايزنا نكذب مشاهد الفيديو التي توثق الحالة صوت وصورة ونصدق شخص ارزقي مثلك .. ليس كل الناس رمم مثلك ان ترمرم مثل هذه الفاكهة الملوثة بمياه المجاري .. ما يقوم به فرانكلي مجهود توعوي يحمد له ..
