شوعيون امسودان ومجاعة دويلة الجنوب..!!

07:35 AM February, 25 2017

سودانيز اون لاين
Kabar-كـــندا
مكتبتى
رابط مختصر

كبر

للتو فقط ، علمت انو تم الغاء، في المدينة التي اقيم فيها ، حفل لفنانة سودانية ، كانت تنوي اقامة حفل للسودانين في المدينة التي اقيم فيها(السبت 25 فبراير 2017) ، وسمته حفل فالنتيان ، ولكنها الغت الحفل لأنو هناك اخبار موت طالت بعض الأسر السودانية ، وكنت انوي المساهمة في ذاك الحفل ، وكنت اتمنى ان اخاطب صديقتي الفنانة من جنوب امسودان واقول لها: اتبرع من اجل المجاعة المعلنة في بعض اجزاء دولة جنوب امسودان (صديقتي الفنانة تلك بت عمي ودينكاوية ولن يضيرها ان اتبرع لأهلي النوير في ولاية الوحدة ، واعرف انها ستوصل التبرع اليهم!!..وهذى اخلاق سودانية لا يعرفها ولن يعرفها ناس كثر في امسودان سواءا كانت شمال او جنوب او غرب..!!)..!
الحفلة اتلغت ، وتبرعي لم يلغى واعرف كيف ان يصل اهلي في جنوب امسودان..!!

كبر

وبعد..
اهلي في الجنوب ،
لا اطالب باغاثتهم فقط ، ولكن اطالب المنظمة العاهرة المسماة بألأمم المتحدة بان تكون مرة واحدة متسقة مع شعاراتها ، وتحميهم ، سكان اصليين ،
وانا اعرف يا سليفا كير شنو يعني ولاية الوحدة ، كل الناس العندها ضمير عليها ان تحمي النوير..أي والله النوير ، نوير ولاية الوحدة في شمال دويلة جنوب امسودان..!!

وبعد...!!

فجأة كده ،
Suddenly
Out of the blue
انتابت صديقاتنا واصدقاءنا من الشيوعيين ، حمى التضامن مع اهلنا في دويلة الجنوب ، لمن رئيسها قريبي ( والله صحي ياناس) سليفا كير اعلن المجاعة في بعض ولايات دولة جنوب امسودان..
فجأة الشيوعيين السودانين ظهروا ، العميان شايل المكسر ، وبيعلنوا تضامنهم مع ناس الجنوب ، وبيسألوا الناس تتبرع وشنو كده ما عارف..!!
الحاجة البتعرفا شعوب امسودان العظيمة ، وفايتة على الشيوعيين السودانيين ، انو دولة جنوب امسودان ، كانت في مجاعة قبل اربعة سنوات بالتمام والكمال ،
واهلنا في جنوب السودان كانوا في حالة نزوح مستمرة على طول شريط الحدود ( اكتر من الفين كيلوميتر) نزوح ناس بحر الغزال علي حدودهم مع الرزيقات ،

نزوح في حدودهم مع المسيرية ولاد الكـــلب الكانوا بيستضيفوا الدينكا وبيتقاسموا معاهم اللقمة لأن الجوع حالة فوق القوانين كافة ، قوانين سماو ية أو وضعية ،
نزوح رعايا دولة جنوب السودان في جنوب كردفان/جبال النوبة يا خالد كودي ، نزوح الجنوبيين في تلودي ، الليري ، السراجية ، لغاية حدودنا مع ولاية بحر ابيض..!!
ونزوح الجنوبيين في الحدود مع ولاية النيل الأبيض (بتاعة ناس الطيب قريمان)..!!
اهلنا الجنوبيين كانوا في حالة نزوح صامت ، ولم يسمع بهم الحزب الشيوعي ، لكن الليلة لمن رئيس دويلة الحركة الشعبية في جنوب امسودان اعلن المجاعة ،
فجأة الشيوعيين من امسودان اتذكروا جنوب السودان وصاروا العميان شايل المكسر ، يجعرون ويملأون الأفق صياحا وصراخا بانو في مجاعة في الجنوب وعلى الناس ان تهب وتنجد..
نفسهم الشيوعيين الذين صمتوا عل مجاهدات الغلابة والحزاني في الحدود مع بحر الغزال (عرب الرزيقات) وصمتوا على مجاهدات الحدود بين الدينكا والمسيرية ،
وصمتوا على مجاهدات الحوازمة في الحدود مع الجنوب في تلودي والسراجية و ابوجبيهة وغيرها من مناطق جنوب كردفان..وصمتوا عن مجاهدات ناس ولاية النيل الأبيض السودانية..!!
وقد يتساءل السائل ، ليه الشيوعيين فجاة كده اتذكروا مجاعة الجنوب وانتظروا اعلان دولة الجنوب للمجاعة؟..
الشيوعيون السودانيين ، برغم تظاهرهم بانهم ضعفاء ، الإ انهم يعرفون من اين تؤكل الكتف ، فهم لا يهمهم انسان سواءا في جنوب السودان أو السودان ،
وانما يهمهم ما ينالون من كسب عابر ، واعلان المجاعة بصورة رسمية من قبل دولة الجنوب ،
هو نقاطة وطريق كسب يمكن ان يستغله كثيرون منهم من اجل مصالح ذاتية و عابرة ، ومن ضمنهم ممن يسمون انفسهم شيوعيي وشيوعيات امسودان ...!!!
يا ترى ليه حناكيش الحزب الشيوعي السوداني مندرعين في مجاعة الجنوب؟؟ فالبارونة كارولين كوكس كانت اشطر منكم ،
تحديدا استاذنا دكتور عشاري احمد محمود ، فاليونسيف لم تكن مجرد منظمة لحماية الطفولة فقط ، والشيوعيين الذين ينادون بان نضع اموالنا في حساب منظمة اليونسيف في جوبا ،
بنقول ليهم اهلنا قالوا: الضاق عضة الدبيب بيخاف من مجر الحبل..!!

كبر

المابدورك في الظلمة يحدر ليك
سلامات ياكبر