اشعلت رقصة للسياسية السودانية تراجي مصطفى شبكات التواصل الإجتماعي وحققت إنتشار لا مثيل له يوم الخميس وتم تداول مقطع الفيديو بكثافة على منصات الإنترنت المختلفة. وبحسب الفيديو المرفق الذي شاهدته ريم منصور محررة المنوعات بموقع النيلين شاركت تراجي فرقة للفنون الشعبية السودانية برقصة رائعة أبدت فيها تمسكها بالعادات السودانية وظهرت بالثوب السوداني رغم أنها تعيش خارج السودان لفترة طويلة. الحفل الذي رقصت فيه تراجي كان برنامجاً ترفيهيا خلال مؤتمر الجاليات السودانية الذي إنعقد بالخرطوم نهاية شهر فبراير الماضي. الناشطة تراجي مصطفي كانت من معارضي نظام الحكم في السودان وتشن عليه حملات على منصات الإنترنت المختلفة إلا أنها شاركت في مؤتمر الحوار الوطني الذي افضى لتصالحات واسعة مع مكونات سياسية مختلفة.
Post: #2 Title: Re: شباب مواقع التواصل السودانية يعرضون رقصة Author: جمال ود القوز Date: 03-03-2017, 08:00 AM Parent: #1
Post: #3 Title: Re: شباب مواقع التواصل السودانية يعرضون رقصة Author: فرح الطاهر ابو روضة Date: 03-03-2017, 08:52 AM Parent: #2
والله يا زهير غير خواجات تجميع لوشي ما شايف سودانية هنا
Post: #4 Title: Re: شباب مواقع التواصل السودانية يعرضون رقصة Author: عمر التاج Date: 03-03-2017, 09:14 AM Parent: #3
سلامات زهير تراجي رقيصها في الحفل ده أشتر متل رقيصها في الحوار الجاب بكري واضح انها ما بتجيد رقيص الكرعين وكان أفضل لو رقصت رقيص الرقبة أو الرأس.
Post: #5 Title: Re: شباب مواقع التواصل السودانية يعرضون رقصة Author: فرح الطاهر ابو روضة Date: 03-03-2017, 09:57 AM
أضحك الله سنك ذكرتني حبوبتي الله يرحمه كانت بتقول لي انحنا زمان رقيصنا فاصل للبنات الصغار وفاصل للشابات وبعد داك بندخل انحنا وتعال شوف يا رقبة وهاك يا شبال اشاغله ليك بي كلمتين يعني يا حيوية انتو الكوامر كانوا يخليكم براكم كوامر شنو انت يا ولد ما نصيح كانت فلانة لما تدخل السباتة وحاتك ات مرا واحدة بتدخل معاها مافي الرقبة انت قايلة ساهلة والله يا ولدي كانوا رجال بي شنباتم بنتظروا بس عشان زولة واحدة تدخل الحفلة وبرسلوا ليها الاحاويد عشان بس تقوم ترقص يعني يا عمر اخوي الرقبة ذاته عايزه مقومات وهسي الانا شايفو في الفيديو ده أقرب لمسابقة قتل الحشرات بالارجل من أنها رقصة شعبية الرقصة دي بالتحديد بتعتمد على الأداء القوي والحركة الأنسيابية المتناغمة من الرأس مرورا بمنطقة الصدر والارداف والارجل يعني ما خفج طين والسلام المهم نفسي اعرف مواقع التواصل الما عندها شغلة دي يا زهير عشان ندعمن بكم رقصة شعبية
Post: #6 Title: Re: شباب مواقع التواصل السودانية يعرضون رقصة Author: حيدر حسن ميرغني Date: 03-03-2017, 11:07 AM Parent: #5
الخوف كل الخوف تراجينا تكون بوظت ركبتها ولحقت بشة
Post: #7 Title: Re: شباب مواقع التواصل السودانية يعرضون رقصة Author: ود الباوقة Date: 03-03-2017, 11:26 AM Parent: #6
يا سلام
رقصة ولا اروع
التحية للكنداكة تراجي وهي تغيظ الاعداء
حوارا ورقصا وتسجيلات صوتية نارية
والعار والشنار وكتمت النفس لاعداء الوطن بالداخل
والخارج المتواجدون في دول حوض النيل
رشكرا
Post: #8 Title: Re: شباب مواقع التواصل السودانية يعرضون رقصة Author: عادل الباهي عبدالرازق Date: 03-03-2017, 11:37 AM Parent: #7
غايتو تراجي دي كسبانا حسنات سااااي من وراءكم
أنتقدو مواقفها وابعدو من خصوصياتها منو منا لا يرقص او تلهب المزيكا احاسيسة خلط الخاص في العام سبب تأخرنا والجايبنا وراء
ابو الزهور سلا م يغشاك وضيوفك الاكارم
Post: #9 Title: Re: شباب مواقع التواصل السودانية يعرضون رقصة Author: فردوس جامع Date: 03-03-2017, 02:19 PM Parent: #8
يا سلااااام على تراجي ... عجبتني شديد و هي بترقص ال كِرَنْ ب كده هي رائدة ثقافة جديدة تُحسب ليها وليس ضدها!
ثم الرقصة أثارت ذكريات حميمة في النفس و نحن صغار في الشرقية أساس كنا بنرقص ال كرن مع زميلاتنا الطالبات " نوبة " صححوني لو الرقصة دي ما من هناك. و نتبارى في منو ال بترقصها أحسن ههههه.
تُحسب ليها وليس ضدها!