Post: #2 Title: Re: زمن بكرى عباس Author: عبدالحفيظ ابوسن Date: 03-03-2017, 11:57 AM Parent: #1
غريبة البوست دبل بي كليك واحدة يا ربي تكون كرامة من كراماتو
Post: #3 Title: Re: زمن بكرى عباس Author: عبدالحفيظ ابوسن Date: 03-03-2017, 11:59 AM Parent: #2
البوست اخواني ولا يخلو من الهدف والهدف ممكن يكون انصرافي الانصرافية زاتا ليها حوبة
Post: #4 Title: Re: زمن بكرى عباس Author: عبدالحفيظ ابوسن Date: 03-03-2017, 12:03 PM Parent: #3
وانا بكتب اسم بكرى تذكرت ودالبشرى البشرى وليس البشري وهو من الاذكياء عندي يا ربي ليه هو برفض واخدت كلامو جد ف لقيتو صاح البشري تعود لل البشر بسموها شنو في العربية نسيتها اظنها صفة
Post: #5 Title: Re: زمن بكرى عباس Author: عبدالحفيظ ابوسن Date: 03-03-2017, 12:06 PM Parent: #4
ولا اظنها نسبة فليسهر عليها زول غيري نرجع للبوست الفكرة واضحة في الذهن ثقيلة علي اللغة اللغة حين تتحاشي ان تصيب بها قوم بحاجة لا تقصدها وتكون هبشت اللحم الحي دون رمية منك ونبقا في قاصد وما قاصد وحاو و تر
Post: #6 Title: Re: زمن بكرى عباس Author: حيدر حسن ميرغني Date: 03-03-2017, 12:11 PM Parent: #5
لايك
Post: #7 Title: Re: زمن بكرى عباس Author: عبدالحفيظ ابوسن Date: 03-03-2017, 12:19 PM Parent: #6
بقدر ما مبسوط من لايكك يا حيدر بقدر ما ملاوز ان اخذلك اخذل ثقتك في قرايتي ضمير المخاطب الفرد ممكن يقرأ جمع
Post: #8 Title: Re: زمن بكرى عباس Author: عبدالحفيظ ابوسن Date: 03-03-2017, 12:22 PM Parent: #7
يقولو ليك زمنا فات وغناينا مات للزمن هنا حركة وضجيج .. كأنه يتحول لجسم وماهو بجسم كون انك تكاد تلمسه ويلمسك
Post: #9 Title: Re: زمن بكرى عباس Author: علاء سيداحمد Date: 03-03-2017, 04:06 PM Parent: #8
يازول ما تلاوز قراءتك صحيحة والتحية لك وللاخ / حيدر .
Quote: بقدر ما مبسوط من لايكك يا حيدر بقدر ما ملاوز ان اخذلك اخذل ثقتك في قرايتي ضمير المخاطب الفرد ممكن يقرأ جمع
Post: #10 Title: Re: زمن بكرى عباس Author: محمد البشرى الخضر Date: 03-03-2017, 04:12 PM Parent: #8
سلام يا ود اب سن مسالة الياء محل الألف المقصورة و العكس و الذال و الزاي و الغين و القاف و غيرهن الفكرة فيها الضرسة البتحصل للزول البنطق اثناء ما بقرا كما أفعل انا تخيل تكتب (في) بالألف المقصورة! أو كما فعل بكري أبوبكر في إسمه المكتوب (بكرى) حاسس بالضرسة
نجي للموضوع, مع إني لسة لم يستبين لي المقصد بعد,لكن عايز اعلّق على كلامك لحيدر و ما قلته فوق عن خوفك من سوء فهم ما تعني الحكاية دي مع النقص المريع في عناصر التواصل الذي يحدث عن طريق الكتابة مع غياب لغة الجسد و العيون وكدا لا يحلها سوى احسان الظن بالمكتوب و الكاتب من جهة ومن جهة أخرى حرص الكاتب على الوضوح و مراعاة المشاعر. انت مثلا يا ود اب سن خطّك في الكتابة وطريقتك من أول يوم يستحيل تدي فرصة لأحد أن يسيئ فهمك ويشكك في نواياك في حين يوجد آخرين على العكس تماما مهما احسنت الظن بهم يخذلوك الحكاية دايرالها مباصرة جاي وجاي
Post: #12 Title: Re: زمن بكرى عباس Author: عبدالحفيظ ابوسن Date: 03-03-2017, 05:22 PM Parent: #10
منو اللي قال ليس شرطا ان تعرف كل الاجوبة بل ان تعرف كيف تسأل
الفكر ولا نقول التفكير هو من يخرجنا من هوة الظلام ان تفكر بشكل نقدي ان لا تقبل القول كأمر بديهي .. اقبلو مالو لكن اخضعو لمنطقك .. امكن تحس انك محتاج للاستزادة من علم آخر . دة لو فعلا ماخد امر التفكير بشكل جدي يعني مثلا مثال ودالبشرى فيما يخص الألف المقصور والياء . ممكن مبدئيا آخد كلامو دون ان يمنعني ذلك من البحث في علم اللغة وبالتأكيد البحث ممكن يثبت او ينفي معلومتو لكن قطع شك اضاف لي حتي لو معلومتو غلط ببقا هو سبب في تثقيفي غض النظر عن صحة قولو او خطأها دى الفكرة في تقديري القابلة للخطأ بنفس المنطق النقدي ولكنها لن اجدها في كتاب بل من مجمل رؤيتي لاشياء كثيرة
Post: #11 Title: Re: زمن بكرى عباس Author: محمد حيدر المشرف Date: 03-03-2017, 05:15 PM Parent: #1
ود ابسن ..
يقابل الجاية متحزم ويدارك الجاية متلزم كلام قلمك على بوستك يبقى عديلة يا بيضا
أبشر آ زول .. قووود لك
Post: #13 Title: Re: زمن بكرى عباس Author: عبدالحفيظ ابوسن Date: 03-03-2017, 05:28 PM Parent: #11
ضج المنبر بأسم بكرى يا علاء يا بوست مخصوص ليهو ولا في ثنايا البوستات ودة مش دلالة علي المنبر لكن دلالة علي العضوية كدي احسب معاي الناس النشطة في المنبر وتقاطع علي علاقاتهم مع بكري احسب بتمو عشرة ما ظنيت وزي ما قلت سابقا بكرى خلا العشرة آلاف عضو وبطبقو في النشطاء البحركو المنبر
Post: #14 Title: Re: زمن بكرى عباس Author: عبدالحفيظ ابوسن Date: 03-03-2017, 05:28 PM Parent: #11
ضج المنبر بأسم بكرى يا علاء يا بوست مخصوص ليهو ولا في ثنايا البوستات ودة مش دلالة علي المنبر لكن دلالة علي العضوية كدي احسب معاي الناس النشطة في المنبر وتقاطع علي علاقاتهم مع بكري احسب بتمو عشرة ما ظنيت وزي ما قلت سابقا بكرى خلا العشرة آلاف عضو وبطبقو في النشطاء البحركو المنبر
Post: #15 Title: Re: زمن بكرى عباس Author: عبدالحفيظ ابوسن Date: 03-03-2017, 06:45 PM Parent: #14
ل حين ميسرة
Post: #16 Title: Re: زمن بكرى عباس Author: عبدالحفيظ ابوسن Date: 03-03-2017, 07:09 PM Parent: #15
حبابك ود البشرى شاكر ليك والله حسن قراءتك لي تعرف منذ ان وطء بكرى ارض المنبر شغل الناس الناس البحركو المنبر
Post: #17 Title: Re: زمن بكرى عباس Author: عبدالحفيظ ابوسن Date: 03-03-2017, 08:05 PM Parent: #16
حبابك ود المشرف تشرف ياخ تعرف فكرت كتير قبل ان اعنون البوست بكرى من الذين يقرأون ولهم سقف للاختلاف نعم هو عكليتة وبحب المكاواة لكن البوست لا يخصه تحديدا بيد انه يخصه معقدة شوية في ذهني وملتبسة السبب خوفا من الاصطفاف قراءة النوايا التصنيف ال ال شفت الشارع كيف ليس ك ويبقي زفاف تزغرد ليهو قمرية
Post: #18 Title: Re: زمن بكرى عباس Author: عبدالحفيظ ابوسن Date: 03-03-2017, 09:57 PM Parent: #17
المنبر دة زي ما قلت قبل كدة جمهورية سودانيز عندو نمط حياتو واهتماماتو براهو وبالذات في ظل انعدام الحراك السياسي الجماهيري في الوطن الام كل فترة بتظهر قضية ولا حدث داخلي يولد تناسل البوستات مافي زول بنكر انو بكرى عباس بكون حاضر في الصفحة الاولي . علي رؤوس البوستات او بين ثناياها يا ربي ليه دة الموضوع
Post: #19 Title: Re: زمن بكرى عباس Author: محمد على طه الملك Date: 03-03-2017, 10:33 PM Parent: #18
سلامات يا ود أب سن .. من زمان كايس لي جخنون اخش بيهو عليك ..
Quote: مافي زول بنكر انو بكرى عباس بكون حاضر في الصفحة الاولي . علي رؤوس البوستات او بين ثناياها يا ربي ليه
أخ .. كدا حتخليهو يعرض فوق رؤسنا .. حقيقة ما عايز البوست ينحرف من سياقه العام أو فكرتو العامة .. التي لخصتها بواقعيتك السحرية فيما يلي :
Quote: اللغة حين تتحاشي ان تصيب بها قوم بحاجة لا تقصدها وتكون هبشت اللحم الحي دون رمية منك
لكن مع أحترامي عايز اقول ميزة ابو بكر تكمن في طبيعته المتصالحة مع ذاتها .. والقادرة على تقبل انفعالات الآخر قدحا ومدحا .. على الرغم من أنه يسعى دائما للمشاركة برأيه وفكرته الخاصة حتى ولو كانت ناقدة أو مستفزة للآخر .. بس.
Post: #20 Title: Re: زمن بكرى عباس Author: محمد على طه الملك Date: 03-03-2017, 11:38 PM Parent: #19
أسمح لي أرجع للكوت دا بصورة تفصيلية لإنو واقعي جدا :
Quote: اللغة حين تتحاشي ان تصيب بها قوم بحاجة لا تقصدها وتكون هبشت اللحم الحي دون رمية منك
زمان ماسنجر الموقع كان بساهم في تصحيح المفاهيم في الحالات دي .. أعتقد الأخ ود البشرى قرأ الخاطرة من واجهتها كما نوهت .. وعزاها لضعف التواصل وغياب لغة الجسد .. إن كانت لي ثمة إضافة لما تفضل به .. قطعا سوف أردها للتنوع الثقافي .. ثقافة المتلقي هي التي تبين مكانته من النص المكتوب بعدا وقربا .. يعنى مثلا : لما زول يكتب النوبيون يذكرون المؤنث والعكس .. هذه حقيقة لا تضجرني لكونها واقعية .. غير أنها تضجر غيري الذي يفهمها في سياق الهزو من غير الناطقين بها .. مثال آخر : ( كان المهدي يبكي بعين واحدة) كيفما كان موقف القائل من الإمام المهدي .. يفهم المثقف العضوي .. ( عاجبني تعبير مثقف عضوي بس ما عارف إلا يكون شيوعي يعني ) ؟ إنو حويصلة الدمع في العين الأخرى مصابة بالجفاف .. بينما يفسرها آخر من خلال موقف القائل من الإمام قربا وبعدا.. في النهاية التعاطي مع الآخر الاسفيري يحتاج كما قال الأخ ود البشرى لقدر من الثقة بالنفس وحسن النية .. ما لم يكن عدوانه متعمدا وظاهرا ومتراكما. مودتي.
Post: #21 Title: Re: زمن بكرى عباس Author: أحمد محمد عمر Date: 03-04-2017, 05:05 AM Parent: #20
بكري ظاهرة في سودانيز اونلاين .. كثيرين كانوا أعضاء جماهيريين في فترات مختلفة لكن المميز في بكري شنو ! * أفكاره ما جات صدفة ولا بقراية موضوعين تلاتة في النت بل بقراية عميقة ومتبحرة لسنين طويلة * قادر على صناعة الحدث .. دخوله في أي بوست يعني سحب البساط من صاحب البوست وتتويجه ملكاً له * بكتب لمتعته الذاتية .. ما عندو ما يسوّقه خلال المنبر .. لا صحفي لا أديب ولا عندو أي انتاج مما يهم الناس * عندو الاستعداد الطبيعي لانتزاع الضحكة والطرفة في أي وقت مهما كان الجو محتقن * قلبه أبيض شديد مهما شاتمته وطاردته ما بنفعل ويكورك ويقول ليك طالعني كان راجل .. يظل الموضوع عندو مداخلات في منبر عام وخلاص * برغم إنه من الناس الما بهمتوا بالرد الراتب بل وبالرد ذات نفسه في كثير من الأحيان إلا إنه قادر يوصل لقراءه فكرة إنه بيحترمهم وما بهملهم * ممكن يعتذر لأي شخص حتى لو ما كان غلطان عليه يعني وصل مرحلة إنه الاعتذار ما بقلل من قيمته ودي الوصول ليها صعب خلاص .. حصل مثلاً شفت ليك سلفي اعتذر ! * عندو مهارة الترابي في القدرة على شغل العالم وتوجيه الكاميرات نحوه في أي وقت بالتصريحات المصنفة بإنها صادمه * عندو مهارة الخروج من المآزق بالطرفة .. أكتر واحد بتزنق في المنبر دة وبعد دة بنسلّ ويتخارج برااااحة بدون ما زول يحس .. محمد البشرى بقبضو ويشاغلو بالدمج وافتر ماث وبتاع لكن برضو ما عندو القدرة على إبعاد الكاميرات عن بكري * عندو مهارة تواصل خارقة - فعلاً فوق العادة - وقادر على التحكم في المسافات بين الأعداء والأصدقاء * قادر يتعامل مع الشهرة بدون تكلف يديك احساس إنه دي حياتو الطبيعية كدة * قدر ينصب نفسه فتوة الحلة في فترة وجيزة .. ودي الشخصية البحاول أي زول منازلتها لإثبات قوته أو جذب الأنظار * حريف .. لما يكون بطقطق ليه في زول قوي بقرب يتغلب بعديها بمسك ليه واحد ضعفان يتمرن بيه شوية عشان الناس ما تقول الأسد عجز وبتاع
Post: #22 Title: Re: زمن بكرى عباس Author: أحمد محمد عمر Date: 03-04-2017, 05:37 AM Parent: #21
اشكالية التنميط أو القولبة لدى الأعضاء الجماهيريين ناخد مثلاً أبو سن كعضو جماهيري متفق عليه أي نعم أبو سن متسامح بطبيعته ما حاجة مصطنعة لكن مرقة الغضب من جوف الحليم عادي بتحصل .. بس الآن أبو سن بقى أيقونة منبرية للتسامح أي زول حاسي بروحه انفعالي - زيي كدة - لمن يجي يتعلم التسامح بقول ليك قررت أقلد أبو سن أصبح الآن مطالب بالمواصلة في طبيعته المتسامحة دي ولو جاته غضبة الحليم يمشي يحفر ليه حفرة في الخلا ويفضيها لأنه هنا الناس ما بتقبل الخروج من القالب ابو بكر متمرد على القالب وبكتب الحاجة الفي راسه وبس كتير من عداواته الحالية مع أصدقاء الأمس اللي عاوزينه يكتب ما يطلبه المستمعون برفض الوصاية على قلمه رفض قاطع بدون أي مجاملة أو ديبلوماسية أو احساس بالرثاء على فقدان متابع لم يعجبه ما كتب دي بالنسبة لي ميزة .. إذا كان الكاتب بكتب ما أريده أنا البخليني أتابعو شنو ! مااا أكتب براي وخلاص !!
_______ بالطبع هذا دون القدح في أحلى قولبة تعرض لها أبو سن بالمسامحة وما أجملها من قولبة تكفيك العداوات لي جنا الجنا
.
Post: #23 Title: Re: زمن بكرى عباس Author: حيدر حسن ميرغني Date: 03-04-2017, 06:26 AM Parent: #22
ياسلام عليك يا احمد محمد عمر عبرت عني تماما في كل مايتعلق بالمستنير ليت الذين يناكفونه - ولو بمحبة - يرون فيه مانراه بالتأكيد اهواء وامزجة الناس تختلف سحر المستنير في المنبر بمثابة سحر الموسيقى عند بوب مارليي One good thing about music, when it hits you, you feel no pain فشنو .. امسكوا في السحر وخلو الساحر
Post: #24 Title: Re: زمن بكرى عباس Author: عبدالحفيظ ابوسن Date: 03-04-2017, 06:59 AM Parent: #23
مرحبا الملك وحبابك ومثلك من يحتفي بهم تعرف موضوع لغة الجسد .. يستعيض الانسان عنها بالبلاغة .. البلاغة العديل دي .. ودي بتقطع معظم مسافة الفهم . الباقي علي المكون المعرفي الشخصي للمتلقي ومزاجه . واضف برضو معرفتك لثقافة الكاتب وفكره ونمط تفكيره حتي النكتة محتاجة ذكاء بقدر معلوم خلي السخرية والمداعبة . نعم يمكن ان يساء مقصدك . لكن الفرق بعض لا يقبلون عذر انك لم تكن جادا .. اها ديل لو مثلت ليهم تمثيل برضو ما بعتقوك بكرى عنده القدرة علي التفكير المسموع . ودة الفرق يعني في زول بتراجع عن نطق مايريد لحسابات تخصه او تخص غيره .. ممكن مرات الامر مرات يفتقر للياقة الاجتماعية وليس الموضوعية مثلا مشينا نزور مريض . وهو يحتضر في رمقه الاخير . واسرته تقع وتقوم وتفتش في الاسعاف عشان يمشو بيهو المستشفي او المطار كلنا ممكن نسكت او كمان نجتهد معاهم في تسريع الاجراءات رغم قناعتنا الافضل يخلوهو يعيش ما تبقي له وسط اهله واحبته في سلام لو زول قال يا جماعة الزول دة مافي فايدة تحركوهو واحسن تخلوهو يموت قبلو حينظرو ليهو الناس نظرة مستهجنة وغاضبة رغم عن قناعة الناس بصدق قوله وممكن جدا يعيد اهل المريض او بعضهم لاعادة التفكير واكيد سيختلف موقف بعضهم ويتراخي لكن الاكيد ما حينسوها للقال الكلام وبحكو بيها وتبقا قصة اها شنو بكرى برميها بب كدة
Post: #25 Title: Re: زمن بكرى عباس Author: طلحة عبدالله Date: 03-04-2017, 08:07 AM Parent: #24
السلام عليكم والله ما فاهم أية حاجة في أية حاجة البوست دا فكرتو شنو وما يستفاد منو شنو ؟؟ على العموم
Quote: لم يستبين
والله دي أشد اضراسا يا جرجير .
Post: #26 Title: Re: زمن بكرى عباس Author: عبدالحفيظ ابوسن Date: 03-04-2017, 08:17 AM Parent: #25
اوووو معلم مرحبا احمد وتشكر بكرى فعلا عندو آراء جريئة جدا . والجرأة لا تعني صحة القول . وكما يقولون يوجد خيط دقيق بين الجرأة والوقاحة . الناس عموما في ظني عندهم مفاهيم متجذرة في داخلهم حتي صارت بديهيات وتحولت لي تابوو المساس بيها بحتاج لحرفنة و مكر ومهارة اها بكرى برميها تخ
Post: #27 Title: Re: زمن بكرى عباس Author: عبدالحفيظ ابوسن Date: 03-04-2017, 08:30 AM Parent: #26
مرحب حيدر وحبابك يعني شكلك قدرنا نحن جيل بوب مارلي وجيمي كليف لكن مرات بكرى بصرجها ياخ
Post: #28 Title: Re: زمن بكرى عباس Author: عبدالحفيظ ابوسن Date: 03-04-2017, 08:35 AM Parent: #27
مرحبا طلحة وحبابك هههه ياخ بقت علي اهو كل الناس راشة قلنا نرش معاهم والرش وسط الجماعة لا يعد انصرافية تخيل وما طالبني حليفة عندي بوستين محرقات روحي وداير اقاتل رغبة الكتابة فيهم صفوف الرغيف في كوستي وتصريح رئيس الوزارة بتاع العبادة ف قلت شنو احسن اهرج اصلو سكري مرتفع لاول مرة منذ خمسة سنوات مافي داعي
Post: #29 Title: Re: زمن بكرى عباس Author: عبدالحفيظ ابوسن Date: 03-04-2017, 08:48 AM Parent: #28
علي مستوي شخصي يخصني يعجبني من الحديث اقله ومن التصريح الاشارة
Post: #30 Title: Re: زمن بكرى عباس Author: عماد قريش Date: 03-04-2017, 09:44 AM Parent: #29
عندي بوستين محرقات روحي وداير اقاتل رغبة الكتابة فيهم صفوف الرغيف في كوستي وتصريح رئيس الوزارة بتاع العبادة
هلا يا أبوسن ماعايز أخرج عن سياق البوست لكن الشى بالشى يذكر صفوف الرغيف تستاهل بوست وإنت شاهد عيان وتصريحات رئيس الوزراء ماتنسى تضيف عليها قوله إنه يتطلع للنصح والتشاور مع شورى الحركة الإسلامية
Post: #31 Title: Re: زمن بكرى عباس Author: عبدالعظيم مكى Date: 03-04-2017, 09:49 AM Parent: #30
ما تحملو بكوري اكتر من ما يحتمل.
Post: #32 Title: Re: زمن بكرى عباس Author: عماد قريش Date: 03-04-2017, 09:54 AM Parent: #31
ما تحملو بكوري اكتر من ما يحتمل.
أى بكورى تقصد بتاع الوزراء ولا بتاع الوزر
Post: #33 Title: Re: زمن بكرى عباس Author: عبدالحفيظ ابوسن Date: 03-04-2017, 10:16 AM Parent: #32
تعرف يا عماد موضوع الازمات الداخلية دي ما قاعدة تجيب همها .. بتكون موجعاك بشكل شخصي ومستمر لكن لا تهم الناس كثيرا مش ازمة صفوف بل الصفوف رحمة صف معناتو في امل مرات صف زاتو مافي
Post: #34 Title: Re: زمن بكرى عباس Author: معاوية الزبير Date: 03-04-2017, 10:28 AM Parent: #33
Quote: بكتب لمتعته الذاتية .. ما عندو ما يسوّقه خلال المنبر .. لا صحفي لا أديب ولا عندو أي انتاج مما يهم الناس
اخخخخخ يا بكوري ما تزعل من أحمد م عمر وإن زَعِلتُم، يمين بالله نـعود للـ 12 نقطة الباقيات
نون الجماعة تعود للجماعة
Post: #35 Title: Re: زمن بكرى عباس Author: عبدالحفيظ ابوسن Date: 03-04-2017, 10:30 AM Parent: #33
التعليق معكوس يا العظيم مش انا العملت بل بناقش ليه انتو عملتو
Post: #36 Title: Re: زمن بكرى عباس Author: أبوبكر عباس Date: 03-04-2017, 11:33 AM Parent: #35
أحمد عمر، قتلتني بنزع الأدبنة مني شيل مني كل حاجة بس خلي لي أديب.
بالمناسبة عقدي مع بكري ح ينتهي يوم تلاتة أبريل 2017 تلانة سنين إستنارة سيدا من أخذ الأجر؛ حاسبة الله بتجويد العمل قرش حرام واحد ما دخل علي ــــــــــــــــــ هامش: لاحظ لآخر عشرة مداخلات لمنو كدا مكي؛ كلها عني!! بالمناسبة يا مكي، الحسد والغيّرة ديل بكتلوك يا شين
Post: #37 Title: Re: زمن بكرى عباس Author: محمد على طه الملك Date: 03-04-2017, 12:58 PM Parent: #36
أتقل يا بكّو ياخي أتقل .
Post: #38 Title: Re: زمن بكرى عباس Author: عبدالحفيظ ابوسن Date: 03-04-2017, 04:01 PM Parent: #37
كلمو يا الملك قول ليهو خت نخرتك في الواطة دي
Post: #39 Title: Re: زمن بكرى عباس Author: درديري كباشي Date: 03-04-2017, 04:43 PM Parent: #38
القلم مافيه قلم هذه أستنارة من بنتي الأصغر سماهر عمرها ثلاثة سنوات بعد ما شاهدت قلم رصاص غير مبري لأول مرة في عمرها القصير هذا .. درجت الشركات الحديثة من نوع روكو وغيرها في صنع أقلام رصاص مبرية وجاهزة للاستخدام مما أخفي ذاك الموديل القديم الذي عهدناه نحن في أجيالنا .. وأصبح نادرا أن ترى قلم رصاص غير مبري . عبارة سماهر أعجبتني جدا .. ونظرت لها بعمق ورأيتها تصلح كحكمة أو مثل . القلم ما فيه قلم .. ممكن يعني شخص مثقف ومحتقن بالمعلومات وموهوب بالطرف وصنع البهجة في نفوس متلقيه لكنه صامت لا يتحرك إلا بعد إستفزاز قاسي وهزة عنيفة .. بمعنى يحتاج الى من يبراه ليسقط هذا الكم الهائل من الكنائز والنفايس.. وشخص آخر بنفس المواصفات لكنه مع ذلك له قدرة البري ذاتيا .. بمعنى آخر له جرأة أن يقتحم عوالم الآخرين ويهيجها .. يستدعيهم ويستعديهم في ذات الوقت . يحتملهم ويتحملهم ويلتحم معهم .ثم يترك إنطباعا متباينا في نفوس الجميع بين معجب وحاقن وحانق ... أخونا المستنير أبوبكر عباس من هذا النوع الثاني .. لكن سؤال آخر سيطرح نفسه لماذا استملح البورداب ابوبكر في حين لم يطق معظمهم حاتم ابراهيم مع أن له ذات خاصية أبوبكر ؟؟
Post: #40 Title: Re: زمن بكرى عباس Author: عبدالحفيظ ابوسن Date: 03-04-2017, 04:53 PM Parent: #39
ارحب ب معاوية الزبير بمداخلته الخجولة واحي بكرى بمداخلته المتفلتة
Post: #41 Title: Re: زمن بكرى عباس Author: جلالدونا Date: 03-04-2017, 05:05 PM Parent: #39
غايتو دى بالغت فيها يا احمد عمر
Quote: قادر على صناعة الحدث .. دخوله في أي بوست يعني سحب البساط من صاحب البوست وتتويجه ملكاً له
و دونك بوست اليوميات لبس طاقيتو و حنّس بكرة عيان يحذفو ... ما نفع هاجم البوست و صاحب البوست .. ما نفع دخل فى معارك جانبية ... ما نفع حاول حرف البوست بى مساعدات خارجية ... ما نفع عملو سبيل و بقى يجيب مداخلات من برّة برضو ما نفع عليه .. اعترض تماماّ على ما ورد فى الاقتباس اعلاه لأنه تعميم مخل ___ يا طلحة بعد ضرسة حرف الجزم دى ,اجزمجزما قاطعاّ بأنه لن يعود لهذا البوست و البوستات الاخرى انا لو فى محلّو ,بعمل كده *سبب التعديل عنونة المداخلة باسم ود اب سن و الصحيح احمد عمر
Post: #42 Title: Re: زمن بكرى عباس Author: أحمد محمد عمر Date: 03-04-2017, 05:46 PM Parent: #41
معاوية وأبوبكر .. نكضب عاد ! حكايا أبوبكر دي ما أدب .. ونسة طاعمة بس
جلالدونا ما تبالغ عليك الله في البوست بتاعك ابوبكر ما محتاج يسحب البساط ذاتو لأنه البساط حقو انت ناسي إنه البوست عنه وبإسمو !
Post: #43 Title: Re: زمن بكرى عباس Author: عبدالحفيظ ابوسن Date: 03-04-2017, 06:13 PM Parent: #42
حباب درديري ربنا يحفظ ليك البنية تعرف الاطفال ديل مدهشين بتلمسهم ومحاولاتهم لمعرفة ما نحسبه لا يحتاج لشرح .. بخلونا نكتشف انو فعلا بحتاج لشرح وبخلونا نفكر فيهو من خلال اسئلتهم العصية اصعب شئ ان تشرح ما تحسه بديهيا وتحية للقدال نسينا مجامر التجريب علي برد المحن والعادة ف شنو بنتعلم منهم في ان نعيد تثقيف انفسنا وان نفكر كما اقول لاطفالي اقبل ان تخطئ شريطة انك تحاول من خلال فكرة مهما كانت ساذجة بالنسبة لي تحية ليها ولاسرتك بالمناسبة الزول المعلقو دة عمرو سنتين منجضني نجاض
Post: #44 Title: Re: زمن بكرى عباس Author: عبدالحفيظ ابوسن Date: 03-04-2017, 06:16 PM Parent: #43
مرحبا جلال اها دة الخايف منو تخش في بيتي وتتحكر في الديوان وما تقول سلام عسي ان لا أكون وطأت طرفا لك
Post: #45 Title: Re: زمن بكرى عباس Author: جلالدونا Date: 03-04-2017, 06:47 PM Parent: #44
اووووو حفيطو بِق سورى ليك انتا ياااخ يمين الله تطا الرقبة ذاتا مافى زول يقولّك تلت التلاتة كم لكن بس حيّرتنى نقاط اخونا احمد عمر دى دكرتنى صاحبنا حشّاش بى دقنو و ما وقع عليه من قول زى لا ارضاّ قطع و لا ظهراّ ابقى ___ يا شيخ احمد هو حاول لكن خساراتو كانت لا تعد و لا تحصى يكفى لمبة الاستنارة الدقّت الدلجة و قزازتا اتكّسرت حتّة حتّة و بقت ساسوى
Post: #46 Title: Re: زمن بكرى عباس Author: عبدالحفيظ ابوسن Date: 03-04-2017, 09:06 PM Parent: #45
كتر خيرك جلال ياهو العشم فيك ما خاب
Post: #47 Title: Re: زمن بكرى عباس Author: muntasir Date: 03-04-2017, 09:48 PM Parent: #46
سلام يا بسن بك زمنوا مشاتر يحتاج دوزنة وتر جديد ما كتير لكن بجي بالزبالة قبل ما تمر سنتين يجينا دعوشي يهز ويرز وزي ما قالت الحجة للرفض يصافحها يا ولدي زمان سكرك كعب وهسي دينك صعب
Post: #48 Title: Re: زمن بكرى عباس Author: MAHJOOP ALI Date: 03-05-2017, 02:02 AM Parent: #47
ود ابسن سلام زمن بكري بتعارض مع زمنين ساكنيين ( بمعني الثبات ) زمن ديني ، الدين عندهم مجموعة تعاليم وطقوس جامدة زمن سياسي ، بيتعامل مع اراء الافراد علي ضوء لائحتة الحزبية الداخلية واي راي مفارق لبنود اللائحة يعد خروج عن الثوابت (الوطنية )
Post: #49 Title: Re: زمن بكرى عباس Author: معاوية الزبير Date: 03-05-2017, 02:43 AM Parent: #48
اسوي شنو عاد في فمي ماءٌ وهل ينطق من في فيه ماء لكن المتأكد منو إنو (هو) على استعداد للتصالح مع ألد اعدائه لكن لا أضمن ماذا سيهبب في مداخلة تالية بعد المصالحة
على المستوى الشخصي ألجأ إليه كثيرا عندما أحتاج إلى رأي آخر ويبدو لي رأيه عقلانيا جدا، لكني لا آخذ به وأتبع رأيي العاطفي
وبمناسبة كلام علي محجوب الفوق دا (مشتاقين بالمناسبة) ابوبكر على استعداد للدفاع عن رأي أجعص كوز إذا رآه صائبا ورغم ميله لأساسيات الفكرين الجمهوري والشيوعي إلا إنو لا يرف له جفن إذا عايز يديهم في راسهم مستعد يتعاون بكل إخلاص مع الإنقاذ في تنمية الثروة الحيوانية في البلاد ويسعى في الوقت نفسه لقيام دولة بلا دين على الإطلاق
أكتر زول فاهمو هو مولانا الملك، وبالعكس منو طلحة عبد الله
أها قصرت معاك يا اب سن؟
Post: #50 Title: Re: زمن بكرى عباس Author: معاوية المدير Date: 03-05-2017, 03:18 AM Parent: #49
Quote: أعتقد الأخ (ود البشرى) قرأ الخاطرة من واجهتها كما نوهت ..
Quote: في النهاية التعاطي مع الآخر الاسفيري يحتاج كما قال الأخ (ود البشرى) لقدر من الثقة بالنفس وحسن النية ..
Quote: (محمد البشرى) بقبضو ويشاغلو بالدمج وافتر ماث وبتاع لكن برضو ما عندو القدرة على إبعاد الكاميرات عن بكري
مع تحياتي لمعاوية الزبير ...
Post: #51 Title: Re: زمن بكرى عباس Author: معاوية الزبير Date: 03-05-2017, 03:34 AM Parent: #50
ههههه آي يا ود المدير، لكن الليمونة دي بتكون لذيذة خلاص بعد كتحة تكيلا (زمااان) انت زاتك فهمتو في الوقت المناسب
جلالدونا لأنو زول طيب اكتر من اللازم ما بقدر على الشلهته دي لكنه يحبو في دواخلو
ود الصايم شرير عشان كدا صعب يتلاقو صعب لكن ما مستحيل
Post: #52 Title: Re: زمن بكرى عباس Author: محمد البشرى الخضر Date: 03-05-2017, 06:11 AM Parent: #51
أحمد محمد عمر اتفق معك في بعض النقاط وأختلف مع الأخرى وأراك كتّرت فيها المحلبية إلى حد ما تاني شي مسالة الوصاية, لا اعتقد انه توجد وصاية بالمعنى المفهوم ليتمرد عليها, كل ما في الأمر لوم مرّة أو مرّتين من علي دفع الله أو معاوية الزبير, معاوية تحديدا لإحساسه بالحرج لعلاقته المميزة مع بكّور ومع الـ subjects البستهدفها (استخدمت subject لظنّي أنّها أقرب لفهم ورؤية بكّور للناس البناقرهم وبجيب كثافتهم و يدّورهم) تاني شي المستنير في حاجات كدا ادي زيّو وزي اي طلحة تنظير و جلالدونا وغيرهم من غمار الناس و عامّة البورداب. بشيل و يحقن ويلبد ويستنّى الفرصة للـ pay back و يغرّه الثناء و عدّاد المشاهدات وتعليقات الجكس وما إلى ذلك :) لكن يحمد له - ويعاب عليه في آن - حرصه على التميّز و عدم السير في ركاب القطيع ولا يتوّرع عن اتخّاذ الموقف المخالف لرؤية الأغلبية, الحمد من ناحية الإستقلالية بالطبع و العيب لأنه أحيانا يأخذ الموقف الخطأ مع وضوحه فقط لكي يتميّز و يقف بعيدا عن الجمهور. طبعا الإتّجاه الغالب في المنبر ديمقراطي وعلماني وأنتي للكيزان و السلفيين مما أدّى للتمييز الإيجابي و خلق وضع خاص للملحدين و الجمهوريين و الصوفيّة إلى حد ما اها أبّكر مع انه أقرب لهذا الإتجّاه الغالب فكريا لكن حبه للتميّز خلّاه دايما في حالة مناقرة معاه, ممّا جعله الوحيد المرّحب به في بوستات السلفيّين و الكيزان رغم أنه الفي راسه بجوطها ليهم.
تاني شي يا أبوحميد قصة عضو جماهيري وله سطوة وبتاع دي انتهت من زماااااان المنبر الآن ليس منبر 2005 - 2010, أيّام يا رائع و يا شفيف, أيّام نجوم البورد, ايّام ما بعرفك ما برد عليك و الوهمات ديك, أيّام المؤسسين وبورداب الزمن الجميل, اسّي الكتوف اتلاحقت ابوي, دي ايّام جلالدونا وتنظير وبتاع :)
Post: #53 Title: Re: زمن بكرى عباس Author: عبدالعظيم مكى Date: 03-05-2017, 06:24 AM Parent: #52
بكوري مصاب بحالة انتفاخ البالونة وممثلتها في الكاينات الحية هي التامبيرا. التامبيرا افضل حالا لانها تنتفخ لتحمي نفسها لكن حالة انتفاخ البالونة تنتفخ لتنفجر. لا ادعي انتي اول مكتشف لهذه الحالة لكنني من الاوائل. ودائما بقول لا تحملوا بكوري اكتر من ما يحتمل فكل المنشورات عنه قادحة او مادحة ستزيد حالته سؤا.
تحياتي
Post: #54 Title: Re: زمن بكرى عباس Author: عبدالحفيظ ابوسن Date: 03-05-2017, 06:57 AM Parent: #53
حبابكم منتصر محجوب علي فعلا زمنو فارق . تفضيله للاثارة يوازي حبه للمنطق ذلك المنطق البارد الذي يخلو من دفء المشاعر
Post: #55 Title: Re: زمن بكرى عباس Author: Haytham Ghaly Date: 03-05-2017, 07:45 AM Parent: #54
حفيظ يا حبيب سلاماتي وتحياتي لك ولضيوفك
بامانة يا حفيظ بكور شخص مميز جداً وطريقته في البداية كانت محببة للكثيرين
لكن في الآونة الاخيرة دي بدأ يلوج يمنةً ويسار واصبح يحب اكتساب العداوات احياناً دون قصد واحياناً اخرى تحسه متعمد
ما عارف السبب شنو لكن احتمال يكون عندو تفسير
تعرف يا عبدالحفيظ بكور دا لو كتب في مجال تخصصو او بالاصح عن الانتاج الحيواني كان حا يبدع وكان ممكن يدي افكار جديدة يستفاد منها
لو ما على مستوى البورداب وقراء هذا المنبر على مستوى البلد كلها . ليه؟؟؟؟ لانو بكل بساطة شخص فاهم تخصصو وعارف كيف ينزل العلم الاتعلمو دا على ارض الواقع
يعني كل مقومات الافكار المفيدة مجتمعه عندو واضف اليها الذكاء.
تحياتي لك ولبكور وضيوفكم
Post: #56 Title: Re: زمن بكرى عباس Author: Haytham Ghaly Date: 03-05-2017, 07:50 AM
Quote: دي ايّام جلالدونا وتنظير وبتاع :)
هههههههههههههههههههههههههههههههههههههههههههه
جوز لا خسارة
Post: #57 Title: Re: زمن بكرى عباس Author: محمد البشرى الخضر Date: 03-05-2017, 08:21 AM Parent: #56
جوز مين يا غالي! (وبتاع) دي قشّت البلّي كله! بي جلله و ضرّاباته :)
Post: #58 Title: Re: زمن بكرى عباس Author: Haytham Ghaly Date: 03-05-2017, 08:46 AM Parent: #57
Quote: (وبتاع) دي قشّت البلّي كله! بي جلله و ضرّاباته :)
وانا ابيت اجيب سيرتا لي شينو.. دي قاشانا كلنا ياخ ههههه
Post: #59 Title: Re: زمن بكرى عباس Author: عبدالحفيظ ابوسن Date: 03-05-2017, 09:09 AM Parent: #58
ودة يا معاوية الزبير البقول فيهو المنطق البارد وجنوحه للاثارة المنطق البارد كما قال امل دنقل لا تصالح الميزان واحدة من سنجاتو المشاعر . المشاعر الواحدة دي كان خوة ولا صداقة ولا اتكيت اجتماعي ليه نحن بنتعامل مع بشر . بننضم معاهم عشان كمية من الاهداف والمصالح . ف شنو انعدام المشاعر بخلي الوردة تتحول لي طلقة شفت كيف ينافق !؟ ما قدر دة لكن حتي اعتبارها نفاق نوع من المنطق البائس في تعابير اجمل
Post: #60 Title: Re: زمن بكرى عباس Author: عبدالحفيظ ابوسن Date: 03-05-2017, 10:19 AM Parent: #59
مع اني ما قاعد اشكر في بكرى بل احاول قراءة مزاج العشرة الناشطين في المنبر مع دخول بكرى ونحن كشعب فينا عادة انتقلت للبورد أكتب بوست طلب مساعدة ينكسرو فيك ورسل لي رقمك غير رسايل الخاص وبرضو أكتب بوست تمجد فيهو عمل وتشكر القائمين عليه لومك علي إلا تعتلو براك افتح بوست شكر شرحو ف شنو نحن كأنو شكر احد خيابة من الشاكر مالوا ياخ نشكرو لو بستحق وما نتحامل عليهو لو كجناهو كما يقول اهلنا الما بتريدو خاف الله فيهو وهسة شايف بكرى انطبق فيهو المثل هدوها من التأخير .. فجرت
Post: #61 Title: Re: زمن بكرى عباس Author: عبدالحفيظ ابوسن Date: 03-05-2017, 10:45 AM Parent: #60
وفي رواية هدوها من التأخير باتت برة علي بالجزيمة الشعب دة مبدع شوف عكاز الطرور اب ضربة سلامة
Post: #62 Title: Re: زمن بكرى عباس Author: معاوية المدير Date: 03-05-2017, 02:25 PM Parent: #61
Quote: * قلبه أبيض شديد مهما شاتمته وطاردته ما بنفعل ويكورك ويقول ليك طالعني كان راجل .. يظل الموضوع عندو مداخلات في منبر عام وخلاص
قلبو أبيض كيف يعني !، يعني مثلاً زي طيرة البقر واللآ شنو ؟. يأخوي شنو طالعني واللِسلُوّب العاجز دا !، يا الشغيل دا حوش بكري يأخوي ما حوش عبد الغفار، أديّك كِدا هسّع ...
Post: #63 Title: Re: زمن بكرى عباس Author: محمد البشرى الخضر Date: 03-05-2017, 02:35 PM Parent: #62
Quote: يا الشغيل
يا رسول الله الأمين!! يا أحمد ياخوي شوف طريقة مع بكري يغيّر او يضيف اي لقب لإسمك دا يخلّيه مميّز وإلّا ح تتعب مع المهوّدين ديل! واحد شابكك ابسن والتاني مرقك فييييي عطبرة
Post: #64 Title: Re: زمن بكرى عباس Author: محمد على طه الملك Date: 03-05-2017, 02:53 PM Parent: #63
Quote: يا رسول الله الأمين!! يا أحمد ياخوي شوف طريقة مع بكري يغيّر او يضيف اي لقب لإسمك دا يخلّيه مميّز وإلّا ح تتعب مع المهوّدين ديل! واحد شابكك ابسن والتاني مرقك فييييي عطبرة
أيييييييوه أنا كمان زي القلتو دا .
Post: #65 Title: Re: زمن بكرى عباس Author: عبدالحفيظ ابوسن Date: 03-05-2017, 03:03 PM Parent: #64
مرحب هيثم غايتو كلامك دة دغمستو جاي جاي مرقت منو كيت البعرفو دة منبر تفاعلي المطلوب فيهو الموضوعية والذكاء الاجتماعي الذكاء الاجتماعي مهم جدا كيفية ان تكون مقبولا ولو كنت مختلفا قالوا واحد معاكس عكاس شديد . عكس نكس بول الجمل اها مرة راكب حمارو واحد عاين ليهو قال فلان دة بكون زعلان لأنو ماشي في نفس اتجاه حمارو
Post: #66 Title: Re: زمن بكرى عباس Author: Haytham Ghaly Date: 03-05-2017, 03:50 PM Parent: #65
ههههههههههههه
يا ود ابسن انت ما تحكها شديد ياخ
مسألة القبول الاجتماعي دي مربوطة بالانطباع الاول يا عبدالحفيظ في مداخلتي بتلقى وصف الانطباع الاول عن بكور شكلو عامل كيف في المنبر من الغالبية لكن محاولات الاستعداء الاخيرة دي هي الممكن تشوه الانطباع دا عند البعض
تحياتي
Post: #67 Title: Re: زمن بكرى عباس Author: طلحة عبدالله Date: 03-05-2017, 05:58 PM Parent: #66
خخخخخخخخ جرجير بقي يشلت ويلكز .. أظنو عامل كمين والله أعلم .. من جهة أخري على الطلاق بالتلاتة المستجير دا لو ما كان شاغل مكان الود في قلبي أكيد ما بكرهو ولا يمكن أكرهو .. كل المشكلة معاهو انو أنا ما بحب التفكه اللزج ولا أطيق الإستظراف السمج ،، كما أنني مصاب بالحساسية ضد الجرجرة والقلاصة ومشتقاتا .. وللأسف معظم البثور دي إن لم يكن كلها متوفرة في المستجير أجارني وأجاركم ربي . .................... هيثموف يا غالي سيبك من القهقهة وحاول أعرف معاي بكور دا شخصية خيالية واللا جد جد
Post: #68 Title: Re: زمن بكرى عباس Author: أحمد محمد عمر Date: 03-05-2017, 06:27 PM Parent: #67
يا البشرى والملك بركة الوقعت في الشغيل ياخي عمك دة لخاني ليك جنس لخة خلى راسي لافي لا فاهم أنا غلطت في شنو ولا فاهم هو شال العكاز ليه
Post: #69 Title: Re: زمن بكرى عباس Author: علي دفع الله Date: 03-05-2017, 08:33 PM Parent: #68
بكل ثقة ممكن اصرح تصريح قوي انو انا واحد من الذين اكتشفو بكور وعملو ليه ماركتنج جيد وقدموه لجماهير سودانيز اون لاين وكانت عندي مقولة مشهورة (اتركوا المستنير ما ترككم ) وكنت مصر اصرار عميق انو لا تقولبوه او تصنفوه لا مع كيزان ولا معارضة ولا متدينين ولا ملحدين ولا حتى مع الناس الساي ..هو حالة ممكن تكون محبوبة من البعض ومبغوضة من الآخرين ..وعندو مقدرة عالية من صناعة الآكشن ممكن تكون مقصودة احيانا مشاترة واحيانا مكاواة واحيانا غياظة واحيانا علمية ..برغم جراءته في نقد الدين لكنه لم يتم التكتل ضده كما لهشام ادم او الصديق المبعد عثمان م.ص. لا زال يجد مساحات وسط السلفتوت وبعض المتدينين .. انا شخصيا اختلفت معاه في كيسين مرة في بوست منقول عن مقال لابوبكر القاضي ..ومرة تانية لمن حس بي صدق قريمان وصلت معاه مرحلة بتاعة الرد بقوم بول ..زعلته الجملة دي واعتذرت ليه ودي اول مرة اشوفو بزعل .. المهم كما يقول طيب الذكر تبارك انو المستنير زول مؤثر ..التاثبر شنو يا طلحة ما ياهو جنس البوستات البتتكتب عنو دي هههه . طبعا اول المداخلة بتاعة اكتشاف والتسويق وحتة انا العملت دي زي بضاعة المستنير او المستجير ههه او كما قال طلحة . الحالة بتاعة بكور دي كان حا يكون عندها شكل تاني لو البورد فيه وهبة هههههه ما عارفا كيف بس كان حا تكون ليها شكل غير الحاصل دا هههههه ابسن اخوي اسف على الاسهاب اليوم انا كبر بس هههههه
Post: #70 Title: Re: زمن بكرى عباس Author: جلالدونا Date: 03-05-2017, 08:47 PM Parent: #68
هووون كلّكم اسمعوا و اعوا ان جادّى جدّاً جدّاً فى البوست ده و لمّا كون جادّى بكتب مغمّض اخونا احمد ارتكب جريرة اهتزّت لها اوصال الجبال و ارتعشت ذرات الرمال , و سنصقعه صقع غرائب الابل ثم جاء ود الخدر بأخرى تكلّب لها شعر الجلد و وقف لها شعر الراس يشيل و يوزّع فى الازمان ساى حيلك حيلك يا اخوى .. انت قايلا كشتينة بالمناسبة عملت لينا شنو فى ...لم يستبين غايتو دخلّت نفسك فى كستبانة ___ يا طلحة يا اخوى .. استبيانك الفوق ده ما دام ما فيهو لم يستبين ! ادن بالنتيجة و معاها الضرورة لم يستبن لى نرجو اعادة كتابة المداخلة بإضافة بعذ التلاخيخ .. و ما اكثرها
Post: #71 Title: Re: زمن بكرى عباس Author: جلالدونا Date: 03-05-2017, 08:58 PM Parent: #70
على طريقة اخونا و مولانا الملك فى المقاربات كستبانةو لى الما عارفين اصل الكلمة جاء فى معجم اعاجم العرب .. تحت الطبع ... قلبت الضاد الى تاء مع تثبيت علامة الرفع فوقها و حذف علامة التشديد فوق الباء
Post: #72 Title: Re: زمن بكرى عباس Author: أبوبكر عباس Date: 03-06-2017, 01:54 AM Parent: #71
داير أشارك معاكم يا حلوين، في تحليل ظاهرة المستنير. أول حاجة، اتّوا محظوظين إنّو تلتقوا خلال التلاتة سنين الفاتن ديل (بتنتهي يوم ٣/٤) بزول مجنون زيي كدا. تاني حاجة، المنتدى لو لا حضوري كان ح يموت زيو وزي بقية المنتديات سودانيات فوراول عكس الريح بتاع د معز سودانيات الخبير البشاري وهلم جرّا بتاعت الصادق المهدي أبسن قطع شك كاتب وقاريء ذكي، لخص ليكم المسألة: المستنير بفكر بصوت عالي ودي حاجة جديدة عليكم ضخت روح في المنتدى انتو بشكل عام شخصياتكم هي مثال للشخصية الشرقية المنافقة التي تتصالح من الشيء ونقيضه وتتجنب مجرد اثارة أسئلة حولو وأنا كذلك في جزء من حياتي المنتدي كاد يلحق أمات طه، ثم أرسل الله المستنير، هذه المرّة الله غيّر طريقتو بدل رسول شايل اجوبتو؛ رسل رسول شايل علامات استفهام في بقجة؟؟؟ البقول دين الله في الارض الاسلام يجدع ليهو واحدة من البقجة، ورينا كيف عرفتو يا حلو؟ لا يعرف يشاكل، لا يعرف يحبك وبالطبع لا يعرف يجاوب المتصالح المتصالح مع نفسو ممكن يقول ليك: بابا وماما قالوا لي كدا تقول ليهو: حلاتك إتّا، الله يخليك ليهم يمسكها ليك يجيك في مكان تاني وتكون نسيتو يقول ليك: امشي يا حنبرّة، يا مستجير، يا الاسمك الأصلي بابكر، يا دكتور المعيز ..... تتلفت عليهو تحاول تتذكر الكديس دا لاقيتو وين وين؟؟
Post: #73 Title: Re: زمن بكرى عباس Author: أبوبكر عباس Date: 03-06-2017, 02:10 AM Parent: #72
يا علي دفع الله، يا مرتد يا كافر، أنا امتداد للمستنير وهبّة وهبّة رجل مستنير، لكنو برضو من لحم ودم وعيبو الوقف عقبة في طريق رسالتو: عندو اصدقاء وموقف وحزب وغزية لكن برضو هو وتبارك وحافظ بشير الوحيدين السبقو المستنير وفيهم لمسة نبوة
فهمت يا مرتد يا كافر؟
Post: #74 Title: Re: زمن بكرى عباس Author: معاوية الزبير Date: 03-06-2017, 02:36 AM Parent: #73
وما تنسى إضافتك الفذة بتمكين جمهور القراء من المشاركة (أونلاين و لايف) في تأليف حكاويك اللذيذة إنه لعمري فتح عظيم في أدب ما بعد الفنتازيا الغرائبية
بالمناسبة ممكن نسلّـك معاك في بوست (أسلاك) و أتمنى لو أنساك ؟
Post: #75 Title: Re: زمن بكرى عباس Author: محمد البشرى الخضر Date: 03-06-2017, 05:31 AM Parent: #74
Quote: تاني حاجة، المنتدى لو لا حضوري كان ح يموت زيو وزي بقية المنتديات
هههههههه اها شفت يا بكّور العوارة دي ألّذ حاجة فيك و البتخلّي ناس تبلعك وما تبلع هشام آدم مثلا
Post: #76 Title: Re: زمن بكرى عباس Author: أيمن الطيب Date: 03-06-2017, 06:15 AM Parent: #75
يا أخوانا إنتو جادين؟؟؟؟؟؟؟؟
Post: #77 Title: Re: زمن بكرى عباس Author: جلالدونا Date: 03-06-2017, 07:36 AM Parent: #76
Post: #78 Title: Re: زمن بكرى عباس Author: عثمان الأمام Date: 03-06-2017, 09:07 AM Parent: #77
سلامات
زي ما قال ليكم أبوبكر عباس المستنير ده هدية من الله حقو تشكروهو عليها صباح ومساء ولو التزم بخط السير الرسمتوهو ليهو ده لا ببقى مستنير لا حاجة
المنبر في السنتين الفاتو ديل لولا المستنير وأبوسن ومداخلات معاوية الزبير والملك ومعاهم الحليلة وأبو حراز وإشراقات شاهين وحافظ بشير كان مات من الملل خاصوصا" مع اختفاء مصطفى مدثر وشلة من الاعضاء الكانو مؤثرين في فترة ما .
Post: #79 Title: Re: زمن بكرى عباس Author: طلحة عبدالله Date: 03-06-2017, 09:13 AM Parent: #78
يا أبو علوة ما قلنا حاجة بس يبعد من العوارة والشتارة والنجارة وبعد كدا ان شاء الله يتدردق هنا وجاي ويجينا أمفكو ساي .. خخخخخخخخ .................... يا مستجير وهبة منو الانت زيو ؟؟ وحاة النعمة المستنير وهبة دا ما تقرب منو لو خصصوا ليك كهرباء الرصيرص كلها عشان تنورك .. اتا بتلعب واللا بتتعاور ياخ ؟؟ ...................... من هو بكور ؟
Post: #80 Title: Re: زمن بكرى عباس Author: حيدر حسن ميرغني Date: 03-06-2017, 09:29 AM Parent: #77
تاني حاجة، المنتدى لو لا حضوري كان ح يموت زيو وزي بقية المنتديات النصيحة حال المنبر متل حال الدنيا كل كم سنة كده محتاج لمستنير في شكل نبي بالتأكيد مرَ كم واحد من هنا .. قلة منهم تركت اثر لكنهم انزووا بعيدا احتراما للنفس العشم فيك يابكور لا تنزوي خليك صامد :)) جلال ده مُحفَز لمزيد من الاستنارة وليس العكس بس صورتك عجبتني تب ..
وبعد دة بنسلّ ويتخارج برااااحة بدون ما زول يحس .. محمد البشرى بقبضو ويشاغلو بالدمج وافتر ماث وبتاع لكن برضو ما عندو القدرة على إبعاد الكاميرات عن بكري
