Post: #3 Title: Re: ** كيه في اسياد الدقون الضلال والمتاسلمين** Author: علي دفع الله Date: 02-24-2017, 07:46 PM Parent: #2
يا سلااام شباب زي الورد.. واعجبني ظهور علاء الشيخ ود حلتنا في العمل .. شكرا وضاحة شكرا ود المشرف الذي نشره على صفحته ..
Post: #4 Title: Re: ** كيه في اسياد الدقون الضلال والمتاسلمين** Author: عمر التاج Date: 02-24-2017, 08:06 PM Parent: #2
التحية لك يا ملكة على هذا الابداع المتدفق والحياة النابضة بالحب المترعة بالجمال معان طبيعية غيبت عن حياتنا عمدا وكرها .. مع سبق الاصرار والترصد وهدم مبرمج لطموح الشباب وامالهم يعدل دفنهم احياء وقتل احساس الحياة في قلوبهم لله درهم من شباب ينتظر الوطن من حيهم ليعيدوا له اخضراره ، وغفر لميتهم واثابه فرحا بفرح.
ود دفع الله ود البلد الاصيل ديل شبابنا البنراهن عليهو وديل مستقبل البلد عاوزنهم يشبو بدون عقد ولا فكر متخلف احرار في الفكر والتفكير يبنو قناعاتهم من الواقع والحاضر مش يخلو عقول بشرية عاشت من 500 سنه تفكر ليهم ويحاولو ينزلوها على واقع القرن 21 فرق شاسع تحياتى
عمر التاج وينك يا جميل مختفي مشتاقين وفاقدين حروفك شبابنا عادوا اقوى وانضر وفشلت كل محاولات ارجاعهم للوراء وتقييدهم وتحييد عقولهم كانوا عاوزنهم متلقين فقط امساخ مشوه لا تعرف الجمال ولا تحس فيه ولكنهم ارادتهم قالت لا نحن من نصنع المستقبل نحن من نتفكر في ملكوت الخالق بعقول متفتحة حره واكيد بكره احلى ودى واحترامي
Post: #7 Title: Re: ** كيه في اسياد الدقون الضلال والمتاسلمين** Author: Deng Date: 02-25-2017, 02:58 PM Parent: #6
((((مساكين ربوا الدقون ونسوا تربية العقول)))
سلام يا وضاحة.
تعليقك معبر جدا.
والفيديو إبداع شديد.
تحية الى هولاء الشباب في كل بقاع العالم.
Post: #8 Title: Re: ** كيه في اسياد الدقون الضلال والمتاسلمين** Author: عثمان حسن المتعارض Date: 02-25-2017, 03:06 PM Parent: #1
مشكووووووووورة والله إبداع فعلا علي الأقل يعرف العالم كلو جزء من تراثنا وزينا القومي وطبيعتنا السودانية الأصيلة االبنفخر بيها ....
و كمان ولدنا شريف الفحيل شايفه طلّ سريع كده ... و لا ما كده ؟
بعدين يا وضاحة افرزي ياخ ... الدقون خشم بيوت ...
قولي أصحاب المقاشيش المنفرة ...
Post: #11 Title: Re: ** كيه في اسياد الدقون الضلال والمتاسلمين** Author: مني عمسيب Date: 02-26-2017, 00:15 AM Parent: #10
حقيقة شباب الورد بشبهم . بوست يرد الروح ويسعدها .
مشكور يا منقة علي هذا الابداع . ولكم جميعآ عاطر التحايا ..
شوفوا الكلس دا مبالغة . Nile
Post: #12 Title: Re: ** كيه في اسياد الدقون الضلال والمتاسلمين** Author: محمد البشرى الخضر Date: 02-26-2017, 06:53 AM Parent: #11
سلامات وضّاحة اتعوّدنا في العربية مع مشوار المدرسة و المشاوير الطويلة برضو الأولاد بشغّلوا أغاني و نقعد نغنّيها كلّنا أيّام شبكنا في waiving flag و this time for Africa و cause I'm happy قبل فترة علّقنا في دي, توتا بتحفظ بسرعة و تردّد الكلمات اسرع مننا, فاجأتني يوم بابا يعني شنو turn you on !! يا النبي ! صبّت فيني مطرة جبتي الكلام دا من وين يا بت, من الغنية, ياتو غنية, بتاعة don't you meed some body دخلت بي حمد و طلعت بي المنشية و أدودر في الكلام يمين وشمال, ما خلّيت ديكشنري حايم, في النهاية غايتو دغمست الحاجات و بتاع و هناي وكدا ومحاسن أديني روّاحات :)
من يومها شغّالين أناشيد حمود الخضر بس وكان بالغنا خلاص اغنية frozen ديك وكان الله يحب المحسنين
Post: #13 Title: Re: ** كيه في اسياد الدقون الضلال والمتاسلمين** Author: بله محمد الفاضل Date: 02-26-2017, 07:44 AM Parent: #12
الاخ عثمان المتعارض سلام وتحية مشكور على المرور والتشجيع الشعب السوداني من اجمل شعوب العالم شعب متفرد في طباعو وقيمو النبيلة وحقو نحافظ عليها وعلى تفردنا ونتمسك بيها لانها هويتنا
لا حولا ولا وقة الا بالله العلي العظيم نحن ناقصين غناء ورقيص ومياعة في السودان اهو عجوز النار داك في رمضان لامي العطالة وقاعد الليل كلو معاهم يغنوا في السودان كان في تسع فنانين وفنانة والشعب مستمع الان كل الشعب فنان وفنانات وتسع مستمعين يا سبحان الله اللهم لك الحمد حتى ترضى واذا رضيت ومن بعد الرضا ولك الشكر على كل حال ؛ اتريدون ان ينصلح الحال بهذا ؟؟؟ قال الله تعالى : ( وضرب الله مثلا قرية كانت آمنة مطمئنة يأتيها رزقها رغدا من كل مكان فكفرت بأنعم الله فأذاقها الله لباس الجوع والخوف بما كانوا يصنعون ( 112 ) كيف لا يلبسنا الله لباس الجوع والخوف ؟؟؟ وكيف ياتينا اكلنا رغدا ؟؟؟؟
Post: #15 Title: Re: ** كيه في اسياد الدقون الضلال والمتاسلمين** Author: أحمد محمد عمر Date: 02-26-2017, 09:25 AM Parent: #14
الفهمتو من استدلالك بالآية والنتيجة التحتها إننا كفرنا بسبب الغناء عشان كدة جعنا طيب سؤال يا شيخنا الكافر البغني ولا البسمع ؟ وهل النسبة القارنتها بتاعة عدد الفنانين والمستمتعين بين الزمنين دي بتأثر على موقعنا في النار ؟
Post: #16 Title: Re: ** كيه في اسياد الدقون الضلال والمتاسلمين** Author: MOHAMMED ELSHEIKH Date: 02-26-2017, 09:33 AM Parent: #15
Quote: لا حولا ولا وقة الا بالله العلي العظيم نحن ناقصين غناء ورقيص ومياعة في السودان اهو عجوز النار داك في رمضان لامي العطالة وقاعد الليل كلو معاهم يغنوا في السودان كان في تسع فنانين وفنانة والشعب مستمع الان كل الشعب فنان وفنانات وتسع مستمعين يا سبحان الله اللهم لك الحمد حتى ترضى واذا رضيت ومن بعد الرضا ولك الشكر على كل حال ؛ اتريدون ان ينصلح الحال بهذا ؟؟؟ قال الله تعالى : ( وضرب الله مثلا قرية كانت آمنة مطمئنة يأتيها رزقها رغدا من كل مكان فكفرت بأنعم الله فأذاقها الله لباس الجوع والخوف بما كانوا يصنعون ( 112 ) كيف لا يلبسنا الله لباس الجوع والخوف ؟؟؟ وكيف ياتينا اكلنا رغدا ؟؟؟؟
لا حول ولاقوة الا بالله
طوالي البرنس طلع صك ادخال النيران للاستاذ السر احمد قدور قدس الله سره !!!
انا ما شفت الفديو من كمبيوتر العمل وان شاء الله نفتحو في الموبايل بس متخيلو يكون اوبريت بتاع " أعز مكان وطني السودان" ولو ما هو بالله جيبوهو هنا عشان نصرف صك نيران جهنم من ابن عطبرة البرنس
طوالي البرنس طلع صك ادخال النيران للاستاذ السر احمد قدور قدس الله سره !!!
انا ما شفت الفديو من كمبيوتر العمل وان شاء الله نفتحو في الموبايل بس متخيلو يكون اوبريت بتاع " أعز مكان وطني السودان" ولو ما هو بالله جيبوهو هنا عشان نصرف صك نيران جهنم من ابن عطبرة البرنس
والله ما سمعت الفيديو لانوا انا في العمل لكن من الاشكال التمايل والمسخرة اغنية ما ممكن تكون تلاوة والسر قدور (قدس الله سره) دي عايزه شرح شوية ؟؟ كيف قدس الله سره ؟؟؟ يعني كالخميني والخاميني وحسن نصر الله ؟؟؟
Quote: الفهمتو من استدلالك بالآية والنتيجة التحتها إننا كفرنا بسبب الغناء عشان كدة جعنا طيب سؤال يا شيخنا الكافر البغني ولا البسمع ؟ وهل النسبة القارنتها بتاعة عدد الفنانين والمستمتعين بين الزمنين دي بتأثر على موقعنا في النار ؟
اقراء كويس يا شيخ (كفرت بأنعم الله) !!!! تركنا كل النعم والأراضي والمساحات والزراعة والعمل وتفرغنا للغناء دعك من امر الدين جنبا لو تكرمت !! وارنا رايك ما هو الأهم الزراعة والاهتمام بالبنيات التحتية للبلد او الغناء والصرف فيه ؟؟؟ ما هو الأهم في رايك ان نعمل او نجلس ونغني ؟؟؟ حسبنا الله ونعم الوكيل
Post: #19 Title: Re: ** كيه في اسياد الدقون الضلال والمتاسلمين** Author: أحمد محمد عمر Date: 02-26-2017, 10:49 AM Parent: #17
كيف أقرأ كويس ؟! انت موش سقت السر قدور من يدو ودخلتو النار ؟
Quote: اهو عجوز النار داك في رمضان لامي العطالة
بخصوص سؤالك الزراعة بتتعارض مع الغناء في شنو ؟ المانع شنو نزرع بالصباح ونغني بالمساء !
Post: #20 Title: Re: ** كيه في اسياد الدقون الضلال والمتاسلمين** Author: MOHAMMED ELSHEIKH Date: 02-26-2017, 11:28 AM Parent: #19
Quote: يعني كالخميني والخاميني وحسن نصر الله ؟؟؟
لا
كالسيد عبد القادر الجيلاني
Post: #21 Title: Re: ** كيه في اسياد الدقون الضلال والمتاسلمين** Author: محمد مجيدو Date: 02-26-2017, 02:09 PM Parent: #1
يا بت .. كدي شوفي المقطع دا .... نفس المجموعة مع تغيير الموقع ..
Post: #22 Title: Re: ** كيه في اسياد الدقون الضلال والمتاسلمين** Author: ابراهيم عبد الوهاب Date: 02-26-2017, 03:30 PM Parent: #1
قلنا ليكم الشباب عملتو حركات
اقعدو اتفرجوا في الشباب هو بعمل شنو
وضاحه العسل شكرن على الفيديو طبعا اتي في زمرة الشباب الزينا كدا
Post: #23 Title: Re: ** كيه في اسياد الدقون الضلال والمتاسلمين** Author: سيف النصر محي الدين Date: 02-26-2017, 04:06 PM Parent: #22
غايتو نضارتك دي موضتها انتهت في الستينات.
Post: #24 Title: Re: ** كيه في اسياد الدقون الضلال والمتاسلمين** Author: ابراهيم عبد الوهاب Date: 02-26-2017, 04:09 PM Parent: #23
قصدك اني من مواليد الخمسينات يا دكتور
انا ودكتورة وضاحة دفع واحدة مواليد التسعينات الموافق الجمعة
Post: #25 Title: Re: ** كيه في اسياد الدقون الضلال والمتاسلمين** Author: أحمد محمد عمر Date: 02-26-2017, 05:35 PM Parent: #24
بالنسبة للفيديو ياداب شفتو .. قبيل كنت في الشغل الشباب الفيه اغلبهم بتاعين ميديا عندهم قنوات على يوتيوب ميزت فيهم علاء الدين الشيخ صاحب قناة برنامج ضغط ومعاذ عثمان صاحب قناة داقي جرس والساخر سامر عثمان عندو صفحة فيسبوك نشطة جداً وبعمل فيديوهات مع قروب افهمنا وشفت برضو مهند الطاهر لاعب الهلال فقدت نجيب اسماعيل بتاع قناة جلطة .. فردتهم ومرات بعمل فيديوهات مشتركة مع علاء الشيخ
على فكرة اليوتيوب السوداني ما هين .. فيه ناس كتار واعدين أكثرهم تميزاً كان محمد فتحي بتاع برنامج يا اخوانا .. هسة رحل قناة سودانية 24 بعدو نجيب اسماعيل .. الزول دة ماشي مشي شديد وبيتطور مع كل حلقة .. علاء الدين الشيخ راجل راقي وفاهم وبحاول يوصل رسالة أبعد بكتير من السخرية
Quote: سلام يا وضاحة. تعليقك معبر جدا. والفيديو إبداع شديد. تحية الى هولاء الشباب في كل بقاع العالم
دينق يا حبيب اشواقات عساك عافية الفيديو رائع لانو بعبر عن التمازج الثقافي للشعب السوداني وبعبر عن وجه السودان الحقيقي السمح بدون ايدلوجيات مستورده وديل شبابنا البنراهن عليهم في المستقبل
