نمتنع عن نشر الصور المنتشرة على كافة وسائل التواصل الاجتماعي
Post: #2 Title: Re: سودانيات في احضان شعب الشام وشكراً عمر حس� Author: عبدالله ود البوش Date: 03-11-2017, 10:13 AM Parent: #1
ظاهرة لا يردعها الا سوط عنج وعكاز وسكين ويزيدها انتشارا التهاون والتساهل وحلاوة ثقافة وكلمني منطق . . تحياتي ابو الروض دا من نظرتي الاجتماعية وعالجوها انتم سياسيا كان تقدروا يا ناس السياسة
Post: #3 Title: Re: سودانيات في احضان شعب الشام وشكراً عمر حس� Author: فرح الطاهر ابو روضة Date: 03-11-2017, 10:13 AM Parent: #1
شكراً على هذه الجموع الوافدة من قبائل الشام واحفاد الخليفة العثماني شكراً على هذه التجربة التي لا نقول بانها خرقا بوصفها فاقت حد الخراقة شكراً لان هذه التجربة وغيرها في كل يوم تكشف لنا باننا شعب مازوم من قاعدته الي قواعد
Post: #4 Title: Re: سودانيات في احضان شعب الشام وشكراً عمر حس� Author: فرح الطاهر ابو روضة Date: 03-11-2017, 10:21 AM Parent: #3
يا ود البوش تحياتي يا زول يا جميل
انا والله ما عندي ليها اي معالجة غير انه السلطة دي هي اساس هذا البلاء وهي الشر الاول والاخير قبل احضان النساء سؤال من هم الوافدين فللسوادن من بلاد الشام ؟؟ وكيف منحوا حق الدخول الي ارض السودان والاقامة وسط المجتمع السوداني ؟؟ هل هناك واحد يحمل بطاقة لاجي ؟؟؟؟؟؟؟؟؟؟؟؟؟؟ هذه السلطة مسؤلة عن ما يحدث من كل ممارسات سالبة وليس السوريين او الاتراك
Post: #5 Title: Re: سودانيات في احضان شعب الشام وشكراً عمر حس� Author: Arif Nashed Date: 03-11-2017, 10:45 AM Parent: #4
ابو روضة ... تحياتي السودان بلد اسلاموديمقراطي حر وما يحدث يعتبر ضمن الحريات الشخصية .. السودان حدوده مفتوحة وكل اجناس البشر تدخله بدون حسيب او رقيب .. السوريين يعكسوا تمازج الثقافات بين الشعوب العربية والاسلامية .. كما ان قائدنا الهمام عمر البشير حفظه الله حاكم السودان يهب الباسبورت السوداني لمن يدفع وهذا يعتبر تجسيدا للتضامن والتكامل العربي .. يا ظلاميين السوريين الان يحملون الجنسية السودانية ويعتبروا سودانيين بحكم القانون ..
امسكوا ........... الخشب
Post: #6 Title: Re: سودانيات في احضان شعب الشام وشكراً عمر حس� Author: فرح الطاهر ابو روضة Date: 03-11-2017, 12:58 PM Parent: #5
إذن مرحبا بالإنفتاح والفتح السوري التركي العظيم ومرحب بالحريات الشخصية للشوام والاتراك مرحبا بهم بمخدراتهم وإرهابهم بكل عاهاتهم وأمراضهم المزمنة مرحبا بهم في بالوعة الانيهار والتفسق والعهر المتستر بشعارات الزيف والخديعة والي ان يفيق هذا الوطن من كبوته فلتمرح على مسرحه كل تداعيات القرارات الكسيحة البلهاء
Post: #7 Title: Re: سودانيات في احضان شعب الشام وشكراً عمر حس� Author: سيف النصر محي الدين Date: 03-11-2017, 10:49 PM Parent: #6
فرح اسمح لي اختلف معاك اولا ما مفروض البوست ده يجي من زول زيك بحسب مواقفك المعلنة والتي يمكن أن يستشف منها المرء التزامك جانب حريات الناس الفردية و حقهم في الاختيار لانفسهم دينهم و رؤواهم السياسية و تصوراتهم الفكريو و في احضان من ..الخ. ثانيا: السوريين ديل كانوا جيجونا سواء كان على سدة السلطة الانقاذ و البشير او غيرهم فهم لم يغادروا بلادهم باختيارهم على الأقل في اغلب الحالات بل هربوا منها اضطرارا الى كل انحاء العالم. ثالثا: السودانيون عندما كانوا يسافرون الى دمشق مستشفيين و سائحين و متاجرين كانوا يجدون من ترتمي في احضانهم من بنات سوريا بمقابل احيانا و بدون مقابل سوى الحب و كما تعلم فلله في خلقه شئون. رابعا و هو الاهم هناك حملة منظمة تستهدف السوريين اللاجئين ليس في السودان و حسب بل في اوروبا و غيرها و قد استمعت لصحفية في البي بي سي تقول انهم توصلوا لوجود شبكات تبث اخبارا كاذبة في الانترنت عن اعتداء سوريين على فتاة المانية و اغتصابهم لبريطانية و قتلهم لسويدية الخ من الاخبار الكاذبة و الدعايات المضللة و قالت ان هذه الشبكات تبدو و كأنها تعمل لمصلحة جهة ما تدفع تكاليف الحملة و تقرر سياستها و توجهاتها.
Post: #8 Title: Re: سودانيات في احضان شعب الشام وشكراً عمر حس� Author: muntasir Date: 03-12-2017, 02:06 AM Parent: #7
سلام فرح ما رأيك لمعالجة مثل هذا الموضوع في تطبيق قوانين الشريعة والعمل بمادة الشروع في الزنا أي سودانية يلقوها مع سوري أو تركي تُجلد على أن يتم إستثناء السوداني الذي يتم ضبطه مع سورية أو تركيه ( بالمناسبة العثمانيون الجدد ديل بجو بي نسوانهم ولا عزابة )
Post: #9 Title: Re: سودانيات في احضان شعب الشام وشكراً عمر حس� Author: أبوبكر عباس Date: 03-12-2017, 03:36 AM Parent: #8
الحل يا منتصر، في تفعيل وتنشيط قوانين النظام العام كما لمح لذلك ابو روضة، وزيادة سيطان عنج أفراد شرطة النظام العام كما أقترح ود البوش.
Post: #10 Title: Re: سودانيات في احضان شعب الشام وشكراً عمر حس� Author: هاشم عبدالله بشير Date: 03-12-2017, 04:04 AM Parent: #9
ملعون ابوك يا سياسة الحاشرناها فى كل شي
Post: #11 Title: Re: سودانيات في احضان شعب الشام وشكراً عمر حس� Author: عادل الباهي عبدالرازق Date: 03-12-2017, 05:14 AM Parent: #10
اين ذهب الاخ ابوروضة
Post: #12 Title: Re: سودانيات في احضان شعب الشام وشكراً عمر حس� Author: محمد البشرى الخضر Date: 03-12-2017, 05:22 AM Parent: #10
أوصي يا ابو روضة بتجاهل منتصر و المستنير فهم ما أتوا لحوار لكن شوف طريقة اتصّرف مع مداخلة دكتور سيف, أنا غلبني القى ليك مخرج والله :)
Post: #13 Title: Re: سودانيات في احضان شعب الشام وشكراً عمر حس� Author: أيمن الطيب Date: 03-12-2017, 05:38 AM Parent: #12
بكرى ابوبكر مفروض يشوف ليهو طريقة يربط المنبر بالواتساب أو أضعف الإيمان بجريدة الدار,,
عشان الغرافة يشوفو ليهم شغلة.
Post: #14 Title: Re: سودانيات في احضان شعب الشام وشكراً عمر حس� Author: عادل الباهي عبدالرازق Date: 03-12-2017, 05:39 AM Parent: #12
هل نري إعتذار علي روؤس الاشهاد من ابوروضة للسودانيات بعد ما نشرت البنت قسيمة زواجها من طليقها اللبناني ام حيجي يورجغ ويورجغ ويدخل الناس بحمد ويركبهم رقشات حي خوجلي
قلنا ليكم الف مرة الناس البتعتل من الواتساب وبقية الوسائط لن يجنو سوي الانزلاق الغضروفي ما سمعتو كلامنا أها دي آخرتا ود حلال ينزل لينا اغنية أنتو كان رقتو براي بعرد
Post: #15 Title: Re: سودانيات في احضان شعب الشام وشكراً عمر حس� Author: أحمد محمد عمر Date: 03-12-2017, 06:05 AM Parent: #14
وقوووول مافي قسيمة ذاتو واحدة اختارت تركن في حضن سوري نلومها هي ولا نلوم البشير الجاب السوري ؟ غايتو حارقكم اللون الأبيض والشعر المسدل ساي
الغريبة من صحينا لقينا سوريا فاتحة للسودانيين بدون تأشيرة هسة لما بقت علينا قمنا على الفسالة*
_______ الفسالة المذكورة هنا لا علاقة لها بأبكر النيجيري .. دي من قصيدة عصماء كنا نرددها في الابتدائي يقول مطلعها : أهلي خطبوكي ليا وأهلك قالوا لا لا الفسالة ياها الفسالة .. تاني ما تجي تشيلي نار من بيتنا
Post: #17 Title: Re: سودانيات في احضان شعب الشام وشكراً عمر حس� Author: فرح الطاهر ابو روضة Date: 03-12-2017, 06:51 AM Parent: #15
والله ما شاء الله البوست ملان مشاركات وعلى العموم مرحبا بكم جميعا من غرد خارج السرب ومن أراد للبوست أن يتجه لمسارات بعينها ونبدأ
كدي الناس البكتبوا عن نظام عام وغيروا من القوانين أو قصة حجب حريات نقول ليهم ونجيب ليهم
زي الممارسات دي تمت ويتم بشكل يومي وكبير وفي دولة يتطبق النظام العام وغيره من إجراءات القمع ومصادرة الحريات من سبعة وعشرين عام فالدواء لن يكون كأس معتق من نفس الداء
ثانيا انا لم اتكلم عن حريات شخصية وان كنت لا أفهم هل الحريات الشخصية تعني نفسق وانهيار القيم الفاضلة وإدخال الوفود الناشرة السفاهة في يقيني حتى الحريات الشخصية التي نتحدث عنها ونحشرها لهذا البوست حشر ونطالب بالالتزام بها في بلد يفتقد لأبسط قيمة من قيم الحريات العامة فهي ترتقي بالفرد والمجتمع ولا تكون خصما عليه ثالثا انا سألت أسئلة محددة عن نوعية السوريين الذين استضافهم نظام الخرطوم ولماذا كثرت جرائمهم مخدرات دعارة مصانع لتصنيع الأسلحة وبسببهم تم حجب تأشيرة الدخول من قبل الإدارة الأمريكية لماذا يتحمل الشعب السوداني مصايبه ومصايب غيره هل هناك دولة غير السودان فتحت أراضيها للسارح والمارح بلا إجراءات تخول له الإقامة وفق شروط اللاجي المتعارف عليها ولماذا لا يحصر هؤلاء داخل معسكرات خاصة إذا كانوا فعلا متضررين حرب مثلما فعلت السلطة مع أهالي دار فور وجنوب السودان ما سر المسارعة والعجلة في اتخاذ مثل هذه القرارات دخول السودان ومنح الرقم الوطني ومن بعده الجواز السوداني دون الدول الأخرى هل صحيح بأن الإنقاذ تسعى لرفع الظلم والضيق عن الشعب السوري وفي يقيني فاقد الشي لا يعطيه ومن يوزع الذل لشعبه مستحيل أن يهبه للآخرين ملاحظة سبق وأن أعلنت الإنقاذ ترحيبها وتوطين الفلسطينين المقيمين بالعراق بعد ازاحة صدام حسين وبنفس الطريقة المنهافتة ولكن الفلسطينين رفضوا العرض جملة وتفصيلا السؤال هل للنظام غايات أخرى بخلاف تلك التي يعتقدها البعض في حسن نية النظام بكرمه الفياض تجاه الشعوب
شي مهم جدا انا لا افترض هؤلاء الوافدين بأنهم لاجيين سوريين بل جماعات إرهاب وتطرف وسببا في عذاب الشعب السوري بفعل شيطنة الثورة السورية وتحويلها من ثورة سلمية الي موت ودمار فمن يدافعون عن سوريا والسوريين لازالوا يواجهون النظام ولم يهرلوا للدول الأخرى للبحث عن الاستثمار والتزوير وإنشاء مصانع الأسلحة هذا السلوك لا يشبه سوى قبيلة التنظيم الإخواني ومن حولوا ليبيا والعراق الي جحيم لا يطاق
من أراد أن يناقش البوست في هذا الإطار مرحبا به ومن لديه رؤية في النظام العام بأنه سيقوم سلوك المجتمع السوداني له أن يفتح بوست لدعوة السلطة لمزيد من البطش والقمع ومصادرة الحريات
Post: #18 Title: Re: سودانيات في احضان شعب الشام وشكراً عمر حس� Author: فرح الطاهر ابو روضة Date: 03-12-2017, 07:02 AM Parent: #14
يا عادل الباهي شفت كلامي القلته ليك بهناك بس ياهو بي ضبانتو وياهو الحاصل عليك بعدين شنو حكاية الواتساب دي ياخ الواتساب وأدوات التواصل الآن بتساهم في الحملات الانتخابية للدول وأخباره بتنقل على أرقى الفضائيات والانقاذ عملت من الواتساب وفود وشخصيات قومية وانت ذاتك حاتل فيه صباح ومساء فخلينا من الحكايات الفارغة دي وخلينا نتاقش هجمة فرسان الشام على السودان المازوم اصلا لماذا تهافتت الإنقاذ وقبلت دخول السوريين للسودان بما يجافي الإجراءات المتعارف عليها ومنحتهم الرقم الوطني والجوازا السوداني هل بأن الإنقاذ راعية فضيلة ودولة مدافعة عن حقوق الآخرين ومهتمة بالإنسان والإنسانية السوال موجه ليك
Post: #20 Title: Re: سودانيات في احضان شعب الشام وشكراً عمر حس� Author: فرح الطاهر ابو روضة Date: 03-12-2017, 07:12 AM Parent: #12
يا ود البشرى بدون وصية انا والله بكور ولا منو ما عارف ده لو جلب للبوست دا ظق ما بزحوا وحاة الله صحي تقد تقول علي الشين عجبو قاسي وهو عارف كده كويس وللعلم انا الكتير من مشاركاته ما قاعد احذفه احترام لمشاركات أخرى 1 ولكن أن اتواصل معه بطريقة أخذ ورد ده أمر محسوم من فترة ولا رجعة فيه في رأيي هو ما مفيد بالنسبة لي وأنا بنفس القدر لا امتلك إنارة يستفاد منها
Post: #19 Title: Re: سودانيات في احضان شعب الشام وشكراً عمر حس� Author: عبدالله ود البوش Date: 03-12-2017, 07:08 AM Parent: #9
وزيادة سيطان عنج أفراد شرطة النظام العام كما أقترح ود البوش --------------------------------------------------------------------- يا زول هوي ما تقولني كلام انا ما قلتو انا لم اذكر شرطة النظام العام وكلامي واضح اي زول ممكن يفهمو في سياقو المعروف لو اي مواطن بشوف إمراة مع رجل في منظر ما راكب عدلو وخاصة لو مع اجنبي يركبم الاتنين سوط عنج جبطك جبطك علي الايمان الشارع دا ينعدل بالقوة ولو كانت الاستنارة انك تشوف بت بلدك مع اجنبي في وضع مخل وتقول حرية شخصية وسجم رماد الرمادة دي في خشمك وخشم الراجيك واتا ذاتك تاخد نصيبك وتنعدل . . ابو روضة زول قلبو حار بعرفو انا جيدا ما برضى الحقارة والرزالة وقلة الحياة
Post: #22 Title: Re: سودانيات في احضان شعب الشام وشكراً عمر حس� Author: عبدالله ود البوش Date: 03-12-2017, 07:16 AM Parent: #19
وقلة الحياة ------------------- الحياء بالهمزة على السطر يا ود البشرى عشان ما تجي تجنني
Post: #23 Title: Re: سودانيات في احضان شعب الشام وشكراً عمر حس� Author: فرح الطاهر ابو روضة Date: 03-12-2017, 07:23 AM Parent: #22
يا ود البوش ليك تحية ياخ ويا زول ما تقوم نفسك ساكت لما سوط العنج دور على ضهور نساء الشعب السوداني كنا ضمن الحملة التي قادت فضح ممارسات الإنقاذ وكل القوانين الجائرة في حين كان الكثيرين هنا يا صامتين أو متواجدين ببوستات ملاطفة قبيلة بني كوز يعني لا أحد يستطيع المزايدة علينا فيما يخص قضايا الحريات دم بالف خير يا صديقي
Post: #16 Title: Re: سودانيات في احضان شعب الشام وشكراً عمر حس� Author: عمر ابراهيم الخضر Date: 03-12-2017, 06:45 AM Parent: #1
لا حول ولا قوة الا بالله الخبر واضح جدا بأنه مفبرك ومافي واحدة بنت ناس ومن أسرة ممكن ان تتصرف بهذه الصورة لو لم يكن هنالك رابط بينها وبين هذا الشخص لان الصورة واضحة انها في مكان عام ومستحيل واحدة حتى لو كانت غير محترمة ان تتصرف بهذه الطريقة واتمنى ان نتحرى فيما نكتب لان مثل هذه الاشياء تسئ لنا كسودانيين نفتخر دوما باخلاقنا ... نسال الله ان يهدي الجميع ..
Post: #21 Title: Re: سودانيات في احضان شعب الشام وشكراً عمر حس� Author: Yousuf Taha Date: 03-12-2017, 07:15 AM Parent: #16
ابو روضة
انصحك ما تباري الدار لانو ح توديك التوج.
غالبا مدير الصالة دا ح يكون اتلعب يامعلم والعلم عند الله
Post: #25 Title: Re: سودانيات في احضان شعب الشام وشكراً عمر حس� Author: فرح الطاهر ابو روضة Date: 03-12-2017, 07:33 AM Parent: #21
كدي يا صديق خليها الدار وان كانت من الصحف التي تجد مكانة لدى النظام لأن أخبارها تكتب من داخل المباحث والأجهزة الأمنية تابع قنواتهم الفضائية وصحفهم هم نفسهم وشوف حجم الانتهاكات البتسبب فيها هؤلاء القادمين من معسكرات الحروب وتم دمجهم بالمجتمع السوداني وما جلبوه معهم تعلم وين المشكلة الأساسية انحنا بنفك عصب الفكرة وبنلاحق السفاسف
Post: #26 Title: Re: سودانيات في احضان شعب الشام وشكراً عمر حس� Author: عادل الباهي عبدالرازق Date: 03-12-2017, 07:33 AM Parent: #16
نمتنع عن نشر الصور المنتشرة على كافة وسائل التواصل الاجتماعي
يا ابوروضة عارفك حتجي تورجغ ودي عادتك ما جديدة عليك أنت فتحت البوست بناءا علي الصور المتداولة في الواتساب والوسائط والاقتباس الفوق دا بيأكد كلامي وجيت جاري فتحت البوست دا واخذتا ليك نقزة نقزتين ولمن البت نشرت قسيمة زواجها وبتدعو علي الناس الذين تناولو سيرتها أعترفت براك بأنك مسكت ضنب الككو فااااشنو ما تجيني بي مراقة قصاصة صحيفة الدار دي . تالله صحيفة الدار دي عمري ما دفعت فيها مليم واحد عشان أشتريها لانها صحيفة غير امينة واصحابها عايشين علي الفبركات والفرقعات والشمارات . كنت عاوزك تكون فارس يا ابوروضة وتعترف بأنك تسرعت وتعتذر ودا ماعيب لكن العيب اللولوه البتعمل فيها دي . ممكن تدخل الناس بحمد وتطلعهم بخوجلي الا أنا يا ابوروضة فما تخرب الموت بالرفسي البتسوي فيهو دا
Post: #28 Title: Re: سودانيات في احضان شعب الشام وشكراً عمر حس� Author: فرح الطاهر ابو روضة Date: 03-12-2017, 07:55 AM Parent: #26
يا عادل الباهي لو البوست اتسع من مواعينك ياخ فوتو بدون لخبطة كيمان انت بتحاول تطرح فكرة أبو روضة شاف صور من الواتساب وانت تعلم بأن البوست ده يختلف حتى في طريقة طرحه من ما هو طرح بهناك فياخ فرق بين انك تطرح موضوع بشكل فيه شي من عدم الجدية وبين التقاط فكرة ومطابقتها بجموعة أحداث على أرض الواقع ثانيا انت بنفسك قلت بأن أبو روضة جاء قال ليكم الصور المطروحة دي ما حقيقية يعني يا عادل الباهي الصور النزلتوها أبو روضة الجا قال ليك الصور دي ضنب ككو صاح ولا انا غلطان ولسه في ناس بتصر أنها صور حقيقية وجابت الأسماء كمان صاح ولا انا غلطان إذن الموضوع والصور الفي القروب وفي قروبات أخرى البهناك يا عادل جزئية من مجمل قضايا شايكة جلبتها وافدين الشام وانا أتطرق اليها هنا فيا جاوب على الأسئلة المطروحة في البوست بدون اختزال أو حاخلبك تهرد وانا ماحاشتغل بيك نترك الأمر للأعضاء
Post: #24 Title: Re: سودانيات في احضان شعب الشام وشكراً عمر حس� Author: Hassan Farah Date: 03-12-2017, 07:24 AM Parent: #1
والله يا فرح الطاهر حيرتنا ....قسما دى ما المحرية فيك كرجل تقدمى.... مرة جندت نفسك كشرطى فى النظام العام ورحت تترصد السوريين مع ان الدعارة منتشرة فى كل العالم ويمارسها الجميع ولا أستثنى ناسنا فى داخل السودان او خارجه او حتى فى سوريا...... ومرة أخرى القاك واقف مع صلاح غريبة تدافع عن السيسى وتنكر ان الاغذية المصرية فاسدة http://sudaneseonline.com/msg/board/490/msg/1489263398/rn/2.html الاخوان نظامهم شمولى رجعى والسيسى دكتاتور غبى ومتسلط لا ادرى كيف رجحت لديك كفة السيسى
Post: #27 Title: Re: سودانيات في احضان شعب الشام وشكراً عمر حس� Author: عبدالحفيظ ابوسن Date: 03-12-2017, 07:52 AM Parent: #24
سنة كم وتمانين جات الجبهة الديمقراطية الاريترية كوستي . وعملوا معرض عن اريتريا تراثها وثقافتها وفنها . في كوستي مدرسة القديمة بنات .. ومعرض كتب كنت من المداومين علي الحضور مغرب كل يوم . نشأت صداقة بيني وبينهم . وونسة وتطرقنا لقضايا مختلفة . وكنت شابا يافعا نزقا . قلت لهم بكل صفاقة وجلافة تشفع لي محبتهم لي ليه الاريتريات عاهرات هكذا وكان موضوعا طويلا لازلت اذكر كلمات واحدا فيهم اريتريا ما بلد دعارة .. وبناتنا صغيرات هربن من جحيم الحرب لدولة صديقة من اجل الحماية . وانتم حولتم بناتنا لعاهرات ولن ينس لكم الشعب الاريتري ذلك ولن لن ينس التاريخ وستحاسبون بشكل ما
Post: #29 Title: Re: سودانيات في احضان شعب الشام وشكراً عمر حس� Author: ابراهيم عبد الوهاب Date: 03-12-2017, 08:01 AM Parent: #27
ولن ينس لكم الشعب الاريتري ذلك ولن لن ينس التاريخ وستحاسبون بشكل ما
يعني هسه السوريين (بتسدوا) في حق الاريتريين
ذكرتني لمن ولد يكون بتاع بنات فيقوم يقولوا ليك حيحصل في بيتو نفس العملوا في بنات الناس لا اعتقد ان الله خلق البنات كي يقوموا بتسديد اخطاء الرجال كل انسان يحساب حسب اعماله
Post: #30 Title: Re: سودانيات في احضان شعب الشام وشكراً عمر حس� Author: فرح الطاهر ابو روضة Date: 03-12-2017, 08:03 AM Parent: #24
كدي يا حسن فرح هو انحنا ناقصين دعارة وافدة كدي اول شي قننوا حقتنا المجوبكة دي بعد داك اليجيبو ليها دعارة الشعوب ده لو انا فهمت مشاركتك
Post: #31 Title: Re: سودانيات في احضان شعب الشام وشكراً عمر حس� Author: عبدالحفيظ ابوسن Date: 03-12-2017, 08:08 AM Parent: #30
مرحبا ابراهيم وحبابك لا والله لا اقصد ذلك ابدا ولن اقع في فخ هذا التبسيط والكسل الذهني لا اقصد انه عقاب ابدا باصقا علي مواقفي
Post: #32 Title: Re: سودانيات في احضان شعب الشام وشكراً عمر حس� Author: درديري كباشي Date: 03-12-2017, 08:15 AM Parent: #31
والله الشين شين أبو روضة معاه حق وود البوش حلاها بطريقتنا الشعبية طالما ما الدولة ما قادرة تضبط الشارع رغم قواتها وقوانينها . والذين حاولوا يبرروا المناظر بأنهم زوجين .. من متين عندنا الرجل يقبل زوجته أو يحضنها في مكان عام أو امام الناس.. قبل فترة قامت حملة شعواء وشتائم بالكوم على فيديو عريس قبل زوجته في حفلة الزفاف .. وكذلك انتشرت قصة أهل العروس الذين جلدوا نسيبهم بعد أن رقص اسلولي مع بنتهم في الحفل .. ومن ثم هل لو صور أحدهم ليلة دخلته بالفيديو ونشرها ستبرر قسيمة الزواج هذا الفعل ؟ وتعفيه من العقوبة . كيف سيعيد المجتمع عافيته وعفته إذا لم نستنكر هذه الأفعال والمناظر؟؟؟
Post: #34 Title: Re: سودانيات في احضان شعب الشام وشكراً عمر حس� Author: ابراهيم عبد الوهاب Date: 03-12-2017, 08:27 AM Parent: #31
مرحب بيك يا اخونا ابوسن يا مهذب انا اسف والله لسؤ الظن اولعدم فهمي ما ترمي اليه
وشكرا
Post: #33 Title: Re: سودانيات في احضان شعب الشام وشكراً عمر حس� Author: عادل الباهي عبدالرازق Date: 03-12-2017, 08:16 AM Parent: #30
يعني يا عادل الباهي الصور النزلتوها أبو روضة الجا قال ليك الصور دي ضنب ككو صاح ولا انا غلطان
لالا غلطان يا ابوروضة اول شيء انا ما جبت صورة نزلتها لا هنا ولا هناك وما بحمل ليك وزر زول نزل حاجة انا ما عندي دخل فيها وما تخاطبني بصيغة الجمع انا بتكلم معاك كفرد دي من ناحية ومن ناحية تانية انت فتحت البوست دا علي ضوء صور البت الكانت منتشرة واول سطر في هذا البوست بيؤكد كلامي ولمن البت نزلت قسيمة زواجها حتي اعترفت بأنك مسكت ضنب الككو . كونك تجيء تقول انا قلت ليكم الصور دي ضنب ككو من البداية عدم امانة منك . وكونك تلاقي ليك قصاصة صحيفة مراقا من الورطة التي دخلت نفسك فيها برضو عدم مهنية منك .
Post: #35 Title: Re: سودانيات في احضان شعب الشام وشكراً عمر حس� Author: منتصر صلاح Date: 03-12-2017, 08:30 AM Parent: #33
الواقع يتطابق مع العنوان تماما .. بل ادهي وامر
الاخ ابو روضة تحاياي
Post: #36 Title: Re: سودانيات في احضان شعب الشام وشكراً عمر حس� Author: عوض محمد احمد Date: 03-12-2017, 08:40 AM Parent: #35
يعني كدا كدا النظام العام حا يكون راكبنا حتى و لو سقطت الانقاذ
Post: #37 Title: Re: سودانيات في احضان شعب الشام وشكراً عمر حس� Author: أبوبكر عباس Date: 03-12-2017, 09:53 AM Parent: #36
Post: #38 Title: Re: سودانيات في احضان شعب الشام وشكراً عمر حس� Author: عبدالحفيظ ابوسن Date: 03-12-2017, 12:21 PM Parent: #37
الله يسلمك ابراهيم معليش فرح خشينا تووش بدون سلام وتحية حديث الاريتري معاي كان مؤلم جدا . احرج احساسي بأنسانيتي انني لا ار من الامر سوي ما بان لظلامية عقلي واحساسي الزائف بالطهرانية الحرب كريهة وكذلك الديكتاتوريات والوضع شائك مع سلطة تستجدي رضاء العالم الذي لا يألو جهدا في اقتناص الفرصة حتي النهاية مافي زول سوي برضي العهر والانفلات . الانضباط السلوكي مهم لنمو المجتمع ولغرس جميل القيم في نفوس الاطفال جيل المستقبل السوريين كما ذكرت سابقا في بوست لود المشرف يجب ان يدخلوا عبر بوابة اللجوء تحت رعاية الامم المتحدة وبقوانين اللاجئين المعروفة . نفس القوانين التي تطبق علينا في الدول الاخري اما فوضي الدخول وحرية السكن والعمل والتنقل ستخلق مشكلة نحن في غني عنها . لنا منها الكثير النظر لعلاقة سوري مع سودانية من هذا المنظور تفرض سؤالا موازي علاقة السوداني مع بعض بنات الشعوب الاخري .. بل علاقة من يظن نقاء قبيلته مع قبيلة اخري ستضيق النظرة نحو عنصرية حادة اطالب بمعاملة السوري كلاجئ وهو حق مشروع اطالب الامم المتحدة برعاية اللاجئن اسوة بأوربا
Post: #39 Title: Re: سودانيات في احضان شعب الشام وشكراً عمر حس� Author: Saifaldin Fadlala Date: 03-12-2017, 12:43 PM Parent: #38
دي بلد مبهولة هناك بعض البلدان المجاورة تسجن السوداني لو تأخر في تجديد اقامته هل تنقصنا عنصرية حتي يأتيك الغريب مصدرا لعنصريته عبر وسائل التواصل الاجتماعي؟ جنسية رخيصة وحكومة ارخص
Post: #40 Title: Re: سودانيات في احضان شعب الشام وشكراً عمر حس� Author: حسن محمد عمر Date: 03-12-2017, 02:36 PM Parent: #39
عنوان صادم يا ريت بكون بتعبير أخف ويحترم مشاعر أغلبية السودانيين وبالأخص السودانيات لأن السودانية بت قبايل وإن كانت هناك فئة ضالة سواء كانوا ذكورا أو إناث ودى إساءة بالغة للأخوات نعم لا ننكر وجود حالات شاذة لكن التعميم مرفوض عليك الله راجع عنوان ك دا ماتلاحظ أن عبارة ( سودانيات ) دى مابتنبلع كلمة واحدة لو أدخلتها فى الجملة وقلت ( بعض السودانيات ) تكون خففت علينا لأننا مجتمع فينا الصالح والطالح ثم الأحضان دى ماأظنها فى الشارع عينى عينك لانه لووصل بينا الحال للدرجة دى صحى البلد إتغيرت والرجال ماتو حليلك يابلد . بعدين حكاية نشكر عمر البشير دى صحيح بلاوينا كترت فى عهدهم بس الحكومة لوقدرت تعمل أى حاجة مابتقدر تستورد ينا أوتشترى لينا أخلاق لأنو دى الحاجة الوحيدة المابشتروها بأى ثمن وبت الناس المتربية صاح مابقدر عليها كائن من كان أصحوا ياعالم لموا فضايحكم وماتنتظروا الحكومة تحرس لينا بعض المنفلتات بكل أسف هى الحكومة فاضية
Post: #41 Title: Re: سودانيات في احضان شعب الشام وشكراً عمر حس� Author: الطاهر الطاهر Date: 03-12-2017, 04:46 PM Parent: #40
نمتنع عن نشر الصور المنتشرة على كافة وسائل التواصل الاجتماعي ****************************************
انا اقترح تجيب الفيديو بالمرًه وتخلي ليلتنا فٌل بالصلاه على النبي ..
Post: #42 Title: Re: سودانيات في احضان شعب الشام وشكراً عمر حس� Author: الامين موسى البشاري Date: 03-12-2017, 07:53 PM Parent: #41
كامل التضامن مع ابو ورطه في ورطته ........ والله صحي ()
Quote: انا اقترح تجيب الفيديو بالمرًه وتخلي ليلتنا فٌل بالصلاه على النبي ..
ههههههههههههههههه@الطاهر
ونسمي المنبر بلا حدود
ونجيب كتو والعسكري ورجل الغابة .. الخ الخ
المافي شنو؟ ()
عادل الباهي ارفع رجلك من الابنص .. بتسيح المكنة دي :)
Post: #43 Title: Re: سودانيات في احضان شعب الشام وشكراً عمر حس� Author: قسم الفضيل مضوي محمد Date: 03-12-2017, 08:09 PM Parent: #42
(يفيض النيل "نحيض" نحن) ... : : :
كامل التضامن من أبو روضة في زرته الاسفيرية ...
Post: #44 Title: Re: سودانيات في احضان شعب الشام وشكراً عمر حس� Author: الامين موسى البشاري Date: 03-13-2017, 04:15 PM Parent: #43
للمزيد من التضامن مع الوهييييييييط ابو ورطه
مع التحيييييييييييييييييييييييييييييييييييية (طبعن)
Post: #45 Title: Re: سودانيات في احضان شعب الشام وشكراً عمر حس� Author: منتصر عبد الباسط Date: 03-13-2017, 05:43 PM Parent: #44
ممارسة الفاحشة جريمة بلا شك ولكنها ليست شيئاً جديداً مبندعاً ولكن البدعة والشي العجيب هي هذه الغرامات حتى مثل هذه الأفعال عليه غرامات ؟! دي شريعة وين دي؟!
Post: #46 Title: Re: سودانيات في احضان شعب الشام وشكراً عمر حس� Author: منتصر عبد الباسط Date: 03-13-2017, 05:45 PM Parent: #45
سبحان الله حتى الجرائم أصبحت مصدر من مصادر الدخل القومي!
Post: #47 Title: Re: سودانيات في احضان شعب الشام وشكراً عمر حس� Author: منتصر عبد الباسط Date: 03-13-2017, 05:54 PM Parent: #46
غايتو لو كان القضاة عندنا هذه الغرامات هي التي يأخذون منها مرتباتهم ومخصصاتهم أحسن ليهم اتكلو على الله ويشتغلوا أي حاجة نانية ولو كانت القالها عادل أمام ديك أخير من حالتهم دي ارتكاب الجريمة مهما عظمت ليست حجة ولا مبرراً لأن يؤخذ مال قل أو كثر من مغترف هذه الجريمة أو تلك .مال الناس من الأمور التي حرمها الله إلا بالحق الشرعي.
Post: #48 Title: Re: سودانيات في احضان شعب الشام وشكراً عمر حس� Author: عادل الباهي عبدالرازق Date: 03-13-2017, 06:20 PM Parent: #47
يا البشاري نزل لينا اغنية انتو كان رقتو انا براي بعرد هههههههههههه
Post: #49 Title: Re: سودانيات في احضان شعب الشام وشكراً عمر حس� Author: الامين موسى البشاري Date: 03-14-2017, 00:33 AM Parent: #48
مرقوا .. مرقوا
Post: #50 Title: Re: سودانيات في احضان شعب الشام وشكراً عمر حس� Author: أبوبكر عباس Date: 03-14-2017, 02:03 AM Parent: #49
لو كنت صاحب البوست، كنت أخذت بنصيحة ود البشرى وتجاهلت المغرضين، ، لكن برد على مداخلة دكتور سيف.لو ما رديت عليها هنا، برد عليها في البوست المنبثق. ابو الروض، يا كحيل، فيك الشراد مو خايل
التعديل: تعديل غبن المغرضين من القاف بعد تنبيه الصديق الفضيل
Post: #51 Title: Re: سودانيات في احضان شعب الشام وشكراً عمر حس� Author: الامين موسى البشاري Date: 03-14-2017, 04:41 PM Parent: #50
يا جماعة ابو ورطه قال معوق في رجلو الشمال
وعشان كدا ما قادر يرد ...
يا بكري زيد ليهو الكوتة ياخ
Post: #52 Title: Re: سودانيات في احضان شعب الشام وشكراً عمر حس� Author: أبوبكر عباس Date: 03-14-2017, 06:49 PM Parent: #51
