الكاركتير المنشور أعلى الصفحة مهين للمرأة

11:38 AM March, 06 2017

سودانيز اون لاين
هشام المجمر-QaTar, Doha
مكتبتى
رابط مختصر

زواج المرأة بدون ولي امر مختلف عليه فقهيا.....وهذا امر يخص اهل الفقه سوف يتغالطون بدون نهاية ....

اما نحن فقطعا مع نيل المرأة كافة حقوقها و اولها حقها فى الزواج بمن تريد بدون وصاية من أحد....

الكاركتير المنشور عاليه يظهر المرأة و كانها مجرد انثى ليس لها عقل تميز بها الصالح من الطالح او تقرر به لنفسها و لذلك يفهم من الكاركتير ان المرأة يجب ان تتزوج بمعرفة ولي من اجل ان يحميها من سذاجتها و ضعفها
لذلك اجد هذا العمل مهين للمرأة و لامكانيتها العقلية بل الحقيقة ان المرأة فى العموم اكثر تعقلا من الرجل فى كل امور الحياة فاسباب كل المصايب بهذه الدنيا من احداث و حوادث و حروب و قتل و ترويع رجال و ليس نساء.

اطلقوا سراحها ودعوها تقرر لنفسها فوالله لن تأتي الا بالخير.

وينك يا هشام ياخ؟؟ جيدن جيت..
مشتاقين مع التحايا

وشكرا لك على هذا الرأي السديد..

ياسر

ياخي والله سعدت بجيتك ياهشام
اعذرنا لو ما سالنا عليك
الجابك يجيب الاخت سهام وكل السمحين والسمحات
_
بجيك صادي لموضوع البوست

صديقنا هشام والله مشتاقين لطلتك.
اعتقد انو مهين للذين يتغالطون في الولاية وعدمها.

حمد الله على السلامة
هنا ما في لايك

ود الشيخ
دفعتي و اخي
تحياتي

لكن شكل الرسم الكركاتير واقف مع تيم ضد المرأة

مرحبتين اخونا حيدر و نتطلع لسماع رأيك

مرحبتين يا دكتورة

اهلا حبيبنا ياسر الشريف
قلنا نجي نشوف البورد ...نلقى كاركتير قدر الهجمة فوق زى ده مش حاجة تغيظ

شكرا بكري على ازالة الكاكتير
خاصة اليوم يصادف يوم المرأة العالمي ولا شئ اكثر اهانة للمرأة من اعتبارها قاصرا تحتاج لولي حتى تتزوج من تريد

هشام وضيوفه سلام
عمر دفع الله وقعتو شينه كل ما رفع كاركتير وجد الانتقادات
غايتو انا تفسيري ليهو:
رفع المرأة مكانة عالية جدا وهي الوطن الذي يمثل الدفء والانتماء والحنان والرعاية
والعسكر وهم الرجال وحوش واوباش لم ينظرو لتلك المعاني بل رؤيتهم ونظرتهم تختلف
قامو بسرقة هذا الجسد في معني مادي وللمتعه بغض النظر عن المعاني السامية للوطن التي تتمثل في المرأة
واضطهاد المرأة هي اضطهاد للوطن
وليكن الوطن في ستين داهية من ناحيتهم
كاركتير معبر غايتو انا عجبني
تحياتي وتقديري

شكرا عباس الدسيس

الكاركتير ما اظن عملو عمر دفع الله..التوقيع غير....
لكن المعنى الواضح لآى قارئ ان الرجل الذى هو فى شكل تمساح و قد يقصد به تماسيح الحكومة وهو يحمل ورقة مكتوب عليها زواج المرأة من غير ولي بيد و باليد الثانية ورقة عليها الطلاق بعد ساعتين
بمعنى ان هذا الرجل الشرير سوف يستغل هذا القانون لينكح ما طاب له ما النساء بهذه الطريقة لذلك يجب حماية تلك المسكينة المغشوشة القابعة فى العربة الفارهة ومن الذي يحميها سوى الرجل الولي..... ومن هنا جاء استنكارى لمعنى الكاركتير اذ انه يصور المرأة كانها مخلوقة ساذجة ضعيفة يمكن ان ان يخدعها الرجال الاشرار بسهولة ... ولذا يمكن مصادرة حقها فى الاختيار لحمايتها من الاشرار..

حمد على السلامة يا هشام

ياخي قول بسم الله
الكاريكاتير دا رسمته في بوست يتعلق بسرقة انتفاضة ابريل
وياخي في الادب عادة ما يرمز للثورة بالحبيبة والمرأة
وعشان ما تظلم الكاريكاتير وتجره بعيدا من مناسبته راجع البوست ادناه :
http://sudaneseonline.com/board/490/msg/%D9%88%D8%B2%D9%8A%D8%B1-%D8%A7%D9%84%D8%AF%D9%81%D8%A7%D8%B9-%D8%A7%D9%84%D8%B3%D8%A7%D8%A8%D9%82-%...8%B1-1488627226.html

طبعا يا هشام البوست بتاعك دا فرصة ذهبية للناس الما قدرت تدافع عن السيد عثمان
في البوست اعلاه .... تاااني حمدلله على السلامة

الكاريكاتير دا رسمته في بوست يتعلق بسرقة انتفاضة ابريل المصدر

عمر دفع الله سلام
كلام هشام صح هو ما قاصد الكراكتير الفوق دة قبله كان فى واحد تانى وبرضو ما حق ودابو

سلامات
الرسم أكتر من واضح ... إحترت لما لقيت البوست بيخلط بين موضوع الرسم ( الانتفاضه وموضوع سرقتها ) وبين موضوع الزواج . .
لما قلت يا ربي في رسم تاني غير دا وللاً شنو ؟
نازل تحت اراجع باقي التعليقات لقيت عمر دفع الله موضح .
وعمر دفع الله نفسه فاتح بوست من كم يوم لنقاش الموضوع بتاع الانتفاضه بيحكي فيه عن إعتزام احد الجنرالات السابقين مقاضاة زميل بالمنبر .
كل الخير لكم ، وقولوا بسم الله .

Quote: شكرا عباس الدسيس الكاركتير ما اظن عملو عمر دفع الله..التوقيع غير.... لكن المعنى الواضح لآى قارئ ان الرجل الذى هو فى شكل تمساح و قد يقصد به تماسيح الحكومة وهو يحمل ورقة مكتوب عليها زواج المرأة من غير ولي بيد و باليد الثانية ورقة عليها الطلاق بعد ساعتين بمعنى ان هذا الرجل الشرير سوف يستغل هذا القانون لينكح ما طاب له ما النساء بهذه الطريقة لذلك يجب حماية تلك المسكينة المغشوشة القابعة فى العربة الفارهة ومن الذي يحميها سوى الرجل الولي..... ومن هنا جاء استنكارى لمعنى الكاركتير اذ انه يصور المرأة كانها مخلوقة ساذجة ضعيفة يمكن ان ان يخدعها الرجال الاشرار بسهولة ... ولذا يمكن مصادرة حقها فى الاختيار لحمايتها من الاشرار..

هشام يا حبيبنا سلامات
جهجهتا باكاتنا انا مفتكرو الموجود دا
امسح اكشح لو جو شافوها ناس عادل الباهي وابوروضة وحامد سفارات بجننونا في القروب
اعتزاراتي يا صبري طه الحقنا يا لحاق بعيد

حمدلا بالسلامة وعودا حميدا
اظنو ودالمجمر بقصد الرسم بتاع الزول البقول الطلاق بعد شهرين وهو يلوح بورقة الزواج بالتراضي

تحياتي هشام و حمدا لله ع السلامة
دا الكاريكاتير المقصود



للزميل الفنّان الباقر موسى

لك التحية اخي الفاضل .. المجمر ولضيوفك الافاضل .

تصدق يا اخ هشام كركاتيرات كتيرة مابفهم تفسيرها ولا القصد منها شنو !
لكن بلتزم الصمت لانه ما كل رسم بيفسر حسب فهمي ! وفي النهاية لو انا
ما عرفت الرسم اكيد بعرف صاحب الريشة عشان كدا بكون بعيدة في احيان
كتيرة من النقد الفني لانني ليست بفنانة .

صراحة :
الصديق عمر دفع الله لو راسم كاركاتير زي دا بجزم انهما من منطلق اهانة للمرأة
لانه هو مناصري المرأة . ومعظمالتشكيلين هم بتناولوا المرأة كقضية معاناة عامة
لها وليستضدها .

ولكم وافر الشكر ..

ومن هنا بقول وبمناسبة يوم المرأة كل عام وكل لحظة
انتن بالف خير وتقدم .. ولي اصدقاءنا وافر التقدير وكل
عام وانتم اصدقاءنا واحبابنا .

ودمتم ,,,,

كل سنة و انت بالف اخير اختنا منى عمسيب و التحية عبرك لكل نساء بلادى الصابرات المجالدات

شكرا ود البشرى
مشتاقين ياخ
كيف هلالكم

Quote: حمدلا بالسلامة وعودا حميدا اظنو ودالمجمر بقصد الرسم بتاع الزول البقول الطلاق بعد شهرين وهو يلوح بورقة الزواج بالتراضي

فعلا يا عبد الحفيظ...لك الشكر

Quote: سلامات الرسم أكتر من واضح ... إحترت لما لقيت البوست بيخلط بين موضوع الرسم ( الانتفاضه وموضوع سرقتها ) وبين موضوع الزواج . . لما قلت يا ربي في رسم تاني غير دا وللاً شنو ؟ نازل تحت اراجع باقي التعليقات لقيت عمر دفع الله موضح . وعمر دفع الله نفسه فاتح بوست من كم يوم لنقاش الموضوع بتاع الانتفاضه بيحكي فيه عن إعتزام احد الجنرالات السابقين مقاضاة زميل بالمنبر . كل الخير لكم ، وقولوا بسم الله .

فعلا حدث بعض الخلط يا ايمن

شكرا لك

Quote: الكاريكاتير دا رسمته في بوست يتعلق بسرقة انتفاضة ابريل المصدر عمر دفع الله سلام كلام هشام صح هو ما قاصد الكراكتير الفوق دة قبله كان فى واحد تانى وبرضو ما حق ودابو

انت الكلامك صاح يا احمودي

الخلط جه بسبب ازالة بكري للكركتير بسرعه

هههههههههههه يا عمر انا بتكلم عن كاركتير اخر جابو ود البشرى تحت

سلام يا هشام،

الكاركتير بتكلم عن حديث الشارع السوداني، وشكلكم ما متابعين مستجدات الأخبار في السودان
دا ما كلام صاحب الكاركتير، دا كلام الشارع السوداني حول قرار الحكومة الجديد عن أي شاب وشابة ممكن
يتزوجوا بدون ولي أمر.

لمتين يا هشام وبقية الرهط نصحح كراسات بعض؟
فقط علشان صاحب الكاركتير لا تعرفونه تبشعوا بيهو كدا بالرغم من إنو كما أسلفت دا ما كلامو كلام الشارع السوداني
أما بكري أبوبكر بإزالته السريعة للكاركتير يدل على إمعته

Quote: سلام يا هشام، الكاركتير بتكلم عن حديث الشارع السوداني، وشكلكم ما متابعين مستجدات الأخبار في السودان دا ما كلام صاحب الكاركتير، دا كلام الشارع السوداني حول قرار الحكومة الجديد عن أي شاب وشابة ممكن يتزوجوا بدون ولي أمر. لمتين يا هشام وبقية الرهط نصحح كراسات بعض؟ فقط علشان صاحب الكاركتير لا تعرفونه تبشعوا بيهو كدا بالرغم من إنو كما أسلفت دا ما كلامو كلام الشارع السوداني أما بكري أبوبكر بإزالته السريعة للكاركتير يدل على إمعته

النذير

تحياتي

كلامك عجيب و غريب

نحن مالنا ومال هو منو؟ انا بنقد الفكرة التى اراد الكاركتير ان يبرزها ..تجي تقول لى عشان ما بتعرفوهو؟ لو اخوى كان عامل الكاركتير ده كنت انتقدتو بنفس الطريقة....
بعدين يا حجازي انا ما بتنفع معاي طريقة انتو طوالي ...نحن منو؟ انا هنا بكتب باسمي و بعبر عن وجهة نظري الشخصية فقط وده ما عندو علاقة باي انتماء و لا اي حزب..نحن بنكتب هنا عشان نتناقش و نتحاور كناس متحضرين بقصد افراد و لسنا قطعانا

العزيز المجمر،

معليش والزعل مرفوع، أنا لمن قلت ليكم إنتو قاصد كل المتداخلين الذين أمنوا على كلامك وأغلبهم إن لم يكن جلهم أصدقائي، ولكني لا أتعامل مع القضايا
العامة بالصحوبية، دا من حيث المبدأ.

وأنا متأكد مائة المائة لا أنت ولا بقية المشاركين قد سمعتهم بهذا القرار، ولا سبب رسم الكاركتير، دي واحد
الحاجة التانية عايز واحد منكم يحط أصبعو في كلمة واحدة تقول الولاية على المرأة!!!!!!!!!!!!!!!!
الولاية في الإسلام للذكر والأنثى في الزواج على حد سواء والحكومة لغتو، والكيزان عايزين يستخدموهو كزواج متعة
وصاحب الكاركتير وكثير من الشارع السوداني إنتقدوا قرار الزواج بدون أولياء أمور لأنو بؤدي لزواج المتعة في الدول المتخلفة
المكبوتة جنسياً، وعندما تظاهر الأستاذ محمود محمد طه عن الختان، لأنو تظاهر بأن هذه المسائل لا تعالج بهذه الكيفية في مجتمعنا،

من نافلة القول بأن الزواج بدون ولي في الدول الغربية قد نحج لأن هنالك قانون يحفظ الحقوق، والطلاق ما بكلمة واحدة كالطريقة الإسلامية
وياريت الموضوع يمتد ليناقش هذا القرار بدلاً من إنتقاد فنان الكاركتير، وبعدين يا هشام وبقية الرهط من متين شوفتوا ليكم فنان تشكيلي ظلامي؟؟؟؟؟؟؟؟؟؟؟؟!!!!!!!
الرجاء الإعتذار للفنان، وأنا مُصر لو كان رسام الكاركتير تعرفونه مثل عمر دفع الله أو ود أبو أو حسن موسى كان كلامك سيكون مغاير،
أنا قاعد في الأسافير دي من زمن الكمبيوتر بعملو ليهو ريستارت بالمنفلة، والناس بتتناول القضايا العامة بالصحوبية
محبتي
وروق المنقة شوية ههههههههه

العزيز هشام والمتداخلون

سعيد بأن يثير الكاريكاتير نقاشا.. لكن ما لدرجة الغيظ

كما قال أحدهم.. هو قانون حق أريد به باطل

وسوف أعود..

الباقر موسى

Quote: من نافلة القول بأن الزواج بدون ولي في الدول الغربية قد نحج لأن هنالك قانون يحفظ الحقوق، والطلاق ما بكلمة واحدة كالطريقة الإسلامية وياريت الموضوع يمتد ليناقش هذا القرار بدلاً من إنتقاد فنان الكاركتير، وبعدين يا هشام وبقية الرهط من متين شوفتوا ليكم فنان تشكيلي ظلامي؟؟؟؟؟؟؟؟؟؟؟؟!!!!!!! الرجاء الإعتذار للفنان، وأنا مُصر لو كان رسام الكاركتير تعرفونه مثل عمر دفع الله أو ود أبو أو حسن موسى كان كلامك سيكون مغاير، أنا قاعد في الأسافير دي من زمن الكمبيوتر بعملو ليهو ريستارت بالمنفلة، والناس بتتناول القضايا العامة بالصحوبية

الاخ النذير
تحياتي

سوف اتجاوز مسالة ان كنتم تعرفونه لانه لا طائلة من الجدال حوله
اما موضوع ان الزواج من غير ولي نجح فى الدول العربية لأن هناك قانون يحفظ الحقوق فرغم صحته الا انه لا يمكن على الاطلاق تبرير وقوع الضرر على المرأة بسبب مثل هذا. ألافضل ان نعطيها حقها الاصيل و بعدين نبحث عن تقويته و تحصينه لا ان ننزعه منه انتظارا لصدور قوانين خاصة بمسالة الطلاق و اجراءاته التى كما تعرف سوف تاخذ جدلا طويلا و تضيع وقتا ثمينا وربما تنتهى للا شئ و ربما تذكر الجدل الذى حدث بمصر عندما اقترح السيسي ان يتم الطلاق امام المأذون او المحكمة حفظا لحق المرأة...
بصراحة الموضوع مهم جدا و معقد جدا وله جوانب فقهية و قانونية لكن فى رأى اعطاء المرأة حقها هو مبدأ يجب تقديمه اولآ لا الجدل حوله.....

Quote: العزيز هشام والمتداخلون سعيد بأن يثير الكاريكاتير نقاشا.. لكن ما لدرجة الغيظ كما قال أحدهم.. هو قانون حق أريد به باطل وسوف أعود..

الاخ الباقر موسى

جميل مشاركتك فى هذا البوست و انت صاحب الكاركتير
اريد ان ان اعرف ما قصدت بالتحديد من هذا العمل..


لك التحية