من يوليو القادم شهريا 100 ريال عن المرافق(زوجة،اطفال)

10:21 AM March, 06 2017 سودانيز اون لاين
مهدي صلاح-
مكتبتى
رابط مختصربدأت الشركات السعودية إبلاغ موظفيها غير السعوديين بالتنظيم الجديد لرسوم المرافقين، الذي أقرته الحكومة السعودية أخيراً، حيث يهدف إلى فرض رسوم يدفعها جميع الموظفين الوافدين قبل تجديد الإقامة على شكل دفعة واحدة في السنة عن كل فرد من مرافقيهم (زوجة ، أطفال، الوالدين، والخدم).يُشار إلى أنه على كل مقيم أن يدفع 100 ريال عن كل مرافق بصفة شهرية، بدءاً من يوليو 2017 المقبل (أي بعد 4 أشهر)، على أن تزيد 100 ريال لكل مرافق بصفة سنوية، حتى عام 2020.وترتفع الرسوم إلى 2400 ريال في 2018، و3600 ريال في 2019، و4800 ريال عام 2020.
==
عدلت العنوان .. عين اليوم يفتقد بعض الشي للرزانة امس في صدر الموقع خاتين خبر عن واحد اغتصب بنتو (المثلية) عشان يوريها فعلا لاقولا ان الجنس مع الرجال أحسن ... الكلام في امريكا لكن الموصع لم يبرز ذلكفي عنوان الخبر
والخبر البعدو عن ممثلة مغمورة في مصر اوقفوها في قضية دعارة وعلى ذلك قس... اخبارهم كلها من العينة دي ..النص التحتاني والعياذ بالله

بحلول 2020 سوف يكون من الصعب البقاء في السعودية ... إن كانت المرتبات ستظل تراوح مكانها ...

اللي عندو 4 أطفال وزوجة ... ح يدفع 2000 ريال شهري .. وهذا معناه 24 ألف ريال بالسنة

ودا مبلغ خرافي طبعاً....

الرعيل الأول من المغتربين قال ( يا غرق يا جيت حازمها )... والجيل الجديد ماذا سيقول ؟؟؟

تحية طيبة

تبقى مسألة إتخاذ القرار إنطلاقاً من هذه المعطيات إن كان الأمر كذلك فعلاً

على كل رب أسر أن يوازن بين دخله السنوي وبين ماسيدفعه وعلى سبيل المثال
أسرة مكونة من زوجة و5 أبناء
السنة الاولى 7200 ريال
السنة الثانية 14400 ريال
السنة الثالثة 21600 ريال
السنة الرابعة 28800 ريال

إجمالي المدفوع حتى السنة الرابعة هو = 72000 ريال

إتخاذ القرار يجب أن يراعى فيه عوامل مهمة
ضرورة الاستمرار مع رب الاسرة في السعودية أم المغادرة أولى
والنقطة دي بالذات بتعتمد على المنفعة الحدية المترتبة على الإستمرار
مع رب الاسرة أم المغادرة ...

أمنياتي لكل المعنيين بأن يتخذوا قرار صائب بمن فيهم أنا

Quote: من هنا ولي قدام مافي سوداني بقدر يعيش هو واسرته في الخليج لا يكون من حملة الجوازات الاوروبية

المصدر: زرقاء اليمامة
على مُغتربي الخليج البحث عن البديلعلى مُغتربي الخليج البحث عن البديل

سلام لصاحب البوست وضيوفه الكرام.
في رواية بتقول إنو المقصود بـ(المرافق) الذي يشمله قانون الرسوم الشهرية هو من بلغ 18 سنة فما فوق. وهناك إضافة بأن البنات غير مشمولات بالرسوم الشهرية بغض النظر عن العمر..
وعموماً نظام الرسوم الجديد دا إنذار للمغتربين المترهلين بأسر كبيرة (وأنا منهم) بأن يلمو عفشهم..
تحياتي.

على مُغتربي الخليج البحث عن البديل
المصدر : http://sudaneseonline.com/cgi-bin/sdb/2bb.cgi
-------------------------------------------------------------
والمشكلة يا صبري ات ذاتك صاحب التوقعات لسع ما بحثت عن بديل
عدالة القُصص ام قُصة عوجا تعدل في قصص بنات الناس وقُصة بتها عوجا
ههههههههههههههههههههه
.
.
انا غايتو من الناس الشبعو لغف في المجان من زمن تسجيل الاقامات في الدفاتر
عرفتها بتجوط مما وزارة العمل قالت لينا جيبو ديسكات سجلو فيها اسماكم هههههه
تذكر الدسك الزمان داك
وكل شوية نعدل برانا ونحذف ونضيف
داك كان اسمو الزمن الجميل
.
.
دوام الحال من المحال
الماشي ورح والقاعد تح
.
.
تحياتي لراعي البوست الحبيب مهدي صلاح وضيوفه الكرام

تعديل
تذكر الدسك الزمان داك
-----------------------------
الفلوبي ديسك

تسجيل الاقامات في الدفاتر

=======================

ودالبوش ياحبيب إن شاء الله اليوم أحسن من أمس

بمناسبة الاقامات الدفتر الأخضر خليني اقول ليك حاجة حصلت معاي
بالمناسبة انا كمان قبل زمن الدفتر الاخضر كانت كرت زي الكارنية الزمان داك
لونو أبيض وكنا بنغلفو في المكتبة ب5 ريال وكانت الكرت مجاني والخروج
والعودة كانت 20 ريال ( هووووووي أنا كنت طالب الزمن داك في جدة )

نرجع للدفتر الأخضر ...طبعا بعد خلصت الدراسة واشتغلت جاء الدفتر الأخضر
اها يوم مشيت الجوازات لشغلانية سبحان الله في حوش الجوازات قابلني
ملازم بدبورة واحدة مابعرفو هو سلم علي وساقني من يدي لمكتبو
قال لي والله انا بحب السودانيين واحب أخدمهم عندك شنو ؟؟
وريتو العندي وماقصر ....
خلصت ورجعت اشكرو تعرف قام طلع لي كرت زي الكرت الان الجديد
حق الإقامة ...قال لي قريب ده إن شاء الله ترتاحو من الدفاتر دي
حنغيرها لشكل الكرت ده ....
اتذكرت الراجل ده لامن غيروا لينا الدفاتر قبل كم سنة للكرت الان
أنا متأكد الراجل ده لامن حصل التغيير إما عميد أو عقيد

تحية وسلام لكل المتواجدين ومرحب بيكم
الخبر منشور في عين اليوم وهي تصدر عن عكاظ يعني ما في شبهة فبركة ومذكور بشكل صريح ان الرسوم تشمل الاطفال والزوجة

غايتو نحنا حنتبع سياسة الطفل الواحد :)

عدت باضافة بسيطة:
واحد بيكلمني عن باكستاني شغال عندو ، هو اصلا ولتعثر المؤسسة قال لباكستاني شوف ليك كفيل وشغل الباكستاني قال لزوجته بسفرك باكستان مرتو قالت ليهو : مستعدة تعيش على فول وتميز اليوم كلو بس مشي للباكستان لأ

سلام عليكم
صاحب البوست وضيوفه

بحسب صورة خطاب من إحدى الشركات - بحسب ما وردهم من مكتب العمل إدارة الموارد المالية ان المشمولين بالقرار هم :
الزوجة الثانية ، الثالثة ، الرابعة
الأب ، الأم ، أب الزوجة ، أم الزوجة
العمالة المنزلية / الخادمات ، السائقين .

علماً بأنه الزوجة والبنات والأبناء الذكور دون سن 18 لا يشملهم القرار .

والله يكون في العون

فضلا وليس امرا رابط الخبر في عكاظ
لم اجده في عدد الامس

استفسرنا من مكتب العمل راسا
حتي الان لم ياتي تفسير للقرار
الشركات طلعت الاوامر الادارية للاحتياط والزوغه من الدفع
الموضوع مبهم حتي الان

استفسرنا من مكتب العمل راسا حتي الان لم ياتي تفسير للقرار
-----------------------------------------------------------------
اتا اقعد اتلايق لي كدا يا عبس لحدي تجيك عشرين عشرين ول عشرين تلاتين
وتلقاك في لياقتك دي
عامل كرفتك البتلمع دي
.
.
قت ليك ارحكاكا اهلك ...... قبل تهلك

الغنى غني وألما غني ينزل هنا
قرارات العودة الالزامية للعزوبية
والعوائل الله معاهم ... ونشوف اخرتها

ودالبوش ياحبيب إن شاء الله اليوم أحسن من أمس
------------------------------------------------------
زمان وانا صبي مشيت لجدي احمد كان عيان قلت ليهو جدي الليلة اصبحت كويس ؟
نهرني وقال لي انا تاني بقولوا اصبحت كويس ؟
ناسي كلهم فاتوا تاني الكواسة القاها وين ؟
زعلت منو وتاني اصلي ما سألتو من صحتو ههههههههههههه
.
.
بمناسبة الاقامات الدفتر الأخضر خليني اقول ليك حاجة حصلت معاي بالمناسبة انا كمان قبل زمن الدفتر الاخضر
كانت كرت زي الكارنية الزمان داك لونو أبيض وكنا بنغلفو في المكتبة ب5 ريال وكانت الكرت مجاني
والخروج والعودة كانت 20 ريال ( هووووووي أنا كنت طالب الزمن داك في جدة )
-----------------------------
هههههههههههههههه
مو ان كنت طالب ان كنت مولود جديد لحدي اسع لحقت الصح
قال طالب قال ههههههههههه
الزمة بيني في لحم اب نيني
.
.
معتصم يا حبيب ما سعلت منك شينة
كل الود الذي تعلم وما لم تعلم من المحبة والتقدير

استفسرنا من مكتب العمل راسا حتي الان لم ياتي تفسير للقرار الشركات طلعت الاوامر الادارية للاحتياط والزوغه من الدفع الموضوع مبهم حتي الان المصدر : http://sudaneseonline.com/board/490/msg/%d9%86%d9%82%d9%84%d8%a7-%d8%b9%d9%86-%d8%b9%d9%83%d8%a7%d8%b8%3a%d9%85%d9%86-%d9%8a%d9%88%d9%84%d9%...1488795717.html[/red]

الأخ عباس الدسيس
الخطاب جاي من شركة إدكو (شركة تقنيات البناء المتطورة المحدودة) وفيه عبارة بحسب ما ورد لنا من مكتب العمل - إدارة الموارد البشرية (سوري فوق أنا كتبتها الموارد المالية) انو
يوليو 2017 - 100
يوليو 2018 - 200 ريال
يوليو 2019 - 300 ريال
يوليو 2020 - 400 ريال
والخطاب موقع من المدير الإداري ومختوم بختم الشركة ، غير كدا كم سعودي أكدوا أن القرار تم تفسيره رسمياً ان التابعين غير مشمولين بالقرار ، وما اعتقد انه شركة زي ادكو تكتب كلام عشان تخارج نفسها من الدفع وتقول بحسب ما ورد إلينا من مكتب العمل - إدارة الموارد البشرية .

http://www.3alyoum.com/news/a/%D8%A7%D9%84%D8%B4%D8%B1%D9%83%D8%A7%D8%AA-%D8%AA%D8%A8%D9%84%D8%BA-%D8%A7%D9%84%D9%85%D9%82%D9%8A%D9%85%D9%8A%D9%86-%D8%A8%D8%AF%D9%81%D8%B9-4800-%D8%B1%D9%8A%D8%A7%D9%84-%D8%B9%D9%86-%D9%83%D9%84/http://www.3alyoum.com/news/a/%D8%A7%D9%84%D8%B4%D8%B1%D9%83%D8%A7%D8%AA-%D8%AA%D8%A8%D9%84%D8%BA-%D8%A7%D9%84%D9%85%D9%82%D9%8A%D9%85%D9%8A...%D9%86-%D9%83%D9%84/

سلام وتحية للكل
عفوا نقل الرابط لهنا ما زبط معاي
الخبر نقلا عن عين اليوم وهي تابعة لعكاظ ديجتال فعفوا لعدم الدقة هي ما نقلا عن عككاظ مباشرة
الظاهر فعلا الموضوع هو عن الشركات التي فسرت الموضوع على ان المقصود المرافقين وبدات في ابلاغ موظفيها بالترتيبات الجديدة

==
خلاص مافي داعي لسياسة الطفل الواحد ومن كانت نفسه تحدثه بالتعدد يقلب لسياسة الزوجة الواحدة
كم انت جبار يا سودان ... فنون الجقلبة تفاديا للعودة لسودان الكيزان :)

اخ عن نفسي ما فهمت كلامك يا ريت تشرحو

Quote: وما اعتقد انه شركة زي ادكو تكتب كلام عشان تخارج نفسها من الدفع وتقول بحسب ما ورد إلينا من مكتب العمل - إدارة الموارد البشرية .

ادكو من اكبر الشركات الخسرانه وموقفها سيء
حتي الان لم يرد من مكتب العمل تفسير للقرار او المنشور

سلام مهدي وضيوفه الاكارم

القرار في الغالب كما جاء اعلاه
ولذلك يجب على المقيمين السودانيين (طبعاً ديل البهمونا)
محاولة توفيق الاوضاع لحين إتخاذ القرار النهائي
واهم حاجة اتباع سياسة تقشفية صارمة
(ضبط صرف الكهرباء...التخلي عن اي منصرفات جانبية ....إلخ)
السعي لتغيير المساكن لآخرى اقل تكلفة
يعني مافي داعي لحكاية الشقة الكبيرة ومش عارف ايه

وقبل ذلك تهيئة الاسرة للانتقال النهائي للسودان
لأن معظم (العائلات) للاسف الشديد لا ترغب في العودة وكأن السعودية او غيرها من دول الخليج ستمنحها الجنسية

مع ودي