أول مرّة أسوق عربية من مدني للخرطوم كانت خريف ٩٣ والعربية كانت بفلو بيضا. أول ما طلعنا من مدني وجنب برج الإذاعة الفي ود المجدوب، صبت مطرة طلعت العربية من الشارع ووقفت في حتة عالية بالرغم من الوقت كان نهار إلا إنّو الواطة ضلمت وجابت ليها برق قوي، فكرت إنّو برج الإذاعة دا بشتغل مانع صواقع، جات رعدة قوية جدا جدا، قبلها بثواني ظهر برق ما شفت زيو مباشرة شرق النيل وتحديدا في ابحراز. ما في زول بصدقني، لكن من محلي داك شفت قبّة الشيخ يوسف ابشرا البغنن ليهو البنات: بالضرى بالضرى يا ابشرا بالضرا ان شاء الله راجل مرة يا ابشرا
شفت الصاقعة امتصّاها الهلال الفي قمة القبة، وشفت ابشرا قاعد ليهو في كرسي أخضر في نص القبة ومتوشح بشال اخضر بالدهبي، وشايل سبحتو. في اللحظة ديك مرت بخيالي تلاتة حاجات: - شوف السيدة آمنة بنت وهب للنور الذي أضاء مدائن كسرى يوم وضعت الرسول - عمر بن الخطاب من المنبر يقول لسارية: الجبل الجبل - قصة يوسف ابشرا وهو صبي برعى بالغنم في الصفيّا وبرد (يرد الماء) بيهن الرهد في ابحراز (٤٠٠ كلم)، بشرب من الرهد، لمان يصل الصفيّا، قطرات الماء البلن شنبو بكونن ما نشفت!!
---------------- الرد لأحمد عمر: كباري وسد
Post: #2 Title: Re: أسلاك Author: MOHAMMED ELSHEIKH Date: 03-05-2017, 06:09 AM Parent: #1
يلحقنا ويحضرنا
Post: #3 Title: Re: أسلاك Author: علي دفع الله Date: 03-05-2017, 06:21 AM Parent: #2
هههههههههههه مصدقنك يا بكور ما كلو حكي ..
Post: #4 Title: Re: أسلاك Author: MOHAMMED ELSHEIKH Date: 03-05-2017, 06:32 AM Parent: #3
Quote: هههههههههههه مصدقنك يا بكور ما كلو حكي ..
ابو الدفاع شايف شعرة جلدك كلبت
Post: #5 Title: Re: أسلاك Author: أبوبكر عباس Date: 03-05-2017, 08:10 AM Parent: #4
بعد سبعة سنين والسبعات ليهن دلالات في الأديان، وتحديداً شهر اتنين سنة ألفين، أخدت رخصة القيادة من بر دبي، بشرت الكفيل بالعين، قال لي: بكرة تعال استلم السيارة عشان تفتح فرع دبي. جيت العين وبيتّ (بمعنى نمت) في بيت العزابة بالبريمي، العزابة كانوا لمان أجيهم بفرحوا بي زي فرحة الشايقية بزيارة أبوهاشم، واحد من العزابة ديل مسميني غرونوي، قال لي: وحات الله، يا أبكر، إتّا أعفن زول يلاقيني في الدنيا دي، أعفن دي ما شتيمة زي حمبرّة، أبداً دي شكر، حتى إنّو لما قال لي كدا قلت ليهو: القلوب عند بعضها يا عفن. العزابي دا أهديتو في بداية تعارفنا رواية العطر لباتريك زوسكيند، الزول دا كان حافظ كل المقاطع المعفنّة الفي الكتاب ونسوني ونستهم وماخلينا واحد من اصحابنا المتزوجين ما قطعنا فوقو وحددنا درجة هرشتو من مرتو، قعقعنا قعقعة من لا يخشى الفقر ، ولَم نستغفر، وسخرنا من أي شيء في أي شيء لي أي شيء، اليوم داك لقيت معاهم محاسب أنصاري جديد لنج، وعندو إبريق بلاستيك بلو للصلاة. قلت ليهم: روضوهو لي الأسبوع دا، بجيكم الويك اند الجاي ببكي ليهو بعين واحدة (ثيمة ٤) عشان نحفظو الراتب الجديد
Post: #6 Title: Re: أسلاك Author: محمد البشرى الخضر Date: 03-05-2017, 08:24 AM Parent: #5
Quote: ببكي ليهو بعين واحدة (ثيمة ٤)
Post: #7 Title: Re: أسلاك Author: أبوبكر عباس Date: 03-05-2017, 08:33 AM Parent: #6
استلمت العربية برادو بابين ذهبية الموديل البحبوهو اليمنيين، كانت في التسعينات وبداية الألفية عربية الشرطة السائدة في السعودية. جيت بيت العزابة دخلت العربية في الحوش وبعد غسلتها توجهت لدبي، قبل ما امرق من البيت عفصت الابريق باللستك متعمداً
Post: #10 Title: Re: أسلاك Author: أبوبكر عباس Date: 03-05-2017, 08:59 AM Parent: #8
كبيت بترول في محطة العوهة، العوهة دي آخر نقطة في العين المدينة، هسع الاسم قلبوهو الفوعة، ما عارفو عملوا شنو؟! لكن غيروهو. اشتريت سندوتش نقانق زيادة طماطم وخالي طحينة، وعصير مشكل، ومسكت الظلط. لمان وصلت كبري قباشة، نفس المطرة بتاعت ود المجدوب دوّرت، والدنيا انقلبت ليل، برق رعد خطيرين طلعت العربية من الظلط، لمان البرق شدّ، شيطاني قال لي: ديك مرقك منها ابشرا، دي بتمشي منها وين؟ تذكرت عفصة الإبريق، قلت ليهو: الله ما بعابي ولا ينفعل وابشرا "لحاق بعيد" الغريبة، تعبير "يا لحاق بعيد" دا كان كاتبو بابكر سالم ابو سنون في كل لواريهو (جمع لوري) في مدني ما عارف جاني من وين نابل؟
Post: #9 Title: Re: أسلاك Author: ناصر حسين محمد Date: 03-05-2017, 08:45 AM Parent: #7
Quote:
ما في زول بصدقني، لكن من محلي داك شفت قبّة الشيخ يوسف ابشرا البغنن ليهو البنات: بالضرى بالضرى يا ابشرا بالضرا ان شاء الله راجل مرة يا ابشرا شفت الصاقعة امتصّاها الهلال الفي قمة القبة، وشفت ابشرا قاعد ليهو في كرسي أخضر في نص القبة ومتوشح بشال اخضر بالدهبي، وشايل سبحتو. في اللحظة ديك مرت بخيالي تلاتة حاجات:
كمال ود عمي قال لي، وكنت قاعد ابني ليهو في قفص حمام بحي مايو جمب جامع بابكر سالم ابوسنون، وأنا بالمرحلة المتوسطة، قال لي: لو تقول كل يوم الصباح "يا لحاق بعيد" تلاتة مرات، أصلا ما بتفقر. نزلت من العربية قلت انزل تحت جسر قباشة دا، آخد لي بولة، النصيحة أنا زي النوبيين بهرش من الرعد هرش شديد، قلت وأنا نازل من العربية: يا لحاق بعيد تلاتة مرات دي كانت أول مرّة استعمل وصيّة ود عمي
حصلت حاجة غريبة جداً جداً دي ما ظنيت زول واحد يصدقها، أكبر من ديك حيدر حسن ميرغني ذات نفسو ممكن ينكرها، وفِي أخفّ الأحوال يقول: "ان كان قد قال، فقد صدق"
Post: #23 Title: Re: أسلاك Author: أبوبكر عباس Date: 03-08-2017, 00:55 AM Parent: #22
بوست محسن خالد بتاع دادا زكريا، بوست غير مفهوم، قلت في سري: جلال بكون مبسوط كونو الناس تساوت معاهو في عدم الفهم! المسكين ما عارف إنّو عدم الفهم ذاتو درجات.
حصل برق وسيفو فصل بيني والعربية، بقى قدامي زي بوابة التنقل بين الماضي والحاضر البجيبوها في الأفلام الامريكية الخيالية. أول مرّة أدخل إستاد مدني كنت في بداية المرحلة الابتدائية، مع ود أختي الذي يكبرني بسبع سنوات. المباراة كانت بين المريخ العاصمي والنيل مدني، سبّطت مطرة شديدة، نزلنا ادسينا في ضهر اللوحات الجانبية، كل مرّة كان يقول: جايّة رعدة فعلا تجي بعد كلامو أدهشني صدق التنبوء بتاعو لاحقا شرح لي إنّو الضوء يسبق الصوت أها سيف البرق لمان شقّ بيني والعربة، شاهدت نفسي طفلا تبلله الأمطار في إستاد مدني، وانتظرت الصوت، لكنني وجدت نفسي في زمن مختلف خالص عن ود المجدوب وأستاذ مدني وعن قباشة!!
في زمن مختلف ومكان مختلف، فتحت عيوني لقيت ارض خضراء منبسطة على مد البصر، تزين الخضرة زهرة التبر البيضاء المكان عرفتو بطانة اب علي، وقاعدين في ضَل تاية، وجنبنا بهم ضان وشاي مشدود في نار بعر، ونغني واشيل معاهم وأقول: تالي القبلي شايف لي برقا لمع والصيد في الخمائل يا ناس اجتمع الصوت الأساسي في الغنا عرفتو صوت المداح الحكيت ليكم بيهو زمان قلت ليهو: أبشرا، اللماك بي شنو؟ قال لي: اللماني بيك اتّا عارفو، لكن قول لي: بنطلونك وجزمتك ديل غيرتهم متين؟ ووين؟
يا ود البشرى عليك الله سيب شغل العرجنة البتمارس فيهو ده اشكالية المتصوفة انهم اذا جانب التوفيق العالم او الفقيه قالوا عليه اخطأ اما اذا وجِد الصوفى فى نفس الوقف قالوا عليه كفر اديك مثال سيدنا عمر عندما افتى فتوته و صححته امرأة قال قولته الشهيرة اصابت امرأة واخطأ عمر اما الحلاج فأقيم عليه الحد و كذلك محمود محمد طه عشان كده المتصوفة عشان يتجاوزو الحهة دى لجأوا للاسرار و دلالات الرموز و الارقام الرقم واحد عند المتصوفة هو الله الذى ليس كمثلة شئ و من اشتقاقته الواحدية و الاحدية يبقى الواحد الاحد هو الله متنزّهاً عن الصفة و الوصف فى مقام الذات العلية بِسْمِ اللَّهِ الرَّحْمَنِ الرَّحِيمِ قُلْ هُوَ اللَّهُ أَحَدٌ (1) اللَّهُ الصَّمَدُ (2) لَمْ يَلِدْ وَلَمْ يُولَدْ (3) وَلَمْ يَكُنْ لَهُ كُفُوًا أَحَدٌ (4) قل إنما أنا بشر مثلكم يوحى إلي أنما إلهكم إله واحد فمن كان يرجو لقاء ربه فليعمل عملا صالحا ولا يشرك بعبادة ربه أحدا نجى لى مقام الصفات اعلى تراتيب الصوفية هى الغوث و القدطب وهى دايما مربوطة بالواحد الواحد الغوث و الواحد القطب ودى دلالة على انو الصوفى ممكن يكون الله صفاتاَ و ليس ذاتاَ (َمَا يَزَالُ عَبْدِي يَتَقَرَّبُ إِلَيَّ بِالنَّوَافِلِ حَتَّى أُحِبَّهُ فَإِذَا أَحْبَبْتُهُ كُنْتُ سَمْعَهُ الَّذِي يَسْمَعُ بِهِ وَبَصَرَهُ الَّذِي يُبْصِرُ بِهِ وَيَدَهُ الَّتِي يَبْطِشُ بِهَا وَرِجْلَهُ الَّتِي يَمْشِي بِهَا وَإِنْ سَأَلَنِي لَأُعْطِيَنَّهُ وَلَئِنِ اسْتَعَاذَنِي لَأُعِيذَنَّهُ وَمَا تَرَدَّدْتُ عَنْ شَيْءٍ أَنَا فَاعِلُهُ تَرَدُّدِي عَنْ نَفْسِ الْمُؤْمِنِ يَكْرَهُ الْمَوْتَ وَأَنَا أَكْرَهُ مَسَاءَتَهُ عشان كده للمتصوفة قاعدة شهيرة ان الفرائض دليل خوف من الله اما النوافل دليل محبة اليه فى الحديث الشريف قال رسول الله يَا بِلَالُ حَدِّثْنِي بِأَرْجَى عَمَلٍ عَمِلْتَهُ فِي الْإِسْلَامِ فَإِنِّي سَمِعْتُ دَفَّ نَعْلَيْكَ بَيْنَ يَدَيَّ فِي الْجَنَّةِ قَالَ مَا عَمِلْتُ عَمَلًا أَرْجَى عِنْدِي أَنِّي لَمْ أَتَطَهَّرْ طَهُورًا فِي سَاعَةِ لَيْلٍ أَوْ نَهَارٍ إِلَّا صَلَّيْتُ بِذَلِكَ الطُّهُورِ مَا كُتِبَ لِي أَنْ أُصَلِّيَ )) عليه يا ود البشرى و طال ما المقام مقام حديث عن التصوف و رمزية ودلالة الارقام ففى رمزية زى دى ١+٢+٢٠٠+١+٥+١٠+٤٠ لا يستقيم عقلاَ ان تأتى برقم رمزيته الله ذاتاّ مع ارقام اخرى لتأتى برمز اخر كنتيجة يبقى المستثير ده عندو حلّبن يا يتجاوز حساب الرقم 1 فيكون الحاصل 257 او يكتبها هكذا 40+10+5+01+200+2+01 ____ شايف طوالى محك جرى على الخمر المدام من معانيها المطر .. ومطر الخير الالهى يتنزل علينا و عليكم خير و بركة دنيا و آخرة
Post: #35 Title: Re: أسلاك Author: محمد على طه الملك Date: 03-09-2017, 05:23 PM Parent: #34
إنتو السلك دا هبشكم كووولكم ؟ ناس قاعدة على الهبشة .
هنا انسب مكان ليها الناس كلها بتجي المنتدى مشغوفة تشوف المستنير كتب شنو؟ يا أخي، تداخل الأزمنة البتكلم عنو مصطفى دا، شفتو هنا كيف؟! يا أخي، لمان عبرت ببوابة البرق، كنت ناوي أصعد للسماء ، لكن تذكرت عثمان صالح قلت أحسن لي أقعد في واطات بطانة ابعلي دي
Quote: و طال ما المقام مقام حديث عن التصوف و رمزية ودلالة الارقام ففى رمزية زى دى ١+٢+٢٠٠+١+٥+١٠+٤٠ لا يستقيم عقلاَ ان تأتى برقم رمزيته الله ذاتاّ مع ارقام اخرى لتأتى برمز اخر كنتيجة يبقى المستثير ده عندو حلّبن يا يتجاوز حساب الرقم 1 فيكون الحاصل 257 او يكتبها هكذا 40+10+5+01+200+2+01
قول ركبنا قمبور و مشّطناه لأجل خاطر الجدل فقط! يا بتاع لا يستقيم انت بي قمبورنا دا ما وقعت لينا قصة المجموع الهنا 257 و هناك كما تفضّلتم 258 يعني انت هناك تجاوزت عن أحد الرقمين و اخذت التاني ولاّ الحصل شنو
ثم قلت لي (محي) مشى لي وين؟ عرفنا اي شي كمان بقيت تشوف (الأمحاح) من محلك دا!!
ياخي ما طلّع المستنير في راسنا إلّا انت والزيّك, تجوه محاورين ومدردقين جاهزين ما عليه إلاّ بس يمد رجله يبيّضها ليكم
ده كفر عديل منّى لما تسقط النقطة من فوق الخاء و بدل 257 أكتب 258 و تجى انت تلت و تعجن فيهن مع انها اخطاء مطبعية لكن انت عملت ليها قنابير غايتو شدّة ما نفسك فى الغلات حتى دعواتنا ليك بالخير ما قلت أمين عليها طيب الصحيح
40+10+5+01+200+2+01 =259 40+10+5+1+200+2+1=257 و خت فى بالك .. الحساب ده حسب الترميز الصوفى محك علط الصاح مخّك و اذا ...لم يستبين .. لك الامر اخوك جاهز للتوضيح ... فيل فرى ___ يا ربى الملاحظ ده ح يتعكلت فى شنو فى المداخلة دى النقط فى محلها المسافات بين الكلمات الضبط النحوى و الإملائى و بعد ده الله بستر!!! غايتو إلّا يمسك فى لم يستبين دى
معرف يا مولانا الملك المشكلة ما فى اسلاكو .. اصلها محروقة و عريانة المشكلة فيهو هو القادّى السلك
Post: #43 Title: Re: أسلاك Author: علي دفع الله Date: 03-09-2017, 07:52 PM Parent: #42
(وطفق يهزؤ) كايس لي زمن احشر فيها المصطلح اعلاها..... الخواجة عبد القادر طفق يهزو بي ابونا الشيخ المكاشفي .وبما انو المقام مقام كرامات كيتا في السلفتوت حا احكي ليكم كرامة ابوي الشيخ امحمد ود رحمة لمن الخواجة جاهو في جبل سقدي و الخواجة ايام الانجليز في الحكم متمقدر ..سال ابوي ود رحمة !!! الاستاذ دا زول خلبوص وكضاب وبقصد ابونا الشيخ عبد الباقي المكاشفي ومسمينو بالاستاذ لشيء في نفس الخواجات ..اها ابو امحمد ود رحمة قال للخواجة تعال شوف في كم جلابيتي دا شنو ..الخواجة شاف لندن شارع شارع ..على طول اسلم وحسن اسلامو وسمى نفسو الخواجة عبد القادر ..والمصريين اولاد الهرمة عملوا منها مسلسل اسمو الخواجة عبد القادر ..
انت يا علي ومعاك لمبة الحوش الزمان من سلالة بن نوح أجدادكم صُلاح وما دايرين تركبوا مالكم
Post: #46 Title: Re: أسلاك Author: أبوبكر عباس Date: 03-10-2017, 07:48 AM Parent: #45
هسع عليك منو داك يا منتصر، المستنير نوح ولّ ولدو؟ ود نوح قال بطلع ليهو جبل من الماء نوح قال ببني سفينة طيب يفترض المطر برضو يملأ السفينة ويغرقها
أوعة تقول لي السفينة كانت كبسولة؛ بزعل
Post: #47 Title: Re: أسلاك Author: أبوبكر عباس Date: 03-10-2017, 07:54 AM Parent: #46
ومصدقين ومتصالحين مع إنّو شال فيها من كل زوجين إثنين، والأسد عطس طلع ليهو كديسة من نخرتو أكلت الفيران! تقول ليهم دي خرافة يقولوا ليك: كافر زنديق بتدخل النار خليني الندخل النار جنّة مع بهم زيكم ذاتو ما دايرها
القالك مِنو مطر ؟، المطرة التدُقك فوق صنقوعك اللصنج دا . وين شُفلك مطر بتطلع من التنوّر !، أنا ما قُتلك لا تِتفلقص ؟. القبحة فوقك يا المسنوح ...
Post: #50 Title: Re: أسلاك Author: محمد البشرى الخضر Date: 03-10-2017, 08:48 AM Parent: #49
Quote: ده كفر عديل منّى لما تسقط النقطة من فوق الخاء و بدل 257 أكتب 258 و تجى انت تلت و تعجن فيهن
يا جلّي روق و افهم الله يرضى عليك القصة ما في النقطة النسيتها او الحساب الخطأ أساسا انت افترضت أن مخي مشى لبعيد و فسّر المدام على انها خمر من وين؟ هل في تعليقاتي ما يوحي بكدا؟ولّا دي موهبة جديدة عندك قراءة الأفكار وما تخفي الصدور هو انت الكلام العديل بقع ليك بعد القراءة الثانية وقيل الثالثة يا الله يا الله !! عايز تدّعي قراءة وفهم الما مكتوب كمان!! دقييييقة يا ياخي انا حاولت انبهك لأنك تخاطب هيثم الغالي وترد على حديث كتبه الهواري ما وقعت ليك, تقول لي مخي ذهب و فضة!!
و التانية مسألة الحساب الغلط, انت جيت نافش ريشك و نافخ صدرك في بوست محسن خلاص الود جاب الديب من ديله و عامل لقيت لك ملكة في المستنير بحجة الحساب الغلط فهمت المفارقة وين؟ لو ما فهمت اعذرني ما بقدر أشرح بطريقة اقل و أبسط من كدا خخخخخخخ
يا مستنير معقول الاستيكة وقفت!! يا داب انتبهت كدا لكن جلّي فقد مورد عظيم لأفكار البوستات الجديدة تاني ح تعمل شنو يا جلال؟ كامل التعاطف معك
Post: #51 Title: Re: أسلاك Author: أبوبكر عباس Date: 03-10-2017, 09:10 AM Parent: #50
كدي النشوف لقيمات منصور طمر فيك. فسر لي: "وقيل يا أرض ابلعي ماءك وَيَا سماء أقلعي"
Quote: كدي النشوف لقيمات منصور طمر فيك. فسر لي: "وقيل يا أرض ابلعي ماءك وَيَا سماء أقلعي"
هههههههههههههههههه، يأخي ما توقعتك تكون عميق للدرجة دي . والله صحي . كنت متوقعك تسألني مِن ففتحنا أبواب السماء بماءٍ مُنهمر .
مودتي لمعاوية الزبير ...
Post: #53 Title: Re: أسلاك Author: علي دفع الله Date: 03-10-2017, 09:32 AM Parent: #52
يا منتصر يا صديقي لو اتناولنا اسطورة نوح والطوفان علي الجزيمة الا بعد ساعة البورد دا يتملي بوستات ابعدو المدعو علي دفع الله ..ولا نجوت اذ نجى ..ولبيك يا نووووح الخ الخ فأحسن خلينا نقتنع بيها صم لم كدة .. انت يالمناسبة الناس بتسمي نوح .. لوط دا ما نبي 😂😂😂 انا غايتو لو جبت لي توأم اولاد بسميهم نوح ولوط سجن سجن غرامة غرامة..
بعدين بديكم كرامة من كرامات ابونا الشيخ موسى ابقصة ..
Post: #54 Title: Re: أسلاك Author: أحمد محمد عمر Date: 03-10-2017, 10:33 AM Parent: #52
ثم جاء أحمد عمر واستلقى بجوار المتعامتين بحركة مسرحية ثم ضرب الأرض بيده ثلاثاً ثم رفع بعدها يد المستنير فائزاً بالجولة وتاركاً ود المدير مستلقياً بلا حراك على أرض الحلبة
جلالدونا راقد مفلّلق ودمو سائل ومروته كملانه لكن كل ما نجي ندق الواطة ونعلن فوز البشرى يخت كراعه في الحبل بتاع الحلبة
Quote: ثم جاء أحمد عمر واستلقى بجوار المتعامتين بحركة مسرحية ثم ضرب الأرض بيده ثلاثاً ثم رفع بعدها يد المستنير فائزاً بالجولة وتاركاً ود المدير مستلقياً بلا حراك على أرض الحلبة
يققققطع قلبك، أكِني عشان سكتلك يا المقبوح يا المسنوح، القبحة فوقك ؤ فوق المستنير معاك ...
Post: #56 Title: Re: أسلاك Author: أحمد محمد عمر Date: 03-10-2017, 12:31 PM Parent: #55
يا ود الخدر قلنالك فيل فرى تقوم تركب لينا فيل المداخلة دى لى واحد اسمو ما بغرفو شنو كده عباس فى البوست التحفة يوميات بكّور ممكن تورينى الغلت فيها وين
Quote: يا غالي وفاضلابي، ما عندي مانع أخليها ونضمكم للستة الشرف بتاعت ناس معاوية الزبير، علي الفكي وطلحة بس هي تعتذر لي عن حمبرة أنا أصلا فاتح ليها ورافع القزاز من زمان
اى مخارجة بأعتبار لستة الشرف تضم المدافعين عن وضاحة ما مقبول يعنى هسى حكاية انو هيثم و حاتم الاتنين كاتبين اسمن بالا نقليزى و بالكابتال كمان و موسيقتن واحدة ماب تشفع لى فى بوست ما متذكّرو معاوية المدير طقطق ليك هيثم غالى من عير ذنب علة اساس انو هو احمدحمد عمر و عادى فى المنبر ده ود الزبير يجقلب و الشكر لى ود المدير
أمّا انت يا احمد محمد عمر و من شايعك من ناس طفق يهضرب و المستنير الذى تحنّبر هاكم ام دلدوم دى رب ابوبكر عباس قال سفينة ما ما قال مركب
كمان تعالو قولو مافى فرق بين السفينة و المركب و تبقى علينا حكاية التنفيس زى الطرشقة
Post: #59 Title: Re: أسلاك Author: أحمد محمد عمر Date: 03-10-2017, 04:03 PM Parent: #58
النصيحة ليك يا الله هيثم الغالي وحاتم هواري وحافظ بشير البتلخبط فيهم ما خاتي قريبين لي بعض شديد في افكارهم وطريقة تعبيرهم وآراؤهم وما حصل شفتهم مختلفين في وجهة نظر اطلاقاً لكن موضوع غلط الأرقام دة منطقوك فيه ومسكوك كربون لمن ندهت الفقراء لكن عجبتني فكرة هيثم الاتطقطق بي سببي دي .. ما حضرتو الفيلم دة والله متعود اتشالق أنا ويتطقطقوا الناس لكن دي جديدة علي
يا جلّي الله يسألني حنّنتني ! طيب, اديك ليها نقّاطة بالدرب عشان تستفيد: 1- القصّة ما في إنّك غلطت جل من لا يسهو, المشكلة في انّك بتكابر بعد ورّوك خطأ الجمع طلعت ليك بي قصص و قلبت هوبة مكابرة بس. 2- اللخبطة في الأسماء رغم الهوّيدة الفيها لكن ليست مشكلة بقدر عدم فهم محاولات التنبيه مرّة واتنين و ربّما تلاتة. 3- قصّة انّك تلبد لي زول عادية في البورد لكن الماعادي انّك تلبد ليه وفي نفس الوقت بدل ما تلخّه تشيل و تلخ رقبتك, دي قصّة انك تجي محاور جاهز شايل بيضتك في ايدك. 4- منطق فلان برضو غلط دا لا يليق بمن هم في سنّك.
أخيرا... ارخي جسمك خلّي البنسلين يمر .. بنفعك صدّقني
Post: #62 Title: Re: أسلاك Author: أحمد محمد عمر Date: 03-10-2017, 04:43 PM Parent: #60
مافي يا هيثم فتشت لمن نفسي انقطع فاتح بحث باسمك وبحث باسم المدير وبراجع في المواضيع المشاركين فيها انتو الاتنين .. هسة منير يجي يقول لي عديم شغلة جلالدونا مهوّد شكلو اتلخبطت عليه الأسامي أظنه قاصد لمن معاوية المدير لخ الشغيل بي سببي
شنو يا امة (لفيتو ) السلك , اقصد الموضوع لغاية ما نسينا نوع الاسلاك زاتو(زاتو دي دحين مو غاط؟) هل هو سلك هدوم سلك تلفون سلك دبلماسي ام سلك بتاع المريخ الرجاء ترك المستنير يتمدد
عليك الله هو كان الشغيل !!! غايتو اى حاجة ما ياها قاعد ألذّها و ألصّقا لى هيثم عشان كلن طلعت ما ياها ؟ عارفو ما بزعل منّى هسّى كان قلت ده ود البشرى عييييييك الاضان كان ما بردت و العين ما رمشت مهّود و بنسلين وجيب المصدر و بحث عن الحقيقة و بلاوٍ أُخر رايك شنو فى .. بلاوٍ أُخر ... كتابتا كدى ضاح ولّ ود الخدر ح يجى يتعكلت
بشيرنا يا حافظ صاح و الله لخّ ليك الشغيل لخّة السنين لكن بينى و بينك أكعب حاجة اللخبتة بين هيثم و الشغيل الشغيل بجيك داخل طوالى و يصرف ليك الذى منّو و ما بعيد ينفيك فى سرنديب غايتو بذكّرنى بى فلم سانتانا لا يرحم طاااخ رصاص فى الراس
اها شفتّ جنس اللخبتة دى يعنى ساكت مسكنا فى رقبة الشغيل القلت عليهو تكفيرى ده بعدين البوست ده انتهى من دقشة سيدو للإبريق و بالعنية كمان و زيد عليها .. البوست ذاتو عنوانو غلت طال ما المفرد سلك الجمع مفروض يكون سلوك على وزن ديك ديوك هسّى ود الخدر يجى ناطّى
Post: #74 Title: Re: أسلاك Author: حمد عبد الغفار عمر Date: 03-10-2017, 09:41 PM Parent: #73
البوست دا بقى زي شكلة الإنداية بعد المغرب لفخ من طرف
البوست دا بقى زي شكلة الإنداية بعد المغرب لفخ من طرف
ههههههههههه صدقت يا حمد و الله هسه شوف جنس أحمد محمد عمر دا، يقولو ليهو في لخبتة حاصلة بين هيثم غالي و الشغيل يقول ليك لا هو ذاتو المقصود الشغيل داك ما الشغيل دا
Post: #76 Title: Re: أسلاك Author: أحمد محمد عمر Date: 03-11-2017, 01:29 AM Parent: #75
ماااااا قلنا ليكم بوستات ونسة طاعمة ما صدقتونا هاك نوبل دي
دآيِر تخربلنا البوست، مُش ؟، يأخوي عليك الله إتخارج من هنا، أمِش شوف عقاب رواياتك في مكان غير دا ...
Post: #79 Title: Re: أسلاك Author: محمد البشرى الخضر Date: 03-11-2017, 07:36 AM Parent: #78
يا ود اب سن رش زي الرش ويين يا قريبك البوست دا رش واحد مافيه, رش بمعنى فلان يرش علاّن الحاصل هنا ستاند أب كوميدي من جلالدونا نظام ون مان شو, يجي براه شايل جردله و يرش في رقبته لامن يكمل يمش يملاه من المزيرة لامن فتر - أو ربما الزير فضى - قعد يدردق في الطين براه حاجة كدا زي عملية البت دي :
Post: #83 Title: Re: أسلاك Author: MOHAMMED ELSHEIKH Date: 03-11-2017, 11:54 AM Parent: #82
بتتصلحو معانا وتخلو بكور يتكمش ولا اجيب لكم هناي داك يلخبتها فوق تحت. ممكن نعلن هنا عن مداخلة في يوميات بكور عن بكور اب جالون صايم رمضان. تمشوا تلقوها بي هناك
Post: #84 Title: Re: أسلاك Author: محمد على طه الملك Date: 03-11-2017, 01:02 PM Parent: #83
شكرا شنو يا بكّو الله يرضى عليك .. كلهن سبعة مداخلات في الموضوع .. خليتن معلقات ؤ قعدت في الونس .. النتيجة سبعة من 83.. ود الزبير نجيض عارفك ما بتكمل صلاتك عشان كده أصلو ما بباريك .. يا علي ود دفع الله وكتين السلك دا ضارب كلف نفسك كمل لينا حكاية ابقصة ولّ مين داك خلينا نقوم لاشغالنا .
قصّة شنو ال يتمها على ود دفع الله يا مولانا هو نحنا نقاصينّّّ اى زول فيهو شبهة استنارة ح يتكمّد و يترمّد فى الفرناغة دى جنّى و جن تُجّار الإلحاد تانى حاجة صلح النييجة بتاعتك دى لى 84/7 قبل ما يتعكلت فيك فلان داك زمان كان شغّال عربى هسّى جابت ليها حساب كمان
Post: #86 Title: Re: أسلاك Author: علي دفع الله Date: 03-11-2017, 07:04 PM Parent: #85
Quote: جني وجن تجار الالحاد
مخاصمك يا جلال يا صاحبي😁 انا اليومين ديل في قمة تجلياتي الصوفية حتى بالامارة حضرت رفع الهلال لقبة ابوي الشيخ عمر جد ابوي الشيخ المكاشفي المدفون قبل 500 سنة في منطقة قلع ود القصير غربي سنار .. تجي تمرقني مع الملاحدة كنت عاوز احكي لي مولانا الملك قصة ابونا الشيخ موسى ابقصة لكن سديت نفسي يا بعيد ..
Quote: جابوا ليهو رفيق يرعى معاهو في المنبر ٢٤ ساعة اسمو منو كدا التاج
عمر يا خليفة .. عمر البشير، عمر التاج ، عمر بن الخطاب الخ.. معقول تتذكر التاج وتنسي الخلفاء المعاك الظاهر اسلاكك ضربت يا الخليفة الاول وطالما في ناس طلعت ملوص من بوست الاسلاك الضاربة ده اقترح واحد يقدم للجمهور فائدة ، ويعرف بكور بكيفية صلاة الجنازة ، وأرشح شيخ جلال يؤم الناس ، وود البشرى مؤذنا وبكور يحضر السباتا . . . تسخينة الى حين عودة.
Post: #89 Title: Re: أسلاك Author: محمد على طه الملك Date: 03-12-2017, 00:50 AM Parent: #88
يا جلجل كل واحد فينا نقل من الصفحة البتليه .. والاتنين صاح .. أنا أخدت الرقم من بورد الردود في الصفحة الأولى .. والصفحة دي ما بتحسب مشاركة صاحب البوست الأولى بتخت ليها ( 0 ) .. أنت حسبت المشاركات بما فيها مشاركة صاحب البوست فظهرت ليك الزيادة .. وقع ليك؟ ود البشرى يا عيني عليهو يشوف مين ولّ مين .. دا لو باراكم بلقى روحو مركب طقم.. : يا أبو علوة الجماعة ديل مرقو مراسيلم وعايزين يفصلو السلك ويرفعو الأجهزة .. شوف لينا أبقصة سريع .. يلحقنا وينجدنا.
كلام المداح يوسف ابشرا عن الجزمة والبنطلون عمل لي زي ماس في أسلاك راسي الشمالية، دخلت يدي في البنطلون طلعت الجزلان، لقيت رخصة قيادة دبي والسنة سنة ألفين و٣٠٠ درهم، قلت لابشرا: الليلة يوم كم؟ قال لي: يوم ستة قلت ليهو: شهر كم؟ قال: تزعة خجلت اسألو من السنة مسحت وشي بيدي، لقيت عندي دقن، الدقن كان حلقتها نهائيا سنة ٩٨
الأغنية إهداء لصديقة قديمة صاحبتني في أحدى رحلاتي للبطانة في مهمة بحثية،
وصلني البوم خبر وفاتها متأخرا (شهرين) بعد معاناة مع السرطان قلت ليها وكانت تغني لينا طيلة الرحلة بصوت عذب أغاني ثنائي العاصمة، قلت ليها: زمني في الغنا كعب ممكن تشوفي لي كيف أصلحو؟ دقت في شنطتها وقالت لي: كدي غني غنيت ولا وحدوا بينا قالت لي: أقيف، ولا تحاول أرضى بقسمتك التحية لنادرة خلف الله، وأنا آسف لم أسمع بمرضك، للوقوف المعنوي جنبك أعذرينا، الدنيا لا تتوقف من ممارسة عبثها معي ولا نجد غير دموع السني الضي في ذكرى رفيقه
لون أساسي: إتصل بي قريبي وصديقي أول أمس بالتلفون: - يا مستنير، مسافر يوم السبت السودان، بتي قالت دايرة توبين توتال ربط، يكونن زاهيات، يخلبن الأبصار، لكن شرط ما اختارن أنا، تختارن إتّا، لأنو ذوقك حلو قلت ليهو: الكلام دا كان زمان، الأن أنا رجل مفكر وحوامة دكاكين دوار الساعة لا تناسب برستيجي
Post: #94 Title: Re: أسلاك Author: علي دفع الله Date: 03-24-2017, 01:39 PM Parent: #93
اليوم يا مستنير افتتحوا الحاجة الاسمها سنار عاصمة الثقافة الاسلامية وجنس وفود وخلق دا ما المهم انت عارف اهم حدث شنو انو صلاة الجمعة في مسجد سنار العتيق صلى بيهم امام الحرم المدني وحاة النبي سنار وضواحيها مرتكزين من امبارح عشان يصلوا خلف امام الحرم المدني ..سالت بعض المتصوفة قالوا لي دا فيه ريحة الحبيب. انا على قناعة الدين الاسلامي دا لو كان كلهم صوفية ما كان وصلنا مرحلة الضبح جخخخخخ البعملو فيها الدواعش والوهابية والاخوان المسلمين .. #التصوف عالم جميل_
والله يا علي الذكرى عظيمة رغم وضاعة هؤلاء نقول مبروك ونردد معا قول أمير الشعر السوداني الحديث الراحل محمد عبد الحي
الليلة يستقبلني أهلي خيلٌ تحجل في دائرة النارِ وترقص في الأجراس وفي الدِيباج امرأة تفتح باب النهر وتدعو من عتمات الجبل الصامت والأحراج حرّاس اللغةَ – المملكة الزرقاء ذلك يخطر في جلد الفهدِ وهذا يسطع في قمصان الماء
الليلة يستقبلني أهلي أرواح جدودي تخرج من فضَّة أحلام النهر، ومن ليل الأسماء تتقمص أجساد الأطفال تنفخ في رئةِ المدّاح وتضرب بالساعد عبر ذراع الطبّال
الليلة يستقبلني أهلي أهدوني مسبحةً من أسنان الموتى إبريقاً جمجمةً مصلاة من جلد الجاموس رمزاً يلمع بين النخلة والأبنوس لغةً تطلعُ مثلَ الرّمح من جسد الأرضِ وعبر سماء الجُرح
الليلة يستقبلني أهلي وكانت الغابة والصحراء امرأةً عاريةً تنام على سرير البرقِ في انتظارِ ثورها الإلهي الذي يزور في الظلام وكان أفق الوجه والقناع شكلاً واحداً يزهر في سلطنة البراءة وحمأ البداءة على حدودِ النورِ والظلمةِ بين الصحوِ والمنام
دخلت محل ركن السودان، لقيت صديقي ودفعتي حافظ خمطاشر سنة ما شفتو الشعر بالكامل أبيض الشنب فول بالجبنة تذكرت شبكية معاوية الزبير لمان لاقاهو بوردابي عشريني في الطائرة البوردابي: كيف حالك يا معاوية الزبير؟ معاوية: كويس الحمد لله، ما عرفتك، قرينا سوا؟ أم البوردابي التي تصغر معاوية واقفة جنبو أنخلعت قالت: أجي، هسع دا قدرك؟ معاوية ردد في سرو: والله، أنا ذاتي ما عارف أي صورة لنفسي راسخة في شبكيتي
شكراً المستنيرة سابقا فردوس محلات التياب النسائية بالشارقة عبارة عن معرض تشكيل فني التجول بداخلها من غير صحبة امرأة يشرح القلب التياب عبارة عن لوحات زاهية الألوان وكذلك محلات بيع الخمور Liquor stores
بتاعة دكاكين الخمرة دي مبتذلة ومكشوفة شديد يا مستنير حاول مرّة أخرى, أو على الأقل استنى تخلص هوجة شكوكو عشان الناس تفضى شوية وتنتبه ليك :)
Post: #103 Title: Re: أسلاك Author: أبوبكر عباس Date: 03-29-2017, 02:52 AM Parent: #102
سلام ناصر وبشرى، لو يوم جاين من رأس الخيمة، تعالوا بالطريق القديم أدخلوا البراكودا شوفوا ألوان الخمور، تدرج الخمري، طريقة العرض وجمال القناني (جمع قنينة)
جاني تلفون من صديق شاب، قال لي معزوم حفلة في مركب بالخور بعوضية عذاب اليوم ليلاً قلت ليهو: البرستيج والسن، لكن بجي بعد الدوام طوالي علي الحلاق وقلت ليهو الصبغة natural brown قلت ليهو بغسلها في البيت قبل الحمام قعدت في الحوش في كرسي حديد من غير مساند غفوت حلمت بيوم القيامة وواقفين جنب النار، بالجنبة رادمين حطب كبار خلاص جوني أتنين، واحد من عضلاتو عرفتو مالك، قالوا لي: إتفضل قلت ليهم بنص إبتسامة: ما ممكن تكونوا جادين؟ بدون أي كلمة زيادة شالوني زي الريشة وتوشك الألم دا لا يوصف، تذكرت أكتر ألم حسيتو في الدنيا يوم قلعت ضفري بتاع سبابة القدم اليمين، اليوم داك تذكرت بيوت الأشباح، واستفرغت من الألم، أها في النار تذكرت الضفر وبيوت الأشباح غلبني أكورك ولا أعمل أي حاجة أسلاك راسي تشابكت حدرت ليهم حدرة مغصة قالوا لي بجلافة: في حاجة؟ طلعت أصبعي السبابة لقيتو أسود محروق، وقلت ليهم بتهديد: خليتكم لي الله صحيت لقيت أصبعي مجلبط بالصبغة ولونو بني فاتح تذكرت آمنة مختار قائلة ذات دواس: هوي يا السودانيين الشياب المتشابين، لمان تصبغوا، إختاروا اللون البني الفاتح بدل الأسود الداكن
زولكم يا ملك، كان أنجض منو جاء سايقم من الأبيض لأمدرمان كداري
Post: #110 Title: Re: أسلاك Author: أبوبكر عباس Date: 03-31-2017, 02:15 AM Parent: #109
أبدا، أصبع رجلي البقصدو هو ابهام القدم، بالسوداني ومن غير فلسفة الاصبع الكبير
Post: #111 Title: Re: أسلاك Author: أبوبكر عباس Date: 03-31-2017, 02:35 AM Parent: #110
قالوا ناس الأمن في بيوت الأشباح بطلعوا ليك ضفر الاصبع الكبير بتاع القدم بزردية. نحنا ما ناضلنا، لكن اتونسنا مع مناضلين كتار وكبار. في المستشفى عمل لي العملية خواجة ومعاهو ممرضة فلبينية في المكتب. عمل البنج الموضعي وبدأ يشيل في الضفر كامل، قال لي: لو الألم شديد وقفني عشان أزيد البنج، بسري قلت ليهو: أفو، أنا جدي عبد الله وسعد وجنبي مرة، معقول أقول ليك في ألم؟ نحن جدودنا كانوا بياكلوا النار أكل عديل كدا
Post: #112 Title: Re: أسلاك Author: محمد على طه الملك Date: 03-31-2017, 03:23 AM Parent: #111
على كدا لو الفلبينية فكت فيك ذغروده كنت قلت ليهو شايل الضفر التاني مش!
Post: #113 Title: Re: أسلاك Author: محمد البشرى الخضر Date: 03-31-2017, 06:46 AM Parent: #112
يا حليلك يا بكور خرمان للآكشن شكلك قبل المغادرة تهابش من طرف شايفك لكن قصة الصبغة ما بتجيب ليك دخل ما ظنيتها
الفيلم الوثائقي بتاع: الاسلام القصّة التي لم تروى شكّل نقطة مهمة في مسيرة حياتي التأمليّة بديت أكون قصّة تشبه قصة امبراطورية التتار قصّة أُحد، كبدة حمزة، وإبل يثرِب، النوى داخل البعر، ولقد ارتقيت مرتبا صعبا يا رويعي الغنم كلها نجر أخضر، زيها وزي قصص ابوزيد الهلالي لماذا قام طه حسين بالتراجع عن كتابه الشعر الجاهلي؟ السؤال ليس كيف تراجع؟ السؤال كيف رجل يفتقد أهم حاسة، توصل لهذه التصورات؟ الكتاب دا لو كان ما غيرو، كان أختصر لينا زمن طويل وكان ممكن الواحد يستمتع بحياة أفضل الأدمغة دي عجيبة!!! ناس بتصل بسهولة وواحدين السقط يشفق ليهم كرعينم
Quote: لماذا قام طه حسين بالتراجع عن كتابه الشعر الجاهلي؟
سلام يا المستنير.. اعتقد هو ما اتراجع ,ووجه بحرب شرسة من الازهر و شيوخه و اٌتهم في ايمانه و تم فصله من الجامعة كرئيس لكلية الاداب و تم سحب الكتاب لتعديله. و اتخذ لدراسه الشعر الجاهلي منهجا علميا هو منهج الشك سبيلا إلى اليقين. "يقول طه حسين: نحن بين إثنين، إما أن نقبل في الأدب وتاريخه ما قال القدماء، لا نتناول ذلك من النقد إلاّ بهذا المقدار اليسير الذي لا يخلو منه كل بحث والذي يتيح لنا أن نقول: أخطأ الأصمعي أو أصاب. وإما أن نضع علم المتقدمين كله موضع البحث بل أريد أن أقول الشك. أريد ألاّ نقبل شيئا مما قاله القدماء في الأدب وتاريخه إلاّ بعد بحث وتثبت إن لم ينتهيا إلى اليقين فقد ينتهيان إلى الرجحان. الفرق بين هذين المذهبين في البحث عظيم، فهو الفرق بين الإيمان الذي يبعث على الاطمئنان والرضا، والشك الذي يبعث على القلق والاضطراب وينتهي في كثير من الأحيان إلى الانكار والجحود"
الأدمغة دي عجيبة!!! ناس بتصل بسهولة وواحدين السقط يشفق ليهم كرعينم ـــــــــــــــــــــــــــــــــــــــــــــ يامستنير إنت واقع في خلط كبير... الشغلانة دي في القلب مافي الدماغ... الدماغ دا زي المدير التنفيذي للوزارة،والقلب هو الوزير... أمشي اقرأ الايات من 192حتى 194سورة الشعراء..(وقد عهدناك وقافا في كلام الله)... أنا على سفر ودي آخر مداخلة ماترد علي
الفيلم بتاع موناليزا اسمايل (smile) فيلم عظيم ابتسامة جوليا روبرتس الساحرة هي قلب الفيلم كلما اشوف الفيلم بتذكر كلام علي المك في بشرى الفاضل قال: لديه ابتسامة زي قراصة التمر يوم فاز بالجائزة كنت مترقب للابتسامة واشوف كيف المك ربط القصّة دي، لكنو كان متجهم مكفهر ابداع علي المك سببو تشابك اسلاكو محسن خالد متشابكات لحدي ما دخننن موش الناس كلها كانت واقفة مع هيلاري ضد ترمب؟ أصلا ابتسامتها ولمعة عيونها ما ريحتني واعتقد دا سبب سقوطها السياسي السياسي جوليا روبرتس سألوها عن لونها المفضل؟ قالت: أي لون مبتسم
يا بكري شوف معاك تراجع عبدالرحمن الكواكبي وآراء المعتزلة وهم خارج السلطة وموقفهم وهم داخل السلطة لكن قصة الخبيئة عجيبة
Post: #120 Title: Re: أسلاك Author: محمد على طه الملك Date: 04-01-2017, 09:51 PM Parent: #119
وكتين اسلاك بوستيك كولها داخلا في بعضا .. شوف معاك السلك الناري دا يمكن يثري البوست .. شنو حكاية ارمجدون ولّ هرمجدون المالي اليوتيوب دا ؟ الغريبة الحكاية مدوره في الديانات التوحيدية التلاتة ؟ الناس دي سايقانا لى وين؟ هل البشرية دي زهجت من الطفرة الحضارية ؟ ولّ ربنا زهج مننا؟ ولّ الشغلا دي تفهم في إطار صراع الحضارات المقصود بيهو التخلص من بشرية الشرق الأوسط الكلهم مشاكل ديل؟
Post: #121 Title: Re: أسلاك Author: أبوبكر عباس Date: 04-02-2017, 02:48 AM Parent: #120
كيف ما اتراجع يا ناصر؟ هرشوهو ليك هرشة كبيرة النسخة الأصلية غير موجودة القال فيها: القصة كلها بما فيها الشعر الجاهلي اتنجرت متأخرة شوف القبائل البدوية دي أول دكت الإمبراطوريتين، وبعد داك صنعوا الدين الرسول جل في أدبم متأخر حسب كلام القسيس بتاع بيت المقدس البدو ديل لمان دخلوا القدس كانوا وثنيين ضربم الهمبريب واتثقفوا ونجروا
Post: #122 Title: Re: أسلاك Author: أبوبكر عباس Date: 04-02-2017, 03:08 AM Parent: #121
يقولوا ليك فلان دا عندو سلك عريان تسألو عن الكواكبي أو خدعة هرمجدون يقول ليك: اليوم آخر لي يوم بالمنبر ودي آخر مداخلة واشعر بالأسى لحال الأعضاء بالسعودية وكندا يحننوا
اليوم اكملت لكم دينكم كنت سعيد بالونسة معاكم وتثقيفكم يا رجرجة
وضاحة يا قبيحة، يا دمك تقيل اتي وعلي الفكي، مع السلامة
يا ملك، ما تقول ال٥٪ ناسيها لسع ما جرن يا إبسن، بتصل بيك بالتلفون بخصوص القروش الجمعتهن للجنوب، اتفقت مع معاوية الزبير بخصوصن. ابوروضة الكضاب صاحب الكضاب الدلاهة الكبير، فتح البوست وجرى
Post: #123 Title: Re: أسلاك Author: علي محمد الفكي Date: 04-02-2017, 07:02 PM Parent: #122
ابوبكر عباس وين مفارق وناوي الشرده قلت اهلك السعداب والسعداب ديل ملوك وفرسان واي حاجه بوصلوها حدها إن نقاش او دواس وطبعك ما طبع ملوك ولا طبع سعداب الشرده عيب وشينه عندهم لكن زي ما قال جدنا ابو الحسن ما في ابل بتخلو من جفار وانت سيد العارفين وعلى العموم ح نفتقدك ونفتقد محاولات تقليدك للمستنيرين عارف بتكون عامل زي الطفل لما يلبس ملابس زول كبير او بمعني اقرب ليك زي البعير لما يجر كارو عشان كده كتاباتك بتلقى اقبال الناس بتفك بيها العبوس واتمنى انك تبقى وما تغادر عشان ما نفقد تظارفك والضحكه البتهديها لينا وعارف الطفل القليص بكون محبوب وعندو قبول اها نسيت اقول ليك اذا مغادر حقيقه بخصوص تقالة الدم الانت براك بتجيب كرسيك تحضره اعفي لينا منها
